الأحد، مارس 08، 2009

تـــــــوتـــه .......حبيبتي

بصراحه البوست دا كنت منزله في المدونه القديمه
بس ما ينفعش ما يبقاش موجود في المدونه الجديده
لان روان دي اجمل حاجه في حياتي
وبمناسبه عيد ميلادهابقولها كل سنه وانت طيبه
وحشاني يا بنت الايه
ودي عشان عيد ميلادك
اما دي هديتي ليكي
مع انك هتنفضي للهديه وهتتشغلي بالتورتايه

دا بقي البوست اللي بقولكم عليه

**************************

دي كتبتها اول ما سافرت

***

عارفين ايه بيكون احساسي لما بقول وحشاني يا مصر

عارفين ايه بتمني سا عتها وبيكون نفسي اعمل ايه

بيكون نفسي اتمشي شويه

تحت القمرا ف عز الصيف

بيكون نفسي لو اسمع ضحكه

من واد صاحبي دمه خفيف

بيكون نفسي اقعد ف البيت

انا وروان نحكي ف حواديت

بيكون نفسي اخدها ف حضني

واقولها عالصياد والسمكه

وما تسمعش اللي انا بقوله

وتزعل مني وتعمل دبكه

"هو السمك بيتكلم يا عمووو"

-ايوه يا توته

بيتكلم ف الحدوته

******

ودي حاجه كتبتها في اول عيد ميلاد ليها

روان

وانتي كده عندك سنه

مليتي دنيتنا هنا

عملتي ايه فينا اوام

ملكتي روحنا وقلبنا

***

يا روان عملتي ايه فيا

بقيتي روحي وعنيا

معقوله كل دي طعامه

والله الفرحه دي شويه

***

دي روان لو تبتسم ثانيه

ضحكتها تنور الدنيا

بدعيك يارب خليها

ومامتها تجيب بنات تانيه

***

يا حظنا يا بختنا

الحلوه توته عندنا

مولوده من حبة شهور

وبحبها من ميت سنه

***

يا روان يا اغلي من عيني

دا بعدك ثانيه علي عيني

وكل لحظه بتعدي

بتحلوي كتير قوي ف عيني

**

دي روان لو تبتسم ثانيه

صحكتها تنور الدنيا

بدعيك يا رب خليها

ومامتها تجيب بنات تانيه

***************************

ودي حاجه تانيه
***

عارفين اجمل حاجه ف عمري ايه

لحظة روان ما بتبتسم ف عنيا

لحظة ما تملي الدنيا حواليا

لحظة ما صوتها يرن ف خيالي

لحظة ما بمسك ايدها باديا

لحظة ما بحضنها

كده لما بتقولي

الكلمه بعيونها

وف لحظه توصلي

اجمل ملاك ف الكون

دي جمالها مش عادي

ضحكتها دي الجنه

واجمل عيون هيه

*************************

روان

****

يا روان مافيش زيك ملاك

ولا فيه احن ولا ارق

مش عارف اعيش وانا مش معاك

شفتك لقيت قلبي اتسرق

قبلك ما حستش بحنين

والعمر من بعدك فرق

***********************************

لو هوصفك يحتار وصفي

كل الكلام مش هيكفي

يا توته يا شهد مصفي

يا اجمل بنات الكون ف عيوني

**********************************************

لو هحكي عنها اقول ايه فيها

اقول ماشاء الله عليها

ملاك دي ولا من البشر

وعيونها دي ولا القمر

اول ما عينك تيجي عليها

هتحبها قوي وتموت فيها

يا اجمل هديه من القدر

يا روان يا حته من القمر

*************************

ودي بقي كتبتها لما مامتها جابت رقيه من 4شهور

***

هتفضل روان زي ما هيه

روح قلبي والنور لعنيه

غلاوتها بتزيد جوايا

واكيد هحبك يا رقيه

*************

ودي اول ما بعتولي صورة رقيه

*****

حوريه دي ولا رقيه

الشمس دي ولا القمرا

اول ما لمحتها عنيه

حبيتها من اول نظره

