اولااحب اشكر جــــــودي علي التدبيسه دي
يعني اللي يخاف من تاج يلبسه
واحب اقول ان ده اول تاج جالي
وان شاء الله يكون الاخير
نرد بقي
استعنا عالشقا بالله
****
اسمك....؟
محـــمد علي ( ومحدش يقول محمد علي باشا ولا كلاي ولا الكبير)
المشهور بيه وسط اصحابك..؟
محمد برضه وفيه ناس بتقولي ( ابو علي ) مش عارف ليه
سنك...؟
يوم 30 مارس اللي فات كملت 27 سنه
مجال دراستك ؟
هندسة معماريه
اسم مدونتك ..؟
تخاريف ابو العريف
عندي مدونه تانيه مش هقولكو عليها
الصوره الرمزيه لمدونتك بتعبر عن ايه ...؟
ما بتعبرش عن حاجه ... انا حر احط الصوره اللي انا عايزها حد عنده اعتراض
بس هي عباره عن كلمة تخاريف من الشمال لليمين بخط ايدي طبعا
وفي الخلفيه عنين بتبص علي الحاجات اللي بحبها ومنها
( ابو تريكه -علم مصر -احمد اخويا )
ولوحة انسياب الحواس لسلفادور دالي
حد خد باله من حاجه من دووول
هل فكرت في اغلاق المدونه ؟ والسبب ..؟
طبعا
ونفذت كمان
دي مش مدونتي الاولي
لاني ما كنتش راضي عن الاولا نيه فغيرتها
وبعدين ان حد ملول بيزهق بسرعه
ولو حسيت ان معنديش اللي اقوله هولع في المدونه عادي يعني
تاني حاجه
حاجه (exclusive) عشان خاطر جودي
انا قررت اقفل مدونتي التانيه اللي قولتلكو عليها او علي الاقل اجمدها لحد ما اشوفلها حل
ودا لان بقي دمها تقيل وانا مقصر مش قادر اديها حقها
حد سأل علي اسمها
ايه رد فعلك لو حد قل ادبه عليك في تعليق ...؟
هو اولا دا ما حصلش واتمني انه ما يحصلش
بس انا غالبا هحذف التعليق لو هو مزود قلة الادب
او هقول نو كومنت زي بتوع السيما لو مش مزودها قوي
اسوء مدونه...؟
المدونات الكويسه هي اللي بتعلق مع الواحد
لكن العكس مش بيحصل
هيحصل ايه للايميل بتاعك لما تموت...؟
ما يولع اعمله ايه
ههههههههههههههه
انا هبقي فاضي للاميل
اديت الباسوورد بتاعك لحد ...؟
ييييييييييييييييه
نص مصر تقريبا معاها الباسوورد
لانه كان تاريخ ميلادي و نص اصحابي كانو عارفينه
وكمان مره اتسرق اد شهر كده وما كنتش بفتحه ساعتها ولما رجع لقيته مشتركلي
في منتديات امة لا اله الا الله
بس كان لازم احتفظ بيه لانه مع كل اصحابي حتي اللي بره مصر
السفر بالنسبالك ايه ...؟
ليه بس الاسأله اللي بتيجي الوجع دي
السفر.........غربه
وتجربه انا عايشها ..اكيد استفدت منها كتييير
في السفر سبع فوائد اول فايده انك ما تفكرش تسافر تاني
المود بتاعك ؟
دلوقت طول الوقت الواحد بيحس بحنين لكل حاجه في مصر
بتعمل ايه في وقت فراعك..؟
حاليا النت والتلفزيون لو فيه ماتش ولا حاجه
الاول . القراءه . والرسم . و الرغي مع اصحابي
كنت بحب قوي اقفل اوضتي علي واقعد اقرا في مجلة العربي والدستوور
الأكلة المفضله
انا مش اكيل قوي يعني ما عنديش حاجه مفضله
بس عندي لسته حاجات مش مفضله رغم اني باكلها عادي
الصفات اللي ورثتها عن والدك.؟
عارفين الجملة بتاعة ( اتقي شر الحليم اذا غضب ) اهي هي دي
الصفات اللي ورثتها عن والدتك ..؟
اي حاجه حلوه فيه تبقي منها
وخاصة الحنيه حكم انا حونين قوي
اكتر ست حاجات بتكرهها...؟
مش عارف هو اشمعني سته يعني
هههههههههه
الكدب
الخيانه
الناس اللي بوشين
( كده يبقي اربعه افتكر اللي اتنين وابقي اقولهم )
