الأحد، سبتمبر 27، 2009

بحبك.............وكلام تاني


بدءاً


ارسم كلام عالورق ما يهمنيش

لو يتقري.... ما يتقريش

بس المهم ان الكلام

يكون م القلب ...

له معني

يكون صادق

يكون مش بس لقمة عيش

ليه ادفن كلمتي فيا

واسيبها تموت

بلاش اكبتها

ما اكتبها

واسيبها تعيش
****************************
بحبك
***********



بحبك ألف دقة قلب جوايا

وهمسايا

تناديكي

وغنوة كلها آهات

وحبة خوف

وناي ملهوف

غناه ليكي

بحبك زقزقة عصافير

وروح هايمه في سماك بتطير

واحبك قلب حر اسير

اسير لياليكي وعنيكي

*****

بحبك نبض م الاحساس

وتر حساس

مغناشي

وثورة شعب كله حماس

وحبة ناس

متنساشي

بحبك تبقي ليا مصير

اميره ... وابقي ليكي امير

واحبك خوف من المشاوير

لكني في الطريق ماشي

****

في حبك عمري متسرب

بخاف واهرب

واتوه مني

وقلبي في دنيا متغرب

خلاص قرب

يجنني

بحبك رغبة في التغيير

واحبك مانت قلب كبير

وافكر

لا مفيش تفكير

عشانك قلبي بيغني

....................

هناك 46 تعليقًا:

well يقول...

ولا جايز ولا يمكن بحبك حب مش ممكن
حبيبتى شوفى من الاخر انا واحد بموت فيكى
كلمة بحبك.. من القريب ومن الغريب ومن غيرى سمعتيها
كلمة بحبك..منى انا من قلبى انا بقولها بجد يا بلدى يا بلدى منى حسيها ..

بجد انت ابدعت لان الكلمة فعلا من جواك
تحياتى لشعرك وكلماتك

Kiara يقول...

روعه بجد يابني استاااااااااااااذ ورئيس قسم

دكـــــتور جدا يقول...

رائع
ربنا يباركلك في احساسك وكلماتك
تقبل تحياتي
أخوك محمد سليمان
أتمنى دوام التواصل مع حضرتك

ليس فقيرا من يحب يقول...

ايه الروعه دى

تسلم ايديك يا ابو العريف

كلمات راقيه وجميله جدا

توتة المخنوقة يقول...

بجد كلمات جميله ومعبره اوى

بس والله هيا كمان بتحبك وبتحب كل ولادها الى بيحبوها زيك كده


مشاء الله احساسك عالى اوى ربنا يوفقك انشاء الله

maha zein يقول...

اممممممممممممممممممم
انت يا جدع انت مش مريحني
بقولك ايه اقترح عليك تسافر السعودية تغير جو
انت شكلك زهقت من البلد دي

ربنا يا ابو العريف يهدي سرك ويهديك ويثبتك
و ترجع مصر سالم غانم ومعاك اللاب توب
اسلوبك حلو جدا في الشعر
انت موهوب

Remas يقول...

رائعة كلماتك بجد

واحساسك حلو اوى اوى

ماشاء الله عليك

غير معرف يقول...

ما حبها ده اللي تاعب قلبنا والله .... بس تعب زي العسل

جميله الكلمات ومعبره بشده .... تسلم ايدك

تحياتي

نـــــور يقول...

ماينفعش اقول غير ايه المحاسيس والمشاعير الجميلة دى ياابو العريف
مخلص من يومك والله
معلش بكره ترجع بالسلامة
;)

'' حطام (ك) بقايا '' يقول...

كلمات رائعة بجد
ربنا يخليلكم مصر و يخليهالنا احنا كمان
اصل مصر بلد جميل جداا
وناسها اجمل
ربنا يبارك فيكم

mohamed ghalia يقول...

أبو العريف باشا حمدا لله على سلامتك
الكلمات هايلة بجد
ربنا يسعدك دايما

رحلتنا في الحياة يقول...

رووووعة يابشمهندس بجد تسلم ايديك

Soul.o0o.Whisper يقول...

السلام عليكم و رحمة الله و بركاته

حقيقى حقيقى راااائعة
ربنا يبارك لك يارب

دمت بكل خير

(Joudy) يقول...

