الأربعاء، يوليو 14، 2010

ورا باب بلكونة الجيران




راجع وانا شوقي ماليني

واحلي حكايات بتناديني

ايام من ماضي سنيني

وزكريات من زمان

...................

***

بيتنا القديم والسطوح

وحاجات لا يمكن تروح

من قلبي وعقلي وروحي

وحبي البرئ اللي كان

ورا باب بلكونة الجيران

***

بنوته حلوه وجميله

وحكاية من ألف ليله

واسهر ليالي طويله

استني القمرا تبان

ورا باب بلكونة الجيران

***

ألمحها بطرف عيني

اجمل بنوته ف عيني

واسمع من غير ما تناديني

وعيونها تقول وانا كمان

ورا باب بلكونة الجيران

***

ورا شيش مقفول تستخبي

تتداري وتبان المحبة

وكبرنا سوا حبه حبه

وشاهده علينا البيبان

ورا باب بلكونة الجيران

***

سحر الخجل كان خاطفني

والضحكة لما تشوفني

مع قلب طيب عارفني

اجمل احساس بالامان

ورا باب بلكونة الجيران


واخير ا


احب اوضح ان بيتنا القديم كان في الأرياف

يعني حكاية بلكونة الجيران دي هناك

محض خيال (حلوه محض دي )

كمان بيتنا كان قدامه هوووو


و

بيتنا الجديد اللي قدم خلاص برضه كان قدامه هوووو

وشكرم

هناك 30 تعليقًا:

ليس فقيرا من يحب يقول...

انت كده بالتعقيم الاخرانى بتاعك

وفرت علينا الاسئله

اكيد قولت فى عقل بالك كم اكره تفكيركم

يا مصريين هههههههههههههه

البوست رقيق وجميل جدا

اجمل احساس بالامان ورا باب بلكونه الجيران

حلوووووة جدا

تسلم ايديك

متكررهاش تانى هع هع هع

ستيتة يقول...

جميلة جدااااااااااااااااااااا

وبعدين سيب الناس في خيالها شوية
لازم تقول لهم ان قدامك كان ورا بلكونة الهووووووووووووو

تسلم ايدك

Hanan Elshafey يقول...

سحر الخجل كان خاطفني

والضحكة لما تشوفني

مع قلب طيب عارفني

اجمل احساس بالامان

ورا باب بلكونة الجيران

كله حلو
بس الحته اللي فوق دي جامده الصراحه
احلي حاجه في الدنيا الاحساس بالامان

ودي

sony2000 يقول...

بجد حلوه جداااااااا:)

غير معرف يقول...

أخلص

قابلتها ولا لسا

Me7'o يقول...

حلوة جداً يا أبو العريف

كلماتها تحس إنها مكتوبة باحساس طفل شقى صغير

تسلم إيدك

وعفوم

موجة يقول...

تصدق فكرتنى بايام زماااااااااااان
ايام ما كان ابن الجيران يقعد يبص عليا من بلكونتهم وانا ابص من الشباك اللى هو ما يشوفوش عشان ما يعرفش انى ببص عليه
ياااااااااااااه
ايام بقى
فين من زمااااااااااان
تسلم كيبوردك يا تخاريف
ويارب بقى تتهد وتتجوز خلينا نفرح فيك

maiosha يقول...

الله عليك
انت حاطط موافقات وكده
شوفت الغربة غيرتك يا ابو العريف

maiosha يقول...

يعنى انت دمرت كل الخيال الجميل اللى انا قعدت اتخيله ده وتعبت تفكيرى واعصابى علشان اتصوره بالتعليق الاخير ده

روح يا شيخ.. وهاتلى شوكولاتة وانت جاى

غير معرف يقول...

ماااااااااااااشي ياباشمهندس
بتشتغلنا يعني
وانتم تلاقيكم ماعندكوش بلكونات اساسا

بس بجد جميله
والاحلى محتواها
واحساس كاتبها

دمت مبدعا في نظري


شباك موارب(منار فايد)

Unknown يقول...

(بيتنا القديم والسطوح


وحاجات لا يمكن تروح


من قلبي وعقلي وروحي


وحبي البرئ اللي كان


ورا باب بلكونة الجيران)

وحاجات لا يمكن تروح
ابدا ابدا ابدا
لا من قلبنا
ولا من عقلنا
فقد حُفرت
فيهما.

Unknown يقول...

كلامك حلو زى ما هوا
ياابو العريف العارف
كل حاجة:)

Unknown يقول...

