الاثنين، مايو 03، 2010

لما قالت ...............من دفاتري القديمه



بدأ

اه لو عرفت اللي جرالي
وازاي ف بعدك بقي حالي
كانت عنيك حنت ليا
وقلبك كمان رق وجالي
مانت الحياه بالنسبالي

******

دي حاجه رومانزيه كنت كاتبها وانا ف مصر
اهو نفتكر معاكم


***

لما قالت

لما قالت
انت عمري
واغلي حاجه
وروحي فيك

وانه صعب
تلاقي زيي
حد يتجنن عليك

يومها قلت انا مش اناني
ومش مكاني
قلبها

سهل تبقي لحد تاني
ومش بايدي اوصلها


**
هي قصه ف الف ليله
حلوه لكن مستحيله
هي حلم حلمت بيه

هي شوقنا اللي ف عنينا
هي احساس بينادينا
هي بحر غرقت فيه

*******

لما قالت
انه ممكن
ييجي يوم
والقاك هنا

وانه مش صعب
الليالي
في يوم تحقق
حلمنا

قلت ممكن
بس مش لازم
ف يوم
ننسي الحقيقه

اللي بيني وبينك انت
يدوب كده
احلام بريئه

**
هي جرح وغصب عني
كان بعيد بقي جوه مني
هي ايه كده ولا ايه

هي سهله ومستحيله
هي كلمة مالي حيله
ومش بايدي واعمل ايه


وايييييييييييييييييييييييييييييييييييييه




هناك 31 تعليقًا:

Me7'o يقول...

جمييييييييييييييييييلة يا أبو العريف والله

عجبتنى قوى

كلامها سهل ممتنع

بس طبعاً مش ممتنع عليك يا ريس

تحياتى

ملحوظة:

ليك وحشة والله

ليس فقيرا من يحب يقول...

وايييييييييييييييه

الله عليك يا ابو العريف يارومانزى

ايون كده دعبس فى دفاترك القديمه

وطلع الحاجات الحلوة دى

بدءا دى جميله جدا جدا

ولما قالت كلماتها خفيفه ومختلفه

وروعتها فى تناقضها

تسلم ايديك

star in the sky يقول...

متعملش حاجة

سيبها على ربنا

فتافيت يقول...

ايه الرومانزية ديه كلها
لا رومانزي رومانزي صحيح :)

بجد حلوة اوي.. لو دفاترك القديمة فيها حاجات جامدة كده

نفضها كلها لنا هنا.. وينوبك ثواب فينا :)

فتاه من الصعيد يقول...

جميله اوي ماشا الله ..

يا ريت تستمر بالكتابه...كلماتك اشبه بالشعر المغنى .... وفيها افكار غير مكرره

دمت مبدعا

تحياتي

ستيتة حسب الله الحمش يقول...

وايه وايه وايه يا سيدي

هي سهله ومستحيله
هي كلمة مالي حيله
ومش بايدي واعمل ايه

ليه يا عزيزي
هي سلسلة رجل المستحيل يعني ولا ايه؟ :)

الشـوكة الــنـاعـمـة يقول...

تحياتى على عذب الكلام
خاطره جميله اوى
تحياتى

منــار فايد يقول...

هيا سهله ومستحيله
هيا كلمه مالي حيله

ابو العريف ياشاعر
النهارده بس
بقراها بشكل مختلف جدااااااااااا

لما بنكون عايشين نفس الحاله في اللي بنقراه
بنحس انه الكلام طالع ع لسانا احنا

انت كويس جداااااا

كل الود

قلم رصاص يقول...

ياسلاااااااااااااام
اييييييييه دا كله

بجد جميله اوي اوي اوي ياابو العريف

كلامك جميل وخفيف وسهل الهضم

استمر في الجو دا وصدقني هتطلع لنا روائع ان شاء الله

تقبل مروري وتحيتي

خواطر شابة يقول...

تعرف كنت فمود تاني مع كلماتك لكن أرجعتني للواقع بكلمة واييه على طول جه في بالي شعبان عبد الرحيم فطارت الرومانسية ربنا يسامحك ههه

كيــــــــــــارا يقول...

واييييييييييه دنيا

انت قلبتها شعبان عبدالرحيم في الاخر ليه ولا حانوتى لاحول ولا قوة الا بالله مش تعرف تكمل رومانسيه للاخر ياساتر عليك ايه الناس دي


جد بئا

بجد تحفه وكلامها اغنية متلحنه


اللي بيني وبينك انت
يدوب كده
احلام بريئه


وانت عاوز ايه اكتر من كدا هتنهب ايه الناس دي هههههههه

أبو العريف يقول...

ميخووووووووو

منور الدنيا والله

عجبتك

الفهالك في قرطاس
هههههههههههههههه


واحشني والله يا ريس

أبو العريف يقول...

ليس فقيرا من يحب

ازيك يا رانيا

منوراني

بس هو فين التناقض ده

استني كده اما اقراها واشوف

اصلي مباخدش بالي م الحاجات دي

أبو العريف يقول...

star in the sky

معاكي حق

بس هو في ايه بقي

منوراني

أبو العريف يقول...

