النهارده بقي هغير نشاطي
من فتره كده كنت استلفت حبة صور من مدونة الفنان الجميل محمد عتلم
وقلت انا هرسمهم وارجعهم تاني ودي بقي اول محاوله (فيروز)
(عتلم انا حاولت اخليها تضحك زي الصوره ما عرفتش شكلك مزعلها يا معلم )
عموما اللي عايز يشوف الصوره اللي هي الاصل يعني يروح يشوفها
بس ييجي تاني عشان يقولي رأيه
يارب تعجبكم
هناك 39 تعليقًا:
انا شفت الاصل والصوره على فكره
سيبك من ان الواد زى القمر وسكر جدا ومش عارفه عتلم جابه منين؟ بس بجد بجد بجد
وربنا قلمك هايل
يمكن انا مبسوطه بيها اوى لانها بالقلم الرصاص وانا بحب رسومات القلم الرصاص :)
بس فين الضحكه بتاعت الوادهنا امممممممم
دى احلى حاجه فى الصوره p:
وبعدين انت غيرت نشاطك؟
هو انت شعر نلاقيك رغى نلاقيك رسم نلاقيك !!!!
اييييييييييه
مش بعيد بكره الاقيك بتبيع حشيش فى المدونه :))
ايه رأيك انا مشفتش الصورة الأصلية وعجبني الرسمة جدا جدا
وكلها برائة وشقاوة وتجنن
تسلم ايدك
الصورة جميييييييييله
ورسمك فيه احساس عالى
ابو العريف
ايه ياعم الصياعه دى انتا بترسم حلو والله العظيم بس انتا مزعل البت فى الصوره كده ليه ولا يمكن عشان مش واخده عليك ؟ بس والله بجد تسلم ايدك . ابعتلى الرسمه دى على الميل بحجم معقول عشان احتفظ بيها يا معلم . ومتنساش تقول لحبيبه اللى علقت اول وتانى تعليق ان اللى فى الصوره بنت مش واد واسمها فيروز عتلم ودى تبقى بنت اخويا
وفيه ملحوظه صغيره كده أد الفيل .... شيل كلمة مصوراتى وحط بدالها كلمة مصور عشان بينهم فرق كبير
فى المعنى.... اشطه
السلام عليكم و رحمة الله و براكته ,
كيف أحوالك يا باشمهندس :) ,
عيى ما شر و تكون بصحة و آخر تمام :)
بالنسبة للصورة ...
احم احم , أصل أنا لي موقف ( شرعي ) من الصور المرسومة يدويا , احتمال كبير ما يعجبكش :( ,
تحيتي
ابو العريف
انت بجد طلعت ابو العريف
انت اللى راسمها دى
برافووووووووووو
بس اوعى تعمل زى ما البنت حبيبة بتقولك انك تبيع حشيش فى المدونة
اقولك لو بعت هاجى اقاسمك الربح بس
ماليش دعوة
بالنص
هه بس
Habiba
اولا ياحجه دي مش ولد
دي بنوته زي القمر
مش تقري اللي مكتوب الاول
ايه دااااه
اه بخانق
اصلي عمها زعل ومقدم اعتراااض اد كده
نعم حشيش
لو هتشتري مني ممكن اعملها
هه
بس
ستيته حسب الله الحمش
شكرا يا باشا
بس الصوره الاصليه تجنن
روحي شوفيها
بس من غير مقارنه
احسن ابقي في الضياع كده
BAsMA
متشكرقوي
انت اللي احساسك بيها عالي
لانه احساسك جميل
محمد عتلم
انا برده اللي مزعلها
انت يا معلم اللي شكلك مزعلها يا ريس
انا حاولت اخليها تضحك مش راضيه ابدا
ماشي ياريس هبعتلك الصوره
ولو اقدر ابعتلك اللوحه نفسها كنت بعتها بس للاسف انا موجود دلوقت في السعوديه مش في مصر
ملاحظاتك اوامر يا معلم
iBRAHiM sAllAm
مشكور يا باشا
وبعدين ولا يهمك
موجة
فينا من كده
انت بصالي ف السبوبه
ولا ايه
لا مش بالنص طبعا
شكرا يا موجه
كان نفسى اطلع رسام
انا فى الاول افتكرتك عاملها فوتوشوب ولكن بعد كده
اتضح لى الامر
ويريت تسمحلى اهزر معاك شوية
انا اعرف رسامين كتير اوى
