الثلاثاء، مارس 24، 2009

ما بين جفنك والورق

دي بقي تصبيره لحد ما البطاطس تخرج من الفرن ونشوف عملت ايه
ودي قصيده لصديقي الشاعر الجميل
محمود عبد الغفار
*****************************
مابين جفنك والورق

**************

ما بين جفنك والورق
يحلو الأرق

ويهيم قلبي في فضاء ساكن

ومدى وديع كالشفق

وسفينتي

مكسورة المجداف فاقدة الطرق

ترجو الغرق

ما بين جفنك والورق

يحلو الأرق

ويتوه قلبي في فضاء واسع

لا ينتهي فيه مدى

وأهيم فيه بلا هدى

أرجو خيالك مرشدا

ومتي استغيث يجيبني

ضحك الصدى

ما بين جفنك والورق

يحلو الأرق

**************************************

يا ريت ترجع تكتب تاني يا محمود


هناك 31 تعليقًا:

MǿиY El-Shreef يقول...

ياااه .. حلوة اوي اوي

امتمنيتها تطول اكتر واكتر

فيها جرس حلو اوي وبترن ف القلب كده بشكل عجيب

وسفينتي

مكسورة المجداف فاقدة الطرق

ترجو الغرق

ما بين جفنك والورق

حلوة اوي هنا

تسلم ايده وايدك الي نقلتها

وياريت يرجع يكتب تاني

ومستنيين حوار البطاطس :)

أمبارح كان عمرى عشرين!!! يقول...

الله
تحفة بجد جميلة جميلة
تسلم ايدك يا محمود
وياريت تكتب تانى زى ماقال ابو العريف

شكرا يا ابو العريف بوست من الاخر

سلااااام

MaNoOoSh يقول...

شعر جميل قوى
بس انا اعرف ان البطاطس بتقعد 3 ايامم بس فى الفرن
ههههههههههههههه
يللا مستنيين مصيرها المجهول

حسام غانم يقول...

جميلة جدا يا أبو العريف

شكرا عالنقل

روئه مشاكل يقول...

جمييييييييييل جدا
احساس عالى
كلمات جامده
موهبه رهيبه
تسلم ع النقل

mohamed ghalia يقول...

حلوه يا أبو العريف

د. ياسر عمر عبد الفتاح يقول...

دى مش قصيدة
در حلة خرافية هادئة بين صفحات الورق
وعلى بساط الأحرف .. ومن وقود المشاعر المخملية

دى قصيدة معدية .. سلملى على صاحبك ده سلام جامد

maiosha يقول...

الله
ايه الجمال ده يا ابو العريف

قصيدة تحفة .. بجد تسلم أيديك على البوست الجمييييل

ممكن طلب بقى

ممكن تجيبلى طبق بطاطس لما تاخد افراج وتطلع من الفرن؟؟

ستيته حسب الله الحمش يقول...

ليه شاعر بيكتب كلام بديع بالشكل ده ميكتبش

وانا اقرأ مابين جفنك والورق لا أدري لما استحضرت صوت فاروق شوشة
وتخيلت مركبة ورق يلهو بها صبي على صفحة ماء هاديء بلا موج

جميلة قوي قوي

عمرو وجيه يقول...

مقطوعة رائعة حقا

سلكت انامل صديقك الشاعر

fnoonh يقول...

الله الله الله
جميلة والله بجد
رغم انها قصيرة الا انها جميله
تسلم ايدك على نشرها وايده على كتابتها

تحياتي وتقديري

smilyrose يقول...

ما اجمل الكلمات التى يخرجها

قلبى عنكى وتخطها يدى على الاوراق


ما بين جفنكى والورق يحلو لقلبى السهر


تحلو لعيناى الارق

تخطى يدى ارق الكلمات فى سحر عيناكى

حبيبتى يا من تتهادى اليكى كلماتى


يامن يحلو لقلبى السهر


وبين عيناكى والورق يحلو الغزل



كلمات جميلة جدا


smilyrose


روح الحب الصادق


وردشان

maha zein يقول...