اكتر ست حاجات بتحبها...؟
اهلي
والكلمه دي يندرج تحتها حاجات كتير قوي منها
( روان -رقيه - عيلتي -اهلي - اصحابي - وحبايبي )
شخصيتك نوعها ايه....؟
( نوكيا وحش النص اللي هي بني برباط دي )
مش عارف بس انا حد هادي جدا
بحاول ابقي اجتماعي وايجابي اكتر من كده
لماذا دخلت عالم التدوين ...؟
طبعا لاني بحب اخرف كتيير فقلت الناس تشوف تخاريفي
والحقيقه انا كنت بسمع عن المدونات لكن اول مره كده اتكعبلت في مدونة ميوشه
وقريت البوست عجبني جدااا
ومنها الي العالم اللي بقي فيه ناس كتير جدا بعتبرهم اصحابي مع اني معرفش ولا حد فيهم
وبحبهم وبحترمهم جدااااا
اجمل كلمه اتقالت في وصف مدونتك.....؟
هي اي كلمه بتتقال بتسعدني جدااا
لكن فيه موقف حصل فرحت بيه قوي
ودا لما نزلت البوست بتاع عيد ميلاد روان وكنت حاطط صورة دبدوب كده هديه ليها
ومره وهي خارجه مع مامتها وفجأه مامتها لقيتها بتشدها عند محل وبتوريها الدبدوب
وتقولها دا الدبدوب اللي عمو محمد جابهولي وطبعا شبطت فيه وما مشيتش الا لما جابته
ولحد دلوقت مصره انا انا اللي جبته مش مامتها
أهمية التعليق بالنسبه ليك ؟
اي تعليق بيسعدني جداااا
وفيه ناس تعليقاتها بتهمني جدااااوببقي قاعد مستنيها
احسن بوست كتبته ....؟
هو انا كل اللي كتبتهم 9 بوست ودا العاشر
وطبعا ما فيهمش حاجه تقدر تقول عليها احس بوست كلهم عاديين جدا
بس فيه بوست انا بحبه قوي ودا طبعا اللي كان في عيد ميلاد روان
افضل بوست قرأته ...؟
كتييييييير..كل الناس اللي موجوده عندي في البلاك ليست (الحته الشمال يعني )
عندهم بوستات جامده جدا مقدرش احدد حد بعينه
بس مش هنسي البوست بتاع
مها لما اتشفطت قعدت اضحك كتيير جداا
كمان البوستات اللي سرقتها لما كنت حرامي
( مدونة امسك حرامي )
تمرر التاج لمين...؟
هو انا كان نفسي امرره لحد بحبه جدا بس هو اعتذر
وبما ان التاج دا تدبيسه يعني فانا نفسي ادبس ناس كتيير
ودا لاني بحبهم
بس انا همرره لاي حد ما وصلوش التاج في الناس اللي علي الشمال دي
**********
تحديث صغير كده وابن ناس
******
بما اني كنت بهدي التاج ده للناس اللي علي الشمال
وبعدين لقيت كل واحد بيعدي مخبي وشه وعامل مش واخد باله
قلت الكلام العايم دا ما ينفعش لا انا لازم احدد وبالاسم والعنوان كمان
بس عارفين اي حد هيكسفني ومش هيجاوب عليه
طبعا انتو عارفين اني كنت حرامي ولسه تايب قريب
ومستعد ارجع للاجرام تاني
ودول اللي الخلق اللي بيهديلهم التاااج
- مهـــــا زين
( انت اللي جبتي دا كله لنفسك )
- امينه
( موني ولا تزعلي ) اوعي تقولي لعمووووو لأ
-ميوشه
( لو ما عرفتيش تجاوبي غشي من اللي جمبك وما تبقيش فاشله )
- عتلم
( انا عارف ان مدونتك ملهاش في الجو ده بس اعملها وجاوب وليك مني هديه قيمه - صينية بطاطس )
_ منوش
( لو ما جاوبتيش هقتل تشفيده وابقي شوفي هتكملي ازاي )
- م/ احمد الضايع
( انا بقي عايز اعرف الاقيك )
- موجه
( اوعي تكسفيني ازعل قوي )
-افنان
(جاوبي يا فنونه)
-بس خلاص
( هما فعلا مافيش حد تاني بس هي اسمها كده....ولا يهمك )
اخيرا
اسف اني طولت
هناك 63 تعليقًا:
ياه دى التاجات دى حاجة صعبة
ربنا ما يوريك تانى .. ولا أناطبعاً
