فاكرررررررررررررررررررين البطاطس
اللي انا من كام يوم حطيتها في الفرن
( ايه مش فاكريييين)
ولا انا
انا اساسا مكنتش عايز اعرفكم مصيرها المشؤم بس انتو اللي اصريتوا
( هنكدب من اولها هو حد عبرك )
انا كنت اخر حاجه قولتها اني حطيت البطاطس في الفرن
**************
نكمل بقي
****
بعد ما حطيتها في الفرن
كل خمس دقايق اروح اتطمن علي البطاطس
عدي خمس دقايق
ربع ساعه
بس ما فيش حاجه حصلت
نص ساعه
ساعه
ان حاجه تحصل
ابدا
ساعه ونص
مافيش اي تغيرات كيميائيه ولا فيزيائيه
ولا حتي فسيولوجيه حصلت للبطاطس
اعمل ايه انا في صاحبي اللي عملت برررم وعزمته علي الغداء
لا هو يستني بقي ونخليها عشاء
وفعلا اتصلت بيه وخليتها عشاء
ودلوقت
ما قداميش غير كيمو هي اللي هتنقذني كالعاده
( هي ممكن تضربني بحاجه في وشي عبر الموبايل بس اكله تفوت ولا حد يموت )
انا : الووووووو كيمو الحقيني
كيمو : ايه يا فالح ناوي تعمل سلطه وعايز مساعده
ولا عايز تسخن العيش ومش عارف
انا : لا يا كيمو انت فاكره البطاطس اللي كنا بنعملها
هي بتاخد كام يوم علي ما تستوي
كيمو : نعم كام ايه .. انت بتستهبل هي نص ساعه لو البوتاجاز بيشحت
شوف ياااد يمكن انبوبة الغاز فضيت
انا : لا انا لسه مغيرها امبارح
كيمو : طاب والصينيه سخنت ولا ايه ظروفها
انا : معرفش وانا ايه اللي عرفني انا ماسكها بالفوطه من قبل ما احطها في الفرن اساسا
كيمو : اوعي ياد تكون نسيت تولع البوتجاااز
انا : لا ولعته والنار بتاعته اد كده
دانا حتي مولع الاربع عيون عشان تستوي بسرعه
كيمو : مولع ايه ....؟
عيون ايه .... انت مش مولع الفرن
انا : ايه داه هو الفرن بيولع
(طبعا ما فيش داعي تعرفوا اللي هي قالتهولي
ايه واحده بتهزق اخوها الصغير
لازم يعني تعرفو قالتله ايه )
وساعه علي ما عرفت اولع الفرن
طبعا حطيت الصينيه وعملت زي ما كيمو قالتلي
استني بقي عليها ربع ساعه ولا حاجه ما تقعدش علي باب الفرن
قلت اشوفلي حته من الماتش اللي كان لسه بيبدأ لحد ما الصينيه تستوي
ولما ييجي عن الدقيقه 15 ابقي ابص عالصينيه
الحقيقه كان ماتش هايل
الاهلي والمصري
والمصري بهدلنا يومها واتهزمنا( 2-صفر )
والواحد نفساويته اتسدت وكنت مولع من جوه
لدرجة اني من كتر الولعه شميت ريحة شياااااط
ايه ......... الصينيه
دانا كنت بعمل بطاطس
يا لهوووووووووووي انا نسيتها
مدة شوطين بالاضافه للوقت المحسوب بدل الضائع
هعمل ايه في صاحبي اللي جاي يتعشي معايا
بسيطه هتصل بيه يجيب عشاء معاه وهو جاي
( ودا مصير اي حد يفكر اني ممكن اعزمه في يووووم )
*******************
طبعا انا مش هقولكم انا طلعت الصينيه لقيتها عامله ازاااي
واللي يعرف يا ريت يقولي
او يتصل عالمطافي
************
ولحد ما تفكرو في الاجابه
وبمناسبة الاكل
انا اول ما جيت السعوديه كنت مش متظبط في الاكل وكنت بحلم بالاكل المصري
كان نفسي في الفول والكشري والذي منه
فكتبت حاجه كده
بس بعد كده اكتشفت ان كله موجووووووووود
وجاري البحث عن المش
واليكم التخاريف
************
يابلد مافيهاش عربية فول
ولا علبة كشري ترد الروح
اول ما تجوع روح كده علي طول
هتلاقي الكبسه منين ما تروح
لا محل عصير
ولا حتي فطير
ولا مسمط م اللي راويحة تفوح
اكل ( معصوب ) انا بتعصب
واضرب ( مقلوبه ) حالي يتشقلب
وان جيت اطبق ( بمطبق)
يطبق علي نفسي وروحي تروح
يا مانفسي ياناس .. اتغدي سجوووق
وكبده تلوث م اللي في مصر
واقف في طابور عيش كده ..مزنوووق
م الصبح لغاية بعد العصر
وكبده تلوث م اللي في مصر
واقف في طابور عيش كده ..مزنوووق
م الصبح لغاية بعد العصر
*********
هناك 76 تعليقًا:
ده ايه ده ان شاء الله يا عم انت
عجايب
مش معنه بطاطس علشان صنية البطاطس يعنى هى اتحرقت ولا ايه..............فهمنة بالله عليك.......دومت بخير.
