الجمعة، سبتمبر 25، 2009

عن لقاء مدوني السعودية ........لن اتحدث



بدءاً
لا سبتني ورحت بعيد عني
عشان انساك
ولا يوم بتبقي قريب مني
واحس هواك
حيرت قلبي تعبته بجد
علقته بين السما والارض
لاعمري شفت انا زيك حد
ولا مره قلبي ارتاح في هواك



****

كنت ناوي بعداللقاء الجميل ده
اني اكتب كتير عنه

لكن سبقني د/ عصام
وميخو
ومينفعش اكتب بعدهم
ودي اللينكات
لقاء مدوني السعودية ( احوال الهوى)

لقاء القطرين ( رحيق الحياه )
.
ولكن لي تعقيم علي اللقاء
.
انا سعدت جدااا بكل اللي اتعرفت عليهم وزي ما ميخو قال
حسيت اني اعرفهم من زمان


ودول الابطال حسب الظهور

من اليمين

1-عبد الله الفهيد كاتب الأنثى



2-محمد السعيد ( في طريقه الي عالم التدوين)


3- د/ عصام علام أحوال الهـوي



4- محمد علي (ابو العريف)

5- محمد سعد القويري قويريات


واخير اللي قاعد

6- حليب هارتي محمد مختاررحيق حياة ميخوووووووو


واللي صورنا الصوره دي عشان كده مش باين


7-المهندس The eng



******

علي هامش اللقاء

صاحب الفكره

وصاحب الدعوة م/ احمد واحد ضايع

لم يحضر اللقاء

فص ملح وداب

واظن انه ضاع مننا

وطبعا دا حرمنا منن حاجات كتير جداا

اولها اننا نتعرف عليه ونتشرف بيه ونعرف ايه اللي مضيعه

ثانيا ودا اللي حز في نفسوياتي جامد

الكحك والذي منه اللي وعدنا بيه

م/ محمد مهندس مصري بيحب مصر

انا بعتذرله وبقوله اننا خسرنا مشاركه جميله

واني انا السبب في عدم حضوره

ودا طبعا بسبب الزهايمر بالاضافه الي حبه نداله مني






هناك 34 تعليقًا:

أحمـــــــــــــد أبو العلا يقول...

محمد بيك
اكيد لقاءات المدونين بتكون جميله جدا وكمان الأجمل لما تكونوا بعيد وتتقابلوا

ربنا يديم الحب بينكم دايما

Sweet Violet يقول...

ياااه اخيراً حصل
انا كنت سامعه عنه من العيد اللى فات D:

ربنا يديم عليكم اللقاءات و المحبة يارب
ومن غير قر اهو
^_^

Soul.o0o.Whisper يقول...

السلام عليكم و رحمة الله و بركاته

أولا كل سنة و انت طيب

و ما شاء الله اللقاء كان واضح عليه انه جميل

و ان شاء الله مش يكون الاخير ليكم

شرفت بزيارتك ،
و بانتظارك دائما


دمت بكل خير

well يقول...

شئ جميل اننا نتقابل على الشبكة العنكبوتية
والاجمل اننا نتقابل فى الواقع

maha zein يقول...

يا عم يا عم
لقاءات و حركات وسمعت انك بيت عند الناس و خنقتهم
ماشي ماشي


رب يرجعك مصر سالم غانم و تقضيها لقاءات في شبرا و الجيزة و عبود وصفطاللبن كمان

حلو البيتين اللى فوق ده
بقولك ايه سيبها علي اللى خلقك
ده انت طلعت شاعر اهه

اي حد مضايق يا جماعة يرمي حمولة علي الله
ويكثر من صلاة القيام ويدعى ربنا يحققله كل امانيه
و يكثر من الصيام عشان يتعلم الصبر
و يناجي ربه وكده

انجز يا عم انت و انزل مصر عشان محتاجة اوي العربية البورش اللى اشتريتهالي

reem يقول...

كل سنة وانتم طيبين
وكان واصح انه لقاء جميل فعلا

ربنا يديم المودة والمحبة

بفرح جدا لما اشوف لقاءات بين المدونين بتتم

وعقبال اللقاء التانى والتالت والمية كمان

مهندس مصري يقول...

حصل خير يا هندسة
و الحمد لله إن اللقاء كان جميل زي ما أنا كنت متخيل
خلاص حنفوت المرة دي
لكن المرة الجاية لا ممكن تنزل ابداً
:))
هههههههههه
و أنا قاعد لك بقى على الجوجل ريدر و لو النت ما قطعش عندي زي المرة اللي فاتت يبقى مش حيفوتني و لا كلمة في مدونتك

ليس فقيرا من يحب يقول...