بس إنت جاوبت كويس على فكرة
ممكن تنجح
الناس دي بتلحق تعلق امتي
اممممممممممممم
طيب
انا قلت اعمل ذي الاطفال واقول انا الاولي وارجع اقرا
بس خلاص بقه
مبروك يا دكتور ياسر الفوز بالمركز الاول
ليا رجوع
هههههههههههههههه
اجابتك علي وضوع ايميلك ده فظيه
ما يولللللللع هو انا هبقه فاضيله
على رأيك هو ايه الهم ده
بعدين بقه دونا عن كل البوستات اللى قريتها عند الناس والحوادث اللى قريتها في كل جرايد الدنيا
ملاقيتش غير حادثة الشفط تفضحني بيها
طيب استر عليا
ده انا ياما سترت علي ناس كتير
عموما يا عم العجوز مش هقول غير
روح يا ابني وتعالا بسرعة
الا انت يعني مش حاطط لينك لقصة الشفطة ليه
يعني دونا عن كل المدونات اللى حاططها و الجو ده مصمم اني متشهرش واكل الج منك
طيب كنت ظبتني
اقول ايه في غل البشر
بخصوص بقه مدونة امسك حرامي بجد اي واز شوكد وين اي نو ذات
مش ممكن
دي كانت مدونة جميلة خالص
هي اه قلبت في الاخر سم ودم لما اهملت ومبقاش حد يعبرها
بس كانت جميلة اوي
بس ممكن تقولنا مين ابو سنوفة
لحسن كانت دمها عسل صراحة
ياختشي عليها
ربنا يرجعك بلدك بالسلامة
تاج رائع وجميل
وانت جاوبت بحرفنة
يا شيخ انت حدش قالك اني بحب التاجات اوي
اوف عليك
كنت اهديته ليا
مبقتنعش انا بجو الناس اللى في الجنب تحله
ببقه حسة اني رخمة لما باخده
روح يلا زود حتة في الاخر قول فيها بهدي التاجد لمها زين بس في الخباثة
عجيبة
تصدق بالله
اول ما قلت مدونة مش ها اقول اسمها قلت تبقى انت امسك حرامي
وزعلانة منك ومقهورة لأني طلبت معاك وظيفة وانت مرضيتش هههههههههههههههه
ثانيا كل اللي كتبته جميل ادي الواحد عرف مين هو ابو العريف
ثالثا ابو تريكة ها يروح الزمالك عاااااااااااااااااااااااااااااااا
حلوة لوحة سلفادور باشا .. هي فين بقى بالصلى ع النبي .. انا موش شايفة حاجة
وبالمناسبة اهديك اغنية العياط بتاعتي في السعودية
مشربتش من نيلها
نيهااااااااااااااااي
شخصيتك نوعها ايه....؟
( نوكيا وحش النص اللي هي بني برباط دي )
هههههههههههههههههههههههههههههههههه
ايه ده ياعموو
دمك شربات والله
بس ع فكره اجابتك رايقه ومتزنه كده
بس مش فاهمه ليه بتحب ترجع مصر
انت مارجعتش بقالك اد ايه
انا بحب اعد هنا اكتر الا ف الاجازه بقى
هناك بنطليك :d يعني بنطلق :D
هههههههه
كل تاج وانت طيب
مش مشكلة كان لازم إنى أكون أول حد يعلق بس مش غريبة معظم الناس اللى بعت لهم التاج فى حاجة صغنتوته بتبقى مشتركة بينا يعنى كاتب مصرى طلع بيحب محشى ورق العنب وانت بتحب مجلة العربى زيى بحبها مووت وأخويا محمد أصغر منى بسنة بيجبهالى كل شهر جميلة جدا..... آه فكرتنى ايه اتدبست دى طيب انت ماتعرفنيش هتاخد من ده كتييييييييييير ووعد منى كل تاج يجينى اول حد ههديه ليه هيكون انت ههههههههههه واشرب بقى
كنت ناوية ادبسك فى التاج ده بس ادبست فيه وخلاص حصل اللى حصل
بس المدونة التانية اسمها ايه بئا اوى تكون احاسيس
هههههههههههه زى مدونتى التانية
صحيح انا مكنتش اعرف ان اسم المدونة تخاريف وانا عملت المدونة بعدك لو عايز انا ممكن اغير اسم مدونتى
جميلة إجاباتك
ربنا يسعدك دايما
