الأحد، مارس 01، 2009

بنوته ............. رسم(او شخبطه)

النهارده بقي هغير نشاطي
من فتره كده كنت استلفت حبة صور من مدونة الفنان الجميل محمد عتلم
وقلت انا هرسمهم وارجعهم تاني ودي بقي اول محاوله (فيروز)
(عتلم انا حاولت اخليها تضحك زي الصوره ما عرفتش شكلك مزعلها يا معلم )
عموما اللي عايز يشوف الصوره اللي هي الاصل يعني يروح يشوفها
بس ييجي تاني عشان يقولي رأيه
يارب تعجبكم

هناك 39 تعليقًا:

Habiba يقول...

انا شفت الاصل والصوره على فكره
سيبك من ان الواد زى القمر وسكر جدا ومش عارفه عتلم جابه منين؟ بس بجد بجد بجد
وربنا قلمك هايل
يمكن انا مبسوطه بيها اوى لانها بالقلم الرصاص وانا بحب رسومات القلم الرصاص :)

بس فين الضحكه بتاعت الوادهنا امممممممم
دى احلى حاجه فى الصوره p:

Habiba يقول...
أزال المؤلف هذا التعليق.
Habiba يقول...

وبعدين انت غيرت نشاطك؟
هو انت شعر نلاقيك رغى نلاقيك رسم نلاقيك !!!!
اييييييييييه
مش بعيد بكره الاقيك بتبيع حشيش فى المدونه :))

ستيته حسب الله الحمش يقول...

ايه رأيك انا مشفتش الصورة الأصلية وعجبني الرسمة جدا جدا
وكلها برائة وشقاوة وتجنن
تسلم ايدك

BAsMA يقول...

الصورة جميييييييييله
ورسمك فيه احساس عالى

محمد عتلم يقول...

ابو العريف
ايه ياعم الصياعه دى انتا بترسم حلو والله العظيم بس انتا مزعل البت فى الصوره كده ليه ولا يمكن عشان مش واخده عليك ؟ بس والله بجد تسلم ايدك . ابعتلى الرسمه دى على الميل بحجم معقول عشان احتفظ بيها يا معلم . ومتنساش تقول لحبيبه اللى علقت اول وتانى تعليق ان اللى فى الصوره بنت مش واد واسمها فيروز عتلم ودى تبقى بنت اخويا
وفيه ملحوظه صغيره كده أد الفيل .... شيل كلمة مصوراتى وحط بدالها كلمة مصور عشان بينهم فرق كبير
فى المعنى.... اشطه

iBRAHiM sAllAm يقول...

السلام عليكم و رحمة الله و براكته ,

كيف أحوالك يا باشمهندس :) ,

عيى ما شر و تكون بصحة و آخر تمام :)

بالنسبة للصورة ...
احم احم , أصل أنا لي موقف ( شرعي ) من الصور المرسومة يدويا , احتمال كبير ما يعجبكش :( ,

تحيتي

موجة يقول...

ابو العريف
انت بجد طلعت ابو العريف
انت اللى راسمها دى
برافووووووووووو
بس اوعى تعمل زى ما البنت حبيبة بتقولك انك تبيع حشيش فى المدونة
اقولك لو بعت هاجى اقاسمك الربح بس
ماليش دعوة
بالنص
هه بس

أبو العريف يقول...

Habiba
اولا ياحجه دي مش ولد
دي بنوته زي القمر
مش تقري اللي مكتوب الاول
ايه دااااه
اه بخانق
اصلي عمها زعل ومقدم اعتراااض اد كده

نعم حشيش
لو هتشتري مني ممكن اعملها
هه
بس

أبو العريف يقول...

ستيته حسب الله الحمش

شكرا يا باشا
بس الصوره الاصليه تجنن
روحي شوفيها

بس من غير مقارنه
احسن ابقي في الضياع كده

أبو العريف يقول...

BAsMA
متشكرقوي
انت اللي احساسك بيها عالي
لانه احساسك جميل

أبو العريف يقول...

محمد عتلم

انا برده اللي مزعلها
انت يا معلم اللي شكلك مزعلها يا ريس
انا حاولت اخليها تضحك مش راضيه ابدا

ماشي ياريس هبعتلك الصوره
ولو اقدر ابعتلك اللوحه نفسها كنت بعتها بس للاسف انا موجود دلوقت في السعوديه مش في مصر

ملاحظاتك اوامر يا معلم

أبو العريف يقول...

iBRAHiM sAllAm
مشكور يا باشا
وبعدين ولا يهمك

أبو العريف يقول...

موجة

فينا من كده
انت بصالي ف السبوبه
ولا ايه
لا مش بالنص طبعا
شكرا يا موجه

اسماء واحلام فى وجدانى يقول...

كان نفسى اطلع رسام

انا فى الاول افتكرتك عاملها فوتوشوب ولكن بعد كده

اتضح لى الامر

ويريت تسمحلى اهزر معاك شوية

انا اعرف رسامين كتير اوى

بس للاسف مش على الورق

تصدق بيرسموه على البشر نفسها

محمد عتلم يقول...
أزال المؤلف هذا التعليق.
حقودي يقول...

