الاثنين، أغسطس 10، 2009

يوم البهجة.............والاستظرااااف


فكرة يوم ال (بهجت ) دي فكره جميله جداااا لكن فكرة انك تكتب بوست حفيف

دا اللي مش جميل خالص لان البوست اللي دمه خفيف ده بييجي لوحده من غير قصد

لكن لو ناوي وقاصد هتلاقي نفسك مقضيها استظرااااف

ولذلك ياريت تتحملوا الاستظراف اللي هنا ده

دا ان عرفت استظرف اشاسا

( وش بيستظرف )
************************************



نبدا بقي بالفصحي كده و نقول


فكاهه


التفت احد المدعوين في حفل ساهر الي شاب يجلس بجوار وقال له

" كم انا غبي فقد قلت لذلك العجوز المتصابي ( الدبه اللي هناك ده )


ان ربة البيت قبيحة المنظر ثقيلة الظل ثم اتضح لي انها زوجها "

فرد الشاب قائلا " وماذا قال لك ابي "
*****************************************



علي رأي المثل


اغرب حاجه يا جدعان الامثال الشعبيه دي لاننا دايما بنلاقي امثال وعكسها

كمان فيه امثال دمها خفيف جدا والغريب بقي ان كل مهنه وليها الامثال اللي تخصها

يعني مثلا لو سألنا اخونا ( ضايع ) مهندس الكمبيوتر عن المثل اللي يؤمن بيه

هيقول

- ان كان لك حاجه عند الديسك قوله يا CD

-والويندوز اللي يجيلك منه الفيرس سده واستكنيس


اما اخونا المهندس

هيقولك المثل المفضل ليه

- معماري بناله بيت انشائي سكنله فيه

ودا اساسا كان اصله

طمعنجي بناله بيت فلسنجي سكنله فيه



اما لو قلنا للاخ عادل ( البلد دي فيها حكومه )

وهو متخصص نقد فني وسينما

هيقول

- الحظ لما يآتي يخلي نانسي حمااااتي


ولو سألنا موني الشريف الرياضيه الكبيره

هتقولك المثل المفضل بيقول

- الشاطره تحكم بدون صفاره


اما لو سألنا ميوشه ( الطالبه الفاشله دي )

هتقولك لا لا انا مليش في الامثال دانا حتي

- معرفش الالف من كيس الفيشار


اما الاخت كيكي

هتقول عووووووووووووو

عضدة اسد ولا نظرة حسد

اللي بيته من ازاز ما يحدفش الناس بالطوووب

يغور اللبن من وشه الجاموسه العكر

يا واخد القرد علي ماله يغور المال ويفضل القرد علي حاله

( كل دي امثال يا مفتريه )


اما كل اخوانا اللي عايزين يتجوزوا هيقولو ايه

- قليل البخت يلاقي القرد في الزفه


ولو قلنا قول يا عم عتلم هيقول

_ لا دا يرش ولا يبلش

ولا حد هيفهم حاجه غيرك يا عتلم


طاب قولي يا باشمهندسه حبيبه

تقولك ولا يهمك

- دانا هطلعك زي الورده من الصاموله

( سلميلي علي بليه الصبي بتاعك )

( نيهاهاهاهاهاهاهاهاها)



اما لو حد بيحب الاكل وبيحب يدخل المطبخ زي حلاتي كده هيقول ايه


- يا ساتر وشك يقلي الفطيره في الزيت

- قالك تعرف فلان قلت اه

طاب دقت طبيخه قلت لا قال يبقي ما تعرفوش

وبمناسبة الاكل

خدوا الكام مثل العجيب الغريب المريب

( علي وزن رسمي فهمي نظمي )


- كل اكل الهبال ( جمع اهبل ) وقوم قبل الرجال


-كل وبحلق عنيييك أكله واتحسبت عليييييك


-اللي ياكل علي درسه ينفع نفسه


- اللي يقول ماااااااااء تفوته قطمه

ودا اللي بينطبق علي شلة المقاطيع اصحابي لما بنتلم علي اكل سوااا
********************************************************