بالمناسبة أوعى تقفل مدونتك القديمة ولا حتى تجمدها دى بجد حلوووووووووووووووووووووة موووووووووووووووووووووت كمل فيها وياسيدى لو تعبت من سرقة الحاجات النفيسة ونفسك فى حاجة آه حرشة على راى طنط أم حسين ممكن تسرق من عندى
شوفت نسييييييييييت أهم حاجة فى الموضوع كله إنى أقولك كل سنة وانت طيب Happy birth day to you مش كنت تقول على الأقل كنا جبنا تورتة ولا جاتو حتى كده شكلنا مش حلو عموما يا سيدى عيد ميلادك الجاى نعملك party كبير ونعزم كل اللى انت تحبهم والأكل هدية منى منعاً للكوارث وحتى يتم الأمر بسلام وتكون حفلة مش حاجة تانية لقدر الله
كل شيجن انكشفن وبان
لالالا عرفنا عنك كل حاجه خلاص يا معلم
وبعدين انتا كان عيد ميلادك امبارح ومتقولش يا راجل ؟ ينفع كده ؟؟
عموما كل سنه وانتا طيب يابو العريف وعقبال 5484563459 سنه ونشوفك عجوز كده ومن غير سنان وساعتها انا اللى هعملك صينية بطاطس فى الفرن مدام نفسك فيها
والحمد لله ان ربنا تاب عليك من السرقه واعترفت انك كنت الحرامى يا معلم ... روح بأه اعمل عمره عشان اشوفك بالمره
ههههههههههههه
لا بجد اجاباتك جميلة بس حاسسك مش طايق نفسك
ههههههههههه
تقبل مروري
دمت بود
هههههههههههههه
بص ياابو على اللى هو مش محمد على كلاى
اولا انا مريت هنا وانا بدعبس على المدونين اصحابى اشوفهم كاتبين ايه ومن صفحة لصفحة وصلتلك
ورغم انى جالى تاج وانا مش بحب التيجان وجاوبته مغصوبة ربنا مايوريك صحابى حاجة لتشيفه خالص كنت هتعجن لو ماجابتش
بس انت اجاباتك تحفه ..وراها شخصية ودماغ ومرح وراها مهندس ...لالالالا...وراها ديكوريست..عارف تشيل ايه وتضيف ايه وماتحسش الكلام متزوء بالعكس بس تحسة بورتريه
تقبل مرورى يا ريس
عثثثثل
يالله باى مؤقتا لحد مااجى تانى
ملكة بحجابى
يااااااااااااااه مش معقول انت صاحبمدونتة احسك حرامي
كنت بحب ازورها جدا
بس يلا الف مبروك على التوبة هههههههههههههه
انت عارف يا محمد
التاج ده قرات اجاباته عند ناس كتير غيرك بس والله ماكانتش اجابتهم ظريفة وممتعه زي اجاباتك كده
واكتر جملة عجبتني دي
ان في السفر سبع فوائد اول فايده انك ما تفكرش تسافر تاني ههههههههه بجد اكتر فايدة الواحد اتعلمها
يلا هانت يافنونة كلها كذا شهر وتروحي بقى تستقري في مصر
معلش بصبر نفسي
وكمان عجبتني دي( نوكيا وحش النص اللي هي بني برباط دي )
دمك خفيف قوي مشاء الله
ومرسي على التدبيسة يلا ربنا يعين ولون شكلي هكتب في الاجابات كلها (لا يوجد رد)هههههههه
تقبل تحياتي وتقديري
يبقى انت يا ابو العريف مقريتش التحديث اللى عندى
اختك مريضة وعندى مرض معدى كمان
عاااااااااااااااا
بس التاج هتدبس فيه وامرى لله بس اول ما حالة الهرش تختفى.. احم احم (جدرى مش جرب يا جماعة)
أما بالنوسبة لموضوع التهديد دة
اخطفها يا اخويا وانا ادفعلك كل اللى حيلتى
اصل لسة عندى فى العائلة زوزون الحيزبون من نفس الصينف بعيد عنك
اقولك اخطف تشفيدة وخد عليها زوزون هدية
نياهاهاهااهاهاهاهاههع
استمتعت جداااااااااااااااااااااااااا وانا بقراه
ومت من الضحك علي الدبدوب بتاع روان هههههههه
وعلي مها اللي اتشفطت بجد البوست تحفه وموتني ساعتها من الضحك
كل سنه وانت طيب ربنا يسعد ايامك
