الثلاثاء، أغسطس 18، 2009

بوست كومبوووووو..............

يعني تهنئة ...و دعوة .... ولقاء .....وتاج .....وsms


البوست ده كومبو يعني طويل وممل بس كان لازم

طبعا كل واحد يقرأ اللي يعجبه ويولع في الباقي

واللي يكمل لحد الاخر ليه جايزه قيمه

لما ارجع مصر

*****

تهنئة


اولا احب اهني كل اصحابي وحبايبي المدونين بحلول الشهر الكريم

واقولهم

شهركم مبارك ان شاء الله

وادعو لهم

اللهم بلغهم شهرك بعظيم غفرانك والعتق من نيرانك

وادخلهم جناتك وسخر لهم الطيبين من خلقك واشرح صدورهم بذكرك

اللهم آمين

**************************

دعوة


طبعا انا سبقني اخونا الاستاذ ( ضايع ) واقترح الدعوة دي

والدكتوره( ستوته) دعمتنا بقوه

وانا من هذا المكان ادعو كل المدونين اللي موجودين هنا في السعوديه

اننا نتلم ونتقابل ونقضي يوم معا ودا ان شاء الله في اجازة عيد الفطر

بمدينة الرياض

وعلي المدونين المقيمين خارجها ( زي حالاتي كده ) يجهزوا شنطهم من دلوقت

وسنوافيكم بالاخبار ان شاء الله


*************

لقاء


امبارح ان اتقابلت مع المدون

مهندس مصري بيحب مصر

هنا في حائل واتعرفت عليه

وشربت احلي كباية نسكافيه من ايده

الحقيقه ان سعيد جدااا باللقاء ده وبالشخصية الجميله دي


************


تاج


****

التاج دا جالي من ناس كتير جداااا

بس اول حد بعته كانت ( جودي ) انا مكنتش عارف اجاوبه عشان كده اتأخر كتير قوي

بس عموما انا هجاوب السؤال اللي يعجبني منه حد ليه عندي حاجه

المهم انجح ولو بمقبووووول


- من انت؟

انا اتولدت مغمض حدفوني في الدنيا وقالولي روح ربنا معاك

ولحد دلوقت لسه ما فتحت


حل اخر

انا ابو العريف اللي مش عارف حاجه



-وما الذي تفعله هنا؟


والله ما عارف انا شكلي تايه



-اسرائيل تقصف كل جنوب بحثا عنك اي شمال ستقصد؟


عني انا ليه دانا حتي مصري يعني بصدرلهم حديد عز وغاز طبيعي ومحاصرلهم غزه وفل الفل

ولا بهش ولا بنش


حل اخر

هروح أمن حته في الدنيا

( حضن امي )


اوعي حد يقول ابن امه ...ولا بيهمني



- انت مكلف بحذف حرف من حروف اللغه العربيه اي الحروف ستختار ولماذا ؟

انا مش هحذف حرف

انا هحزف الهمزه اصلها بتستهبل وبتغاظ منها اوي

مره تلاقيها فوق الالف ومره تحت الالف ومره عالسطر وعلي نبره وعلي الواو

ماتهمدي في حته بقي خيلتينا


حل اخر

كنت عايز احذف اربع حروف تاني بس خفت من روان



- علي مفترق طرق لافتتان اليمنى تقول ( الي حلمك )
واليسرى ( الي مالم يحلم به البشر ) اي الطرق ستسلك ؟


هلف وارجع تاني ههههههه

اصلي فقري


-بجمله فقط اكتب تعريف لكل كلمة من الاتي


الوطن

ليس اماكن نسكنها

بل اماكن تسكننا


الام

حته من الجنه علي الارض


الليل

علي رأي فيروز ( الليل مش للنوم اصل الليل للسهر)


الحب

الحب اوهاما واحلاما وآلاما وذاتا تحتويها ذاتي
     " شعر لمحمود عبد الغفار "


امريكا

بلد بيتنا اقدم منها وبقت اكبر قوة في العالم


المرأه

اسألوا توفيق الحكيم


الانترنت

عرفني عليكم


- قيس وعنتره وجميل هم الذين يقولون الشعر وليلي وعبله وعزه وبثينه

وسها ورشا ونجوي وتيته وماما صموت

هل هذا تغييب للمرأه


لا طبعا المرأه ليها حضور طاغي في شعر كل الناس دي

والدليل انهم اغلب شعرهم واغلب الشعر اصلا اتقال في المرأه


حل اخر

اغار عليك من نفسي ومني ....ومنك ومن زمانك والمكان

ولو اني خبأتك في عيوني ....الي يوم القيامة ما كفاني

0 ولاده بنت المستكفي 0


- الي اين تمضي كلمات الحب بعد ان نقولها ؟

بتتسرب وتتبخر وتستمر وتستمر وتستمر



- هل تجد علاقة بين المرأه وقطاع الطرق؟

لالالالالالالالالالالالالا

انا اجد علاقه بين المرأه والساطوور



-هذا فراق بيني وبينك متي ولمن تقولها ؟


للغربه بس بعد سنه من دلوقت

وللبني ادم اللي عمل التاج ده


- كيف هو غدااااا ؟

علي رأي نور ( فيه خير جاي ان شاء الله )