ايه الكلمات الجميله اللى فى الاول دى

هما مختصرين اه بس الصراحه اكتر من روعه

ان شاء الله تفضلوا متجمعين دايما يارب

كل سنه وانت بالف خير

القر بتاعك مبينزلش الارض

بركه التعليق الاول راحت منى خلاص

يا سااااااااااااااااتر

تقبل تحياتى

فى حفظ الله

واحد من العمال يقول...

اللقاء وفكرته هايلين أنا كنت فاكر ان المهندس هو الجالس امام الأخوه الواقفين
أتاريه هو المصور
وكل عام وأنتم جميعاً بخير حال

(Joudy) يقول...

مبروك عليك يا سيدى أديك خرجت خروجة تمام ناس ليها لقاء المدونين وناس ليها قاعدة البيت هههههههه أنا مش بحسد بنق بس ههههه المهم انك تكون انبسط يالا كل لقاء وانت بخير

دمت بكل الخير والسعادة

أحــوال الهـوي يقول...

سيبك انت شخص جميييييييل و شاعر هايل حساس
و كسبتك و تشرفت بمكالمة مهندس مصري
و اتعرفت علي ناس همومها حبها لبعض و الخير و الناس

و المرة الجايه بيتي مفتوح لك و مفتاحه تحت الدواسه

اشكر لك جهدك الذي جعلنا نلتقي

تحياتي

أبو العريف يقول...

أحمـــــــــــــد أبو العلا

ازيك يا هندزه

كل سنه وانت طيب

كان لقاء جميل

خلاني نفسي ارجع مصر

عشان اشوفكم كلكم

منورني

أبو العريف يقول...

sweet violet

كل سنه وانت طيبه

اه من العيد للعيد

بس المهم انه اخيرا حصل

منوراني




Soul.o0o.Whisper


كل سنه وحضرتك بألف خير

اللقاء كان جميل فعلا

نورتيني

وسعد بزيارة مدونتك





well

كل سنه وانت طيب يا باشا

فعلا اللقاء جميل

بتتعرف علي ناس جميله جدااا

منورني

شاب فقرى يقول...

كل سنة وانته طيب

والحمد لله ان اللقاء كان مثمر جدا

ويارب يحفظكم يارب :)

وان شاء الله تلتقى مع المدونين فى القاهرة فى احد الابام

شاب فقرى :$

أبو العريف يقول...

مها زين

ازيك يا دكتوره

حمدالله عالسلامه


ناس مين وبيت عند مين

وسمعتي منين

ايه الكلام ده

ربنا يبارك فيكي يارب

اما بالنسبه للعربيه البورش

انا اعرف البوش من غير العربيه

لكن العربيه معنديش فكره

منوره الدنيا




reem

كل سنه وانت طيبه

ربنا يكرمك

منوراني






مهندس مصري

ازيك يا هندزه

كل سنه وانت طيب

برضه انا زعلان من نفسي

وزعلان اكتر منك

بس معرفش هي جات ازاي

موجة يقول...

ابو العريف
انت مين فى دوول ولا مين فى دوول ولا كل دوول
لاء بجد
انت اى عمة من العمم اللى موجودة فى الصورة دى ولا اى دقن من الدقون دى
ولا انت مش فيهم اصلا
ماعلينا
يابخت الناس اللى عايشين فى السعودية وبيعملو عمرة وقت مايحبو ويروحو الحرم وقت مايحبو
سلام بقى يااااااااا
اقول ولا بلاش
سلام يابو العريف

أبو العريف يقول...

ليس فقيرا من يحب

ههههههههههههههههه

طبعا انا قري دكر

وما يخيبش ابدا

بس يا ستي ربنا يكرمك

ويحميكي من عيني وعين الاخريييييييين

منوراني






واحد من العمال

لا يا عمونا

المهندس مرضيش يتصور
وانا لو اعرف كده كنت صورته في الخباثه

وسيحتله هنا في المدونه

الشعب لابد له من حكومه تشكمه يقول...

اولا بالنسبه للابيات اللى فوق حاسه ان المفروض حد يطبطب عليك:(
بالنسبه للقاء برضه مشوفتش بنت كانت تطب عليكو واتفرج والضرب للركب:)
يلا خير المره الجايه نشوف دسيسه ولا حاجه..
جميل اوى موضوع اللقاءات دى:)

الرخمة يقول...

قرار 101
بعد المشاورات و المؤتمرات و المناقشات
قررنا نحن رخم باشا و رخمه هانم
انشاء بلوج نرخم بيه عليكم
و من باب التكرم و التفضل و الرخامه
حبينا نقول لكم عشان تيجوا تزوروا البلوج غصباً عنكم

و مش هقول سلاااام
رخامه بقى هه

قهوة الرخمين
:D

mohamed ghalia يقول...

