السبت، مايو 15، 2010

اعترافات ........... ليلية


لاول مره هكتب كده هنا علي طول من غير ما اجهز مسوده
لاني عايز الكلام يطلع من قلبي دوغري عالكيبورد اللي حروفها طايره دي
عايز اريح ضميري واعترف بالسر اللي شايله ف قلبي بقالي سنه ونص
لاني كلها شهرين وكام يوم واخلص اللي انا في واحتمال اختفي
زي ناس كتير اختفوا ومعدناش بنشوفهم
هما سابوا زكري طيبه وحبيناهم لكن انا مش عارف انا هسيب ايه
فعشان كده هعترف واقول الحقيقه واريح ضميري
الحقيقه ان انا
انا
انا كداااااااااااب
اوه كدااااااب
بقالي سنه ونص بكدب عليكم
اوهمتكم اني اسمي محمد علي
والحقيقه انا اسمي مش كده خالص
قلتلكم اني مهندس معماري وانا مش كده
وكمان مش شغال ف السعوديه زي ما كلكم تعرفوا عني
انا عمري ما شفت السعوديه حتي ف التلفزيون

انا كدبت
وانتوا صدقتوا
حد هيقولي انت كدبت ليه
هقول كدبت عشان كان نفسي ابقي واحد منكم
كان نفسي ابقي زيكم
تفتكروا كنتوا هتتقبلوني ف وسطكم لو عرفتوا
اني معايا دبلون صنايع قسم جرارات الكترونيه
واني ف الجيش وقاعد علي كمبيوتر
عشان قسم الجرارت الالكترونيه ديه افتكروني بفهم ف الكمبيوتر
فمسكوني الكمبيوتر هنا ف الاداره الهندسيه
في العباسيه

خفت ما تقبلونيش وسطكم وانتوا كلكم مهندسين
واساتذه ودكاترا واطباء ومحامين
فاخترعت الكدبه دي

اه
مهو النت ده عالم خيالي وبما انه خيالي
انا اتخيلتني مهندس وعشت القصه دي
واتخيلت كل حاجه قلتها عني هنا

سامحوني

كمان انا عمري ما كتبت شعر
ولا عمري رسمت

وكل دي حاجات سارقها من عالنت
ومن اصحابي
استمتعت بمعرفتكم جدا
وسعدت طول الفتره اللي فاتت

سامحوني
مش هقدر اقول ياريت تفتكروني بكل خير

تصبحوا ع خير
ارجوكم علقوا بس من غير شتيمه
انا هتقبل اي نقد
بس بادب
بلاش شتيمه


امضاء
من العباسية
اللي مش محمد علي
دبلون زراعه قسم دوده القطن

هناك 40 تعليقًا:

خواطر شابة يقول...

وليه الشتيمة اصلا اعتقد ان اعترافك لن يغير من الامر شئ الشخص الذي عرفناه ونعرفه هو نفس الشخص والحكاية ليست دائما شهادات الوعي لايقاس بالشهادات
اعترافك مفيد في شئ واحد هو أنك ستحس بالراحة ستحس ان حملا ازيح عن كاهلك صعب ان نعيش ونحن نتقمص شخصية غير شخصيتنا الحقيقية هذا متعب للاعصاب صراحة
عموما انا عن نفسي مايفرقش معايا لو انت مهندس او دبلوم صنايع مايفرقش معايا لو انت في مصر او السعودية يفرق معايا اللي بتكتبه مستواه احترامه هذا هو الذي يهمني
هون على نفسك ولا تتسرع باتخاذ اي قرار
دمت بكل ود

ولد تحت الصفر يقول...

قرأت كل كلمة .. إني أفهم حاجة ...!


لكن و مع ذلك دي من أجمل تخاريف حضرتك روعة ... شئ مريع جداً ... فوق الفظيع ...
:)

أكاد أقسم ان اللي انت كاتبه ده شعر .. فلا تختلق القصص ليقل نشرك بعد ذلك

و لتظل " أبو العريف " حبيب الملايين


تنتخبوا مين ... حبيبكوا مين

غير معرف يقول...

نحممممممممممممممممممممم
ياكابتتن!!!!
ايه الاعترافات السودة دى
!!!!!
انا شكه فيك من زمان اصلا
الى تحسبوا موسى يطلع مسموش محمد على
************************
انت جالك الهسس بدرى ولا ايه؟؟عمتا الى يكون بينا مش محتاج انه يكدب لاننا بنتقبل اى حد المهم ان يكون صادق
ياشيخ رووووووووووووووووووووووح
ع اعترافاتك دى
بس فى النهايه عايزة اعرف فى كوتشى ولا لا؟؟
دة الاهم عندى
عووووووووووووووووو

мαησηα يقول...