بتعجبني وانت متفائل


- لمن تمرر هذا التاج؟


مش لحد قطعي



***************

sms


انت اكتر حد مخلص....وانت اكتر حد خانني

انــــت اقرب حد ليه....وانـــت ابعد حد عني

انت اكتر حد منصف ....وانت اكتر شئ ظلمني

انت احلي حلم عشته ....وانت اقوي كابوس قتلني

****

انت اصـــدق حد شفته....وانت كدبة عمري كله

انت اقوى حــــــاجه فيه....وانكسار قلــــبي وذله

انت فرحة عاشتها عيني ....وانت جرح القلب مله

انت اسهل شئ حصلي....وانت لغز وصعب احله

*****

انت احلي واغلي ضحكه ....والف دمعه بكاها قلبي

انت اطيب قلــــــب شفته ....واقسي قلب جرحلي قلبي

انت نور عمري وسنيني .....وانت عتمة ساكنه دربي

بعشقك مش قادر اخبي ..........بكرهك من كل قلبي


********

اسف علي طول البوست

بس هتوحشوني قوي

لاني هعتزل التدوين في رمضان

الا لو هقول حاجه تخص لقاء المدونين










هناك 100 من التعليقات:

ليس فقيرا من يحب يقول...

السلام عليكم

شكلى كده اول تعليق

ليس فقيرا من يحب يقول...

ايون دا انا اول تعليق

لما العب شويه براحتى والمدونه فاضيه كده

ليس فقيرا من يحب يقول...

لا انا مش هالعب انا هقرى

الاول

ليس فقيرا من يحب يقول...

ايه ده بئى شتتنى يا عم

بس بصراحه اكتر حاجه عجبتنى

sms بصراحه كلماتها روعه ومختلفه

جدا
بعشقك مش قادر اخبي ..........بكرهك من كل قلبي

قمه الروعه وقمه التناقض

ليس فقيرا من يحب يقول...

واجابات التاج بئه دى حكاايه

وبعدين مال المرأه بالساطور

الصراحه مش فاهمه هههههههههههههههه

الاجابه بئه بتاعت اسرائيل

دى فى الجوووووووووون تسلم ايديك

لا فعلا الاجابات زى العسل وجديده لانج

ليس فقيرا من يحب يقول...

فى النهايه

كل سنه وانت طيب يارب

رمضان كريم

وبعدين هتعتزل فى رمضان ليه

نويت تتوب

ههههههههههههههههههههههههههههههه

كل سنه وحضرتك طيب مرة تانيه

وترجع بالف سلامه يارب

ليس فقيرا من يحب يقول...

هاقفلهم 7 وامشى مدونه اخويا بئه

وبراحتى انا كملت لحد الاخر اهه

فين الهديه؟؟؟

قلم رصاص يقول...

كل سنة وحضرتك طيب

رمضان كريم

في حفظ الله

Unknown يقول...

بجد بجد بجد
احلى تدوينة
لحد الان فيها كل
المشاعر والاحاسيس
(الام
حته من
الجنه علي الارض)
عجبتنى اوىىىىىىىى
وبدعيلك ترجع بالسلامة
للوطن والام والحب اللى
بيسكنك مش انت اللى تسكنه.
احتراماتى ابو العـــريف
وكل لحظة وانت بالف خير

أبو العريف يقول...

ليس فقيرا من يحب

ايه دا يا بت يا رانيا

انت بتبقي واقفه علي باب المدونه ولا ايه

بس بقولك ايه

انا مبسوط باحتلالك ده

ويارب تحتليني علي طول

هو حد يطوووووووول
ههههههههههههههه


وايه بقي اللي شتتك يا ست انت

واخيرا

كل سنه وانت طيبه

بس الجايزه انا قايل لما ارجع مصر

أبو العريف يقول...

قلم رصاص

يا باشا كل سنه وانت بألف خير

رمضان كريم

نورتني

ليس فقيرا من يحب يقول...

يلهوى لسه هاستنى سنه

علشان اخد الهديه

يدينا ويديك طوله العمر

أبو العريف يقول...

norahaty


متشكر جداااااا يا دكتوره

وكل سنه وانت بألف خير

وربنا يكرمك

ويبارك فيكي

نورتيني يا دكتوره

أبو العريف يقول...

رانيا

ههههههههههههههههه

اللي اوله شرط اخر نور

انا قلت ليه جايزه لما ارجع

وبعدين هانت

انت بتعملي ايه يا بنت انت هنا

elsha3er يقول...

كلمات جميلة واجابات اجمل كل سنة وحضرتك طيب

تحياتى

احمد الشاعر

رضا الكومى يقول...

أبو العريف

رائع حتى وانت مزنوق فى إجابات التاج

هتوحشنا فى رمضان والله

كل سنة وانت طيب

ستيتة يقول...