بجد بجد كلام جميل جدا ربنا يرجعك ليها بالف سلامة وبجد ومن غير مجاملات تسلم ايدك وتسلم كلماتك

دمت بكل الخير والسعادة

المعتصم يقول...

السلام عليكم
اول زيارة والاقى كمية الحب الفظيعه دى
لا بجد جميلة خالص
ان شاء الله مش هتكون اخر زيارة
لان المشاعر هنا عاليه قوى والاحاسيس جميلة جدا
تقبل مرورى وتحياتى

كــركــبــة دمـــاغ ㋡ يقول...

طب وليه بس تقلب علينا الموااااااااااااااجع

هو الواحد نااااااقص يعني ..

هو طبعا الكلام مافيش عليه غبااااااار ولا اي كلام بجد

انت حقيقي .. فنااااااااااااان ..

واحنا عشان مغتربين زي بعضينا الكلام وجعني قوي يعني وقلبت عليا المواجع المتقلبه ..

ربنا يهووووووووووووووووووون ..

تسلم ايدك يا باشموووهندز

ستيتة يقول...

تعرف يا عزيزي ابو العريف
انا اكتر واحدة حاسة كلامك
محدش بيعرف قد ايه فعلا بيحبها
الا لما قدر الله يفرقه عنها
ساعتها بيلاقي نفسه عاشق ولهان لأرضها
وأسد هصور على اللي يجيب اسمها
بنبرة تريقة أو كره .. بنحبها

محمد سعد القويري يقول...

الأخ الفاضل :: أبوالعريف ::

كلمات جميلة

صادقة

ملونة

تحياتي

Kiara يقول...

لو كل شباب مصر كانت مصر عندهم كدا كان كتير اتغير ربنا يبارك فيك

ليا تعقيب .. المدونة ليه ضلمه كدا نورها ينورها عليك ربنا

الامضاء

فكر

اللى موش عارف يتغير يقول...

.
ربنا يوفقك
.

غير معرف يقول...

حلوه اوي .. اوي ..

تسلم ايديك ويسلم قلمك :)

أحــوال الهـوي يقول...

عيشتني في كل كلمة في كل حرف من كلامك

احساس متدفق و ايقاع متفرد سلس عذب

كلمات سهلة مباشرة و معاني عميقه ضاربه في سحيق الحكمه

ابو العريف اصبحت بالنسبة لي ابو الكلام الرايق


شكرا لك امتعتني حقيقي

تحياتي

كلمة صدق يقول...

كلام رائع بجد اكثر من رائع كمان ربنا يوفقك

عالم حبيب يقول...

سبحان الله كلنا بنحبها رغم كل المشاكل .. ربنا يصلح الحال

كلمات جميلة ورقيقة ورقراقة

غير معرف يقول...

ابو العريف
اول تعليق ولكن ليس اول زيارة
وبالامارة كنت معاكم كلمة كلمة
فى لقاء المدونين
بس جميل ان اول تعليق يكون عن هذا البوست
بحب المغتربين لما يكتبوا عن حبهم لمصر
لانها حتكون احاسيس ومشاعر صادقة
غير اللى عايشين فيها
فعلا بنحبك يامصر
ربنا يجيبك بالسلامة
ويفتح لك باب رزق فى بلدك يغنيك عن السفر
لن اغيب عن مدونتك ابدا باذن الله
تحياتى

قلم رصاص يقول...

ياسلام على الروعة

بارك الله في قلمك الجميل والله

دمت في ابداع وحفظ الله

اقدم عاصمه فى الحب يقول...

السلام عليكم

اعجبنى ما خطه قلمك كثيرا
.
أسمح لى ان اكون متابع لكل ما تبدع هنا اخى فى الله
.
تقبل مرورى
مودتى :)

Unknown يقول...

حلوة اوى أوى
ياابو العريف

بيطرية ومش بايدى يقول...

انا منك واليك حياتى وعمرى ف ايديك ولا جايز ولا ممكن بحبك حب مش ممكن وكلمة ة بحبك من القريب من الغريب ومن غيرى سمعتيها
كلمة بحبك منى انا من قلبى انا بقولها بجد
يا بلدى يا بلدى منى حسييها
ويااااااااارب
كل اتنين ع الحب حبايب قربهم وماتبعدهمش
كمل انت بقى....