اغاني شكل تاني


امبارح كنت عند واحد صاحبي وبعدين لقيته مشغل اغنيه قديمه كده

فاكرين علي حميده اهو هو ده كان مشغل اغنيه اسمها حبابه


ودي فكرتني بالكلام اللي كانو بيكتبوه علي وزن الاغاني دي زمان

فمثلا حبابه كانو عاملين عليها غنوه بتقول


- حبايه طلعت في قفايا

جبتلها مرهم تراميسين

قالتلي شكرا مش عايزين



لولاكي برضه علي حميده

- لولايا لولا لولا

لولايا ما كان ليك بيت

دانا جبتلك بوتجاااااز بدل وابور الجااااااز

دانا جبتلك تليفووووون بدل ايدين الهووووون



- وكمان غنوه لعلي حميده مش فاكر اسمها بس الكلام كان بيقول


- عمي عمي عمي ضرب خالتي

ستي ستي ستي ما سكتتشي

قامت حريقه ونار

قامت حريق في الدار

يارب يا ستار

استر علي عمي



طبعا عمرو دياب ليه ميال بتقول


- وطلعت فوق فوق السطوح

ورسمت عينك فجـــلايه

ونسيت هناك فردة شراب

ونزلت بالجزمه معايا


طبعا لازم مانساش الاكل اللي في اغنية

ايهاب توفيق رسمتك


- رسمتك وسط طبق الفول

فطيره واللمون معصور

ابوكي فص ملح وداب

ومامتك ساندوتش كباب



ها مزهقتوش من الاستظراف


انتو اللي قلتوووووا


اخيرا بقي دي نكته بمناسبه اني موجود في السعوديه

بهديها للمهندس ولضايع ولعتلم ولميخو

وكل اخوانا اللي هنا


- واحد سعودي لقي مصباح علاء الدين

فالخادم ( العفريت ) بيقوله نفسك في ايه

قاله " انا عايز اطرد كل المصريين اللي في السعوديه

رد العفريت قاله " حرام عليك هو احنا عملنالك ايه


فهمتوهاااااااااااااااااااااااااا



طاب خدوا دي



- مره واحد خليجي كان عامل حديقة حيوان

وجايب فيها قرد واسد وفيل وكل الحيوانات

وبعد اسبوع من انشائها مرت لجنه من الرفق بالحيوان تستفقد المكان

لقيو كل الحيوانات مبسوطه الا الاسد

سألوه مالك


قالهم

بقالي اسبوع مش باكل

اول ما جيت حطلي علي الفطار موز وسوداني

قلت يمكن الفطار هنا كده هستني للغدا برضه موز وسوداني

ولما قعدت اسبوع باكل موز وسوداني بقوله يا عم ارحمني حرام عليك

دانا اسد اسد مش قرد

قالي

اخرس انت جاي علي فيزة قرد


حد فهم حاجه

انا عارف ان اللي انا اهديتهالهم فاهمين


واخيرا

سلام



هناك 69 تعليقًا:

ঔღঔ نـــوارة ঔღঔ يقول...

هييييييييييييييييييييييييه

لووووووووووووووووووووليي

اووووووول تعليييييييييييييق وبجداااااااارة

بخ بخ

ঔღঔ نـــوارة ঔღঔ يقول...

بعد اذنك هحتل المدونة

انا مؤدبة اهوو وبستأذنك

:)

ঔღঔ نـــوارة ঔღঔ يقول...

وسعوووووووا كدا

نوررررررررررراة

هوووووووووووووووووووون

كح كح

ঔღঔ نـــوارة ঔღঔ يقول...

حظي حلووو لسه هقفل اللاب توب و اقووووم

اشوووووووف شغلي :(

لقيتك منزل بوووووست :)

هيييييييييييييييه

هقرا ورااااااجعة

هههههههههههههههههههههه

والضحكة دي لاني متاكدة انه البووووووست مهضووم كتير ^ـ*

سي يوو :))

ليس فقيرا من يحب يقول...

مليش دعوة انا اول تعليق

ليس فقيرا من يحب يقول...

مليش دعوة يا نوارة

انا كنت داخله ومفيش حد

انسحبى حالا
هههههههههههههههههههههههههه

ليس فقيرا من يحب يقول...

حمد الله على سلامتك وعلى سلامه البوست

يا محمد على باشا

ليس فقيرا من يحب يقول...

اكمل قرايه بئه

وارجع تانى

ঔღঔ نـــوارة ঔღঔ يقول...

هههههههههههههههههههههه
هههههههههههههههههههههه

دمك عسسسسسسسسسل والله

انا فرحانة اليوم وعاوزة الف على المدونين كلهم واقعد اضحك لبكره :]

هههههههههههههههههههههه

واحتمال اغير منكم وانزل حاجة كدا ولا كدا

^ـ*


دمت برعاية الله

ঔღঔ نـــوارة ঔღঔ يقول...