كل سنة وانت طيب يا باشمهندس وبعودة الأيام ويارب تقابلوا بعض في العيد وتحسوا فعلا بالعيد كأنكم وسطينا

الحل بتاع التاج تحفة

سؤال هو فيه راجل مش ابن امه؟ امال ابن مرات ابوه ان شاء الله؟

الشعر الأخير ده مين كاتبه؟
تحفة

أبو العريف يقول...

elsha3er

احمد باشا

منورني دايماا

متشكر جدا علي كلامك

تحياتي

أبو العريف يقول...

رضا الكومى

كل سنه وانت طيب يا باشا

انتو اللي هتوحشوني جداااا

منورني دايما

أبو العريف يقول...

ستيته حسب الله الحمش

كل سنه وانت طيبه يا احلي ستوته

وان شاء الله هنتقابل وهشوف الراجل الضايع ده

طبعا مفيش راجل مش ابن امه

ولا ست يا ستوته

هههههههههههههه

شعر ايه اللي انت جاي تقول عليه

اه قصدك التخاريف اللي اسمها sms

ابو العريف طبعا اللي مخرفها

منوراني دايما

نـــــور يقول...

كل سنه وانت طيب يامحمد
والسنه الجايه تكون خلاص ودعت الغربه بالتلاته وتبعتلها ورقتها كمان

ان شاء الله تفرح بلقاء المدونين عارفاك طيب وحاجه زى دى هتفرحك

التاج عايز بوست مش كومنت يترد عليك فيه فمش هعلق احسن عليه

المسج اللى فى الاخر اكتر من قاسيه رغم كل رقتها وتناقضها

البوست كله جميل ويدخل القلب يامحمد
كل سنه وانت طيب ورمضانك كريم مره تانيه

على الهامش
هو ردود تعليقات البوست اللى فات وقفت على بختى انا والشويه اللى جم بعدى ولا ايه؟؟؟!! :(

أبو العريف يقول...

نـــــــــــــور

كل سنه وانت طيبه

متشكر قوي

قوي

الماسيج يمكن قاسيه

بس هي مجرد احساس وقتي

وبينتهي

تعليقاتي عالبوست اللي فات

معلش

متخاديش في بالك

adel يقول...

اكل سنة و انت طيب ياعمونا

واجحابات لذيذة علي فكرة خصوصا الهمزة
ههههههههههه

وكمان عاجبني اختيار لبيت شعر ولاده
لاني للاسف ذاكرتي ضعيفة و لما حليته الفت انا من عندي
هههههههههههه

مسدس صغير يقول...

كل سنة وانت طيب
ترجع بالسلامة
بصراحة التاج بتاعك ولا اروع خاصة الهمزة وروان
هههههههههههه
جميل اوى
والرسالة جميلة جدا
احييك على البوست الروعة

أبو العريف يقول...

adel

وانت طيب يا عدووول

حلو يا معلم حكاية انك ألفت من عندك

بتتصرف يعني

نورتني يا باشا

أبو العريف يقول...

مسدس صغير

كل سنه

وانت طيب يا ابو صلاح

الله يسلمك

اه والله الهمزه دي بتهرج

شكرا يا باشا

منور دايما

ديالا يقول...

كل سنه وانت طيب وبخير

واجاباتاك في البوست حلوه اوي ودمها خفيف

وبعدين ايه الرسايل الجامده دي


ورمضان كريم

لاسع افندى يقول...

الخلاصه
كل سنه وانت طيب



تحياتى اللاسعه

maha zein يقول...

ما اصلي هي الدنيا خلاص اتغيرت

مهو اللى يبوظ جهازه منه يتبهدل كده وشطكم
اديني رجعت اهه واقوي من الاول
وليلتكم بيضة معايا

انا هعرفكم كلكم وهنتقم اشد انتقام

لقاءات ومدونات وتاجات وحركات

الا تصدق التاج ده مازلت مش فهماه ومش طيقاه
اه وربنا
تقيل علي قلبي
بغض النظر عن اللى عامله طبعا ومألفة ليه كامل احترامي
بس اصل الاسئلة صعبة


انا جيت تاني
و اكتشفت طبعا اني اتنسيت وسيرتي مبقتش تيجي في ايتها حاجة في مدونتك اللى هيتولع فيها دي قريب
حتي البوستات اللى فاتت اللى اعدت تقول فيها عن كل مدونة ومدونة لدجرة انك قفلت كل المدونات

اما انا خلاص
اترميت

انا هوريكم

كل سنة وانت طيب
ربنا يرجعك بالف سلامة
انا مستنية بقه الهديةالقيمة لما ترجع
ولو ناوي تتأخر ممكن تبعتهالي في الدي اتش ال
اصلي مستعجلة

حياتي كلها لله يقول...

السلام عليكم

متميزة قوي الإجابات و دمها خفيف كمان
سعيدة بزيارتي الأولي هنا

تحياتي
سلمي

الشعب لابد له من حكومه تشكمه يقول...

