الجمعة، مايو 28، 2010

انا ..........والعياذ بالله من قولة انا

بدءاً

ونتواعد

نعيش العمر بس لبعض
وحب قلوبنا يملي الارض
ولا هيبعدنا شئ عن بعض

و نتباعد

ياريتنا لحقنا قربنا
يا ريتنا ما كنا قربنا
ولا عشقنا وجربنا

ونتعاند

ومهما نكون بنتوجع
بنحلف عمرنا ما نرجع
ولا هنشوف ولا هنسمع

وبس لوحدي بتألم
ولا بنسي
ولا اتعلم

************************************
بعد البدء

قبل ما اتكلم في بوست النهارده
عندي كلمتين بس للدكتور ياسر عمر عبد الفتاح
ردا علي تعليقه ع البوست اللي فات

بالنسبه للاشتغاله
اكيد كدب طبعا
امال هو في اشتغاله صدق
طبعا كذب
لكن عشان تعرف انه احيانا بيبقي للكدب غرض
او لازمه اقرا البوست ده عند كريم ( شاب فقري )
وهتفهم قصدي جداااااااااااا

إلى كل مدوني الأرض

****************************************



***************************
نيجي بقي للتخارف






هتلفي كل الكــــــــون بعدي وهترجعي تاني
ولو لقيتي واحــــــــــــد زيي يـيجي يتحداني
دانا اللي زيي يادوب واحــــد ومفيش له تاني
وانا اللي يعرفني ف مره لا يمكن ينساااااني
مانا
انا
انا
انا الوحيد اللي بيكتب في عنيك اشعار
وانا الوحيد اللي مكنتش هربان م التار
وانا الوحـــيد اللي مريش وحدايا حمار
وانا اللي لما اتكلم جــــــد تقول دا هزار


وانا الوحيد اللي مهندس ومعايا دبلوم
وانا الوحــــيد اللي مسافر ومن الفيوم
وانا الوحيد اللي ببلبط ف الترعه واعوم
وانا اللي نص اسناني واقعه وما بكلشي لحوم


انا اللي يا ما اتحنـــــــجلك ومشيت عالحيط
وانا اللي طول الـــــــــــيوم واقف قدام البيت
وانا الوحـــــــــــيد اللي اتجنن وعملت عبيط
وانا اللي حالف ما هســـــــيبك لو حتي هموت


انا الوحيد اللي بحــــــــــــــــبك زي المجنون
وانا اللي طــــــــول الليل قاعد جمب التليفون
وانا اللي لوخدني الاهلي راح اجيب ميت جون
وانا اللي اخــــــــــرته وياكي هتبقي الكراكون


وانا الوحيد اللي اتجــــــــــــند ومخلص جيش
وانا اللي من عيله كبيره وجوز خالتي شاويش
وانا اللي ليا ياناس واســطه في طابونة العيش

وانا اللي معرفتش اكمل ( البوست )
وهقضيها تطنيش





هناك 40 تعليقًا:

الزهرة البرية (Joudy) يقول...

هههههههههههههههههه عجبانى أوى الكلمات دى مش عارفة أقول ايه غير انى أضحك مين زيك ياسيدى بقى بتخرف تخاريف أخر مزاج

دمت بكل الخير والسعادة

Kiara يقول...

ههههههههههههههههههههه


جااااااامده بجد

بصراحه خاطرة مش يكتبها الا ابوالعررررررررررريف

غير معرف يقول...

مش انا برضه قلت فى حاجه!!!
كع كع كع كع كع
عووووووووووووو

رحلتنا في الحياة يقول...

ههههههههه
طيب ينفع بعد الرومانسية تخرف كدا
طلعتنى من المود الرومانسى خاااااالص فى التخاريف :)

أحــوال الهـوي يقول...

يا تخاريفك اللذيذة
بس الجرعه شديدة جدا المرة دي

يعني ينفع اكون قاعد لوحدي اضحك
من كل سطر مش ممكن خفة الدم دي

يا عم الوحيد الرحمة بالبنيه ده اكيد مافيش حد بالمواصفات الرهيبة دي غير واحد ما يتكررش
انا مش عارف هي تايهه عنك فين
بجد الله يكون في عونها و في عونا

بس نسيت تقوللها انا الوحيد اللي صاحبي احوال الهوي و رغم كده بتخف من غير دوا

تحياتي

أنا - الريس يقول...

