في البدء
مهما العيون تدمع
والغربه لو توجع
هفضل عايش علي طول
احلم بيوم ما ارجع
يوم ما القلوب تتلاقي
وعيون كتير مشتاقه
والدنيا لو فراااااقه
في اليوم ده بتجمع
*****
اولا السلام عليكم ورحمة الله وبركاته
ازيكم يا بشر
عاملين ايه في الصيام
كنا اتفقنا اننا هنتجمع احنا المدونين اللي موجودين في السعوديه
في اجازة عيد الفطر المبارك
وكان الاتفاق يكون اللقاء في الرياض
وانا هنا عشان احكي في نقطتين
اولا
انا لحد الان معرفتش اتلم الا علي خمس مدونين غيري
ومنهم اتنين لسه مش متأكدين من حضورهم
ومش هقول عليهم عشان كل واحد يأكدلنا النهارده وهنا
هو ايه ظروفه
بس انا هقول حاجتين
اول حاجه اني ان شاء الله هحضر وهعمل اللقاء ده
حتي لو كنت لوحدي
تانيه حاجه بقي
ياريت اللي يعرف حد موجود هنا في السعوديه من اخوانا المدونين
يخبص عليه ويقولنا
عشان نعرف نوصل ليه
ثانيا
اخونا ضايع صاحب فكرة اللقاء ده
اقترح اننا نخلي اللقاء في المدينه المنوره بدلا من الرياض
.
.
وانا شخصيا معنديش ايها مانع سواء هنا او هنا
لاني في كل الاحوال رايح الرياض اشوف اصحاب ليه هناك وزملاء دراسه
.
وعليه فانني اطالب بحاجتين
(1)
نقول علي المدونين اللي هنا في السعوديه
.
(2)
نحدد مكان اللقاء
اسيبكم بقي مع رمضان جنه و منير
هناك 42 تعليقًا:
ربنا يبارك فيكم
انا اعرف مدون فى السعودية
مدونة
اللى موش عارف يتغير
هههههههههه
هيموتنى بس يلا
اتصرفو سوا بقى
هههههه
ربنا يكرمكو
ويبقى يوم جميل
ايه ده هوه انا ماليش نصيب احضر اي لقاء للمدونين مش كنتوا تخلوه قبل مااجاي مصر
يلا يارب تكونوا عشرين او اكتر وتتبسطوا ابقى قولنا على اللي حصل
كل سنة وانت طيب
تقبل خالص تحياتي
العيد فرحة
مااااااااااااااااااااااااااااااء
خدوني معاكم لا بعدين .. طب اجي وياكم يا شريرين
ربنا يبارك لكم في اليوم ده ويارب يبقى في المدينة وسلموا لي على رسول الله وخليكم جدعان وادعوا لي اعمل عمرة لحسن الشوق خلاص بقى
يالا ها اديكم حسد ونق وغبطة لحد ما تفطسوا من أكل الكعك والغريبة
خلي الواد ضايع يجيب لكم كحك من الرياض علشان مش كل المدن فيها كحك
ربنا معاكم كلكم ويردكم سالمين
تحياتي
كل سنه وانت طيب ياباشمهندس
وربنا يتمم لقائكم على خير
الرياض حلوه في العيد اوي وزحمه كمان
والمدينه مازرتهاش غير مره وانا صغيره ومش فاكراه
السلام امانه بقى ان شاء الله ليك والكل
ويارب تكتروا اكتر ولو عرفت حد عايش في السعوديه هحاول ابلغه ان شاء الله
وبعدين ايه القصيده اللي فوق؟؟
انت نازل مصر قريب ولا ايه؟؟
السلام عليكم
ازيك يابيه
كل سنه وانت طيب
شوف, انا عايزك تصمم على موقفك, اللقاء لازم يتعمل وان شاء الله ينجح وناس تيجي أكتر من اللي متوقع
ههههههههههههههههههه
حتى لو لوحدي
أنـا حاسة ان البوست ده بوست فتنة
الي يعرف حد يجي يقول عليه
(:
ومسدس صغير ماتوصاش
(:
بس بجد أنـا متخيلاك في اللقاء ده لوحدك (: (: (:
الأخ الفاضل :: أبو العريف ::
"الرياض" مناسبة لي أكثر
وأنا أعرف مدونين اثنين من الرياض
الأخ محمد القرني صاحب مدونة انتفاضة قلم
والأخ عبدالله الفهيد صاحب مدونة كاتب الأنثى
بإمكانك زيارة مدونتي لأخذ روابط مدوناتهم
وأنا من جهتي سأحاول الاتصال بهم
وعلى كذا
هذا هو إيميلي
msq552@hotmail.com