الحمد لله لحقتك قبل ماتش الاعتزال:)) لحقتلك بوست احمدك يارب:))
الا لو اتقفش بنت فى لقاء المدونين ده هيعملوا فيكو اييييييييييييييييييه؟:))
وحلو التاج وحلوه الرساله اللى كلها تناقض فى تناقض الكلمه وعكسها,ياعينى دا انت متقطع خالص:( فولى هى مين وانا ابهدلهالك ,ال تعمل فى سى ابو العريف كده هازولت واصبحت هازالولا:))
كل سنه وانت طيب ورمضان كريم يارب عليك,وياريت الهديه لو تسمح ولن اقبل بأقل من هامر او اقولك نمشيها خاتم سوليتير انت برضه شاب فى بداية حياتك:))

القدر و انا يقول...

ابو العريف
رمضان كريم
ويارب يسعد ايامكم فى الغربة وترجعوا بالف خير
انا قريت البوست للاخر... وعلافت انك بطل
ما تنساش الجائزة
تحياتى

رحلتنا في الحياة يقول...

مش عارفة اعلق على ايه ولا ايه ولا ايه بس هقول كل سنة وانت طيب اجاباتك جميلة وال sms جميلة وانا هاخدها غصب واقتدار هههههههه
كل سنة وانت طيب مرة تانية ومش عارفة ايه حكاية هتعتزل التدوين فى رمضان !!!!

Sweet Violet يقول...

الاول كل سنة و انت طيب
ثانيا بقى
ربنا معاكم فى اللقاء مع شوية حقد و قر منى لو حصل D:

ثالثا بقى عجبنى موووت الاجابة بتاعت الحذف
صحيح الهمزة ماحدش يقدر عليها ابدا و كمان بتغلب الواحد فى الكيبورد
لازم تتعبنا بالشفت v_v

رابعا بقى ال sms
بجد راااائعه
و عجبانى موووووت
و ممكن اقول جت فى وقتها على حق
v_v

خامسا بقى هتكون مكرر
كل سنة و انت طيب
^_^

محمد سعد القويري يقول...

الأخ الفاضل :: أبو العريف ::
السلام عليكم ورحمة الله
وبركاته
نايس بوست كومبووووووو
بادئ ذي بدء
جوزيت خيرًا لتهنئتك ودعواتك وأقول
اللهم آمين
ثم فكرة اللقاء فكرة جميلة وأنا أرحب بها وأنا أقترح تكون من اليوم الثالث وفوق ..وبانتظار تفاصيل الوقت والزمان .
أما بالنسبة للتاج فضحكت كثيرًا على حكاية الهمزة ..

وأتمنى ما يكون اعتزالك من أول يوم في رمضان ..

رمضان مبارك
وكل عام وأنت إلى الله أقرب .

كــركــبــة دمـــاغ ㋡ يقول...

مبرووووووووووووووك

ايه ده على ايه ؟؟

قصدي كل سنه وحضرتك طيب وبالف خير وصحة وسلامة

رمضان كريييييييييييم عليك وعلى الاسرة الكريمه

وان شاء الله رمضان الجاي تبقى في مصر وتفطر مع عيلتك


حاجه كمان بقى .. اجابات التجاة حلوة قوي .. تسلم ايدك

عاقله ودمها خفيف في نفس ذات الوقت

ربنا يكملك بعقلك هههههههه



اللقاء بقى يارب يتم على خيييييييييييير

وطبعا اكيد ده كله رداله في بعض مالناش احنا اي علاقه بيه

ربنا يجمعكو على كل خير


الــ sms بقى دي

خطييييييييييييييييييييييييييييرة

وفي الجون بجد

ومعظم الناس اللي جت هنا عجبتهم

وانا معاهم

وعجبتني

نشوفك على كل خيييييييييير بعد رمضان ان شاء الله

خد بالك من نفوسياتك

تحياتي ليك

amr imam يقول...

اليلام عليكم وكل عام وانت بخير

انا عمرو امام صاحب مدونة هؤلاء الخونة سابقا والبتاع حاليا

اولا ابدى اعجابى بكلامك الجميل
وثانيا ادعوك بتشريف مدونى

مع فائق احترامى

Me7'o يقول...

حليب هارتى

أنا قاعد آهوه فى الرياض ومستنى
لو مرحتش مكة فى العيد
يبقى أكيد هانتقابل إن شاء الله

تحياتى
ورمضان كريم

mohamed ghalia يقول...

كل سنة وانت طيب ياباشا
وإن شاء الله تتجمعوا

أبو العريف يقول...

ديالا

كل سنه وانت طيبه يا ديالا
ورمضان كريم

ومنوراني دايما

أبو العريف يقول...

لاسع افندى

كل سنه وانت طيب

ورمضان كريم

منورني يا لاسع

ايه اللسعان ده

أبو العريف يقول...

maha zein

مهاااااااااااااااااااااااااااااااا

بتفكريني باعلان كان بييجي في التلافزيوووووون زماااااان

ازيك يا شيخه عامله ايه

كل سنه وانت طيبه

اخبارك ايش واخبار الماجستير

اللي معدتيش بتجيبي سيرته

اوعي تكوني اخدتيه ومخبيه خايفه من الحقد اللي هحقده عليكي
( وش شوريييييييييييير )

احنا نقدر يا عم الحج ن

دانا اخاف المدونه تولع

انا رديت عندك



منوره الدنيا

أبو العريف يقول...