******************************

ودي جديده

**********

هتفضل روان زي ما هيه

روح قلبي والنور لعنيه

غلاوتها بتزيد جوايا

في كل ثانيه معديه

**

هي لحياتي النور والشمس

هي اللي جاي واليوم والامس

وهي اجمل حاجه تتحس

بحبها بكل ما فيه

****

هي النضاره الورديه

هي الهوا وهي الميه

والضحكه دي اللي منديه

وعيون بتطرح حنيه

*******

هي الشقاوه اللي تفرح

هي الحلاوه اللي تريح

هي البراءه

هي الجراءه

هي العيون الملاليه

************************

ودي اخر حاجه كتبتها لحبيبتي

*****

يا قمرا ياللي نصك نووور

ونصك عطر م الجنه

تغير منك بنات الحور

وصوتك زي طير غني

هعديلك يا عمري بحور

خلاص مش قادر استني

*******

يا نسمه لما بتعدي

علي قلبي وبتهدي

بلاقي عقلي م الفرحه

خلاص بيجيب وبيودي

*******

يا ضحكه بترسم الفرحه

علي قلوب اللي حواليها

يا شمس وف القلوب طارحه

بتزرع ضيها فيها

معاكي الدنيا مش رايحه

دي جايه باحلي اغانيها

*****

وحشتيني يا بنت الايه

هناك 46 تعليقًا:

فشكووول يقول...

احجز اول تعليق وبعدين ارجع تانى

فشكووول يقول...

وتانى تعليق عشان ما حدش يدخل فى الطابور قبلى

فضه يقول...

يا سلالالالالالالام يا ابو العريف
ربنا يخليها ليكم يارب ويبارك فيها وتفضل دايما ليكوا بسمه جميله .
بس يعنى يا عم ابو العريف كلامك لهو تخاريف ولا حاجه
كلام جميل كله احساس وفى الجوووووون اهو.
قول لروان كل سنه وهى طيبه وعقبال مليووووووووووووون سنه ان شاء الله

فضه يقول...

هيييييييييييييييييييييييه
سبقتك يا fashkool

فشكووول يقول...

فليستى سبقنى وكتب التعليق التالت
ما علهش
عموما كل سنه وروان طيبه يا ابو العريف
تتربى فى عزك ويطول عمرها وما تشوفش حاجه تزعلك عليها ابدا
بس اذا كانت دى صورتها هى زى العسل
وربنا يخليها لك ويخلى اولادنا جميعا
فليستى سد نفسى وكنت عايز اكتب تعليقات كتيره بس دخل فى النص وخلانى اكتفى بالـ 3 تعليقات وخلاص
تحياتى يا ابو العريف

maha zein يقول...

ايه ده يا ابو العريف
ده انت كاتب شعر في بنت اختك ولا في الجو

ده انت شكلك بتموت بتموت فيها

ربنا يخليهالكم وتفرح بيها وهي عروسة امورة

وهي ذي القمر
وشكلها فعلا شقية

نـــــور يقول...

كل سنه وانت وروان طيبين
انا فاكره انى كنت علقت عالكلام ده فى مدونتك القديمه وقلتلك انه لولا انت قلت انها بنت اخوك انا كانت دماغى راحت فى حاجات تانيه :)

بس سؤال رخم
هو اخر حاجه مكتوبه تحت دى حبيبتك مقصود بيها روان ولا حاجه تانيه ;)
مش بقولك رخمه

سمكه واحده يقول...

متهيقلي انا فعلا قريت البوست ده قبل كده في المدونه القديمه
كل سنه وهي طيبه وانت بالف خير
ربنا يباركلكوا فيها
كلام جميل
دمت بخير

ستيتة يقول...

لألألألألألألألألألألأ ده حب كبير قوي

كل دي اشعار في روان؟ امال البنت بنتك ها تقول فيها ايه؟

لابنا يخلي روان ويجعلها قمر اربعتاشر وتفرحوا بيها

تحياتي

Kiara يقول...

كوووووووووووول سنه وهي طيبه

الكلام جميييييييييييييييل اووووووووي

بسمة انور يقول...

كل سنة وهى طيبه

وربنا يخليهالك

محمد عتلم يقول...