أرجو أن ترسل لي رقم موبايلك
ليكون التنسيق بشكل أفضل
تحياتي
وتشكر على هذا الجهد
باشا
حبيبى
أنا هاكون فى المدينة إن شاء الله
أول ما أحجز هاتصل بيك
تحياتى
السلام عليكم
قريت عليا يا ابو العريف
الجهاز ميت بقاله كام يوم وفاتنى
التعليق الاول يلا حصل خير
طبعا الكلمات اللى فى البدء روعه
ربنا يهون عليك غربتك وترجع بالسلامه
وبالنسبه للقاء عجبنى قوى اصرارك انك
تحضر اللقاء حتى لو لوحدك هههههههههههههههه
ان شاء الله تتجمعوا على خير
مسدس صغير
ازيك يا صاصا
اخبارك يا باشا
متشكرين علي انك اعترفت علي صاحبك
واحنا سبناله خبر
يارب يحضر
منورني
fnoonh
ازيك يا افنان اخبارك
حمدالله عالسلامه
كان ممكن تحضري لقاء مصر طبعا
لكن هنا في السعوديه يا فنتوته
اللقاء هيبقي رجالي
مالناش نصيب
نتشرف بيكي
ياعيني يا عيني
اللقاءات تتوالي مرة بمصر ومرة بالسعودية
ومحدش معبرني :(
عااااااااااا
متقلقش هتلاقي ناس كتيرة وتتجمعوا بس عاوز شوية دعاية هنا وهناك ^ـ*
انا معرفش غير ذو الوجه المبتسم بس هو راجع مصر كمان يومين :)
يعني ملوووش نصيب معكم
ربنا تتجمعوا على خير يارب
وربنا يرجعك لاهلك وتخلص من مرارة الغربة
الي نفسي اجربها :] ههههههههههه
بالتوفيق ان شاء الله
ستيته حسب الله الحمش
ازيك يا دكتوره
اخبار حضرتك
ربنا يبارك فيكي
ويارب ربنا يكرمك بالعمره يارب
انا كنت لسه بكلم ضايع دلوقت
وقالي اننا لو رحنا الرياض
هيظبط المسائل والكحك والذي منه
وكلام في سرك انا اموت في الذي منه
متشكر جدا علي روح الدعم دي
منوراني دايما
شباك موارب/منار
ازيك يا دكتوره منار
طبعا انت منوره السعوديه
بيقولو الرياض حلوه وفيها من الزحمه ما يزكرنابمصر
بس برضه العيد مش عيد الا في مصر
احتمال كبير يبقي في الرياض
شكرا يا دكتوره
لا مش راجع قريب
لسه شويه
بس اهو جه علي بالي الكلام ده كده
أحمـــــــــــــد أبو العلا
ازيك يا هندسه
اخبار حضرتك
كل سنه وانت بألف خير
ربنا يبارك فيك ياباشا
ويارب اللقاء يكمل علي خير
منورني
ميرام
ازيك يا احلي مهندسه في مصر
بس ايه ده
متخيلاني وانا لوحدي
علي اساس انك عماره يعني وخيالك واسع
ماشي يا ستي
منوراني دايما
محمد سعد القويري
ازي حضرتك
ان شاء الله الاحتمال الاكبر في الرياض
وطبعا يشرفنا حضورك
وياريت تبلغ الاتنين اللي قلت عليهم
وانا بعت رقم تليفوني عالميل
مستني مكالمتك
عشان نقدر ننسق
Me7'o
ازيك يا هندسه
هو اغلب الناس الرياض انسبلهم
لكن عموما لو انت هترجع بعد رمضان علي طول
ممكن تلحق اللقاء في الرياض
لانه غالبا مش هيكون اول يوم العيد
اكيد هيكون بعد كده
تحياتي
ليس فقيرا من يحب
ازيك يا استاذه رانيا
ههههههههههه
قري جاب نتيجه يعني
ومبقيتيش قول تعليق
عموما ربنا يقوم الجهاز بالسلامه
وترجعي زي الاول
منوراني دايما
ღঔ نـــوارة ঔღঔ
ازيك يا نواره
اول مره اشوف حد يكون نفسه يجرب الغربه
عموما يارب لو جربتيها تكون مصر هي وجهتك
ونكون موجودين في مصر
وساعتها هنعمل لقاء مخصوص عشا نتشرف بيكي
منوراني
تتقابلوا على خير ان شاء الله
ويبقى يوم كويس
وطبعا انا مش هاجى عشان انا مش السعوديه
فمش تعملوا حسابى:)
نـــــــــــــور
ازيك يا نور
متشكر قوي
ولو كنت في السعوديه برضه مكنتيش هتحضري
منوراني
السلام عليكم.......