حياتي كلها لله

اولا كل سنه وانت طيبه

ورمضان كريم

ثانيا

انا اسعد بزيارتك

ثالثا

اسمك ( اسم مدونتك )

جميل جداااااااااااا

نورتيني

أبو العريف يقول...

الشعب لابد له من حكومه تشكمه

واخيرررررررررررررررررررررررررااااااااا

اخيرا علقتي

ايوه كده انا كنت حالف ان ما علقتي لاروح الاكاليم واجيبك بالعافيه تعلقي هنا

وبعدين ماتش الاعتزال ايه

انا بقووووول في رمضان بس

ايه ده هو انت ما صدقتي

اد كده زهقانه مني وعايزاني اودع التدوين اما ناس عجيبه


لو قفشوا بنت هههههههههه
زي ما شقاوه قالت بتوع الهيئه هيضربونا بالطووووب



اما بالنسبه لهي مين

فانا هديلك العنوان ورقم التليفون
وتليفون الاسعاف كمان بس ماليش دعوه باللي هيحصلك


بالنسبه للهديه

انا اعرف الهامر دي خدناها في اولي اعدادي
مش همر يعني شاكوش ولا مطرقه
اوك هجيبلك واحده من اللي عندي في الموقع

اما السوليتير دي لا مخدنهاش


ايه ده هو التعليق طول كده ليه

كل سنه وانت طيبه

أبو العريف يقول...

القدر و انا

رمضان كريم

وكل سنه وانت طيبه

منوراني دايما

الجايزه لما ارجع مصر

اكتبي طلب في ورقه وخلي اتنين موقع من اتنين موظفين

وموثق في الشهر العقاري


ههههههه

تحياتي

أبو العريف يقول...

آيوشة

هههههههههه

احنا هنقر ولا ايه

منوراني دايما يا ايوشه

بس قوليلي انت هتاخديها تعملي بيها ايه

كل سنه وانت طيبه

رمضان كريم

الشعب لابد له من حكومه تشكمه يقول...

طيب خد تعليق كمان انشاالله محد حوش تعليقين وفى بوست واحد:))
وعلى فكره مفيش بوست نزل ليك وانا مقرتوش:)
وبعدين يكون فى علمك باه انا يوم ميلادى فى رمضان لو مدخلتش تقولى كان يوم اسود يوم ماجيتى قصدى كان يوم فرحه انت حر:)) متغيبش بجد كتير اباه طل علينا انا بس هغيب انا فى رمضان ههههههههه...
هتجيبلى شاكوش؟؟؟ هاته هاته ما انت متعرفش هعمل بيه ايه:))
الا ايه مطريقه دى؟؟؟ فى واحد يقول لواحده مطرقه هههههه....
رمضان كريم عليك وامانه ادعيلى:)) علشان الملايكه تقولك ولك بمثله:)) دعوة المسلك لاخيه المسلم مستجابه بظهر الغيب فشوف انت عاوز ايه يتحققلك وادعيلى بيه علشان الملايكه ترد عليك:)
وانت طيب يارب دايما

أبو العريف يقول...

Sweet Violet

كل سنه وانت طيبه

وايه الحقد والقر من اولها

مش تصبري لحد ما نتجمع الاول وبعد كده ابقي قري

الهمزه دي متعبه جداااااااااااااا

هههههههههههههههههههههههههههههه

قوليلي بقي ال sms جات في وقتها ازاي

احكيلي مش هقول لحد

منوره الدنيا

أبو العريف يقول...

الشعب لابد له من حكومه تشكمه

لا لا كد ه بجد

انا مش مصدق نفسي

انا هيغمن عليّ

معقول

تعليقين في بوست واحد

انا فايق ولا بهيس

ايون كده عوضي التعليقات اللي معلقتيش فيها

مش نخش نقرا ونجري

ههههههههههههه

وبعدين من دلوقت اهو بقولك

كل سنه وانت طيبه بمناسبتين

رمضان وشوال قصدي وعيد ميلادك

هتعملي ايه بالشاكووووووووش

ومطرقه مين قال مطرقه

في حد يقول لبنوته مطرقه

هد عيلك ومش هقولك انا دعيتلك بايه

منوره الدنيا

أبو العريف يقول...

محمد سعد القويري

السلام عليكم ورحمة الله

كل عام وانت بألف خير

اسعدني اهتمامك باللقاء

وان شاء الله نحدد الموعد والمكان

ونبلغك

احمد الله ان استطعت رسم البسمه ولو لثواني

نورت المدونه

أبو العريف يقول...

