السبت، سبتمبر 05، 2009

لقاء المدونين ...........العيد فرحه

في البدء


مهما العيون تدمع

والغربه لو توجع

هفضل عايش علي طول

احلم بيوم ما ارجع


يوم ما القلوب تتلاقي

وعيون كتير مشتاقه

والدنيا لو فراااااقه

في اليوم ده بتجمع




*****


اولا السلام عليكم ورحمة الله وبركاته

ازيكم يا بشر

عاملين ايه في الصيام


كنا اتفقنا اننا هنتجمع احنا المدونين اللي موجودين في السعوديه

في اجازة عيد الفطر المبارك

وكان الاتفاق يكون اللقاء في الرياض


وانا هنا عشان احكي في نقطتين


اولا

انا لحد الان معرفتش اتلم الا علي خمس مدونين غيري

ومنهم اتنين لسه مش متأكدين من حضورهم

ومش هقول عليهم عشان كل واحد يأكدلنا النهارده وهنا

هو ايه ظروفه

بس انا هقول حاجتين

اول حاجه اني ان شاء الله هحضر وهعمل اللقاء ده

حتي لو كنت لوحدي


تانيه حاجه بقي

ياريت اللي يعرف حد موجود هنا في السعوديه من اخوانا المدونين

يخبص عليه ويقولنا

عشان نعرف نوصل ليه



ثانيا


اخونا ضايع صاحب فكرة اللقاء ده

اقترح اننا نخلي اللقاء في المدينه المنوره بدلا من الرياض
.
.
وانا شخصيا معنديش ايها مانع سواء هنا او هنا
لاني في كل الاحوال رايح الرياض اشوف اصحاب ليه هناك وزملاء دراسه
.
وعليه فانني اطالب بحاجتين
(1)
نقول علي المدونين اللي هنا في السعوديه
.
(2)
نحدد مكان اللقاء


اسيبكم بقي مع رمضان جنه و منير

هناك 42 تعليقًا:

مسدس صغير يقول...

ربنا يبارك فيكم
انا اعرف مدون فى السعودية
مدونة
اللى موش عارف يتغير
هههههههههه
هيموتنى بس يلا
اتصرفو سوا بقى
هههههه
ربنا يكرمكو
ويبقى يوم جميل

fnoonh يقول...

ايه ده هوه انا ماليش نصيب احضر اي لقاء للمدونين مش كنتوا تخلوه قبل مااجاي مصر

يلا يارب تكونوا عشرين او اكتر وتتبسطوا ابقى قولنا على اللي حصل

كل سنة وانت طيب

تقبل خالص تحياتي

ستيته حسب الله الحمش يقول...

العيد فرحة
مااااااااااااااااااااااااااااااء
خدوني معاكم لا بعدين .. طب اجي وياكم يا شريرين

ربنا يبارك لكم في اليوم ده ويارب يبقى في المدينة وسلموا لي على رسول الله وخليكم جدعان وادعوا لي اعمل عمرة لحسن الشوق خلاص بقى
يالا ها اديكم حسد ونق وغبطة لحد ما تفطسوا من أكل الكعك والغريبة
خلي الواد ضايع يجيب لكم كحك من الرياض علشان مش كل المدن فيها كحك
ربنا معاكم كلكم ويردكم سالمين
تحياتي

شباك موارب/منار يقول...

كل سنه وانت طيب ياباشمهندس
وربنا يتمم لقائكم على خير
الرياض حلوه في العيد اوي وزحمه كمان
والمدينه مازرتهاش غير مره وانا صغيره ومش فاكراه
السلام امانه بقى ان شاء الله ليك والكل
ويارب تكتروا اكتر ولو عرفت حد عايش في السعوديه هحاول ابلغه ان شاء الله

وبعدين ايه القصيده اللي فوق؟؟
انت نازل مصر قريب ولا ايه؟؟

أحمـــــــــــــد أبو العلا يقول...

السلام عليكم
ازيك يابيه
كل سنه وانت طيب

شوف, انا عايزك تصمم على موقفك, اللقاء لازم يتعمل وان شاء الله ينجح وناس تيجي أكتر من اللي متوقع

ميرام يقول...
أزال المؤلف هذا التعليق.
ميرام يقول...

ههههههههههههههههههه
حتى لو لوحدي

أنـا حاسة ان البوست ده بوست فتنة
الي يعرف حد يجي يقول عليه
(:
ومسدس صغير ماتوصاش
(:

بس بجد أنـا متخيلاك في اللقاء ده لوحدك (: (: (:

محمد سعد القويري يقول...

الأخ الفاضل :: أبو العريف ::
"الرياض" مناسبة لي أكثر
وأنا أعرف مدونين اثنين من الرياض
الأخ محمد القرني صاحب مدونة انتفاضة قلم
والأخ عبدالله الفهيد صاحب مدونة كاتب الأنثى
بإمكانك زيارة مدونتي لأخذ روابط مدوناتهم
وأنا من جهتي سأحاول الاتصال بهم
وعلى كذا
هذا هو إيميلي
msq552@hotmail.com
أرجو أن ترسل لي رقم موبايلك
ليكون التنسيق بشكل أفضل
تحياتي
وتشكر على هذا الجهد

Me7'o يقول...