اجرررررري يابت

ال كنت داخلة ومفيش حد ال

دا انا علقت ميت تعليق وانتي نايمة

وسعي كدا

خلوووووني احتل مرة من نفسي

ايه دا

بنات اخر زممممممممن

كح كح

(وش مطلع لسانه )

أبو العريف يقول...

نواره

احتلي براحتك يا شيخه

هو احنا نطوووووووووووول

حلوة حكاية الاستئذان دي

اذنك معاك يا باشا

سي يو

ايه رأيك بقي في النكت

الاحسن اللي هنا ولا اللي في تعليقاتي عندك


سي يووووووووووووو انت

أبو العريف يقول...

ليس فقيرا من يحب


متزعليش يا ستي هنعتبرك الاول مكرر

والجايزه هنقسمها بالنص


الله يسلمك يا ست الحجه

هو انا كنت مسافر ولا ايه


ايه ده تصدقي اني لسه مسافر اشاسا



ايه ده

كل ده بتقري البوست

هو بوست ولا بوست اوفيس

فييييييييييييييييييييييييييييييييييييييينك

ضايع يقول...

انت بتتريق على موضوع الاسد على انه نكته
طيب خد دي بق حصلت بجد
رحنا حديقه الحيوان في الرياض
لاقيت محطوط مكان فيه الحمير الوحشيه " المخططه دي مش المتوحشه يعني :)"
المهم عمالين يبرطعو واخر حلاوة
ببص في اخر المكان كده لاقيت حمار بلدي يا ولداه حاله ميسرش
كنت هموت واسال هو الحمار البلدي دي محطوط هنا ليه
وبعدين افتكرت نكته الاسد قلت اكيد جاي على فيزة حمار وحشي :)

ليس فقيرا من يحب يقول...

انا جيت قصدى النت جه

هييييييييييييييييييييييييه

ليس فقيرا من يحب يقول...

لا اصل النت فصل وفضلت

مستنياه لما جه بالسلامه

ليس فقيرا من يحب يقول...

المهم ان البوست عثل

وانا كمان حسيت بنفس الصعوبه

وكمان احساس الاستظراف

وانا باكتب البوست

أبو العريف يقول...

ضايع

هههههههههههههه
ههههههههههههه


حلوه قوي حكاية الحمار اللي مش وحشي

طبعا لو انا مكانكم كنت هغنيله بحبك يا حمار

يمكن نفك عنه شويه


تحياتي يا هندسه

أبو العريف يقول...

ليس فقيرا من يحب

هههههههههههه

حمدالله علي سلامتك وسلامة النت

ايه ده


هو كل الناس بتستظرف زيي

طاب والله مانا لاعب
بس
هه

ليس فقيرا من يحب يقول...

النت فصل قبل ما اكمل

تانى وشكلك انت اللى رشقته

عين

ليس فقيرا من يحب يقول...

قالك تعرف فلان قلت اه


طاب دقت طبيخه قلت لا قال يبقي ما تعرفوش

عندك حق يابو العريف

متعرفش حد الا لما تدوق طبيخه

القدر و انا يقول...

ابو العريف
جميل روح الفكاهه فىهذا الزمن الصعب
سعدت جدا بخفة دمك وامثالك الظريفة
تحياتى

د. ياسر عمر عبد الفتاح يقول...

هيه الحاجات دي حلوة
بس بلاش تقولها تاني

ههههههههههه
:):):):):):)

ستيته حسب الله الحمش يقول...

انت وضايع قلتوها غلط
دخلوا لقوا الأسد بياكل برسيم
لأنه اسد بس جاي على فيزة حمار
وبهديها لكل عضو هيئة تدريس كان ياعين امه يهل علينا ويفتح بؤه من البلاوي اللي بتحصله
اقول له او لها معلش معلش هو انت مشفتش الفيزا؟
يفتح بؤه زيادة
يالهوي انت مقريتش انك جاي على فيزة حمار

وخد عندك
كل ما اتنين سعوديين يخبطوا العربيات في بعض يجي الشرطي يسأل
"وينه المصري؟

وبلاش اقول لك نكتة استاذ الجامعة بقى علشان لما تتقابلوا في الرياض والواد ضايع حبيبي يجيب لي فيزا علشان احضر معاكم ابقى اقول لك عليها
هههههههههههههههههههههههههههههه

الله هو انتم ممكن تجتمعوا من غيري
ده انا ابعت لكم صاروخ من مصر

ربنا يسعدكم يارب وتجتمعوا على خير ان شاء الله

آيوشة يقول...