شـقـاوة مـراهـقـة

الله يبارك فيكي

قصدي كل سنه وانت بألف خير

ورمضان كريم

وربنا يكملك بعقلك

ماشي يا شقاوه

مش هتقولي بقي اسمك ايه

ومش هقول لحد

سرك في بير

ههههههههههههههه

مشكووووووووووووور

اي خودمه انا ههريكم رسايل

من النوعيه دي

منوراني دايماااااااااااااا

أبو العريف يقول...

عمرو امام

كل سنه وانت طيب

ورمضان كريم

اسعدتني زيارتك

نورت المدونه

أبو العريف يقول...

Me7'o

باشا

خمدالله عالسلامه

عودااااااااا حميداااااا

كل سنه وانت طيب

وياريت نشوفك في العيد

ابعتولنا يا عم اي ميل ولا ايها حاجه

ودا ميلي

mak_naiel@yahoo.com

أبو العريف يقول...

mohamed ghalia

كل سنه وانت طيب

ورمضان كريم ياباشا

منورني دايما

maiosha يقول...

يا سيدى والله البوست ما هو طويل ولا حاجة
انا قولت بقى هقعد اقرا تلات ساعات لاقيته خلص فى ثوانى
هههههههههههههه
إنت أصلا اليومين دول بقى دمك زى العسل ( على اساس إن دمك كان تقيل قبل كده يعنى)
هههههههههههههه

والتاج جامد جدا .. بجد انا حبيت مامتك من كلامك عنها
غير روان طبعا اللى بقت حبيبة الملاين
ربنا يرجعك بقى بالسلامة غن شاء الله

وابقى إحكيلنا تفاصيل المقابلة بتاعة السعودية دى لما تحصل غن شاء الله

أبو العريف يقول...

maiosha

ازيك يا قمر

بفرح قوي لما الاقي اسمك هنا

وبحس اني اول ما اشوفه هضحك

دمك زي العسل

كل سنه وانت طيبه

رمضان كريم

وبعدين مالك ومال روان

احسن اقولها

تحطك في دماغها

منوره الدنيا

ليس فقيرا من يحب يقول...

السلام عليكم

بتطردنى من المدونه يا ابو العريف

ماشى اهىء اهىء

عموما انا جايه اقولك

كل سنه وانت طيب

ورمضان كريم

أبو العريف يقول...

ليس فقيرا من يحب

ايه ده انت لسه فاكره

دا الكلام ده من يومين

بس هو انا اقدر اطردك يا عم الحج

دانا عندي عيال عايز اربيها

كل سنه وانت طيبه

رمضاااااااااااااان

كاااااااااااااريم

ميرام يقول...

متأخرة
(:
بس جيت أقول كل سنة وانت طيب
عجبني قوي التعريف ده

ليس اماكن نسكنها

بل اماكن تسكننا

عجبتني كمان ال sms
حسيتها متناقضة ..بس واقعية
متفبركة بس تلقائية (:
بجد ووالله

رمضان كريم
(:
تحيـــــاتي

أبو العريف يقول...

ميرام

يااااااااااااه

ميرااااااااااااااام

ازيك ياباشمهندسه

العماره والمعماريين لبعضيهم

فينك من زمان

اولا فيه سبعتاشر بوست ما قريتيهمش

يتقروا يا ست الحجه

ثانيا
وثالثا
كل سنه وانت بألف خير

ثم هو ايه اللي متفبرك

يعني ايه مش فاهم

اه

يمكن عشان مجرد فكره

وكده يعني

مش عارف

بس بجد ووالله

منوراني

وسعيد بعودتك

وتعليقك

ميرام يقول...

لا لالا لا
متفبرك بالمعنى الحلو مش الوحش
(:
متفبرك يعني يعنييي ..
مش عارفة
يعني جامع متناقضات كده .. يعني ملعوبة (:
(:
لا حول ولا قوة الا بالله
اعتبرها زلة لسان
بس واله كان قصدي بيها حلو
(:

على الهامش ....
وسؤال من باب الفضول لا أكثر ...
(:
دايما لما بعلق عندك بترد على تعليقي عندك عندي (:
ده عشان تضمن اني هقرأ الرد يعني (:
‘لى العموم انا لما بعلق برجع أقرا الرد تاني
(:

بالنسبى للسبعتاشر بوست
بقرأهم دلوقتي
و(:
رمضان كريم تاني
تحيــــــاتي

أبو العريف يقول...

ميرااااااااااااام

امممممممممممممممممممممم

انا فاهم بس بستهبل

مش متفبرك كده يعني الفكره جات رحت مفبركها

برضه مش فاهم

هههههههههههههه

مش مهم

سيبك انت

انت عامله ايه

امممممممممم

معرفش

انا بعمل كده مع شوية ناس

دونا عن الاخرين

وبعدين عشان كنتي مختفيه قلت اكيد فيه حاجه جديده

لان الريدر مكنش شايف مدونتك

كانت مستخبيه

بالنسبه للسبعتاشر بوست

ها قريتي

و كل سنه وانت في اسعد حال

maiosha يقول...