ماشي ياعم الوحيد .. تسلم الأيادي .. طبعا الكلامات اللي قبل البوست عجباني .. والبوست برضوا ظريف .. بس علي فكرة بقي انت مش وحيد يا وحيد .

تحياتي الرئاسية .. وخلي بالك .. وتسلم الأنامل , رغم اني حاسس ببعض الأشطر تقيله شوية بصفتي ناقد مشهور جدا جدا جدا زي ما مصر والعالم العربي والاجنببي عارفين ..

Arsenal Way يقول...

انا ممكن اصدق اي حاجة ما عدا انك تروح الاهلي و تجيب 100 جون

ههههههههههه

ولد تحت الصفر يقول...

أنا حاسس انك لو عملت مدونة تانية و دونت كأنك شخص "آخر" كنا هنعرفك برضه

مش عارف ليه الواحد بقى يحب التخاريف .. يمكن لأنك خليت للتخاريف معنى تاني ...معنى جميل

تسلم دماغك يا هندسة

غير معرف يقول...

هههههههههههههههه

انت بدأت كويس ... ليه الشعر الحلامنتيشي الاخراني ده

عموما جميل واكيد موش هتلاقي زيك عنده الصفات دي :)

عجبتني كلمات بنتواعد جدااا

تحياتي

ستيتة يقول...

هههههههههههههههههههههههههههههههههههههههههههههههههههههههه
الله يحظك يا ابو العريف
اهم شيء في البوست ده
انك المهندس الوحيد الي معاه دبلون
هي تلاقي زيك :)

Me7'o يقول...

ههههههههه

والله العظيم إنت راجل عسل
يعنى من الآخر
أهديك الأغنية الحلوة دى

أنا مش عارفنى
أنا مش شايفنى
أنا مش أنا

ههههه

أبو العريف يقول...

الزهرة البرية

ازيك يا جودي منوره

هنشتم انا بخرف مااااااااااشي

بكرة تندم يا دميل

أبو العريف يقول...

كيارا

طبعا مش يكتبها الا ابو العريف

قصدك ايه بقي

اني بخررررررررررررف

ماشي يا عم بخ

أبو العريف يقول...

كيكي

نفسي اعرف بتدخلي بغير معرف ليه

كسسسسسسسسسسسسسسسسسسوله

أبو العريف يقول...

احاسيس آيوشه

ازيك يا ايوشه

فين الرومانزيه دي

خلينا ف التخارف احسن

الرومانسيه مبتأكلش عيش اليومين دول

أبو العريف يقول...

احوال الهوي

ههههههههههههههه

ازيك يا دكتور

مش عارف يا دكتور تايهه فين

بس انا سعيد ان تخاريفي عجبتك

بس انا الوحيد اللي صاحبي احوال الهوي

دي شرف ما بعده شرف

بس حكاية اخف من غير دوا دي لا

بالعكس


دا الدوا مش جايب نتيجه

واخرتخا هتبقي العمليه

وانا مش بحب العمليات

أبو العريف يقول...

MR.PRESIDENT

السيد الرئيس بنفسه هنا

يا مرحبا يا مرحبا

طبعا انا مش الوحيد

وحيد ده يبقي اخويا الكبير

وانقد يا باشا براحتك

وكسر كمان


منورني

أبو العريف يقول...

مصطفى أبوزيد

هههههههههههههههههههه

ولا ف غير الاهلي وحياتك

ولا بعرف حتي اشوط الكوره

بفشر طبعا

أبو العريف يقول...

ولد تحت الصفر

لا والله

انا عملتها ومحدش عرفني

كانت اسمها امسك حرامي

بس مكنتش بخرف فيها

كنت بسرق الناس اللي تخاريفها تعجبني



منورني بجد

أبو العريف يقول...

فتاه من الصعيد

لازم اقلبها حلمنتيشي والا مبقاش

ابو العريف


انا سعيد لو مجرد كلمه واحده كاتبها عجبتك



منوراني

أبو العريف يقول...

ستيتة حسب الله الحمش

ههههههههههههههههههه

اهي دي كمان فشر

انا مش معايا دبلوم

بس الحقيقه اني اعرف ناس كتير

مهندسين ومعاهم دبلوم بجد


منوراني

أبو العريف يقول...

Me7'o

ميخو

حليب هارتي

اشطه عليك

انت اللي راجل زي العسل

ومقبوله من الغنيوه

واحشني يا باشا

منــار فايد يقول...