بس بجد بجد انت حد دمه زى العسل وعجبنى ردك على التاج وكنت هموت من الضحك على الرد على سؤال الايميل ما يولع اعمله ايه
ههههههههههههههه
انا هبقي فاضي للاميل
وتصد قبايه ياراجل طيب والنعمه وحياة صينية البطاطس اللى قعدت تستوى ثلاث سنوات انا كان قلبى حاسس ان انت الحرامى اه والله العظيم يابو على لان خفة دمك واسلوبك ونفس الروح كانت فيها
د. ياسر عمر عبد الفتاح
فعلا يا دكتور والله حاجه صعبه جداااا
انا جاوبت كويس
ممكن اجيب مجموع
وادخل معهد التلحين تحت الميه
maha zein
طبعا انا عمري ما هنسالك الشفطه دي
وبعدين ولا تزعلي ياستي انا نزلت اللينك
يالا اتشهري يا ستي
اديني بسيحلك في اشهر مدونه اول اوفر ذا ورلد
بس ايه حكاية العجوز دي
انا اينعم شعري شاب
بس لسه صغنن
وبخصوص ابو سنوفه
انا بس حد تاني يسألني عليها زانا اول علي طوووول
كمان اديني بعتلك التاج
جاوبي بقي
وكمان عملت تحديث مخصوص علشانك
ياكشي نعرف نجاوب
علي فكره انت ما بتعبرينيش ليه
هه
ولا يعني من ساعة ما اتغردقتي اتغريتي علينا
ستيته حسب الله الحمش
ما تزعليش يا ستوته
ولا تتقهري
اهو ربنا انتقملك مني
والمدونه جات ضرفها
نعم ابو تريكه يروح فين
الزمالك هو اللي ممكن ييجي لابو تريكه
هو ما بيروحش لحد
دا اكتر واحد جاب اجوان فيهم
وبعدين حتي لو راح المريخ
انا بشجعه هو
اما بخصوص الحاج سلفادور دالي
لو دققتي كويس هتشوفي حته من الساعه اللي هي سايحه دي
MǿиY El-Shreef
توته
انا لسه جاي من 8 شهور
كأنهم 80000000 سنه
البت توته اللي في مصر
اللي هي روان وحشتني قوي
وكل حاجه في مصر
انا مش بتاع سفر اساسا
تحياتي
عموووووووووووو
(Joudy)
نااااعاام
تاني
بس انا مبسوط انك بتحبي مجله العربي
لاني بحبها ومش لاقيها من يوم ما جيت
كل سنه وكل البشر طيبين
اما بخصوص الحفله
انا مستعد اغزم كل البشر
علي بطاطس
ايوشة
لا يا ستي جودي سبقتك ودبستني
اما بخصوص اسم المدونه التانيه
انا قلته
امسك حرامي
لكن بالنسبه لتخاريفك
لا ما تغيريهاش
كل واحد يخرف براحته
وانا هبقي اجي اخرف معاكي علي طووووول
mohamed ghalia
شكرا يا باشا
نورتني
ولا يهمك قولى بس على المواضيع اللى بتحبها فى المجلة وأنا هعملك أرشيف بالمقالات اللى اتكتبت من ساعة ما سافرت إلى الآن انت بس تأمر..... بس غريبة دى انك مش لاقيها فى السعودية ده مكتوب فيها إن ليها وكيل فى السعودية ولو عايز البيانات أنا ممكن أعطيها لك
محمد عتلم
وانت طيب يا معلم
ومقبوله منك البطاطس
بس ياريت تجيبها دلوقت
لسه هتستني لما اعجز
كمان انا تبت وان شاء الله اجي اعمل عمره قريب
واكيد هشوفك بأذن الله
طبعا يا معلم انت ادبست في التاج
وهنستني نشوف اجاباتك البوست الجااااي
عايز نعرف كل حاجه عنك ياريس
عمرو وجيه
هههههههههههه
يعني بزمتك دي شخصيه حد يطيق يقعد معاها يومين
انا مستحملها من 27 سنه
الله يكون في عوني
ملكة بحجابى
ايه دا كله
لا انا ما استحقش كل ده والله
مهندس
وديكوريست
بورتريه
لا انا مقدرش علي كده
نورتيني
ابو مووووووووووووووووووووووووووووووووووووته
أزيك يا راجل انت مش ناوى ترجع للاجرام تانى ليه؟؟
انت عارف لو بطلت اجرام هسلط عليك سكسكة وولاد ابو اسماعيل كماااااااااااااااان وابو سنوفه الى معلق ومتنكر!!!
