الاثنين، يونيو 28، 2010

اسفكسيا .................. قصة ليست بالقصيرة

خالد..............قتل
امام الماره وعلي مرأى ومسمع من الجميع قتل خالد بايدي جنديين من جنود الاحتلال الانجليزي في زمن غابر
ولا استطيع ان اصف مدي وحشية قاتليه وعنجهيتهم

خالد .... اصبح تقرير


التقرير الصادر من الطب الشرعي بإملاء من الحكومه ( بما اني اتحدث عن الاحتلال الانجليزي فبالطبع لا اقصد حكومة انجلترا)جاء ليقول " ان الشاب قتل (باسفكسيا)* الاختناق نتيجة ..................................................... "


هامــــــــــــــــــش
ـــــــــــــــــــــــــــــــ
*حاول ان تبحث معي علي معني كلمة اسفكسيا

################


خالد .................رمز

اتشحت مصر بالسواد من شرقها لغربها ومن شمالها لجنوبها ليس لان خالد بطل او قائد

ولكن لان خالد رمز .... رمز لكل منا ...رمز لكل مصري دهسته دبابات الاحتلال

وامه ايضا اصبحت رمز ..لمصر....المكلومة علي ابنائها المقتولين بـــــــــــ( الاسفكسيا)**




هامــــــــــــــــــش
ـــــــــــــــــــــــــــ


**لا تشغل نفسك بالبحث عن اسفكسيا فحتما لن تجد

#########################

خالد .................ثورة

في الاسكندرية قامت النخبة متمثلة في كل من ( سعد زغلول - احمد عرابي - مصطفي كامل -حسن البنا )

بمظاهرة كبيرة منددة بالاحتلال الانجليزي وتصرفاته الهمجيه

انتهت المظاهرة سريعا حتي يستطيع المتظاهرون ان يشاهدوا مباراة انجلترا في كأس العالم


هامـــــــــــش

ـــــــــــــــــــــــ

اسفكسيا : كلمة علمية لابد ان يطعم بها اي تقرير (مضروووب ) للطب الشرعي


##################

قامت الدنيا ولم تقعد فتحركت الحكومه مرة اخري لترسل اطباء شرعيين لاخراج الجثة وتشريحها مره اخري

ليعطي املا جديدا بتغير تقرير الاسفكسيا

هامــــــــــــــــش
ـــــــــــــــــــــــــــــ
اسفكسيا : كلمة ( ابيحه ) بمعني اسفخس عليكم يا اولاد الكلب

###################

واخيرا جاء تقرير الاطباء الغير شرعيون ليؤكد انه مات بالاسفكسيا ذاتها


هامـــــــــــــــــش

ـــــــــــــــــــــــــــــ


اسفكسيا : في المعجم الوجيز والمحيط والوسيط جاءت بمعني

( الظلم - الفساد - التزوير - الاستبداد - البلطجة - الوقاحة - القذارة - التبجح )

وكلمات اخري مشابهة

##################

نهاية الاحداث

وانتهت الاحداث دون ان تفعل النخبة اي شئ

فأحمد عرابي نفي لجزيرة هاواي

وحسن البنا اغتاله المحتل ولم يجرؤ اي طبيب ان يحاول انقاذه وهو في لحظاته الاخير في مشهد شديد المأساوية

وسعد زغلول نفي ايضا الي فرنسا لينعم بالخمور الفرنسية المعتقة ولعب القمار

اما مصطفي كامل فمازال يعاني من المرض حتي الان

واخيرا

يسقط الاحتلال الانجليزي

عاشت مصر حرة مستقلة



هامــــــــــــش

ـــــــــــــــــــــــــــــــ


كلمة اسفكسيا : هي كلمة لا تعني لي شيئا


فانا اشعر اني لا شئ


( )


فراغ عديم الفائدة




















هناك 12 تعليقًا:

MR.PRESIDENT يقول...

المشكل
اننا بعد فترة
هننسي خالد
وهيبقي الشعب عايش
سعيد
يارب تفضل ذكري يا خالد يا سعيد
وتكون شمعة للشعب للخلاص

ليس فقيرا من يحب يقول...