بقى هتخلى روان تحطنى فى دماغها.. ماشى ماشى

بس إنت إنزل مصر كده وأنا أظبط روان مع الواد بيسو أذية

هيبقوا كابل مالوش حل

ونبقى أحنا كمان نسايب يا باشا

بس من الأول كده إحنا لا بندفع مهر ولا شبكة ولا كلام من ده

والشقة على العروسة كمان

أبو العريف يقول...

maiosha

علي فكره بقي

روان بتخلي امها تقرالها اللي بيتكتب هنا

وطبعا انا بحذرك من انك تلسني عليها تاني

مش هيحصلك طيب

وهتخلصي العلالج اللي في صيدليه بابا

وبعدين ايه النسب اللي من غير شبكه

ومهر والشقه عالعروسه ده

طاب ماتشوفيلي عروسه عندكوا ينوبك في ثواااااب

Asmaa Fathi يقول...

كل سنة وانت طيب ورمضان كريم

اسفة على التأخير وعدم التعليق من فترة طويلة

تحياتي

م/ الحسيني لزومي يقول...

تقبل الله منا ومنكم وكل عام انتم بخير

شوكولاتة يقول...

البوست حلو ولذيذ قوي ياأبو العريف وعلى فكرة أنا قريت للآخر فين بقى الهدية؟ أنا عاوزة فانوس كرومبو من أبو خمسة وتلاتين جنيه
هههههههه
كل سنة وأنت طيب
سلام

أبو العريف يقول...

gana magde

كل سنه وانت طيبه

حمدالله عالسلامه

ايه الغيبه الطويله دي

منوره

أبو العريف يقول...

م/ الحسيني لزومي

كل عام وانت بالف خير

اللهم تقبل


تحياتي

أبو العريف يقول...

شوكولاتة

كل سنه وانت طيبه

طيب انا هكلم ميخوووووووووو

لو حصل كرومبو في الرياض

اكيد انا في حائل هنا هحصل حمبوزو لاوي بوزه

منوراني

Lyssandra يقول...

إيه ده انت بتتكلم بجد ؟؟
البوست كده طويل ؟؟

والله انت طيّب
دانا جاوبت التاج ده نفسه في ما لا يقل عن ( معلّقة )
:)

كل سنة وحضرتك طيب وبخير يارب
ورمضان كريم

وعلي فكرة انا خلصت البوست الكومبو للآخر
فمن فضلك تحضر جايزة
:)

الإجابات عن البوست خفيفة وليها مغزي
عجبتني أكتر من إجابة :)

الهمزة
اللافتتان
تعريف الوطن
توفيق الحكيم
بنت المستكفي
تتسرب وتستمر .. وعلي فكرة هي تتوغل مش تتبخر علي ما أفتكر :))

...

مبارك عليك الشهر
ومش هاطوّل بقي عشان مايبقاش تعليق سوبر سوبر كومبو :))

تحياتي

عاشق الحور يقول...

كل سنة وانت طيب ياهندسة ويارب تكون بخير انت والشاعر العظيم اتمنى ان القاكم قريبا
وشكرا على تعليقك الجميل
ويارب ينفعنى واياك بما نكتب

وردشان smilyrose يقول...

كل سنة وانت طيب

ورمضان كريم

ايه دا كله الواحد على بال ما وصل

للاخر كان نص السحور خلص ههههههههههه

بوست جميل والاجمل اننا اتعهرفنا عليك اكتر

ويارب تحقق كل احلامك

رمضان كريم

أبو العريف يقول...

Lyssandra

ههههههههههه

معلقه مره واحده

انا حاسس انه كده طويل

ايه ده هو انا عملت الجايزه عالفاضي بقي

طب مفيش جايزه

واللي مش عاجبه يعمل اضراب

نورتيني بجد

وكل عام وانت بالف خييييييييير

أبو العريف يقول...

عاشق الحور

بارك الله فيك يا عاشق الحور

وكل عام وانت بألف خيرد

منور يا عم الحج

أبو العريف يقول...

smilyrose

اولا رمضان كريم

وكل سنه وانت بألف خير

ثانيا

حمدالله عالسلامه

ايه الغيبه الطويله دي

نورتني الدنيا

نص السحور خلص

ايه ده انت بتقري ولا بتاكلي

ولا السحور خلص وانت ملحقتيش الاكل

ههههههههههههههههههههه

ربنا يبارك فيكي

Kiara يقول...

هههههههههههه الاول عرفت خلاص الله هو انتو مش بتعملوا حساب الزهيمر ليه :)

ثانيا كل سنة وانت طيب

ثالثا احنا كمان هنتقابل اءاءاءاءاء
رابعا مهندس مصري فعلا شخصيه جميله ربنا يحميه

خامسا التاج اجاباته حلوه جدا وواقعيه بس بلاش تبقي فقري

سادسا المسج كلامها حلو رغم انها مؤلمه اوي

اه اللي بعد كدا ايه يييييييي نسيت يلا اناماشيه بقي كفايه رغي ايه الناس الرغايه دي

أبو العريف يقول...