فتافيت

ايه رايك رومانزي اخر حاجه

وان كان علي دفاتري القديمه


مفيهاش حاجه تستاهل

منوراني

أبو العريف يقول...

فتاه من الصعيد

متشكر جدا علي رايك

هي الكتابه

يا فكره يا احساس

وبما ان مفيش احساس

يبقي بلاها الفكره

والله انا ما فاهم حاجه

منوراني

أبو العريف يقول...

د ستيته

وايه وايه وايه

والله ما اعرف اهي حاجات قديمه بقي

معنتش حتي فاكره هي ايه اللي خلاني كتبتها


منوره الدنيا

أبو العريف يقول...

الشوكة الناعمه

متشكر جدا

منوراني دايمه



سؤال

هو فيه شوكه ناعمه

أبو العريف يقول...

منــار فايد

ازيك يا منوره

بس مش شاعر ولا حاجه

دي مجرد خواطر

وانا سعيد ( وحزين ) بالاحساس اللي وصلك

أبو العريف يقول...

قلم رصاص

هههههههههههههههه

حلوه سهلة الهضم دي يا باشا

اه احسن لما ناخد فاتح شهيه

وبعدين الواحد خاسس


منورني دايما

أبو العريف يقول...

خواطر شابة

هههههههههههههههه

انا طبعا كاتبها مخصوص عشان شعبولا

وايييييييييييييييييييه

أبو العريف يقول...

كيــــــــــــارا

ههههههههههههههه

اه شعبولا حبيبي

مين شعبان عبد الحليم ده

يعني ايه هتنهب

اه طبعا لازم انهب

أحــوال الهـوي يقول...

كلاكيت تاني مرة
اكتب التعليق و ما القاهوش
انا باتنشل في المدونه دي يا ناس

عجباني الرومانزيه وكلماتك الجميلة يا بوس

انت متعدد المواهب رسام و كاتب

و ايييييييييييييييييييه

تحياتي

محمد سعد القويري يقول...

الأخ الفاضل :: أبو العريف ::
تحية مباركة

ما شاء الله ..


إيه الحلاوة دي ،،)


متميز

rony يقول...

جميله جميله جميله بجد

بس مش عارفه ليه الأحلام مستحيله
مش كانت فى ايدك سبتها ليه؟
لما حاجه تكون فى ايدك ما تسيبهاش
وربنا يعمل اللى فيه الخير تحياتى

موجة يقول...

مكنتش عاوزة اعلق عندك بصراحة رغم انى كنت مش بفوت بوست الا اما اعلق عليه((((بكش طبعا)))))
لكن رخامة على رخامتى اللى بترخم عليك وانت رخمت عليا قلت ارخم عليك واعلق برخامة عندك

بالنسبة للمقدمة بدايه البوست:

اه لو عرفت اللي جرالي وازاي ف بعدك بقي حاليكانت عنيك حنت ليا وقلبك كمان رق وجاليمانت الحياه بالنسبالي

جميلة جدا جدا جدا ......
واحساسها مرهف(( حلوة مرهف دى))
وشفاف ((متفهمش غلط))
وحلو كدة يعنى

وفى كمان جزء لفت نظرى وعلق فى دماغى
:
اللي بيني وبينك انت يدوب كده احلام بريئه
........ ولا ايه؟؟؟؟؟؟؟؟؟

أبو العريف يقول...

احوال الهوي

ازيك يا دكتور

بفرح قوي بتعليق هنا

او هناك


وكلامك وسام علي صدري

وايييييييييييييه

أبو العريف يقول...

الاخ محمد سعد القويري

ازيك يا مستر قويري

منورني دايما

متشكر علي رايك

تحياتي

كيكى عوووووو يقول...

اللي بيني وبينك انت
يدوب كده
احلام بريئه
****************
ايوة ياسيدى وما اكثرها تلك الاحلام البريئه!!!!!
بس انا مفهمتش همه بعاد ولا قريبين من بعض
ولا ع ما اظن همه فى حاله كدة غريبة مش مجمعهم ببعض
فهمت انا صح
!!*****************
قولى بقى بتغسل ببرسيل ولا اريال دلوقتى؟؟
انا ساعات بستخدم شامبو بعمل حبه اضافات

ولد تحت الصفر يقول...

و الله وطلعت رومانزي يا أستاذ



طبعاً مش هقول انها عاجباني لأنها - رغما عني - عاجباني

هو فيه حد في الدنيا يقرأ جملك الرائعة دي و لا يغنيهاش ؟


"هي قصه ف الف ليله"

امسحها أحسن الرقابة تشيلهالك ..




تقبل مروري و ايييييييييييييه !

أع ـقل مـ ج ـنـونــة يقول...

تحفففففففففففففففففة بجد

الله عليك ياحبيب والديك :D

عجبتني يا ابو العريف

ممكن شاي بئة ؟

دي اول مرة اجي هنا !

وابئة تعالي نشرب شاي في مدونتي :P

سلامو عليكو :)