كل هذا من اجل صينية بطاطس نفسك فيها
امال لو نفسك في محشي كنت عملت فينا ايه؟
كنا شفنا بوست بعنوان "أنا وانت وبابا في المحشي؟"
لا حول ولا قوة الا بالله
ااااااااااه يا خسارة البطاطس
يا عينى على الخزين اللى راح
على العموم ملحوقة
ايه رايك المرة الجاية تجرب تطبخ كشرى أو مكرونة بالبشامل
maha zein
هههههههههههههههههه
شكلك علقتي قبل ما الموضوع ينزل
اصل العنوان بسلامته نزل قبل الموضوغ
ال ايه كتبت العنوان ودوست enter
shemo
ايه دااااه
انت كمان ما لحقتيش تقري الموضوع
طاب انا اعمل ايه دلوقت
لو فيه خدمة توصيل البوستات الي المنازل
ستيته حسب الله الحمش
هههههههههههههه
انا وانت وبابا في المحشي
حلوووووووه قوي
اجمل تعليق جالي في حياتي
يا د /ستيته
MaNoOoSh
الكشري ممكن
بس معكرونه
بمين
انت قلت مين
انت بتشتمي علي فكره
ههههههههههههههههههههههههههههه
هههههههههههههههههههههههههههههه
يخرب بيت كده
انا بردو قلت ايه الهم ده
قلت لا تكون دي طريقة جديدة للبوست
المهم
انت صعبت عليا
اصلك فكرتني باخويا اللى كان في دبي
يا عيني كان متبهدل ذيك كده
وكان نفسه في حجات معينة
لدرجة انى بعتله مع واحد وميلي كان رايح دبي في مؤتمر كده
بعتله مع شنطة لب انواع
وللوا الملامة كنت بعتله حجات تانية يا عيني مش موجودة هناك
احسن اتمرمط ودوق العذاب
ادي جزات اللى يسافر ويتغرب عشان القرش
بقولك ايه
ما طالما طلعت في السعودية كده
ابعتلي الفين جنية امشي بيهم نفسي عقبال بس ما اشوف حد يسلفني كده
مهاااااااااااا
ايه الناس بتاعة مصلحتها دي
بقي الحكايه كده
انت جايه تستلفي اصلا
تصدي العنوان من غير البوست كان احسن
علي الاقل ما فيش من وراه خساره
ايه الناس دي
مهااااااااا
اامري
انا ممكن ابعتلك خمسين هلله تمشي نفسك بيهم لحد ما تفرج
عارف الهلله
زي القرش عندنا
عادى بتحصل
انا اعرف واحد فى سكن المدينه الجامعيه عمل مكرونه فى البتاعه اللى بيعملوافيها الفول وتخيل انت المنظر
اسفه لانى مش علقت عالبوستات اللى فاتت
بس قولى وزعت حبيبك ولا لسه؟
انت قاعد فين ياابني اخلي ماما تجيبلك حلة محشي ولا حاجة يعيني داانت شكلك اخر بهدله
بس على فكرة هنا في جدة في كل حاجة في فول وطعمية وفلافل والحجات البتولع القلب وتعمل حموضة للناس دي((انا عارفه بيحبوها ليه))مالها الجبنه والعيش على الصبح