ههههههههه انا عندى دليل على انك كداااااااااب

ايووووووووووووووون

كداب ف كل كلمة كتبتها ف البوست ده

هههههههه

وبعدين يا مخرف اخر حاجة واحنا حبينا فيك انك مهندس يا عبيط بقه مش قادرة ما اقولهاش نياهانياها

احنا حبينا شخصيتك انت بكل مافيها حتى تخاريفك دي بقه حبيناها

خليك بقه ماتروحش هههههه

мαησηα يقول...
أزال أحد مشرفي المدونة هذا التعليق.
أنا - الريس يقول...

تحياتي لك
دا يمكن من التعلقيات القليلة اللي انا كتبها هنا برضه ان لسه جديد قديم ..

انا مش عارف اللي انتا كاتبه ده اعتراف ولا خيال

بس صدقني في كلا الحالتين ارفع ليك القبعة لأنك أبدعت

أسلوبك حلووووووو

فيه قصه زيها لبلال فضل .. تسلم ايدك

أبو العريف يقول...

خواطر شابة

ان كان علي مستوي اللي انا بكتبه

ما انا قايل اني سارقه

او ناقله من اصحابي

يعني الاعتراف لابد منه



منوراني

أبو العريف يقول...

ولد تحت الصفر

متشكر يا باشا

والله انت اللي روعه



اذا كنت انا نفسي مش فاهم حاجه

منورني

أبو العريف يقول...

غير معرف

ايه بقي

داخله بغير معرف ليه
اعتقد انه كسل

لا تقلقي

الكوتشي موجود


اشطه

أبو العريف يقول...

мαησηα

ايوه منا بقول اني كداب

هو انا قلت غير كده

ثم هو ايه الدليل

لا مش حكاية مهندس او مبيض محاره

بس هو الواحد بيحب تفاصيل بيعرفها عن شخص الواحد

واذا اكتشف ان التفاصيل دي كدب

اكيد الباقي تمثيل

ها فاهمه حاجه


ولا انا

أبو العريف يقول...

MR.PRESIDENT

متشكر جدا علي رايك يا باشا

وف الحالتين برفع لتعليقك القبعه

منورني

ف الحالتين

well يقول...

العب غيرها

well يقول...

شوف ياللى مش محمد على ..انا ممكن اصدق اى كلمة تكتبها لكن كلمة واحدة معرفتش اصدقها

علشان انا ديما بحب اقرا الشعر بتاعك اللى هو الرد على (ولد غلبان )
http://maknaiel.blogspot.com/2009/06/blog-post_17.html
كل يومين كدة بدخل وافضل اقرا فيه بمزاج وانا بقول ..الواد ده فنان متزعلش من كلمة واد ياللى مش محمد على .
وبعدين مين قالك كل المدونين مهندسين ودكاترة ..اسأل اى مدون وقوله انت مين ..هيقولك ...انا إانسان
على فكرة الاعترافات دى انا مش معترف بيها وحاسس انها تخاريف او لعبة بتلعبها .
تحياتى يلى مش محمد على

أبو العريف يقول...

well

سيبك من كل ده

بس انا سعيد ان في حاجه من اللي انا كاتبها

قصدي سارقها عجبتك وبتحب تقراها

او كونك فاكرها اصلا

اكيد كلنا انسان

سعيد جدا بتعليق




منورني

رحلتنا في الحياة يقول...

ايه هو دا الاعترافات دى خطيرة خطيرة جدا
علشان انت خرفت فيها جاااااامد
مين اللى الانسان بيتحب ولا بيحترم من المكانة اللى هو فيها ولا هو اسمه ايه وصنعته ايه
اكيد طبعا لكنا احترمنا شخصيتك الطيبة والجميلة وحبينا الشخصية دى بصرف النظر اى حاجة تانية
كلنا بيجى علينا لحظات وبنكدب فى ظروف بتضطرنا لكدا
بس بردو هقولك يابشمهندس p:

قلم رصاص يقول...

اهي دي التخاريف ولابلاش يا ابو العريف

ياصديقي ايه دخل الشهادات في التدوين؟

بس في جميع الاحوال حتى لو كلامك دا حقيقي

دا مش هيقلل من احترامي ليك قيد أنمله

مين انمله دي ههههههههههههههه

منور البلوجر كله

تقبل مروري وتحيتي

د. ياسر عمر عبد الفتاح يقول...

ربنا يسامحك علان إنت كذبت

لكن تصدق بالله
أنا حسيت إنك قربت مني أكثر
بغض النظر عن بوستاتك كلها
ردودك كان فيها شخصية حبوبة
إنت واحد بتكلم معاه بأريحية كبيرة

وبعدين في بلوجر إحنا رافين شعار
مهندس ولا شقيان ,, الكل هنا إنسان

ربنا يتم جيشك على خير
ونشوفك بعدها برضه

أحــوال الهـوي يقول...