كل سنه وانتى طيبه يا روان وعقبال 100 سنه
ويارب تكبرى وتبقي عروسه ونعاكسك وعمك ابو العريف يزعلقنا . جميله روان يابو العريف وجميل اوى انك بتحبها اوى - انا كمان بحب فيروزه - وجميل جدا جدا الكلام اللى كتبته . وعايزين المره الجايه نشوف رقيه بأه

maiosha يقول...

كل سنة وانتى طيبة يا رورو

ربنا يخليهالك وعقبال ما تشوفها عروسة كده إن شاء الله

عقبال100000سنة يا جميل

وردشان smilyrose يقول...

ما أجمل أن يكون فى حياتنا امل جميل

ينور تلك الحياة والاجمل ان تكون

طفلة ملائكية مثل

روان

كل عام وانتى بالف خير روان

وعقبال مليون سنة

ربنا يخليهالكم يارب

وعقبال ما نشوفها كدا عروسة جميلة

كل عام وانت وروان بالف خير

smilyrose

وردشان

روح الحب الصادق

موجة يقول...

والله من كلامك عن روان حبيتها اوى واتمنيت يكون ليا بنوتة ليها عم بيحبها اوى كدة
اما بالنسبة للامورة اللى اسمها نصة نوووو
فدى بقى ربنا يهنى سعيد بسعيدة بكسر السين
سيعيد بسيعيدة
هههههههههههههه
وشكرا على العيش والحلاوة
من يومك وانت صاحب مواجب

مـجـنـووون يقول...

ربنا يخليها لك يا رب

وديما تعيشوا بسعادة وهنا

وربنا يجمع بنكم يا رب

تقبل مروري
مجنووون

أبو العريف يقول...

عم فشكوووووووول
كووووول
كوووول
انا سعيد جدا بتعليقك الاول
والتاني
وال.........
ومتشكر جدا
وكل سنه وانت بألف خير
تحياتي ليك

أبو العريف يقول...

فليسيتى
كل سنه وانت طيبه
ومتشكر قوي علي زوقك العلي
نورتيني

أبو العريف يقول...

maha zein
مها حمدالله علي السلامه
ايه تاغيبه الطويله دي هو اللي يتغردق
ينسي اصحابه كده ولا ايه
شكلك اتغريت بعد ما اتغردقت يا معلم
هو محدش اتغردق ف الشتا غيرك ولا ايه


وبعدين انا ليه عندك تعليق
مش هسامحك فيه

أبو العريف يقول...

Habiba
ايه دا هو فيه ناس كده مش بتبل في بقها فوله
كل ما اقلها علي حاجه تسيحلي
انت مين اللي قالك

مقبوله رخامتك يا معلم
وعقلك ما يروحش لحاجات تانيه

لو تالته
او رابعه ممكن
وممكن بكالوريوس

رخامه برخامه بقي

أبو العريف يقول...

سمكه واحده
انا مبسوط انك لسه فاكره البوست
وكل سنه وانت طيبه
انت اجمل
دمت بكل خير

أبو العريف يقول...

ستيته حسب الله الحمش
اه كل دي اشعار ف روان
ايه ما تستاهلش
دي تستاهل اكتر من كده

لا ماتخافيش انا بهزر مش بخانق

مش عارف لو خلفت بنت هحبها كده
متهيقلي لا

أبو العريف يقول...

كيــــــــــــارا
انت اجمل يا باشا

نورتيني
كوووووول

أبو العريف يقول...

BAsMA
وانت طيبه
يارب
ويخليلك حبايبك

أبو العريف يقول...

محمد عتلم
شكرا يا باشا
بس تعاكس مين يا معلم
دي تاكلك
مايغركش منظرها
دي شرزه قوي

وفيروز عسل ربنا يخليهالك
سلملي عليها

أبو العريف يقول...

maiosha
وانت طيبه يا ميوشه
وطنطك روان بتقولك

فينك من زمان
ايه الغيبه الطويله دي

أبو العريف يقول...

smilyrose
روح الحب الصادق
كل كلمه بتقوليها
بتعبر عن الاسم دا
كل كلامك مليان طيبه وحب صادق
متشكر جدا
علي احساسك العالي ده
نورتيني

أبو العريف يقول...