انت محسسني انك قاعد في مكان وحش قوي اينعم السعودية بلاقي فيها حجات عمري مابشوفها في مصر
احمد ربنا
غير كده بقى والاهم احنا معزومين عندك على الغدا اوك ماتتهربش بحجة انك مابتعرفش تطبخ
تثبيييييييييييت :)
تحياتي وماتنساش العزومة
ههههههههههههههه
صينيه البطاطس دى شؤم أخر حاجه
فيه حد بردو كان له نفس ياكل فى اليوم الاسود بتاع الأهلى والمصرى ده انا فضلت اسبوع مبخرجش من البيت
وكمان بطاطس محروقة هههههههه
___________
واقف في طابور عيش كده ..مزنوووق
_____________
لا دى الحاجة الوحيدة الامش هتخلص متقلقش ان شاء الله ترجع تلاقيها بخيرها واكبر كمان
سلاااااااااااااام
هو بصراحة مصيبة انت كده هتحرق الشقة فى يومين وكمان فلوسك هتضيعها من قبل نصف الشهر على الديلفرى فلو عايز تبدأ صح ابدأها واحده واحده اسلق بيض الأول وبعدين اقلى بطاطس وباقى المقليات ولو حابب تعمل عزوم يبقى ابدا بالفراخ البانية هى سهلة وطريقتها كمان بتكون موجودة على علبتها وبلاش تعمل أرز فى الوقت الحالى اتعلمه الأول وبعدين قدمه للناس والا هتبقى أول مصرى يقتل الناس من أكلة رز...... وأهم شئ لازم تعرفه فى الطبخ انك لما تكون بتعمل حاجة يا تضبط التايمر بتاع البتوجاز يا ما تسيبش المطبخ نهائى وكمان مع ضبط التايمر ....
ملحوظة مهمة جدا جدا جدا :
اللى الأكل اللى بتجربة تجربه فى نفسك الأول علشان تتعلم أو تحرم تدخل المطبخ أو حتى تفكر انك تعمل فيها شيف مرة تانية
لا انت بجد حرام اللي يخليك تخش المطبخ بعد كدا
انا بقول تقضيها دليفري احسن حاجه
ههههههههه
على فكره, اتحاد مصالح المطابخ قرر أن يمنعك تأشيرة دخول المطبخ
ولو اتمسكت حتى قريب من المطبخ قيها مؤبد
هههه
بوست جاااااااااااامد
هههههههههههههههه
كويس انك قلت عشان منفكرش نتعزم على اكل عامله
بايديك يا لخرابى شوطين والاستراحة والصنية فى الفرن
دى بقت صنية فحم
هههههههههه
يالى ربا يعوض عليك فى صنية مكرونة بشمل
ههههههههههه
smilyrose
وردشان
روح الحب الصادق
كل ده يا عم على صانيه بطاطس طيب بما انك في السعوديه اديني الو وانا اقول لك تعمل كمان محشي ازاي هههههههه
وعموما اكتشفت بس بعد فتره طويله من اكل البروست لما معدتي نشفت ان فيه هنا كل الي انت تتخيله من الاكل المصري الجميل بدايه من البط والحمام المشوي والمحشي لغايه المش منزوع الدود
تحياتي ......