عارف انا زيك كدة شخصية ملولة جدااااااااااا بس مش لدرجةانى اوقف اجرام وكدة بليز مش توقف امسك حرامى بجد دمها خفيف جدااااااااااااا
عووووووووووووووووووووو
fnoonh
الله يبارك فيكي
انا اساسا كنت حرامي فاشل
متشكر قوي علي رأيك
طبعا ربنا يرجعك بالسلامه
وتستقري في مصر كده
البوست اللي جاي ان شاء الله فيه حاجه عشام اللي مغتربين
امممممممممممممممممسك حرامي
بقي انت الحرامي ياجدع انا كنت لسه هعلق عند مها ولقيت تعليقك ومدنتي التانيه ومعرفش ايه قلت بس هو ده الحرامي ياشيخ دوختنا وانا كان نفسي اعرف مين صاحب الفكره دي بس بجد فكره جميله جدا واوعي تمسح المدونه بس انت مش فضلها شويه بس متمسحهاش
بالنسبه لاجابتك عسوله خالص ودمها خفيف
وربنا يرجعك بلدك بالسلامه
ياتري روان عاماله ايه دلوقت؟
كل سنه وانت طيب بمناسبه اي حاجه وخلاص
تحياتي
MaNoOoSh
لا قريت التحديث
بس انا معنديش ياما ارحميني
حرامي قديم بقي
لازم تجاوبي
وبعدين بسيطه
جاوبي سؤال واهرشي شويه
هرشتيلي دماغي
ايه الناس اللي ما بتتهددش دي
اعمل ايه انا طيب
كيــــــــــــارا
يا مرحبا يا مرحبا
انا باحب ازور مدونتك ساعات تبقي مفتوحه وساعاتلا
مش عارف النت اللي بيهيس ولا هي كده فعلا
عموما نورتيني ومتشكر جدااا علي رأيك
روان دي بت دماغ مش طفله عندها اربع سنيت بس
بتعمل حاجات غريبه
بس خلاص ...