باشا
حبيبى

أنا هاكون فى المدينة إن شاء الله
أول ما أحجز هاتصل بيك

تحياتى

ليس فقيرا من يحب يقول...

السلام عليكم

قريت عليا يا ابو العريف

الجهاز ميت بقاله كام يوم وفاتنى

التعليق الاول يلا حصل خير

طبعا الكلمات اللى فى البدء روعه

ربنا يهون عليك غربتك وترجع بالسلامه

وبالنسبه للقاء عجبنى قوى اصرارك انك

تحضر اللقاء حتى لو لوحدك هههههههههههههههه

ان شاء الله تتجمعوا على خير

أبو العريف يقول...

مسدس صغير

ازيك يا صاصا

اخبارك يا باشا

متشكرين علي انك اعترفت علي صاحبك

واحنا سبناله خبر

يارب يحضر

منورني

أبو العريف يقول...

fnoonh

ازيك يا افنان اخبارك

حمدالله عالسلامه

كان ممكن تحضري لقاء مصر طبعا

لكن هنا في السعوديه يا فنتوته

اللقاء هيبقي رجالي

مالناش نصيب

نتشرف بيكي

ঔღঔ نـــوارة ঔღঔ يقول...

ياعيني يا عيني

اللقاءات تتوالي مرة بمصر ومرة بالسعودية

ومحدش معبرني :(

عااااااااااا

متقلقش هتلاقي ناس كتيرة وتتجمعوا بس عاوز شوية دعاية هنا وهناك ^ـ*

انا معرفش غير ذو الوجه المبتسم بس هو راجع مصر كمان يومين :)

يعني ملوووش نصيب معكم

ربنا تتجمعوا على خير يارب

وربنا يرجعك لاهلك وتخلص من مرارة الغربة

الي نفسي اجربها :] ههههههههههه

بالتوفيق ان شاء الله

أبو العريف يقول...

ستيته حسب الله الحمش

ازيك يا دكتوره

اخبار حضرتك

ربنا يبارك فيكي

ويارب ربنا يكرمك بالعمره يارب

انا كنت لسه بكلم ضايع دلوقت

وقالي اننا لو رحنا الرياض

هيظبط المسائل والكحك والذي منه

وكلام في سرك انا اموت في الذي منه

متشكر جدا علي روح الدعم دي

منوراني دايما

أبو العريف يقول...

شباك موارب/منار

ازيك يا دكتوره منار

طبعا انت منوره السعوديه

بيقولو الرياض حلوه وفيها من الزحمه ما يزكرنابمصر

بس برضه العيد مش عيد الا في مصر

احتمال كبير يبقي في الرياض

شكرا يا دكتوره



لا مش راجع قريب

لسه شويه

بس اهو جه علي بالي الكلام ده كده

أبو العريف يقول...

أحمـــــــــــــد أبو العلا

ازيك يا هندسه

اخبار حضرتك

كل سنه وانت بألف خير

ربنا يبارك فيك ياباشا

ويارب اللقاء يكمل علي خير

منورني

أبو العريف يقول...

ميرام

ازيك يا احلي مهندسه في مصر

بس ايه ده

متخيلاني وانا لوحدي

علي اساس انك عماره يعني وخيالك واسع

ماشي يا ستي

منوراني دايما

أبو العريف يقول...

محمد سعد القويري

ازي حضرتك

ان شاء الله الاحتمال الاكبر في الرياض

وطبعا يشرفنا حضورك

وياريت تبلغ الاتنين اللي قلت عليهم

وانا بعت رقم تليفوني عالميل

مستني مكالمتك

عشان نقدر ننسق

أبو العريف يقول...

Me7'o

ازيك يا هندسه

هو اغلب الناس الرياض انسبلهم

لكن عموما لو انت هترجع بعد رمضان علي طول

ممكن تلحق اللقاء في الرياض

لانه غالبا مش هيكون اول يوم العيد

اكيد هيكون بعد كده

تحياتي

أبو العريف يقول...

ليس فقيرا من يحب

ازيك يا استاذه رانيا

ههههههههههه

قري جاب نتيجه يعني

ومبقيتيش قول تعليق

عموما ربنا يقوم الجهاز بالسلامه

وترجعي زي الاول

منوراني دايما

أبو العريف يقول...

ღঔ نـــوارة ঔღঔ

ازيك يا نواره

اول مره اشوف حد يكون نفسه يجرب الغربه

عموما يارب لو جربتيها تكون مصر هي وجهتك

ونكون موجودين في مصر

وساعتها هنعمل لقاء مخصوص عشا نتشرف بيكي

منوراني

نـــــــــــــور يقول...

تتقابلوا على خير ان شاء الله
ويبقى يوم كويس
وطبعا انا مش هاجى عشان انا مش السعوديه
فمش تعملوا حسابى:)

أبو العريف يقول...