كـــــــــــــــــــداب
كـــــــــــــــــــداب
كـــــــــــــــــــداب
كـــــــــــــــــــداب
كـــــــــــــــــــداب
كـــــــــــــــــــداب
كـــــــــــــــــــداب

في كل كلمه قلتها و مش عارف ليه و ايه السبب يمكن يكون دور البرد اللي طول عمل التخاريف الليليه دي

و بعدين عموما الانسان قيمة و مش شهاده و عمري ما سألت اي شخص عن مؤهله علشان اعرفه
يارب تفوق من الغيبوبه دي


بس تعرف البوست ده لايق علي المدونه تخاريييييييييييييييييييييييييييييف

تحياتي

ستيتة يقول...

عارف هاني رمزي لما بيضحك
ها هااااااااااااا ها هااااااااااااا ها هااااااااااااااااااااااااااا

كن من تكن انت
نفس اللي انا عارفة
هو حد فاهم إحنا

وده بنغالي ردا على بوست


تهيسات ............ ليلية :))

Kiara يقول...

لو رديت كنت قلت نفس كلام منونا بالحرف


مجنوووووووووووووووووووووووووون رسمى

Me7'o يقول...

ده إنت كدااااااااااااااااااب كدب الإبل يا شيخ

ههههههههههههههههههههههههه

يعنى إنت مش أبو العريف
أومال اللى أنا قابلته فى الرياض ده هه مين

أم العريف

ههههههههههههههه

والله العظيم إنت هاتخلى الناس تتجنن يا جدع


هههههههههههههه

إنت يا جدع إنت
الناس صدقت

روح يا شيخ ... وتعال بسرعة

وأنا كمان رأيى من رأى كيارا

إنت مجنون رسمى

واحشنى ياض

غير معرف يقول...

انا فعلا جديده فى عالم التدوين
بس مانتاش محتاج تبقى وزير او غفير عشان يقبلوك
اقولك على حاجه من اختك الصغيره
اوعى تتكسف من نفسك مهما كانايه يعنى
دبلوم صنايع اجرمت يعنى
اهم حاجه دماغك ماشيه ازاى
خاليك اد نفسك وادخل واتحدى وخلى كلامك اللى طالع من قلبك يقول ان اللى معاه دبلوم صنايع بيفهم كتر من واحد دخل الجامعه دع نفسك تتحدث عن نفسك
خالص احترامى

ليس فقيرا من يحب يقول...

ههههههههههههههههه
اولا احب الفت نظرك لغلطه مطبعيه وهيا انك قولت فى الاول انك دبلوم صنايع ورجعت فى اخر البوست قلت انك دبلوم زراعه قسم دوده قطن
هع هع هع

ثانيا بقى وده الاهم
ايه السؤال بتاع تفتكرو كنتوا هتقبلونى وانا معايا دبلوم
ايه دخل شهادتك فى التدوين وفى طريقه كتابتك وتناولك لاى موقف او موضوع وكمان فى احترامنا ليك
احنا نعرف مدونيبن كتير جدا وفى ناس كتير مش بتبقى موضحه عن نفسها اى معلومات شخصيه وبنحبها ونحترمها بقلمها وفى ناس بيبقى معاها اعلى الشهادات وووحشه جدا ومش ممكن تقدر تتقبلها
بالنوسبه لانك سارق الحاجات دى من النت
فدى والله اعلم هيا الكدبه الكبيرة
لان ده مش حقيقى
طب والتخاريف وصنيه البطاطس والموبايل طب ناقل اشعار روان منييييين ؟
هههههههههههههههههههههههه

روق انت كده واللى اتكسر يتصلح
هههههههههههههههههههه
بس كده انت مجنون رسمى وناقصك الشهاده

وفى الاخر احب اسمع اغنيه ميهمناش اسمك واهلك موطنك ميهمناش طول ما خطاوى الخير مصاحبه خطوتك مايهمناش
تيراااااااااااا رااااااااااااارااااااا

ههههههههههههههههههههههههههههههههه

Arsenal Way يقول...

لا تكذب و انت في حضرة الآلهه
:D
شوف يا محمد انا حبيتك في الله من قبل ما اعرف شيئ عنك ده لو كان البوست ده مش تخريف اصلا

لا يهمني إسمك و لا بلادك مكانك ,, يهمني الإنسان و لو ملوش عنوان

ستيتة يقول...

لك عندي واجب على هيئة رجاء
فهل من مجيب؟
ولو كان الواجب ده ضد اهدافك الشخصية من فتح مدونة فأنا اعذرك واتفهمك ومفيش مشكلة ان شاء الله

Arsenal Way يقول...