كل سنة وانت طيب
ربنا يجمعكم دايما على طاعته

كيكى عوووووو يقول...

شوف انا هسيب البوست كله وعايزة اعرف انت مين فيهم!!!
لانى برضة مفهمتش وصفك ابو موتة انت فاااااااااشل فى الوصف
انا استنتجت كدة انت اول صورة صح وحاططها تموية يابنى مش كنت عملت علامة عليك زى المفقودين مش كان اسهل!!!
ككع كع كع كع يالهوى لازم اقول حاجة تانى اها طبعا مش هوصف احساسك وانت فى الغربة وشايفهم طبعا اذا كان احنا فى مصر وبنشوف بعض بنتجنن مابالك انت اكيد نطيت من البرج!!!

كيكى عوووووو يقول...

صفحة التعليقات مالها بتظهر نص الكلام بس دة عندى انا بس!!

أبو العريف يقول...

جــــــــودي

كل سنه وانت طيبه
لا نقي براحتك
هو اللقاء كان جامد

بس برضه العيد في مصر وبس

ومفيش اعياد بعد كده



احوال الهوى

كل سنه وحضرتك طيب يا دكتور
انا اللي كسبت اخ اكبر
وانسان رائع
وسعيد بجد اني عرفت ناس بالجمال ده
ربنا يديم المحبه يا دكتور




شاب فقرى

كل سنه وحضرتك طيب
ان شاء الله نتقابل كلنا في مصر في لقاءات عديد
وانا نفسي اتعرف علي كل الناس الجميله دي بجد

منورني

أبو العريف يقول...

موجة

ازيك يا بيرو

انا كل دوووول

يا بنتي مانا قايل

الابطال حسب الظهور

وبعدين فين الدقون دي

دانا حتي لادقن ولا شنب





الشعب لابد له من حكومه تشكمه

بالنسبه لموضوع الطبطبه

دي مجرد خواطر ولا اي هبل والسلام
ماتتعبيش نفسك
هو انت يا بنتي ما يعجبكيش حاجه اقولها ابدا
ايه الناس دي
ههههههههههههههههههه

بالنسبه للبنت
متقلقيش
اللقاء الجاي يكون الوضع تغير
وبلدنا بتتقدم بينا
والسعوديه برضه بتتقدم بيهم

أبو العريف يقول...

الرخمة

طاب مش هرد عليكي
رخامه بقي

الرد هتلاقيه هنااااااااك

عندك في القهوه

أبو العريف يقول...

mohamed ghalia

كل سنه وانت بألف خير

اللهم امين

ربنا يجمعنا كلنا علي طاعته

منورني

أبو العريف يقول...

كيكى عوووووو

ايه يا بت يا فقر انت

ايه اللي فاشل في الوصف دي

ده تمووووووووووووووووووووويه

بس يا بنتي انا كاتب

الابطال حسب الظهووووور

ولا انت مش بتحبي محمد صبحي

عموما انا اللي واقف ومش سعودي

ومش بشنب ولا دقن

حالق اقرع

ارتحتي

نـــــــــــــور يقول...

اخيرا حضرتك اللقاء اللى كان نفسك تعمله؟
ربنا يسعد قلبك كمان وكمان
ويتكرر تانى وتالت
وانت رضو اللى تعمله سوا فى مصر او فى السعوديه

Me7'o يقول...

حبيب هارتى السكرة

والله يا أبو العريف أنا زى ما أكون عارفك بقالى سنين يا جدع

تقولشى حب من النظرة الأولى

هع هع هع

تحياتى يا برنس

أبو العريف يقول...

نـــــــــــــور

شكرا يا حبيبه

منوره

أبو العريف يقول...

ميخوووووووووووو

باشا

الله علي حبك انت

هههههههههههههههه

ازيك يا هندزه عامل كييييييف

م القلب للقلب رسول يا معلم

منورني يا باشا

كيكى عوووووو يقول...

؟

محمود رياش يقول...

جميلة مدونتك
ومبسوط جدا انى عرفتها
اسلوبك جميل وكتاباتك معبرة
ومعرفتك شرف لى

دعوة لزيارتى
www.mahmoudryash.blogspot.com

مدونة غمض عينيك
مقالات عن النجاح فى الحياة

شكرا لتلبية دعوتى مقدما

شفقة هانم واحسان بك يقول...

كمات حلوة جدا
ربنا يديم المودة والحب بينكم
شفقة