ماااااااااااااااااااااااالك؟؟

تخاريف زي الفل ياباشمهندس
مع انها ماتطمنش

كن بخير

ليس فقيرا من يحب يقول...

هههههههههههههههه

انت ملكش حل يا محمد على قطب

كلمات زى العسل والله

حلوة اوى كلمات ونتواعد دى

وتخاريفك كالعاده ولا اروع ولا احلى من كده

دمااااااااااااااااااااااااااغ

غير معرف يقول...

تخريفك المره دى حلوه اوى
دمها خفيف كا المعتادبس المره دى زياده شويه
تحياتى

c'est la vie يقول...

هاى ابو العريف انا وجه جديد على الموقع وبجد عجبتنى جدا انت دمك خفيف اه بس بتعرف تحط السم فالعسل صح

well يقول...

انا انا انا ولسه الكلام مخلص
تخاريف حلوة ولذيذة وخفيفة على المعدة
تحياتى لفنك

Remas يقول...

صباح الخير

بجد تخاريفك مش ممكن

انا الوحيد اللي بحــــــــــــــــبك زي المجنون
وانا اللي طــــــــول الليل قاعد جمب التليفون
وانا اللي لوخدني الاهلي راح اجيب ميت جون
وانا اللي اخــــــــــرته وياكي هتبقي الكراكون


وانا الوحيد اللي اتجــــــــــــند ومخلص جيش
وانا اللي من عيله كبيره وجوز خالتي شاويش
وانا اللي ليا ياناس واســطه في طابونة العيش

وانا اللي معرفتش اكمل ( البوست )
وهقضيها تطنيش

هههههههههههههه

عاجبنى اوى الكلام دا

والبوست بتاع كرسي الاعتراف دا كان بجد مشكلة

هههههههههههه

مش عارفه ازاى اصلا البنت هاتقدر تقاوم كل مواصفاتك دى
وبالذات ال 100 جول والدبلوم

بتعجبنى تخاريفك دايما

تحياتى ليك

غير معرف يقول...

حبيبي واحشني جداااااااااا
صحيح الجرعة جامدا جدا المرة دي
ربنا يسترها عليك
نووووووووووووووووووووووووووووور

غير معرف يقول...

المدام قرات المدونة بتاعت نوووور
واستعد تاخد علقة تمام لما تيجي السبوع علشان الاعادة يامعلم
نووووووووووووووور

أبو العريف يقول...

منار فايد


امممممممممممممممممم

متطمنش

لا اطمني لسه بعقلي ههههههههه

متجننتش قووووووووووي

منوراني

أبو العريف يقول...

ليس فقيرا من يحب

ههههههههههههههههههههه

لازم يا محمد علي قطب

خايفة تتلغبطي بيني وبين محمد علي اخوكي

ههههههههههههههههه

منوره يا رونا

أبو العريف يقول...

الشـوكة الــنـاعـمـة

متشكر جدا علي رايك

وانا سعيد ان تخاريفي بتعجبك

منوراني

أبو العريف يقول...

c'est la vie


انجليزي دا يا مرسي

لا مش انجليزي

يكونش فرنزاوي

طاب اسباني

طلياني


منوراني

أبو العريف يقول...

well

باشا

دايما رافع من روحي المعدنيه

منورني دايما

أبو العريف يقول...

reem

هههههههههههههههههههه

طبعا متقدرش تقاوم

بس هي فين دي

بالنسبه لل 100 جون

دي اقل حاجه عندي



منوراني دايما

أبو العريف يقول...

نوووووووووووووووور


واحشني جدا يا ريس

بالنوسبه لبوست نور

نور مين

انا معرفش حد بالاسم ده

انت مين يا نور


هههههههههههههههههه

افروديت يقول...

حلوة اوي تلقائيتك وعشان كده القصيده الاكملتهاطناش جميله بس ممكن تخلي جوزخالتك يجيب لي واسطه..ههههههههه

محمد سعد القويري يقول...

الأخ الفاضل :: أبو العريف ::
مرحبًا وأهلاً وسهلاً
وبعد

مبدع بتخاريفك ..)

رسائل وجهت باحترافية ( أبو العريف )


دمت بود

افروديت يقول...

ههههههههه..مسمعتش عن قانون التحرش الجديدياتخاريف..حلوة وربنا.