كيــــــــــــارا

ههههههههههههههههههههههههه

زهايمر مكنش يومك يا شابه

كل سنه وانت طيبه

ايوه كده يا عم الحج

افتكروا بقي

ايه الناس الغريبه دي

لازم يعني تنضربوا الاول


مع السلامه بقى

Kiara يقول...

ههههههههههههههههههه بقي كدا ماااااااشي

Kiara يقول...

عااااااااااا فينا من خضرا كمان خلاص مخمثاك هه بس

Kiara يقول...

ياكزوفي فينا من المحاكسه كمان اه ياوثي الاحمريكا :">:">

أبو العريف يقول...

كوكي

قصدي كيارا

انت زعلت يا عم الحج

طاب وانا اصالحك ازاي دلوقت مفيش فوانيس في السعوديه

Kiara يقول...

اتصرف بئه انا مالي دور :)

أبو العريف يقول...

الله

وانا هجيب منين يعني

دانا من ساعة ما رمضان بدأ وانا بتنشأ علي فانوس

ان شالله في ايد عيل

طاب ايه رأيك ابعتلك سبحة

وتبقي سبحة رمضان لولي ومرجان

Kiara يقول...

الله فكرة بردو

بس بشرط معاها مثاثه

هااااااااا ؟

Kiara يقول...

عااااااااااااااااااااااااااااااااا

عااااااااااااااااااااااااااااااااااااااا

عاااااااااااااااااااااااااااااااااا

عااااااااااااااااااااااااااااااااااا

هه بث

غير معرف يقول...

بوست جميل
فيةمشاعرواحاسيس جميلة

noon kiko يقول...

طب انا دى اول زياره ليا وبردوا كملت للاخر ممكن اخد بقا جايزتين؟
على فكرهSMS
تحفه
كلها صدق مالوش حل
انت حد عارف اوى يا بو العريف

فرحانه انى جيت زرتك بالصدفه

:)

أبو العريف يقول...

بنوته مصريه

متشكر

منوره

وكل سنه وانت طيبه

أبو العريف يقول...

واحده من الناس

متشكر علي زوقك

والجايزتين زي ما اتفقنا

لما ارجع مصر

وعندنا فيكم

مش راجع

هههههههههه

نورتيني ويارب ماتكونش اخر زياره

كرسي أعتراف يقول...

أتشرفت بمعرفتك

أنت مشيت في رمضان وأنا جيت

بوست فوق الهايل

وحلوة كومبوووووو مع اقتراب طعام السحور

واحد كومبو وأوعي تصلحه

أبو العريف يقول...

كرسي أعتراف

نورتي المدونه

اماا بالنسبه لرمضان

معرفتش اعتزل ومتابع بس نص ونص

نورتيني

غير معرف يقول...

هيييييييييييييه واخيررررررررا جييييييييت

بقالي سنة فاتحة مدونتك ومكسلة اقرا واعلق :]

بجد رررررررخمة :(

غير معرف يقول...

كل سنة وانت طيب

ويارب السنة الجاية تكون بمصر وبين اهلك :)

رمضان كرررررررررريم

غير معرف يقول...

اجاباتك عالتااااج تووووحفة

يخرب عقلك عندك خفة دم محصلتش :]

انا مش هحذف حرف
انا هحزف الهمزه اصلها بتستهبل وبتغاظ منها اوي
مره تلاقيها فوق الالف ومره تحت الالف ومره عالسطر وعلي نبره وعلي الواو
ماتهمدي في حته بقي خيلتينا

هههههههههههههههههههههههه

هل تجد علاقة بين المرأه وقطاع الطرق؟

لالالالالالالالالالالالالا

انا اجد علاقه بين المرأه والساطوور

هههههههههههههههههههههه

ماشي ماشي هبلغ جمعية المراة المتوحشة :]

غير معرف يقول...

sms

انــــت اقرب حد ليه....وانـــت ابعد حد عني

انت اطيب قلــــــب شفته ....واقسي قلب جرحلي قلبي

بعشقك مش قادر اخبي ..........بكرهك من كل قلبي

رووووووووووعة بجد في الصميم

حفظتهم عندي واخترت دوول وحطيتهم نيك نيم بالمسنجر ^ـ*

تسلم ايييييدك يا خطيرررر

تحياتي

أبو العريف يقول...

ঔღঔ نـــوارة ঔღঔ

ازيك يا نوااااره

نورت المدونه بجد

وليه مكسله تقري يا شيخه

انا اول مره الاقي حد اكسل مني

ومين اللي بيقول رخمه ده

محدش يقدر يقول كده


تحياتي

د. ياسر عمر عبد الفتاح يقول...

أنا جاي أرد عليك
إنت يا هندسة هتنور المجلة إن شاء الله
ابعت إنت بس موضوع كده من علي الحبل
وإن شاء الله يتنشر بسرعة

موجة يقول...

نيااهاهاهاهاها
هع هع هع هع هع
بزمتنكو المدونات بقى ليها لون ولا طعم ولا ريحة من غير موجة العسولة
قلت اسلم ياتخاريف

-_- يقول...

التعليق رقم 100

ليا جايزتين مش كده ؟؟