وعلى فكرة
انت محظوظ!
بقى ادام بيتكم
كان هوووووووووا
يابختك يابختك يابختك
هو فى احلى من الهووووا:)

غير معرف يقول...

هههههههههه

بوظت الخيال بالهو بتاعك ده

بس عموما كلماتك جميله اوي

تسلم ايدك

تحياتي

miroooo يقول...

حلو اوى الخيال ده عادى كلنا بنتخيل ابن الجيران والكلام ده من حقك تتخيل بنت الجيران
البوست جميل تسلم ايدك
انا طبعا مش بازورك كتير بس معلش الزحمه بقى هههههه بس ان شاء الله هتشوف تعليقاتى كتير بعد كده بس ابقى تعالى عندنا شويه
تقبل مرورى

ولد تحت الصفر يقول...

هوووووو دي ممكن تكون بلاعة زي اللي قدام شقتنا اللي في الدور الخامس ؟ .

انت رائع يا بشمهندس و انا عارف ان الكلمة دي بتتكرر كتير في مدونتك دي ...
أنت ما يجب للروعة أن تكونه

بجد

فتــافيت (رحاب الخضري) يقول...

ههههههههههههههههههههه
يعني معقول ما عشتش موضوع بنت الجيران خالص؟؟
مش لازم يكون بلكون وشيش.. بس شور كان فيه بنت جيران
يلا بقى قر واعترف.. ان كان فيه بنت جيران
بس ماكنش فيه بلكونة :))

حلوة يا يا باشمهندس ابو العريف

غير معرف يقول...

حلوه خيال محض دى
بس جامد الكلام حلوه اوى والله
بقالى كتير مش قريت التخاريف
كون بخير
تحياتى

Ayman Ahmed AbdelAziz يقول...

على فكره مش جديد عليك
ده اسلوبك واتعودنا عليه
جميل ________بسيط_________مشوق
وتوهــــــــــــــــان وخصوصا
"ورا باب بلكونة الجيران"
بس اللى انتا متعرفهوش
واالى كان مفروض يكون مفاجأة
إن الهوووووو اللى كان قدام بيتكم
راح مع الرررررررررررررررريح
واتبدل بعشش واكشاك وورش وعشوائيات...
وبكره ترجع بالسلامة وتشوف أن بلدوزرات الحكومة شالت كل ده ورجعت الهووووو لاصحابه.
يسلموا الفصين اللى في أخر الجمجمة موجودين واللى متوصلين فى شمال الصدر باذين وبطين على التعبير الحكيم والاحساس الاليم بالغربة وآلامها....
وترجعلنا بألف سلامة.....
أبوزيــــــــــــــــــاد

غير معرف يقول...

البوست جميل اوى
تسلم مشاعرك واحاسيسك
تقبل مرورى
كل سنه وحضرتك طيب
دمت فى حفظ الرحمن

رفيدة يقول...

hhmhhhhhhhh . 7elwa kteer
masha2 ALLAh

غير معرف يقول...

وش بيغمز
عدنا تانى لغير معرف
كع كع كع

لاسع افندى يقول...

كل عام وانتم بخير

ورمضان كريم


تحياتى

Kiara يقول...

كل سنة وانت طيب

رمضان كريم

мαησηα يقول...

ههههههه يعنى انا فرحت وقلت

عرفت اصل الحكاية

وكنت هاسيح لك تسييييييييح بقه

واقول عرفت الريلشين شيب مع مين

واطلع لسانى للناس الاقيك

فركشت كل احلامى كده كده يا

ابو العريف

الغربة غيرتك يا راجل هههههه

========

لا بس بجد جميلة اوى اوى

تسلم ايدك يا محمد بجد واحساسها

حلو اوى

موجة يقول...

ياااااااااه يا محمد ياتخاريف
انا كل ما اخش عشان اشوف جديدك الاقيك لسة واقف ورا باب بلكونة الجيران
ايه يابنى
مازهقتش م الوقفة ورا باب البلكونة
كفاياك كده غير صحى بالمرة
يلا بقى ارجع لنا بتدوينك الحلو

عمرو يسرى يقول...

بوست جميل
تسلم ايدك

ولد تحت الصفر يقول...

ايه ده يا هندسة .. فينك غايب ليه ... طمنا عليك

غير معرف يقول...

كل سنه وحضرتك طيب .... ومعذره لعدم متابعتي لمدونتك في رمضان :)

عيد سعيد :)

غير معرف يقول...

ايه يا محمد
متعودتش تغيب عن التدوين كده
وحشتنى