سيبت صينيه البطاطس قيمه الماتش وبين الشوطين بس ؟؟ وجاى على نفسك كدة ليه
ما كنت خللتها قد جمعتين
عموما لو مستعجل على صنيه البطاطس ومش فاضى لما تقعد فى الفرن شويه ابقى حطها على عين بوتجاز قيمه ربع ساعه بس تستوى شويه ولما تحطها بعد كدة فى الفرن متاخدش غير ربع ساعه او تلت ساعه بس تستوى ويحمر وشها
على الله يتمر بقى
بص بقى بغض النظر عن انى زعلانة منك
وشايطة زى البطاطس اللى انت عملتها دى
وبيتهيقلى هولع فى نفسى يعنى مش محتاجة الفرن يولع عشان اشيط
بس بجد صعبت عليا الصينية اوى
بجد بجد زعلانة منك يابو العريف
بص يابو العريف عشان متتحيرش انا زعلانة من ايه
انا زعلانة من حاجتين بس مش هقولك الا على حاجة وحدة بس
وهى انى برضو مفهمتش انت عاوز تقول ايه فى البوست اللى فات
ومش هقولك ع الحاجة التانية لانى هحتفظ بيها لنفسى ولمن يهمة الامر
Habiba
لا مش بتحصل
دا بيحصل اكتر من كده
تخيلي انا قبل كده عملت مكرونه
طلعت شربه مكرونه
مين
ايه
اوزع مين يا ستي
fnoonh
فين ايه
انت اللي فين وانا اجي لحد عندك
طالما فيها محشي
انت بتقولي محشي
الكلمه دي مش غريبه علي
فاكرها
اما بالنسبه للاكل المصري
تقريبا كله فعلا موجوووود
بس انا قعدت فتره كده علي ما عرفت الاماكن دي
انا موافق عالعزومه
بس هتعملي زي صاحبي
وهتجيبي معاكي الغداء
انا ممكن اعمل الشاي عادي
آدى آخرة إللى يشجع الأهلى
يخسر وتتحرقله البطاطس
هو الأهلى السبب على فكره
أمبارح كان عمرى عشرين!!!
ايه دا يا عم
انت هتجيب السبب في البطاطس
الاهلي اللي كان وحش يومها
طاب دا هو اللي حرق دمي
وحرق البطاطس
بالنسبه لطابور الغيش
لا انا مطمن من الناحيادي
انا بس بهزر
(Joudy)
هههههههههههههههههه
انا فعلا بسلق بيض
بس اول مره عملته بطريقه احمد حلمي
يعني كل بيضه بتستوي في ربع ساعه
يعني 10 بيضات عايزين 150 دقيقه
شباك موارب
مهو دا اللي بيحصل حاليا
لما معدتي نشفت من الاكل
المطاعم ده
أحمـــــــــــــد أبو العلا
يا ريت
بس اكل منين
انت تفكر انا بدخله محبه
دانا ببقي مش عايز اجي ناحيته
تحياتي ليك
smilyrose
لا انا ممكن اعزمكم عادي
بس تجيبو اكل معاكو
نورتيني
ضايع
بتهرج
مش
قلي فين وانا اجيبه
حتي لو مش منزوع الدود
انت فين يا عم الضايع
انا منمكن الاقيك
ههههههههههههه
والله حلوة البطاطس دى
بس قولى كده وبصراحه هيا بطاطس ولا ايه بالزبط
اصل من كلامك كده جانى احساس انها لا تشبه بالطاطس او بينهما صله اطلاقا
وبعدين معاك حق فى مصر الفول لايعلى عليه
ايه ده الواحد جاع
انا قايمة وسلامو عليكو
صفـــــاء
الشوطين والاستراحه
والتحليل كمان
ودمي اتحرق والبطاطس اتحرقت
وكل حاجه كانت سودا في اليوم ده
موجة
ايه اللي مزعل البحر مني
دي ما كانتش صينية بطاطس
ما عاش اللي يزعلك
وما يصبش عليك غالي
ربنا يكون في العون متاخر جدا كالعاده
بس اهي ظروف ربنا يقدرك ويقف جنبك في غربتك
قبلاوى
ايه ده
شكلك زملاكاوي
المصيبه لا تكون من بورسعيد
يا شماتة ابله طاظه فيه
BAsMA
ايه ده هي ماكنتش بطاطس
والله ما حد قالي
تصدقي انا كنت مفكرها بطاطس
طبعا هو فيه زي الفووووول
Teawater
حمدالله علي السلامه
ايه الغيبه الطويله دي
يا رب يكون خير
متشكر قوي
السلام عليكم.........
انا جايه اصلح غلطتطى ههههههههههههه.....شكلى باه وحش جدا فى مدونتك يا ابو العريف والله مش مقرتش البوست انا فكرتك انك نزلت عنوان بس تصبيره الصفحة وانا بقرا تقريبا كان فيها حاجة........بجد سورى على الى انا كتبته فى التعليق مكنتش شوفت البوست ........سرعت النت ما قدراك ما سرعت النت كانت وحشة معلش مش حقولك باه اكيد بتحصال معاك...........نيجى باه للبوست اعد ما انا قراته انا عن نفسى كنت متشوقه لمعرفة مصير الصنية بس بجد فرحت لما لقيتك ولعت الفرن قولت اخيرا الصنية حتتعمال ههههههههههههههه بس صعبت عليا اوى لما عرفت انها اتحرقت والله الله يكون فى عون صحابك ابقى اعمال حسابك بعد كده حرام عليك الناس .........دومت بخير .