ولا يهمك
ال كنت حاسه ال
هو حد كان هيعرف الحرامي ابدا
طاب ايه رأيك انا مش الحرامي
بس حبيت اكشفه فقلت اعمل نفسي هو واشوف رد فعله
بس
خلاص
لا مش بس
انت ما قولتيش ايه رايك انا اهديتك التاج
اوعي ما تجاوبيش
انا ممكن ارجع للاجرااام تاني
هي بقالها كدا اسبوع مقفووووووله
(Joudy)
انا اساسا كنت بحب اقرا كل حاجه في المجله
شهر بقي ما وراييش غيرها
اقعد اقلب فيها الاقي موضوع ما قريتوش اقراه
وكنت بشتريها حتي لو مش فاضي اقراها
انا موصي اخويا يجيبها كل شهر عشان اما ارجع ابقي اقراها
مالقيتهاش والله دورت كتييير
كيــــــــــــارا
طاب وايه
مش هتفتحيها ولا ايه
طاب انا كنت حرامي وتبت
انت هتقفليها ليه
يالا يا شيخه رجعيها
تؤتؤتؤ حاليا لا خالص ممكن ارجعها بعد 6 شهور بعد سنه ربنا يديني ويديك طوله العمر
انا هكتفي اني ارد واتابع :)
كيكى
اهلا بكيكي عندنا
تعرفي انك انت السبب اساسا اني فكرت اعمل المدونه دي
انت وميوشه
وبعدين انا كنت عامل الاعلان عشان تنضمي للعصابه بما انك وش اجرام
وانت نفضتي
بس شكلك عرفتي ابو سنووووفه
اللي معلق ومتنكر
انا هقول عليها بس مستني حد يسألني
اما بخصزص قفلها
انا فعلا بقي دمي تقيل لو حد عايز يكمل فيها وعالمكشوف بقي
ما عنديش مشكله
بس انا شكلي حرامي فاشل
تحياتي ليكي
سمكه واحده
( بتقربنا كلنا )
بتفكريني باعلان المصريه للاتصالات
ههههههههههههه
روان بتسلم عليكي
هي مش مقتنعه ان السمك بيتكلم لما بحكيلها حدوته
هجيبها عندك عشان اثبتلها
انه بيتكلم وعنده مدونه جامده كمان
كل سنه وانت طيبه
كيــــــــــــارا
ربنا يرجعك بالسلامه
وعلي الله يكون المانع خير
ما كناش عايزين نتحرم من
مدونتك الجميله
ربنا يوفقك
ربنا يخليك يارب
وميرسي لكلامك
كدة برضو يابو العريف
تعبت من المفاجأة بجد
بقى انت تطلع الحرامى؟؟؟؟
مكنتش مبين وعامل حنين مكفاية بقى تمثيل
اه ياحرامى
ماشى
ده اولا
ثانيا بالنسبة للتدبيسة اللى دبستهالى فى التاج
فانا مش هكسفك
بس اعذرنى الايام دى لانى مشغولة جدا يا بو العريف والله
اول بوست هنزلة بعد ما قريت التاج هيكون الاجابة
عليه انشاء الله
موجة
اي خدمه
احنا بتوع المفاجات
طبعا الناس كلها خافت مني اول ما عرفوا ان انا الحرامي
ومحدش يقدر يكسفني
اوعي
ازعل
جميلة اجباتك اخى
وبجد عجبتنى شخصيتك
بس ايه الميل اللى كلمة الر بتاعته مع الشعب
المصرى دى دا كدا بقيت انترناشونال
ههههههههههههههههه
ربنا يوفقك ويحقق لك كل احلام
اختك
smilyrose
وردشان
روح الحب الصادق
بجد احلى حاجة فى التاج دة انه بيعرفنا على كل واحد فى عالم التدوين اللى بعتبره عالم جميل وصحبة طيبة ..
وجاباتك حلوة اوى وروحها خفيفة وجميلة .
ايه الكلام الجامد ده؟؟؟؟؟
متشكره جدا لسؤالك عليا الفتره اللي فاتت
بس انا بنزل بوست كل يوم خميس
يارب بجد تتابعنب باستمرار
روح بقى اقرى البوست الجديد هيعجبك
ازيك
كنت حاسه انك الحرامى على فكره وحاسه مين ابوسنوفه كمان :)
دمك خفيف زى العاده بس مش عارفه اعلق مش عارفه ليه مع انى كنت مستنياك تجاوب على اى تاج لانى كنت حابه اعرفك
بس معنديش كلام يمكن لانى لسه صاحيه ومتنحه؟
بس لازم اقول ربنا يخليلك اهلك وروان ورقيه واصحابك وحبايبك يارب
سلام
إجاباتك منطقية يا أبو العريف
متقلقش هاتنجح ان شاء الله