موجة
ايه الناس اللي جايه تقر دي
خمسه و خميسه

انت عايزه بقي بنت زي روان ولا عم يحبها
ارسيلك علي امنيه

وبعدين اي خدمه
خلصي العيش والحلاوه وانا اجيب تاني
ولا يهمك

أبو العريف يقول...

مـجـنـووون
مشكوووور
وانت طيب يا باشا
يارب
نورتيني

fnoonh يقول...

ياااااااااااااه شكلك بتحبها قوي ربنا يخليها يارب وتشوفها عروسة قد الدنيا

مدونتك جميلة قوي وان شاء الله هتابعها ديما وهحطها في المدونات البتصفحها ديما

ومرسي على مرورك وتشريفك لمدونتي


اه اه ماانساش طبعا مرسي كمان على المحشي والكوارع
شكلك كده قاعد بره مصر فبتحب المحشي وبتشتاقله هههههههههههههههههه

ghorBty يقول...

كل سنه وهي طيبه وبخير

ربنا يبارك فيها

جميل اوووووووي ما كتبته لها

ما شاء الله

ربنا يجمعك بكل حبيبك علي خير

والسلام عليكم

ميرام يقول...

ههههههههه
لا حقيقي حلوين ..
وأكيد روان أحلى..
ربنا يخليهالك
وكل سنة وهي طيبه
تقبل مروري

منــار فايد يقول...

ربنا يخليهالك
وكل سنه وهي طيبه

زي القمر ماشاء الله تبارك الله


ارجعلها بقى بالسلامه


ياريت تبقى تزور مدونتي

Unknown يقول...

حلو اوى اوى اوى جدا
اول واحدة بجد عجبتنى جدااااااااااااااا
ربنا يبارك فى روان و رقية

بس خلاص ... يقول...

كل سنه وانت طيب يا محمد وانشاء الله تتقابل مع كل احبابك واصدقائك على خير
ويارب تكتب نفس الكلام الجميل ده لبنوتك انشاء اللله
ربنا يسعد كل اوقاتك

عالم حبيب يقول...

ما شاء الله .. يابختها روان ربنا يخليها ويرزقنا واياك الذرية الصالحة

سندريلا يقول...

كل سنه وروان طيبه وربنا يخليها ليكم وبجد سعيده بمرورك مدونتى


تحياتى لك/ سندريلا

أبو العريف يقول...

fnoonh
اه والله بحبها قووووووووووووي
متشكر علي زيارتك
وكمان متشكر علي الاضافه

أبو العريف يقول...

ghorBty
وانت طيبه
شكراااااااا
شرفتيني

أبو العريف يقول...

ميرام
ربنا يخليكي
انت اكيد احلي
كل سنه وانت طيبه
نورتيني

أبو العريف يقول...

شباك موارب
ربنا يخليك
اكيد هتلاقيني مرابض ف المونه
نورتني

أبو العريف يقول...

enjy
ايوه كده
انا كنت عايز حد يسألني عن اول واحده
اصلي كنت دايما اقعد احكيلها حواديت
وهي حدوته واحده اللي عارفها فبحكيهالها كل مره
اللي هي حدوته الصياد والسمكه
واول مره احكيهالها اعترضت عليها وقالتلي
هو السمك بيتكلم يا محمد
احرجتني مبقتش عارف اقولها ايه
قولتلها اه بيتكلم
قالتلي لا لنا بنحيب سمك مش بيتكلم
قلتلها دا بيبقي ميت
قالتلي لا مره بابا جابه صاحي ومش بيتكلم
قلتلها بيتكلم في الحدوته

أبو العريف يقول...

بس خلاص ...
ربنا يسعد اوقاتك
وكل سنه وانت طيبه
ويارب تكوني كويسه

أبو العريف يقول...

عالم حبيب
ربنا يسعدك يارب
ويملي اوقاتك بالهنا

أبو العريف يقول...

سندريلا
شكرررررررررررررررررا
كل سنه وانت طيبه
نورتيني

منــار فايد يقول...

مرسي جدا على مرور حضرتك

مش معقول رديت وكمان كتبت شعر

تقبل مروري ومرسي لحضرتك