ياخساااااااااارة البطاطس
والحمد لله انها جت سليمة وجت على أد كدة.
والمرة دى متسلمش على الاستاذ حضرتك اللى زعلت منه البوست اللى فات فى تعليقى .
تحياااااااااااتى .
دمت بخير .
shemo
ولا يهمك
وبعدين دي غلطتي انا
انا اللي نزلت العنوان الاول
ال ايه كتبت العنوان
ودست ENTER
مالهم اصحابي
اللي عاجبه يتعزم يجيب اكل معاه
ولا ايه
نبض الحياة
ايوه كده
خلي البساط احمدي
انا اقولك انت يا نبض الحياه
وانت تقوليلي حضرتك
اه مانا الكبير
خد يا عم ادي ال ميل مبتاعي وابعتلي عليه وهنتقابل اكيد
bassiouny70@hotmail.com
هههههههههههههههههههههههههههههه
لكي الله يا صينية البطاطس
زمان البطاطس بتدعي عليك دلوقتي
لا وكمان الصينية اللي حرقتها دي ... اكيد اكيد طلعت عينك في الغسيل
والله شكلك رميتها وخلصت منها
ههههههههههههههههههههههههههههههههههههههه
اقولك
المرة الجاية ابقي اعزم صاحبك علي
صينية كشري
:))
كل التحية
ههههههههههه ياسيدى على الانتماء الوطنى طعمية وفول وسجق وتلوث كمان بجد والله ربنا يكون فى عونك دا الواحد لما بيكون عايز وياكل مسلوق بيكون نفسى ياكل اى حاجة ليها طعم وياريت لو التلوث هاريها
الحل زى ما قولتلك اتفرج على فتافيت :)
هههههههههههههههههههه
ياعيني ع البطاطس
بس المهم انك عرفت الطريقه واتعلمت
وبعدين بلاش تفكرني بماتش المصري المشئوم ده
جماهير بورسعيد لسه بيتحاكوا بيه
بس يومها كسرنا بورسعيد :D
المهم .. ابقى اشتري اكل من بر بقى وبطل تعمل دمار شمال ف بيتكم .. والفول منتشر هنا اووووووووي
دور بث :p
بالهنا والشفا
اشترى بريانى
كنت بحبه اوى
وانا فى السعوديه
مش محتاج اقولك طبعا
ان ريحة الشياط وصلت لنا هنا
فياريت ياريت ياريت لو ناوى تطبخ
تانى تبقى تقعد فى المطبخ من اساسه
وكمان ما تولعش ايتها فتزيون خالص
كفاية الراديو على اذاعة البرنامج العام.
السلام عليكم
يا عم أبو العريف
حب البطاطس كيف
مشوي أو مسلوق
هيبقي طبيخك زيف
شكرا لك يا أخي لمرورك علي صفحات مدونتي
وأتمني التواصل
أحمد الصعيدي
هههههههههههههه
والله العظيم فكرتنى بنفسى
برضه كانت بطاطس .. بس مقلية عادى
ومكنش ماتش .. كان فيلم
بس الإنفجار بتاعى كان أقوى شوية
لأنى ببديهية قررت إن الزيت المولع قدامى ده ينطفى عادى جداً بجردل مية كبير
المهم المطبخ إنفجر إنفجار كبيييييير
والزيت طلع على وشى ..
