راجع وانا شوقي ماليني
واحلي حكايات بتناديني
ايام من ماضي سنيني
وزكريات من زمان
...................
***
بيتنا القديم والسطوح
وحاجات لا يمكن تروح
من قلبي وعقلي وروحي
وحبي البرئ اللي كان
ورا باب بلكونة الجيران
***
بنوته حلوه وجميله
وحكاية من ألف ليله
واسهر ليالي طويله
استني القمرا تبان
ورا باب بلكونة الجيران
***
ألمحها بطرف عيني
اجمل بنوته ف عيني
واسمع من غير ما تناديني
وعيونها تقول وانا كمان
ورا باب بلكونة الجيران
***
ورا شيش مقفول تستخبي
تتداري وتبان المحبة
وكبرنا سوا حبه حبه
وشاهده علينا البيبان
ورا باب بلكونة الجيران
***
سحر الخجل كان خاطفني
والضحكة لما تشوفني
مع قلب طيب عارفني
اجمل احساس بالامان
ورا باب بلكونة الجيران
واخير ا
احب اوضح ان بيتنا القديم كان في الأرياف
يعني حكاية بلكونة الجيران دي هناك
محض خيال (حلوه محض دي )
كمان بيتنا كان قدامه هوووو
و
بيتنا الجديد اللي قدم خلاص برضه كان قدامه هوووو
وشكرم
هناك 30 تعليقًا:
انت كده بالتعقيم الاخرانى بتاعك
وفرت علينا الاسئله
اكيد قولت فى عقل بالك كم اكره تفكيركم
يا مصريين هههههههههههههه
البوست رقيق وجميل جدا
اجمل احساس بالامان ورا باب بلكونه الجيران
حلوووووة جدا
تسلم ايديك
متكررهاش تانى هع هع هع
جميلة جدااااااااااااااااااااا
وبعدين سيب الناس في خيالها شوية
لازم تقول لهم ان قدامك كان ورا بلكونة الهووووووووووووو
تسلم ايدك
سحر الخجل كان خاطفني
والضحكة لما تشوفني
مع قلب طيب عارفني
اجمل احساس بالامان
ورا باب بلكونة الجيران
كله حلو
بس الحته اللي فوق دي جامده الصراحه
احلي حاجه في الدنيا الاحساس بالامان
ودي
بجد حلوه جداااااااا:)
أخلص
قابلتها ولا لسا
حلوة جداً يا أبو العريف
كلماتها تحس إنها مكتوبة باحساس طفل شقى صغير
تسلم إيدك
وعفوم
تصدق فكرتنى بايام زماااااااااااان
ايام ما كان ابن الجيران يقعد يبص عليا من بلكونتهم وانا ابص من الشباك اللى هو ما يشوفوش عشان ما يعرفش انى ببص عليه
ياااااااااااااه
ايام بقى
فين من زمااااااااااان
تسلم كيبوردك يا تخاريف
ويارب بقى تتهد وتتجوز خلينا نفرح فيك
الله عليك
انت حاطط موافقات وكده
شوفت الغربة غيرتك يا ابو العريف
يعنى انت دمرت كل الخيال الجميل اللى انا قعدت اتخيله ده وتعبت تفكيرى واعصابى علشان اتصوره بالتعليق الاخير ده
روح يا شيخ.. وهاتلى شوكولاتة وانت جاى
ماااااااااااااشي ياباشمهندس
بتشتغلنا يعني
وانتم تلاقيكم ماعندكوش بلكونات اساسا
بس بجد جميله
والاحلى محتواها
واحساس كاتبها
دمت مبدعا في نظري
شباك موارب(منار فايد)
(بيتنا القديم والسطوح
وحاجات لا يمكن تروح
من قلبي وعقلي وروحي
وحبي البرئ اللي كان
ورا باب بلكونة الجيران)
وحاجات لا يمكن تروح
ابدا ابدا ابدا
لا من قلبنا
ولا من عقلنا
فقد حُفرت
فيهما.
كلامك حلو زى ما هوا
ياابو العريف العارف
كل حاجة:)
وعلى فكرة
انت محظوظ!
