الأربعاء، يونيو 09، 2010

عيونك ايه ...... عوده للرومانزيه


عيونك ايه

رموشك ايه

شفايفك مرسومين كده ليه

****

عيونك ليه بشوف فيهم

حنين نايم في بحر سواد ملوش اخر

بتوه انا فيه



عيونك ايه مفيش فيهم

غير السحر اللي خلى قلبي مش قادر

ياروحي عليه



عيونك دول ملايكه

ملايكه وقلبي انا محتار



خدوني ف الف سكه

ومقدرتش علي المشوار



أمانه لو ف يوم طيفي لمس قلبك

يفكر فيييييييييييه

عيونك ايه



****

رموشك ايه

سهام من نار.... وباستمرار

يشاغلوني ...كتير كده ليه



رموشك ليه

شداد قادرين ... وانا مسكين

وشبكوني ..وهعمل ايه



رموشك دول حكاية

حكاية وسحرهم جبار



يزيد شوقي وهوايا

وبحكيلهم علي الاسرار



امانه لو ف يوم طيفي لمس قلبك

يفكر فييييييييييييييه



رموشك ايه

****



شفايفك ايه

دي رقتهم

ضياع وعناد ... وباستبداد .

بتتحكم ... في قلبي انا ليه



شفايفك ليه

ف ضحكتهم

امل من نور .... وبدر بدور

بيتبسم .... بسحر عنيه



شفايف ايه دي جنه

دي جنة وجمرتين من نار



وانا عاشق وبتمني

وبحلم بيكي ليل ونهار



امانه لو ف يوم طيفي لمس قلبك

يولع فيييييييييييييييييييييه



عيونك اايه

رموشك ايه

شفايفك مرسومين كده ليه













هناك 19 تعليقًا:

ليس فقيرا من يحب يقول...

عيونك دول ملايكهملايكه وقلبي انا محتار

خدوني ف الف سكهومقدرتش علي المشوار

الله عليك يا ابو العريف

حلوة بغباااااااااااااء

وكلمات ولا اروع

دا انت رومانزى وانا مكنتش واخده

بالى

تسلم ايديك ياعم الرومانزى

يارب يسعد ايامك

ليس فقيرا من يحب يقول...

هههههههههههههههههههههههههه

رومانزيه ايه بس يولع فيه

هههههههههههههههههههههههههههههههه

يولع فيه يا محمد

يا لاااااااااااااااااااااااهوى

انا سحبت التعليق اللى فات

ههههههههههههههههههههههه

мαησηα يقول...

ههههههه كنت ماشى حلو اوى لحد

يولع فيه دى

" بس ده واضح انه تأثير الجو عنديكم

صح ؟؟ "

لا بس بجد رومانزية رومانزية

تسلم الايادى يا محمد

خواطر شابة يقول...

رومانزية رومانزية مفيش كلام بس رومانزية على ثقيل طيفك لو قابل قلبي يولع قيه يالهوي بصراحة قمة الرومانزية اللهم احفظنا

منــار فايد يقول...

الله الله عليك ياباشمهندس

هههههههههههههههه

انت متاكد جداااااااا
ان كتاباتك بتعجبني جدااااااا

وليهم طعم تاني خالص
ماليش انا فيه
امانه لو في يوم طيفي لمس طيفك
يمسي عليه...........

احاسيس آيوشه يقول...

ياسيدى على الرومانزية دى كلها ياسيدى بس ايه يولع فيه دا بس
طلعتنا من المود خالص :)

الشـوكة الــنـاعـمـة يقول...

كلام جميل اوى
بس ممكن استفسار
ليه كل الرجاله بيفضلو يقولوا كده ولما تبقى فى ايديهم كل حاجه بينسوا الكلام ده
ويفضلوا يقرفوا فى الست كأنهم بيعقوبها انها حبت
بس بجد تحفه ربنا يديم عليك الحب
تحياتى

رضا الكومى يقول...

إزيك يا أبو العريف
لك وحشة يا راجل
وإيه الرومانسية اللى دى كلها
بس ليه ملاحظة
علشان تكمل الرومانزية
تشيل كلمات زى دى
(بحر سواد )
( يولع فيه)
عشان تكمل الرومانسية

بس رومانزى
رومانزى يعنى

فتاه من الصعيد يقول...

رومانزيه جميله :) ..

بجد كلماتكجميله جداااا ... تنفع غنوه :)

تحياتي

فتافيت يقول...

عااااااااااااااا

رومانزية رومانزية يعني
ويولع فيه كمان.. الحب ولع في الدرة يا سوسو

حلوة اوي.. بس انت فصييييل
فصلتني على الاخر بيولع فيه ديه :))

كمل رومانزية يا هندزة

مصري جدا يقول...

بئا كل دا في وشها بس

طب كفايه كدا

ما تبصش أكتر من كدا

reem يقول...

لا بجد رومانزية اوى

وما احلى العودة الى الرومانزية

حلوة اوى اوى ياباشمهندس

رموشك ليه


شداد قادرين ... وانا مسكين


وشبكوني ..وهعمل ايه


عاجبنى اوى اوى الجزء دا

بصراحة تحفة

بليز كتر لنا من الرومانزية دى

yasmina يقول...

هاااااااى
بجد سعيدة انى زرت المدونة من تانى

وسعيدة اكتر بالكلام الجميل دة بجد البوست رائع كلامه بسيط ومحسوس جدا

تحياتى

أم الخــلـود يقول...

دندنات جميلة .. ورائعة.

(حملة الجسد الواحد)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

صورة الشعار .. في مدونتي كركر .. ويكتبون فوقها ..

(حملة الجـسد الواحـد)

رابط المدونة

http://krkr111.blogspot.com

جعله الله في ميزان حسانتكم .. آمين

موجة يقول...

عيونك ايه ورموشك ايه وشفايفك مرسومين كده ليه
حلو اووووى التلات حاجات دوول تكتب عنهم وتوصفهم وكمان ترسمهم
تسلم ايدك

Dr. Mohammed Ali يقول...

كلمات معبرة وجميلة..
تقبل مروري وتحياتي.

ولد تحت الصفر يقول...

:)

جميلة جدا يا بشمهندس

جدا

mohamed ghalia يقول...

انا جاى اعزم وماشى على طول ياصاحبى
تتشرف دار المصري للتشر بدعواتكم لحضور حفل توقيع كتاب هل تبحث عن السعادة للكاتب محمد غالية
بمكتبة عرابى المهندسين وذلك يوم يالسبت الموافق 3/7/2010 فى تمام الساعة السادسة مساء

نسر الشرق يقول...

اسكفوخس عليهم
الحقيقة ان الشعب المصرى عنده اسفكسيا الخنق من النظام كله
http://nisr-elsharq.blogspot.com/