الأحد، مايو 16، 2010

الطريق الي عتليت .......

في البدايه



المفروض بوست النهارده كان عشان اقول ان البوست اللي فات



كان مجرد اشتغاله او فكره مجنونه او تخاريف من تخاريفي



ويمكن كان الغرض منه اني اقول



اننا كلنا في عالم التدوين نعرف بعض



في ناس نعرفهم كويس وبنحبهم



وبنعرف بعض تفاصيل حياتهم



مصدقينهم في عالم كداب



وبنحس بيهم في عالم خيالي



وبنشاركهم في عالم افتراضي



الحاله غريبه بس جميله



لان محدش بيفكر اللي قدامه ده بيكدب والا صادق المهم اللي بيكتبه



كمان انا متأكد انه محدش يفرق معاه اللي بيكتب ده شهادته ايه وللا عايش فين



هي دي الحكايه كمان حبيت اهزر معاكم


انا سعيد بالناس اللي مصدقوش عشان حسيت انهم قريبين مني

وسعيد باللي صدقوا عشان عرفت اشتغلهم



ولا ايييييييييييييييييييييييييييييه






******************************









المهم



ميموتش حق وراه مطالب



دا اللي اتعلمناه من صغرنا



لكن للاسف حكوماتنا ما اتعلمتش



دي دعوه اطلقتها د / ستيته



اننا نطالب بحق اسرانا اللي قتلوهم اليهود بوحشيه



وده الموضوع



الجزء الاول

http://www.youtube.com/watch?v=Jkuk2RAR9VI&feature=fvst


الجزء الثاني


للا سف النت عندي مرضيش يجيبه فيديو فاضطريت اجيب الروابط


******




وزي ما كان واجب علي اني انشر الموضوع




واجب عليكم انكم تنشروه




انا هختار بعض الناس وهعملهم تاج ياريت مايكسفونيش




وينشروه بحيث ان الموضوع يتنشر علي اكترؤ عدد ممكن من المدونات







اللي عليهم الواجب




د/ عصام ..... احوال الهوي




م / محمد محتار ( ميحو ) .... رحيق الحياه




أ / كريم ............ شاب فقري




م / موجه ........... بين السماء والارض




أ / رانيا .........ليس فقيرا من يحب




د/ منارفايد ............شباك موارب




أ/ كيكي ............فكك مني ( حلوه استاذه دي .... اي حدمه )




well ............ كشكول 100 ورقه




كيارا ......... عالم مولان


جودي ..........علي جناح يمامه




واخيرا اي حد يقدر ينشر الموضوع







تحياتي للجميع
















هناك 13 تعليقًا:

حواء يقول...

مش كل المدونين بيعرفوا بعض الحكاية كلها صدفة واللى بيعلق عند حد بير له التعليق ولو غاب شوية ماحدش بيفتكره .. اما الكلام اللى بينكتب صح وللا غلط ده بيرجع لإحساس القارئ المفروض لو حس بلاكلام ووصل لمشاعره يعلق وفى الموضوع ولو ماوصلش يكتفى بالقراءة وبس ومش لازم كل مرة يعلق ممكن بوست يعجبه وبوست لأ المفروض يكون فى مصداقية من غير مجاملة .. ده رأيى .. تحياتى

أحــوال الهـوي يقول...

اولا ما كانش يفرق معايا انت ايه لاني باحبك و احترمك اخ صغير
صاحب تخاريف مجنونه

ثانيا انا باشكرك لارسال الطريق الي عتليت لنشره في المدونه وانا كمان وعدت ستيته بنشره

ربنا يبارك فيك و يجعلنا حجر في ايدين الحق يرجم بيه الباطل

تحياتي

MR.PRESIDENT يقول...

هيفضل طول العمر
محفور علينا
اللي حصل
وسكتنا عنه
دولة الصهاينة
بيحاولوا يبينوا
للعالم
قد ايه الجندي بتاعهم غالي
وجنودنا المسلمين والعرب
رخاص
فلتسقط في يوما ما
تلك الدولة

كيكى عوووووو يقول...

منه له
************
عارف ان بحس ان احنا مش مجرد ناس من وراء كمبيوتر لا الموضوع اكبر بكتير
الموضوع عباره اننا ارواح بنلاقى بعض!!!
يعنى عمرك تخيلت تعرف ناس من القاهرة من اسكندرية من راس البر ولاعمرك شوفتهم وبقوا اصحابك انا بقى فى ناس كتير رغم بعد المسافات واصحاب!!!
انا لحد دلوقتى مش مستوعبه الموضوع
بس سبحان الله
المهم...انا ماصدقتش الاشتغاله يبقى ليه حق 2 كوتشى لو سمحت!!!
وهاروح افهم الموضوع اكتر عند ستيتة
اوك

ستيتة حسب الله الحمش يقول...