حلوة
تسلم ايده
بس بيني وبينك انا مش بحب الشعر الفصحوي
بحب العامي اكتر
بس ميزة القصيدة دي انها خفيفة
يعني مش تحسها تقيلة

اخبار البطاطس ايه بقه
قلنا مبنحبش الساسبنس

بس خلاص ... يقول...

قصيده حلوة وفكرتها جديده ... طبعا وفائك لصديقك شئ جميل جدا
فيك الخير والله ياهندسه .. لك كل الود والتقدير

نبض الحياة يقول...

بجد جميلة اوى
الشعر دة حاجة جميلة بتاخد العقل خصوصا لما يكون مكتوب باحساس عالى واسلوب راقى .
ما شاء الله .
تحياتى .واشكرك على زيارتك الطيبة لمدونتى واتمنى دوام التواصل .

أبو العريف يقول...

MǿиY El-Shreef
انت اللي كلامك احلي
ايه داااه
وان برد ليه
هو كلام ابويا
دا كلام واحد صاحبي
بس هو شعره جميل قوي
انا حافظه اكتر منه
يعني لما يضيع منه بيت بيجيني

أبو العريف يقول...

أمبارح كان عمرى عشرين!!!
اي خدمه يا معلم
مش مكفيني التخاريف تبعي
بجيب من تخاريف اصحابي

أبو العريف يقول...

MaNoOoSh
انت اللي عثل

البطاطس
انتو حرقتوا الموضوع
هقول ايه اكتر من اللي قولتوه
كلكم عرفتو مصيرها خلاص

أبو العريف يقول...

حسام غانم
انت اجمل ياباشا
المره الجايه
نص نقل
واللي بعدها
ميكروباص
ههههههه

أبو العريف يقول...

روئه مشاكل
كل دا يا روئه
يلا مستني مدونتك علي نار

أبو العريف يقول...

mohamed ghalia
حلوه يا بو العريف
ايه الناس دي
ايه يا عم الكروته دي
دا ما كنش عيش وبطاطس

أبو العريف يقول...

د. ياسر عمر عبد الفتاح

ايه ياعم دا
ايه القصيده اللي انت كتبتها في القصيده دي
كلام جميل
انا وصاحبي بنشكرك عليه

أبو العريف يقول...

maiosha

واخيرا ظهرتي
ايه دا كله
كل دا نووووم
حمدالله علي السلامه

انا اساسا مخليلك الصينيه كلها
وهديكي عليها 20 ريال كمان

أبو العريف يقول...

ستيته حسب الله الحمش
ايه دا كله
هي القصيده جميله فعلا
بس كلامك عنها اجمل

أبو العريف يقول...

عمرو وجيه
حلوه اوي انامل دي
محمود
وانامل
طاب تيجي ازاي دي

أبو العريف يقول...

fnoonh
تحياتي ليكي
وشكرا علي كلامك الزوق
ناس زووووق
زوووق
زوووق بصراحه

أبو العريف يقول...

smilyrose
ايه دا
كل مره ابقي عايز اقولك انك فعلا
روح
الحب
الصادق
احساسك بالكلمات عالي قوي
دايمكن اعلي من احساس
الاسطي اللي كتبها
تحياتي ليك

أبو العريف يقول...

maha zein
ايه هي دي طلعت فصحوي
تصدقي ما حدش قاللي
وانا اللي فاكرها شعر عاموي


ميزه الواد ان اسلوبه سهل واعداء اللغه العربيه امثالنا بيفهموه
ويحسوه كويس قوي

أبو العريف يقول...

بس خلاص ...
اشكرك
بس انا مش ناشرها من باب الوفاء
لا انا تاشرها من باب الرخامه
هههههههههههههههه
اياك يرجع يكتب هو بس

أبو العريف يقول...

نبض الحياة
متشكر قوي
طبعا
هتلاقيني لابد عندك
تحياتي ليك

ملكة بحجابى يقول...

بين جفنك والورق
يحلو الأرق

ويهيم قلبي في فضاء ساكن

ومدى وديع كالشفق

وسفينتي

مكسورة المجداف فاقدة الطرق

ترجو الغرق

ايه الرئة دى
احساس عميق مغلف بعذوووبة
ياااااه
اشكرك على محاكاتك لفكرى
تقبل مرورى

ملكة بحجابى