بس للاسف مش على الورق
تصدق بيرسموه على البشر نفسها
اللهم أجعله حقد يعني
الصورة طبق الاصل
جامد ياابني والله
ولولا الفضايح انا كنت بعتلك صورتي عشان ترسمها
واهه كله بتمنه
أبسط ياعم هتشتغل
أيه الحقد ده يا بوب
كفايه كده علي الواد
ماشي
كفاية
هنرحمك شوية
سلام يا جميل
اسفه ياعم رحت اعتذرت لعمها
وربنا قريت وربنا قريت بس كأنى كنت بقرا بدماغ وبعلق بدماغ تانيه خالص
انت عايز تبيعلى حشيش ياابو العريف؟
انت عايز تبوظ اخلاقى؟
مش هرد عليك
هسيبك للزمن على رأى ثومه
بجد انا شوفت الصوره انتى رسماها جميله جدا
وهى قريب اوى من الاصل
صورة جميلة ومدونة جميلة
انا كنت برسم منذ فترة
مدونة جميلة
ادعوكى لزيارة المدونة خاصتى
اسماء واحلام فى وجدانى
ماشي يا عم الحج هزر براحتك
علي فكره انا كمان افكرها فوتوشوب
لا مش بعرف ارسم خالص
حقودي
ماشي يا باشا
ابعت الصوره ياله
بس انت الجاني علي نفسك
هشردك
سلام يا باشا
هــــــــــــايدي
متشكر جدا علي زوقك
بس انا راسمها مش رسماها
والله انا راجل
akeed
متشكر جدا
انا جاي ازورك اهو
بس يا جماعه انا اسمي ابو العريف مش ام العريف
ايوه كده ياهندسه اتحفنا وطلع المواهب وفرجنا
حلوة قوى قوى بجد فنان يابو العريف
استخدامك للجرافيك فىتدرج رائع فعلا رسم القلم الرصاص اكثر حاجة بتظهر الفنان المتمكن من ادواته
فى انتظار جديدك دايما ياهندسه
ازيك يا ابو العريف الصورة بتاعك من قبل ما اشوف الاصل عند عتلم تحفة وجميلة جدا ولما شوفت الاصل كانت رووعة والدونة بتاعه عجبتنى فكرتها جدا بس متخافش مستنين ابداعاتك
بس خلاص
متشكر قوي
يا باشا
انا فعلا بحب الرصاص جداا
بس دي محاوله علي قدي مش اكتر
اميرة الجنه
شكرا يا اميره
بس فعلا مدونةعتلم جامده جدااا
وكمان مختلفه
بيدور في دايره لوحده
محدش يقدر ينافسه
لانه حاجه متفرده
تحباتى ليك
مدونتك جميلة والمدونة الثانية ايضا
تحياتى وتقبل مرورى
شخابيط mahgoub
مش مصدقه نفسى
انا عرفت انها صورة فيروز واستغربت اوى مين اللى راسمها ده يا ترى يعرفها والا بس شدت انتباهه برقتها وطفولتها وجمالها
ربنا يحميها
انا عندى كام صوره ليها وحاخد دى كمان مع انها زعلانه شويه
يا اخى كنت هاتلها شكولاته
برافو عليك رسمك حلو...
وجميل انها بالفحم
زى ما عتلم بيصور ابيض واسود
جميله وبرسئه جدا
تحياتى
جميله ماشاء الله
محجوب
شكرا يا باشا
تحياتي ليك
dodda
الحقيقه انا معرفهاش
بس فعلا شدت انتباهي بكل اللي انت قولتيه ده
معرفتش اضحكها
عمها يظهر مزعلها
gana magde
شكرا يا باشا
بس هي بنوته عسل والله
ربنا يخليها لعتلم
كيــــــــــــارا
متشكر قوي
انا سعيد قوي بزيارتك
ايه ده
والله انا قريت البوست ده وعلقت كمان
بس الظاهر حصل حاجة وانا بعلق ضيعت التعليق
يا شيخ اتقي الله
ده انا بستنا تنزل بوست عشان اجي اقراه واعلق وارخم
ادعي عليك
هه
ما ترد
روح كده
بلا بتاع بقه
maha zein
بقي كده
طاب مش رادد بقي
هه
بس
وبعدين انا نسيت اقول حاجه
لما كنت في الغردقه
اخدتي معاكي المروحه اياها
اصل الميه اللي ف البحر اتشفطت
انا مش هنسالك الشفطه دي والله العظيم
إرسال تعليق