بجد كلامك حلو اوى
والبوست اكثر من رائع
دمت مبدع
وتحيا مصر يا عم

غير معرف يقول...

ياعيني ياعيني

ايه النيولوك الجديد دا

يا جوووودعاااااااان

والله المدونة وحشاني موووووووووت

وصاحبها طبعا :]

هيييييييييييييييييه

انا اول وحدة اقولك مبرووك عالنيولوك

^ـ^

شوية احتلال بقى

كح كح

غير معرف يقول...

تصور اني كالعادة بفرح اول ما بتزل بوست وبجري علطول افتح المدونة

وبالاخر سنة لما اقراه وسنة لما اعلق

هي المدونة فيها عفريت ولا حاجة

:]

غير معرف يقول...

شفت بقى قرات وجيت اعلق

لقيت جووزي بينادي عليي

حظك كدا بقى مليش دعوة :)

بجد كلماتك ابدااااااااااع

ربنا يرجعك بالف سلامة يارب

يلا بقى تصبح على خير

رضا الكومى يقول...

يا سلام على الغربة لما طلع المستخبى
أحاسيس ومشاعر جميلة
ورقة وعذوبة
تسلم إيدك يا ابو العريف

لاسع افندى يقول...

الله على الحب وجماله
الله على كلامك وخياله


متأخر عليك لانى مسافر


تحيه لاسعه

رضوى يقول...

هااااااااااااااي

اللى موش عارف يتغير يقول...

كلام جميل عن وفى الحب
.
واضح ان فيه تجارب

TIMMY !! يقول...

دي مصر دي و لا إيه ؟؟ :) :)

ربنا يرجعك ليها تاني ,

بس على الله ما تكرهاش بعد ما ترجع لها :)

كيكى عوووووو يقول...

لا مؤاخذة الكلام دة لمصر!!!
بحبك نبض م الاحساس

وتر حساس

مغناشي

وثورة شعب كله حماس

وحبة ناس

متنساشي

بحبك تبقي ليا مصير
هبلغ عنك امن الدولة!!!
*****************
لولوولىىىىىىىى
مبروك ع النيو لوك الجديد اخيرااا عندك صفحة تعلقيات طبيعية زى بقيت الناس

محمد عتلم يقول...

مبروك النيو لووووووووووووك

miroooo يقول...

اسلوبك جميل جدا ربنا يوفقك يارب واحساسك كمان عالى وعندك انتماء ياريت كل الشباب يكونوا زيك الدنيا هتتغير من حوالينا للاحسن تقبل مرورى دمت بالف خير

غير معرف يقول...

ايه يابني مختفي فييييييين

يارب تكووون بالف خير

:)

كراكيب يقول...

يا ابن الإيييييييه
ما انت فظيع وجامد اهو
امال انا بحسبك مهيساتي بس ليه
:)))
مبروك على النيولوك يا ابو العريف
وعقبال ما نشوفك في الميتينج بتاع إيجيبت
;)

miro el niro kwaniro

رضوى يقول...

يسلمو اخي محمد وجزاك اللة خير الجزاء ويعطيك الف عافية يالغلا وننتظر جديدك الرائع والمميز لك خالص التحايا

Unknown يقول...

فينك ياأبو العريف
كل المــــــــدة دى؟
هو أنا باركتلك
على النولوك
للمدونة ولا
لسة؟
امممممممم
طب ليه أحتار :
مبروك مبارك ياابو العريف
وصح الريدر بتاعك
ياابو المعارف كلها.

الشعب لابد له من حكومه تشكمه يقول...

ايه ده هى الدنيا اتغيرت هنا ولانا بتهيألى؟ يامامى ليكون زهايمر..لااااا هو نيولوك صح:)
المهم انت فين باه؟مختفى ليه كده؟؟؟؟؟؟؟؟؟
ياعينى عملت النيولوك واختفيت:(

م/ الحسيني لزومي يقول...

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك
عذرا علي عدم التعليق علي البوست