يارب ننشرها يا قوم
يارب يتم تجاوب
مشكرين يا عم الجرارات الإلكترونية
هو انا ها سيبك بعد الجرارات
والدبلون
وجيش صفية حلمي اللي فيه نت وانت قاعد عليه :))
انت جيت لحد عندي وربنا يصبرك بقى

ربنا يشكر لك يا باشمهندس
تحياتي

قلم رصاص يقول...

كنت حاسس انها اشتغاله
بس في جميع الاحوال دا مكانش هيفرق معايا

اهم حاجة انت بتقول ايه وبتكتب ايه

انها الموضوعيه ياصديقي

فلننحي الشكليات جانبا

احنا بلد بتاعة شهادات وتموت ف الورق

المهم

احييك على استجابتك لدعوة الدكتوره ستيته

تقبل مروري وتحيتي

فتاه من الصعيد يقول...

فعلا ما ضاع حق وراءه مطالب

ربنا بس ييسر ونقدر نطالب بحقنا تاني في ظل الصمت الرسمي ده

فاتتني الاشتغاله اللي فاتت لاني كنت في اجازه... واحسن انها فاتتني لانك اترحمت من تعليق تحليلي فلسفي للعالم الافتراضي :)

تحياتي

لنحيا فى اجواء الحب يقول...

سؤال ياابو العريف هل حكومتنا برئيها عندهم القدرة لرفع راية العصيان على اسرائيل؟

بالطبع لا للاسف ملف الاسرى دخل ضمن دوامة الاسرائيليات الزائفة

وعموما دعوتك نبيلة جدا و

دمت ودام قلمك

مصرى

د. ياسر عمر عبد الفتاح يقول...

بالنسبة للإشتغالة
فبيني وبينك أنا مكنتش مصدق خالص
علشان موضوع لقاء السعودية
إنت قابلت الناس في السعودية
يعني مينفعش تطلع عسكري في الجيش المصري


بس أنا عملت عبيط زي ما قال جمال الشاعر

هقولك على حاجة
دي مش اشتغالة
أنا خايف يكون كذب ..
فكر فيها تاني


بالنسبة للواجب فأنا عملته والحمد لله
وإن شاء الله مش هننسى أبداً ولادنا اللي ماتوا علشان إحنا نعيش

ليس فقيرا من يحب يقول...

ههههههههههههههه كنت عارفه

انها اشتغاله واخدتك على قد عقلك

على رأى ميخو اومال اللى حضر اللقاء

كان ام العريف ههههههههههههههههه

ناس مجنونه رسمى

انا خلاص لبيت الدعوة ونشرت

احاسيس آيوشه يقول...

كانت عارفة انها اشتغالة بس كانت اشتغالة حلوة هههههههه
التدوين كان فيه حاجات كتير جميلة وشدتنى ليه بجد وكان فيه حاجات سيئة كرهتنى فيه فترة
بس الحاجات الحلوة والناس الاحلى كانوا اكتر ومقدرتش ابعد عنهم :)
اى نعم ملقتش حد يقدر بيفهم انا مين وايه ولا يحاول يتعمق ويعرف شخصيتى الحقيقة الا يمكن فرد واحد بس وكدا احسن علشان منكدش على الناس :))

وما ضاع حق وراه مطالب والموضوع لازم يكون اكبر من مجرد نشر فيديوهات

افروديت يقول...

شوف أنا سمعه حق الاسري ..حق الاسري..هوكان مين قدريجيب حق اللي مامتوش في فلسطين..عذرآ رأيي المتواضع عمرناماهنشوف من اسرائيل دي حاجه خالص وان كنتوا عايزين تعويض مادي عن حق الاسري ففي رأيي ان حقهم لايقدربكنوز الارض..ولكن ما أريده دم مقابل دم مليارات أستشهدواعلي يدالصهاينه..تقبل مروري

ابو المفاصل الواصل يقول...

ما احلى التخاريف
تحياتى
===
حفل التاريخ باوغاد قلبوا المفاهيم وحولو ا الصح غلط/

فحاربوا الحلال وسفهوه وسوقوا الباطل وبلعوا الزلط/

وسقطوا كل ناجح ونجحوا كل فاشل وبالذات من سقط/

واشباههم سايروهم وخاصة من فهم اللعبه والرمز التقط/

وكونوا ممالك الكلمة العليا فيها للقتله …….والقتلة فقط/

فبمقدار سفكهم للدماء يكون قدرهم قد علا وقد ظبط /

ولا الومهم بقدر ما الوم اتباعهم عن خبث او عن عبط/

فبهم يسود الحسود الجهول المجرم الغبى اللللللبط /