نـــــــــــــور

ازيك يا نور

متشكر قوي

ولو كنت في السعوديه برضه مكنتيش هتحضري

منوراني

shemo يقول...

السلام عليكم.......
اولا كل سنة وانت طيب معنها جاية متاخر بس اكيد كلكم عارفين ظروف الثانوية العامة معلش مقصرة فى حقكم كتيرررررر ومش بتابع ....دعواتكم .....ثانيا مرسى على الكومنت بتاعك فى اخر بوست عندى بشكرك اوى عليه معلش مش رديت عشان شيلت البوست خالص ..........دومت بخير واتمنى دوام الزيارة ......فى رعاية الله.
shemo

norahaty يقول...

تجتمعوا فى الخير دايماً يارب
وكمان ترجع بلدك بألف سلامة
ياابو العريف حين ماياتى وقت العودة
وتلتقى الاهل والاحباب بكل سعادة.يارب
نفسى اوصيك وصية ياأبو العريف :صور صور
صـــــــــــــــــــــــــــــــــــــور
ما استطعت الى ذلك سبيلاً لكل من تراهم من المدونين
فى السعودية فى الرياض فى المدينة المنورة ولو حتى فى
الطيارة المهم تجيب لنا الصور نشوفهم ربنا يخليك .

Asmaa Fathi يقول...

كل سنه وانت طيب

ورمضان كريم

وربنا يجمعكم علي طاعته

تحياتي

mohamed ghalia يقول...

مش عارف حد من المدونين هناك
ربنا يكرمكم وتتجمعوا

أحــوال الهـوي يقول...

معاكم ان شاء الله انا مقيم في الرياض و سواء كان اللقاء في الرياض او المدينه ربنا ييسر لنا اللقاء

بس حدد الزمان و المكان و السلاح

ت 0501694517

نتقابل بالخير دايما

تحياتي

رضا الكومى يقول...

تتجمعوا على خير إن شاء الله

ويارب تستفيدوا من اللقاء والتعارف

şoмa ēŁ3āşħē2 يقول...

يكون لقاء خير ان شاء الله
للآسف انا من مصر :D
هحجز اول طيارة واجيلكم طوول
تحياتى ومودتى

أبو العريف يقول...

shemo

ازيك يا شيمو

طبعا ربنا يوفقك في الثانويه العامه

بس ثانوية ايه دلوقت

احنا في اجازه

منوراني دايما

أبو العريف يقول...

norahaty

ازيك يا دكتوره

كل سنه وانت طيبه

متشكر جداااا


حاضر هصور

اي حد هعدي من جمبه هصوره

وابقي اوريكم الصور

بس اهم حاجه اني مطلعش في الصور دي

أبو العريف يقول...

Asmaa Fathi

كل سنه وانت بألف خير

متشكر جدااا

ربنا يبارك فيكي

أبو العريف يقول...

mohamed ghalia

محمد باشا

كل سنه وانت طيب

بارك الله فيك

منورني دايما

أبو العريف يقول...

أحــوال الهـوي

ازيك يا دكتور

كل سنه وحضرتك طي

انا لسه شايف التعليق دلوقت

هكلم حضرتك ونحدد ساعة الصفر

وكل ملابسات العمليه

منورني

أبو العريف يقول...

رضا الكومى

منور دايما يا باشا

وربنا يكرمك يارب

تحياتي

أبو العريف يقول...

şoмa ēŁ3āşħē2

ياباشا تنور

بس انا عندي فكره

انت استني عندك

واحنا جايين

norahaty يقول...

لأ ما ينفعش ابداً
اياك حتصور الارض والزرع
والشجر والطير ومش عارفة ايه
وتعملى فيها الفن التكعيبى والتربيعى
ياابو العريف العارف كل حاجة انت اول
واحد لازمن ولابدن تتصور وتحط الصورة على
الباب من بره خالص خيلينا نتعرف على حضرتك
مـــــــــــــــــــــــــــــــــــــــــاشى؟

norahaty يقول...

ياأبو العريف!!!!!
ايه التوقيت الغريب
بتاع المدونة دا ياباشمهندس
الساعة الان بمصر=1:11مساء
= بالسعودية=2:11مساا
تيجى المدونة تقولى أن
الساعة4:12صباحاً
الفجر يعنى!!
ظبط الساعة
ياباشمهندس:)

أبو العريف يقول...

norahaty

خلاص يا دكتوره

انتي تأمري

انا ظبط الساعه

اي خدمه

منوره الدنيا

محمد عتلم يقول...

صباح الخير يابو العريف
كل سنه وانتا طيب
انا عندى اقتراح جامد بالنسبه للقاء المدونين المصريين فى السعوديه ... ايه رأيك نتقابل كلنا فى العيد فى الفيوم ؟؟ انا اعرف واحد هناك رجوله وادب واخلاق واكيد هيستضيفنا عنده فى البيت وهيغدينا كمان واول حرف من اسمه ابو العريف
نياهاهاهاها

أبو العريف يقول...

ماشي يا عم عتلم وانا موافق

واللي يرجع في كلامه

بس انا احتمال مبقاش موجود في الغدوه دي

هههههههههههههههه