مش هاعلق غير بعد اتزان الحاله النفسيه

السيئه والحزن الغير عادى اللى حصلى بعد ما

قريت البوست

فتاه من الصعيد يقول...

اسفكسيا الفساد :(

الله يرحمه

تدوينه موجعه لكن اسلوب رائع

تحياتي

رضا الكومى يقول...

والله يا أبو العريف
لو احتلال انجليزي كان أهون
لكن لما الضربة تيجى من جوة البلد
دى المصيبة

وعلى فكرة كلمة اسفكسيا
تتكون من مقطعين الأول (اسفك)
بمعنى اسفك الدماء
والثانى ( سيا)
يعنى سيان
بمعنى ميهمناش

فتافيت يقول...

المشكلة بقى ان التقرير الاول.. كان بيقول انه مات بالبتاعة ديه اثر بلعه للفة بانجو.. وماقلش حاجة تانية

التقرير التاني قالك ايه.. انه مات بالكلمة الابيحة ديه اثر بلعه للفة بانجو ولاقو في دمه حشيش.. وترمادول.. يعني ما شاء الله ضرب حشيش وبانجو وترمادول في يوم واحد.. ان زعلانة جدا ان الكولا اهدر حقها وماطلعتش في التقرير.. يعني حبة كولا كده في مناخيره وكانت تبقى لوز العنب.. ويبقى مات اثر كولكشن مخدرات .. مما ادى لطفج جلدي ..

هاتشل يا ابو العريف والله

Hager ZaǮbal يقول...

ظلم ..
خوف ..
صور وحكاوي تموت الواحد من جواه ..
وآراء متضاربه ..
وزيف ويلبسوه حاجات كتير ..

مبقتش عارفه اصدق مين واكدب مين
:S

sun of free dom يقول...

حسبنا الله ونعم الوكيل
ربنا ينتقم من الظلمة

كراكيب يقول...

دمعتني تاني يا ابو العريييف

ومش عارفة هتفضل لإمتى هي دي شغلتنا... قرف ييجي ويروح واحنا نعيط
امتى بقى هنصرخ ونكسر وندشدش الدنيا على دماغهم
معرفش

الله يرحمه يارب

يا ابو العرييييييف
ازيك بقى..... عامل ايه وايه وايه

ياااارب تبقى تمام وفل الفل

كان نفسي اسلم عليك اكتر بصراحة بس انت قفلتني على الصبح وشكلي مش هشرب كوباية الشاي حتى اللي قدامي دي

;)

miro el niro kwanirooooo

هتلاقينى هنــــاك اوعى متجيش يقول...

والله يا ابو العريف لو الدنيا كان ليها لازمة ماكانت حصلت الأزمة وللا انضربنا بالجزمة ولا اندفنا في تراب المذلة والمهانة بالربطة والحزمة ولا كانت كرامتنا ضاعت ولا اتبهدلت اخلاقنا ولا تهنا...........
بس للأسف ملهاش لازمة
عشان كده حصل اللي حصل لي وليك.
حصل اللي حصل لخالد قدام عنين المارة وعني وعنيك.
حصل اللى حصل والكرباج على اجسامنا رسم لوحة والقيد في ايدي وايديك....
يا ريتها كان ليها لازمة...

محمد سعد القويري يقول...

الأخ الفاضل :: ابو العريف ::

:)

طريقة الطرح إبداعية ..

شددتني لقراءة القصة التي ليست بالقصيرة ... إلى آخرها ..

دمت بود

أم الخــلـود يقول...

اصحى يا نايم ووحد الدايم

(حملة الجسد الواحد)

أرجوا من المدونين الموقرين أن يضعوا شعار الحملة واسمها فقط فوقها (حملة الجسد الواحد) في الشريط الجانبي لمدوناتهم كدلالة على وحدة صف أمة محمد، ومن أجل قيام الولايات المتحدة الإسلامية

لمزيد من المعلومات

http://dndanh111.blogspot.com/2010/06/blog-post_14.html

جعله الله في ميزان حسناتكم .. آمين

علاء المصرى كل يوم يقول...

دعوة للتواصل

تحياتى