اولا كل سنة وانت طيب معنها جاية متاخر بس اكيد كلكم عارفين ظروف الثانوية العامة معلش مقصرة فى حقكم كتيرررررر ومش بتابع ....دعواتكم .....ثانيا مرسى على الكومنت بتاعك فى اخر بوست عندى بشكرك اوى عليه معلش مش رديت عشان شيلت البوست خالص ..........دومت بخير واتمنى دوام الزيارة ......فى رعاية الله.
shemo
تجتمعوا فى الخير دايماً يارب
وكمان ترجع بلدك بألف سلامة
ياابو العريف حين ماياتى وقت العودة
وتلتقى الاهل والاحباب بكل سعادة.يارب
نفسى اوصيك وصية ياأبو العريف :صور صور
صـــــــــــــــــــــــــــــــــــــور
ما استطعت الى ذلك سبيلاً لكل من تراهم من المدونين
فى السعودية فى الرياض فى المدينة المنورة ولو حتى فى
الطيارة المهم تجيب لنا الصور نشوفهم ربنا يخليك .
كل سنه وانت طيب
ورمضان كريم
وربنا يجمعكم علي طاعته
تحياتي
مش عارف حد من المدونين هناك
ربنا يكرمكم وتتجمعوا
معاكم ان شاء الله انا مقيم في الرياض و سواء كان اللقاء في الرياض او المدينه ربنا ييسر لنا اللقاء
بس حدد الزمان و المكان و السلاح
ت 0501694517
نتقابل بالخير دايما
تحياتي
تتجمعوا على خير إن شاء الله
ويارب تستفيدوا من اللقاء والتعارف
يكون لقاء خير ان شاء الله
للآسف انا من مصر :D
هحجز اول طيارة واجيلكم طوول
تحياتى ومودتى
shemo
ازيك يا شيمو
طبعا ربنا يوفقك في الثانويه العامه
بس ثانوية ايه دلوقت
احنا في اجازه
منوراني دايما
norahaty
ازيك يا دكتوره
كل سنه وانت طيبه
متشكر جداااا
حاضر هصور
اي حد هعدي من جمبه هصوره
وابقي اوريكم الصور
بس اهم حاجه اني مطلعش في الصور دي
Asmaa Fathi
كل سنه وانت بألف خير
متشكر جدااا
ربنا يبارك فيكي
mohamed ghalia
محمد باشا
كل سنه وانت طيب
بارك الله فيك
منورني دايما
أحــوال الهـوي
ازيك يا دكتور
كل سنه وحضرتك طي
انا لسه شايف التعليق دلوقت
هكلم حضرتك ونحدد ساعة الصفر
وكل ملابسات العمليه
منورني
رضا الكومى
منور دايما يا باشا
وربنا يكرمك يارب
تحياتي
şoмa ēŁ3āşħē2
ياباشا تنور
بس انا عندي فكره
انت استني عندك
واحنا جايين
لأ ما ينفعش ابداً
اياك حتصور الارض والزرع
والشجر والطير ومش عارفة ايه
وتعملى فيها الفن التكعيبى والتربيعى
ياابو العريف العارف كل حاجة انت اول
واحد لازمن ولابدن تتصور وتحط الصورة على
الباب من بره خالص خيلينا نتعرف على حضرتك
مـــــــــــــــــــــــــــــــــــــــــاشى؟
ياأبو العريف!!!!!
ايه التوقيت الغريب
بتاع المدونة دا ياباشمهندس
الساعة الان بمصر=1:11مساء
= بالسعودية=2:11مساا
تيجى المدونة تقولى أن
الساعة4:12صباحاً
الفجر يعنى!!
ظبط الساعة
ياباشمهندس:)
norahaty
خلاص يا دكتوره
انتي تأمري
انا ظبط الساعه
اي خدمه
منوره الدنيا
صباح الخير يابو العريف
كل سنه وانتا طيب
انا عندى اقتراح جامد بالنسبه للقاء المدونين المصريين فى السعوديه ... ايه رأيك نتقابل كلنا فى العيد فى الفيوم ؟؟ انا اعرف واحد هناك رجوله وادب واخلاق واكيد هيستضيفنا عنده فى البيت وهيغدينا كمان واول حرف من اسمه ابو العريف
نياهاهاهاها
ماشي يا عم عتلم وانا موافق
واللي يرجع في كلامه
بس انا احتمال مبقاش موجود في الغدوه دي
هههههههههههههههه
إرسال تعليق