اللهم أجعله حقد يعني
الصورة طبق الاصل
جامد ياابني والله
ولولا الفضايح انا كنت بعتلك صورتي عشان ترسمها
واهه كله بتمنه
أبسط ياعم هتشتغل
أيه الحقد ده يا بوب
كفايه كده علي الواد
ماشي
كفاية
هنرحمك شوية
سلام يا جميل

Habiba يقول...

اسفه ياعم رحت اعتذرت لعمها
وربنا قريت وربنا قريت بس كأنى كنت بقرا بدماغ وبعلق بدماغ تانيه خالص

انت عايز تبيعلى حشيش ياابو العريف؟
انت عايز تبوظ اخلاقى؟
مش هرد عليك
هسيبك للزمن على رأى ثومه

هــــــــــــايدي يقول...

بجد انا شوفت الصوره انتى رسماها جميله جدا
وهى قريب اوى من الاصل

akeed يقول...

صورة جميلة ومدونة جميلة
انا كنت برسم منذ فترة
مدونة جميلة
ادعوكى لزيارة المدونة خاصتى

أبو العريف يقول...

اسماء واحلام فى وجدانى
ماشي يا عم الحج هزر براحتك
علي فكره انا كمان افكرها فوتوشوب

لا مش بعرف ارسم خالص

أبو العريف يقول...

حقودي

ماشي يا باشا
ابعت الصوره ياله
بس انت الجاني علي نفسك
هشردك

سلام يا باشا

أبو العريف يقول...

هــــــــــــايدي
متشكر جدا علي زوقك
بس انا راسمها مش رسماها

والله انا راجل

أبو العريف يقول...

akeed
متشكر جدا
انا جاي ازورك اهو
بس يا جماعه انا اسمي ابو العريف مش ام العريف

بس خلاص ... يقول...

ايوه كده ياهندسه اتحفنا وطلع المواهب وفرجنا
حلوة قوى قوى بجد فنان يابو العريف
استخدامك للجرافيك فىتدرج رائع فعلا رسم القلم الرصاص اكثر حاجة بتظهر الفنان المتمكن من ادواته
فى انتظار جديدك دايما ياهندسه

أميرة الجنة يقول...

ازيك يا ابو العريف الصورة بتاعك من قبل ما اشوف الاصل عند عتلم تحفة وجميلة جدا ولما شوفت الاصل كانت رووعة والدونة بتاعه عجبتنى فكرتها جدا بس متخافش مستنين ابداعاتك

أبو العريف يقول...

بس خلاص
متشكر قوي
يا باشا
انا فعلا بحب الرصاص جداا
بس دي محاوله علي قدي مش اكتر

أبو العريف يقول...

اميرة الجنه
شكرا يا اميره
بس فعلا مدونةعتلم جامده جدااا
وكمان مختلفه
بيدور في دايره لوحده
محدش يقدر ينافسه
لانه حاجه متفرده

شخـا بيــط مـحـجـوب يقول...

تحباتى ليك

مدونتك جميلة والمدونة الثانية ايضا

تحياتى وتقبل مرورى

شخابيط mahgoub

dodda يقول...

مش مصدقه نفسى

انا عرفت انها صورة فيروز واستغربت اوى مين اللى راسمها ده يا ترى يعرفها والا بس شدت انتباهه برقتها وطفولتها وجمالها
ربنا يحميها

انا عندى كام صوره ليها وحاخد دى كمان مع انها زعلانه شويه
يا اخى كنت هاتلها شكولاته

برافو عليك رسمك حلو...
وجميل انها بالفحم
زى ما عتلم بيصور ابيض واسود

gana magde يقول...

جميله وبرسئه جدا
تحياتى

كيــــــــــــارا يقول...

جميله ماشاء الله

الحرامي يقول...
أزال المؤلف هذا التعليق.
أبو العريف يقول...

محجوب
شكرا يا باشا
تحياتي ليك

أبو العريف يقول...

dodda
الحقيقه انا معرفهاش
بس فعلا شدت انتباهي بكل اللي انت قولتيه ده
معرفتش اضحكها
عمها يظهر مزعلها

أبو العريف يقول...

gana magde
شكرا يا باشا
بس هي بنوته عسل والله
ربنا يخليها لعتلم

أبو العريف يقول...

كيــــــــــــارا
متشكر قوي
انا سعيد قوي بزيارتك

maha zein يقول...

ايه ده
والله انا قريت البوست ده وعلقت كمان
بس الظاهر حصل حاجة وانا بعلق ضيعت التعليق
يا شيخ اتقي الله
ده انا بستنا تنزل بوست عشان اجي اقراه واعلق وارخم
ادعي عليك
هه
ما ترد
روح كده
بلا بتاع بقه

أبو العريف يقول...

maha zein
بقي كده
طاب مش رادد بقي
هه
بس
وبعدين انا نسيت اقول حاجه
لما كنت في الغردقه
اخدتي معاكي المروحه اياها
اصل الميه اللي ف البحر اتشفطت
انا مش هنسالك الشفطه دي والله العظيم