بس متنساش تقولنا عن النتيجة :d
ما شاء الله مدونتك حلوة ربنا يباركلك فيها
smilyrose
متشكر جداا
دايما كده رافعه من روحي المعدنيه
ايوه طبعا هو فيه حاجه بتستخبي
لازم كل البشر يبقي عارفين ايميلات بعضيهم
هههههههه
نبض الحياة
فعلا التاجات بتعرفنا علي بعض اكتر
والواحد بيقدر يعرف التاني بيفكر ازاي
وشايف نفسه ازاي
تحياتي
ههههههههههههههه
مبروك التاج
لذيذ جدا ودمه خفيف
عقبال كل تاج ان شاء الله
مدونة امسك حرامى كانت جميلة فعلا .. كنت شوفتها ايام بوست خيخة
خالص ودى
سالى
بصراحة إجاباتك دمها خفيف جدا ربنا يديم عليك شخصيتك المرحة دى وأنا سعيد جدا لأنك بتحب مجلة العربى زيى وبصراحة أنا كمان بشتريها كل شهر وبحب أقرأ موضوعتها كلها أما Joudy أختى فتحب تقرأ موضوعات بعنها زى القصص والأشعار وتشوف أى صور فتوغرافيا لأنها بتحب التصوير جدا أما أنا بحبها وكمان بحب الملحق العلمى اللى بيكون معاها
تقبل مرورى واتمنى أكون ضيف ذو نسمة تغدوا عليك بريح طيب
تقبل مرورى
عاااااااااااااااا
حتى انت يا أبا العريف
بقى انت الحراااااامى.. والله لأبلغ عنك
بس بجد بجد إنت عايز تقفلها؟؟
ليه دى كانت حلوة جدا وفكرة هايلة
انت بس اللى اهملتها فى الايام الاخرانية دى
ماهو سيادتك لو كنت سرقتنى مكنتش هتحتاس الحوسة دى كلها
هههههههههههههههههه
بس بجد ما تحاولش تقفلها بقى
لإن بصراحة يعنى شخصية الحرامى لايقة عليك اوى
نيهاهاهاهاهاهاها
اولا بقى ربنا يرجعك بالسلامة
ثانيا انا حبيت البت روان دى جدا جدا حتى من قبل ما اشوفها
ثالثا .. ايه الشخصية اللى ما يعلم بيها الا ربنا دى.. هههههههههههه . شخصية شخصية يعنى مش اى كلام.. لأ وبرباط كمان!!
اخر حاجة شكرا على التدبيسة .. وابقى تعالالى المدونة علشان تتقبل اعتذارى بخصوص التأخير
ههههههههههههههه
سلاموووووز
شباك موارب
متشكر جدا
انت اللي اسلوبك جميل وبسيط
ولازم طبعا اتابع كل خميس
نورتيني جداااا
تحياتي
نـــــــــــــور
طيب يا ستي لما تفوقي كده
وتقومي من شهر النووووووم اللي انت فيه ده
من الغيبوبه دي
من التتنيحه دي
ابقي تعالي
انا مستنيكي
سمو الامير
هنجح ايه ياعم
دا المراقب كان مشدد قوي ما عرفتش اغش ايها حاجه
نورتني
تحياتي
7agat-gowaya
متشكر جدااا
بس كل تاج ايه
هو انا هتدبس تاني
انا حرمت
نورتيني
king of shy
متشكر جدا يا محمد
انا اسعد بمعرفتك
يالا يا عم شيل الاعداد القديمه عشان ابقي استلفهم منك
لو كان اخويا منفض ولا حاجه
maiosha
هههههههههههه
لا بلغي براحتك
انا تبت وهقفل المدونه كمان
وبعدين انا كنت عاملها مخصوص عشان اسرقك
بس يظهر انك محصنه
المدونه اتقفلت وانت ما اتسرقتيش
وبعدين انا كنت عايزك في العصابه بس انت اللي تفضتي
مش عارفه ليه كان عندي احساس ان حضرتك الي كنت الحرامي والله بجد يمكن من كلامك عند الناس وكتباتك هنا توقعتها بس كويس اني لسه شاطرة في حاجه وهي التخمين
اجابتك دمها خفيف اوي اوي
والحمد لله ان اسمي مش مكتوب اول زياره وباذن الله مش الاخيرة
مودتي
ايه يا جدع انت ده
من ساعة ما بعت التاج والنت فصل
بعدين جه النهاردة بس بلوجر بايظ عنيد خالص
يعني مش عارفة اكتب اي بوست
اعمل فيك ايه
انت مدهولي وانت مش راضي علي فكرة
نفسك شايلة
يا عم خده خلاص بس نتي يرجعلي
استرها عليا يا رب
إرسال تعليق