بقى ادام بيتكم
كان هوووووووووا
يابختك يابختك يابختك
هو فى احلى من الهووووا:)
هههههههههه
بوظت الخيال بالهو بتاعك ده
بس عموما كلماتك جميله اوي
تسلم ايدك
تحياتي
حلو اوى الخيال ده عادى كلنا بنتخيل ابن الجيران والكلام ده من حقك تتخيل بنت الجيران
البوست جميل تسلم ايدك
انا طبعا مش بازورك كتير بس معلش الزحمه بقى هههههه بس ان شاء الله هتشوف تعليقاتى كتير بعد كده بس ابقى تعالى عندنا شويه
تقبل مرورى
هوووووو دي ممكن تكون بلاعة زي اللي قدام شقتنا اللي في الدور الخامس ؟ .
انت رائع يا بشمهندس و انا عارف ان الكلمة دي بتتكرر كتير في مدونتك دي ...
أنت ما يجب للروعة أن تكونه
بجد
ههههههههههههههههههههه
يعني معقول ما عشتش موضوع بنت الجيران خالص؟؟
مش لازم يكون بلكون وشيش.. بس شور كان فيه بنت جيران
يلا بقى قر واعترف.. ان كان فيه بنت جيران
بس ماكنش فيه بلكونة :))
حلوة يا يا باشمهندس ابو العريف
حلوه خيال محض دى
بس جامد الكلام حلوه اوى والله
بقالى كتير مش قريت التخاريف
كون بخير
تحياتى
على فكره مش جديد عليك
ده اسلوبك واتعودنا عليه
جميل ________بسيط_________مشوق
وتوهــــــــــــــــان وخصوصا
"ورا باب بلكونة الجيران"
بس اللى انتا متعرفهوش
واالى كان مفروض يكون مفاجأة
إن الهوووووو اللى كان قدام بيتكم
راح مع الرررررررررررررررريح
واتبدل بعشش واكشاك وورش وعشوائيات...
وبكره ترجع بالسلامة وتشوف أن بلدوزرات الحكومة شالت كل ده ورجعت الهووووو لاصحابه.
يسلموا الفصين اللى في أخر الجمجمة موجودين واللى متوصلين فى شمال الصدر باذين وبطين على التعبير الحكيم والاحساس الاليم بالغربة وآلامها....
وترجعلنا بألف سلامة.....
أبوزيــــــــــــــــــاد
البوست جميل اوى
تسلم مشاعرك واحاسيسك
تقبل مرورى
كل سنه وحضرتك طيب
دمت فى حفظ الرحمن
hhmhhhhhhhh . 7elwa kteer
masha2 ALLAh
وش بيغمز
عدنا تانى لغير معرف
كع كع كع
كل عام وانتم بخير
ورمضان كريم
تحياتى
كل سنة وانت طيب
رمضان كريم
ههههههه يعنى انا فرحت وقلت
عرفت اصل الحكاية
وكنت هاسيح لك تسييييييييح بقه
واقول عرفت الريلشين شيب مع مين
واطلع لسانى للناس الاقيك
فركشت كل احلامى كده كده يا
ابو العريف
الغربة غيرتك يا راجل هههههه
========
لا بس بجد جميلة اوى اوى
تسلم ايدك يا محمد بجد واحساسها
حلو اوى
ياااااااااه يا محمد ياتخاريف
انا كل ما اخش عشان اشوف جديدك الاقيك لسة واقف ورا باب بلكونة الجيران
ايه يابنى
مازهقتش م الوقفة ورا باب البلكونة
كفاياك كده غير صحى بالمرة
يلا بقى ارجع لنا بتدوينك الحلو
بوست جميل
تسلم ايدك
ايه ده يا هندسة .. فينك غايب ليه ... طمنا عليك
كل سنه وحضرتك طيب .... ومعذره لعدم متابعتي لمدونتك في رمضان :)
عيد سعيد :)
ايه يا محمد
متعودتش تغيب عن التدوين كده
وحشتنى
إرسال تعليق