بعدين يا محمد يا ولدي مفيش حاجة اسمها جرارات الكترونيه يا شقيقي

:))

أبو العريف يقول...

احاسيس آيوشه

متشنكر يا ايوش

دايما كده رافعه روحي المعدنيه

وهو ده الهدف من البوست

منوراني دايما

أبو العريف يقول...

قلم رصاص

حلوه انمله دي

اه صحيح

ايه علاقة التدوين بالشهادات

بلد بتاعت شهادات صحيح

اعتقد ما عادتش بتاعت شهادات

أبو العريف يقول...

د. ياسر عمر عبد الفتاح

باشا

انا كمان بحس انك حد اعرفه

حد قريب مني بجد

ع فكره التعليقات بتاعتي مسروقه من عالنت

هع هع هع هااااااااااااااع

منورني والله يا دكتور

وانا سعيد بمعرفتك

وهشوفك ان شاء الله قريب

أبو العريف يقول...

أحــوال الهـوي

اشتم اشتم

علموك ف بلدك كده

احنا مش قايلين مفيش شتيمه

اه صح

منا قايل اني كداب ايه الجديد

اه والله البرد مدمرني

وانت منورني

أبو العريف يقول...

ستيتة حسب الله الحمش

ما في معلوم ايش كلام انت صديق


انا مافي جرجر زياده

كله نفر هنا سيم سيم اخو

مافي مشكل هو في مهندس ولا في عامل




ههههههههههههههههههه

منوراني يا دكتوره

أبو العريف يقول...

كيــــــــــــارا

وانا لو رديت هرد نفس الرد اللي رديته علي منونا

هع هع هع هاااااااااااع

أبو العريف يقول...

Me7'o

حليب هارتي

ههههههههههههههه
كدب الابل

فكرتني بدرش اخويا

واحشني ياريس

وان شاء الله نتقابل لما ترجع مصر

هتلاقيني مستني ف العباسيه

اشطه

أبو العريف يقول...

الشـوكة الــنـاعـمـة

كلام جميل جدا

ودا هدفي من البوست

ومتشكر علي رايك


منوراني

أبو العريف يقول...

ليس فقيرا من يحب

ههههههههههههههه الغلطه مقصوده يا ستي

ثم هو ايه ده

كل ده تعليق

واخده المدونه ع حسابك حضرتك

ولا عشان عرفتي اني دبلون هتستهري بيا

لا داحنا حلوين قوووووووووي


بالنوسبه لاشعار روان سهله

اسرق شعر مع تغيير الاسم

هي حكايه

وايه مسلسل عباس الابيض ده


منوراني

أبو العريف يقول...

مصطفى أبوزيد

اشطه يا باشا

وانا يهمني اني عرفت شخص زيك

بكل حاجه فيك

حتي المشنقه اللي بتعلقهالنا في الفيس بوك

منورني يا باشا

محمد سعد القويري يقول...

الأخ الفاضل :: أبو العريف ::
تحية صباحية عطرة معطرة ملونة بألوان الحب ..

وبعد

حقيقة .. بغض النظر عما كتبت ..

أنا سعيدٌ بتعرفي على قلمك ..
وأنا تعجبني كتاباتك ..
ما فائدة الشهادات والألقاب إذا لم يصاحبها إبداع ..)


دمت بود

غير معرف يقول...

امششششششي عنجد سقيل

حد يكدب ويقول الكلام دا عن نفسه

عنجد مجنوووووووووون رسمي

وشهادات ايه وهبل ايه الي بتتكلم عنه على اساس اني معي دكتوراة خلي الطابق مستوور :]

بص من الاخر كداب مش كداب هتفضل اخ عزيز جدااااا ومدونتك وتخاريفك بالنسبالي اكثر من رائعة

الا قولي ايه سبب التخاريف الجديدة دي حد داسلك على طرف ههههه قولي وانا اموته

ليك وحشة والله

ومنتظرين تصحيح التخاريف دي وبطل غلاسة

سي يو ^ـ^

خواطر شابة يقول...

الرجاء الاطلاع على أخر تدوينة عندي

فتــافيت (رحاب الخضري) يقول...

ههههههههههههههههههههههههههههههههه
انا جيت متأخرة عارفة.. وبعد ما الموضوع اتحرق كمان.. بس بجد مش قادرة امسك نفسي من الضووووووووحك
ايه ياعم ابو العريف ده كله.. تعرف بقى اني اول مرو اعرف ان اسمك محمد علي من البوست اللي بتكدب فيه ده ههههههع
لا مش قادرة بجد من الضحك.. وكله كوم .. وكدب الابل ده كوم تاني هههههههههههههههههه ههههههههههههههههههههه هههههههههههههههههههه
اه اه انا مش قدرة خلاص عااااااااااا