بس الحمد لله الإصابات كانت طفيفة
وبما إنى صيدلى وعندنا صيدلية فقعدت يومين كده فى قسم الحروق فى الصيدلية عندنا والحمد لله خفيت
ولا لما عملت طبق فول بالسكر .. والله كان حلو
حلو جداً .. مش سكر
ولا صينية اللحمة فى الفرن .. مش عارف إيه خلانى حطيت عليها خل .. كان طعمها زوفت
وفضلت يومين أخد دوا للمعدة وبطنى بتموتنى
وطلعت بحكمممممة .. الطبيخ ده بتاع الستااااات
سفروتة
لكي الله يا صينية البطاطس
امال انا ليه مين
الصينيه
هي بقي ليها اثر
اغسل دي تاخد اد تمنها 10 مرات مساحيق ومش هتنضف
نورتيني
ايوشة
ايوه كده
شوفوا الناس اللي بتفهم
هو دا الانتماء الوطني
وانا كانت تايه عني فين الحكايه دي
وانا اقول ايه اللي بيخليني ادور علي الاكل ده
هو الانتماء اللي انت قولتي عليه ده
MǿиY El-Shreef
يا ستي الماتش هو السبب
الاهلي حرق دمي
وحرق البطاطس
norahaty
اطبخ
تاني
لالالالالالالالالالا
انا حرمت اعدي من قدام المطبخ
شجر الليمون
نورتني
الدنيا بقت كلها لموووون
شرفتني
ياسر عمر عبد الفتاح
الحمد لله يا دكتور
ربنا عالم بحالي
انا كنت هجيب صيدليه منين اقعدلي فيها اسبوع
ياا عيني .. انت وجعتلي قلبي يا ابني
بجد انا هاعيط خلاص.. انا اتقهرت اصلا
وطبعا مش عهلشان انت مش لاقي الاكل ولا حتى علشان البطاطس
ولا علشان المكالمات الدولي
نيييفررررررررررررررر
علشان فكرتنى بالمصري لما علم علينا 2 صفر
عااااااااااااا عااااااااااااا
يلا روح يا ابنمي اللهي يوقعك في مطعم مصري
بيعمل فول بالذبدة والطحية والزيت الحار
وطعميلة محشية وسادة
وكشري مصري واسكندراني
ومحشي كرنب ورق عنب وبتينجان
وحمام وفطير وام علي كمان
ديه دعوة خالتك فتافيت
يبنى انتا لسه جديد هنا ... وكمان عاوز تاكل مش ؟؟
طيب لو عندك بنده او هايبر او بن داوود اكيد هتلاقى عندهم مش بس طبعا مش زى المش المصرى بتاعنا بس اهو اسمه مش وخلاص يابو العريف وانصحك متاكلش من المطاعم كتير عشان الاكل هنا بيجيب عته مغولى وتأخر فى النمو الفكرى واحتمالية حدوث جلطه وسكته ثقافيه مما ينتج عن هذه الامراض تخلف عقلى بحت .. يعنى حاول تقضيها جبنه بطماطم .. بيض .. لحد ما ربنا يتولاك برحمته انشاء الله وتلاقى بنت الحلال اللى تعملك اكل بيتى انشالله عك بس اسمه اكل بيتى ..
ونصيحه منى متكلمش اختك تانى فى موضوع الاكل عشان متخسروش بعض ... الاخوه اهم
خالتي فتافيت
انا كمان اللي مزعلنيش علي البطتطس
اني كنت مقهور اساسا علي الاهلي
ودا اللي نساني الدمار الشامل اللي حصلي
سواء البطاطس والفراخ
والفاتوره اللي مش عارف اسدها لغايه دلوقت
بس الحمد لله
امبارح بس عملت تجربه ونجحت
عملت صينية بطاطس
والله بجد
بس للأسف البطاطس لسه موجوده
والمنتخب اتعلدل مع زامبيا
يظهر البطاطس دي نحس
ههههههههههههههههههههههه
هههههههههههههههههههه
لا بجد بجد انت خطيررررررررر
حرام عليك بدال ماتولع الفرن تولع البوتاجاز
ههههههههههه
ال وايه ماسك الصينية بالفوطة قبل ما تسخن اساسا ههههههههههههههه
ياربي هموووت من الضحك
نصيحة اخوية بلاش تدخل المطبخ تاني وارحمنا وارحم اختك ههههههههههههههههه
بجد بووووووست هاااايل
محمد عتلم
موجود بس مش المش اللي بالي بالك
اللي هو نسبة الدود الي الماشي حوالي 2:3
وعلي فكره كل حاجه موجوده فعلا
دانا اخيرا لقيت عصير قصب
ايه داه
وانا اقول الاحساس اللي انا حاسه اليومين دول من ايه
هو العته المغولي
حاسس ان نسبة الغباء عندي بدأت تتوغل وتنتشر وتتسرب
لا اختي اساس هي اللي ما بقتش ترد علي تليفوناتي
لنفس السبب
ঔღঔ نـــوارة ঔღঔ
ادخل المطبخ تاني
انا اساسا جبت العمال وهديت المطبخ
و عملت مكانه سوبر ماركت صغير علي قدي
احسن الشيطان يوزني وافكر ااطبخ تاني
نورتيني
ههههههههههههههههههه
بالهنا والشفاء
حد مبيعرفش يطبخ يعمل بطاطس
عموما بوست دمه خفيف ولذيذ رغم البطاطس اللى اتفحمت
تحياتى
gana magde
ما هو فيه مثل بيقول اول ما يشطح ينطح
حد فاهم حاجه
عموما نورتيني
معلشى لحظة كده
هى دى البطاطس أللى انا كنت عايزاك تسيبلى منها طبق
لا معلشى الف شكر
انا متنازلالك عن طبقى
العمر مش بعزقة
لحضرتك تاج عندى ياريت تقبله ويارب ما يكون وصلك قبل كده هو موجودة فى مدونة كلمات من ذهب http://words-of-gold.blogspot.com/
انا لاول مره ادخل مدونه حد واكتب تعليق يابو العريف بس بصراحه انا كنت جعانه اوووووى ولما شفت بطاطس قلت انى هااكل لكن للاسف ماكنتش اعرف انك كده تشيط البطاطس واجوع انا يلا عموما مره تانيه يكون حظى احلى على فكره اسمك حلو اوووووى ابو العريف انا قلت الجواب باين من عنوانه بجد طلعت ابو العريف
سلام
يالله عليا نسيت استاذنك يابو العريف
تسمحلى اكون من ضمن المدونين عندك ده بعد اذنك يعنى وحتى لو رفضت هاادخل برضو بس
سلام
maiosha
طبق
ال طبق ال
انا بعتلك الصينيه كلها
انت مش عندكو صيدليه
ممكن تقيمي فيها اسبوع محدش هيقولك انت بتعملي ايه هنا
(Joudy)
ايه التدبيس دااااااه
بس مقبوله منك
بس سبيني امخمخ
اصل الموضوع صعب قوي
ودا اول تاج يوصل ليه
aliaa
اولا اهلا بيك في عالم التدوين
وانا سعيد ان اول تعليق ليك يكون عندي
نورتني
يا مانفسي ياناس .. اتغدي سجوووق
وكبده تلوث م اللي في مصر
واقف في طابور عيش كده ..مزنوووق
م الصبح لغاية بعد العصر
**********************
ليه ما الكبسة ارحم :)
بجد طريقتك فى الكتابة بالعامية تحفة
انا لغاية دلوقتى بضحك على الموضوع وكلماتك اللى فى الاخر
تحياتى ,,
والمرة الجاية لما حضرتك تيجى تعمل بطاطس ممكن تظبط جرس البوتجاز يرن بعد الربع ساعة :)
(:
هههههههه
الله يرحم البطاطس
(:
من فضلك بلاش تدخل المطبخ تاني عشان مش عايزين نسمع خبر انفجار أنبوبه ..بسبب ارهابي مصري ولا حاجه (:
(:
على الهامش...
عجبني الكلام الي في الاخر
حسسني انك دايما جعان (:
وبعدين مالفول مالي السعوديه ..
صحيح تميز ..وامريكانا ..
راح ولا جه ..فول بردو
بانتظار الاكلة الجديده
عفواالبوست الجديد
تحيــــــــاتي
(:
aidy
ايه دا بوتجاز
وجرس
انا ممكن اكون سمعت عن المنبه اللي في المبوبايل
لكن البوتجاز
لسه التكنولوجيا دي ما جاتش عني
متشكر جدااا
نورتيني
ميرام
ماشي يا ستي هجيب فول وتميز
مع انه مش الاكل اللي واحشني
لأ الوقفه علي عربية الفول وامة لا اله الا الله
تتفرج عليك وانت بتاكل
احساس مالوش حل
ههههههههههههههههههههههههههه
كل ده حصل
اومال لو عامل عزومة بجد كنت عملت ايه
يا نهار ابيض
انت فكرتنى ب احمد حلمى لما بيسلوق البيض
عموما تعيش وتاخد غيرها
إرسال تعليق