ههههههههه اااه ياانا اه الضحكة للاسف بقيت صعبة وكنا منتظرين يوم البهجة ده بس الله ينكد عليهم نكدوا علينا
عبجتنى الامثال جدا :)

لنحيا فى اجواء الحب يقول...

ايه ياعم الدماغ العالية دى

دايما مبدع يابو العريف

بجد ده مش استظراف وياريت ماتقولشى كده

انت دمك خفيف اصلا

منى سلام يابو العريف

مصرى دائما

المهندس يقول...

عسسسسسسسسسسسسسسل ... البيض .....

وبالقشطة كمااااااااااااان .... بس كله الا بتاعة الاسد ....حلوة ..... طحححححححححححححححن

منتظركم جميعا ........ علي مدونتي ... المتواضعة ... والتي ستتشرف بكم

ديالا يقول...

حلوه اوي بجد

بجد الحمد الله من اول ماقراته وانا بضحك

يعني بجد كان دمه خفيف ربنا يجازيك خير علي الضحكه الحلوه دي

المهندس يقول...

انت فين يا عمنا ؟ كده تبيعنا ... انا بجد زعلان منك

بقي يا راجل اطلع من الشغل جري ... واخطف ساعة نوم ... عشان اقدر اسهر معاكم في اللقاء التدويني ... تقوم تكنسلني بالشكل ده

Darsh يقول...

ههههههههههه

ايه الرواقة دي ؟؟!!!

خرجتني م المود المنيل اللي كنت فيه يا راجل

على فكرة انت ما كنتش بتستظرف ولا حاجة

ليس فقيرا من يحب يقول...

ها لميت الكراسى هنا

ولا لثه

أبو العريف يقول...

القدر و انا

متشكر جدا يا باشا

وحمدالله علي السلامه

غبتي كتير قوي

نورتيني بجد

أبو العريف يقول...

د. ياسر عمر عبد الفتاح

حاضر ياباشا انت تأمر والله العظيم

معدتش اعملها تاني

بس انت تقصد الاغاني مش الامثال صح

انا بس افتكرتها يا دكتوووووووووور

أبو العريف يقول...

ستيته حسب الله الحمش


دكتووووووووووووووووووووووره

ماليش دعوه انا عايز نكته استاذ الجامعه

ماليش دعوه بقى هه

تسلميلنا يا دكتوره

ربنا يسعد ايامك

أبو العريف يقول...

آيوشة

يا ستي النكد ورانا في كل حته

هو الحكومه بتاعتنا عندها هوايه غير انها تنكد علينا

المهم سيبك انت

نورتيني

أبو العريف يقول...

لنحيا فى اجواء الحب

شكرا ياباشا

انت اللي عسل

سلام مني ليك

يا احلي مصري

منورني دايما

أبو العريف يقول...

المهندس

باشا

بجد انا اسف علي التاخير

انا جيتلك بعد مانت مشيت

بس النت كان بيستهبل اخر استهبال

عموما انا بكره هستناك

وسبتلك ميلي

عايز ادردش معاك وقت ما تفضي

تحياتي يا هندسه

أبو العريف يقول...

ديالا

حلوه قوي الدعوه اللي دعيتيهالي يا ديلا

ربنا يكرمك

ويباركلك يا رب

نورتيني يا عسل

اه بعاكس

أبو العريف يقول...

Darsh

شكرا يا باشا

والحمد لله اني عرفت اخرجك من المووود

اللي بتقول عليه

علي فكره

بحب اسم درش قووووووووووووووووي

عشان اخويا الصغير

ليس فقيرا من يحب يقول...

ايون حد يجيله يوم

فى ليله زى دى ههههههههههههههههههههههههههههههههههههههه

أبو العريف يقول...

ليس فقيرا من يحب


انا هلم الكراسي وانام بقي
سلااااااااااااااااام

ليس فقيرا من يحب يقول...

وبعدين هتعمل ايه فى

البلالين دى كلها

اللى زحمه الدنيا دى

ليس فقيرا من يحب يقول...

تصبح على خييييييييييييييييير

أبو العريف يقول...

ليس فقيرا من يحب

انت لسه صاحيه

قومي نامي بقي

ايه ماعندكيش شغل الصبح

طاب تقومي من النجمه

تخرجي الكراسي بره

وترشي قدام البااااااب

لحد ما اجي م الشغل

Sweet Violet يقول...

لالالا لو ده الاستظراف عندك امال الدم الخفيف هيكون ازاى ؟؟؟
لا بوست ظريف بجد
لكن
انا عايزة شرح لموضوع يوم البهجة ده لانى مش اعرفه
و مش هتحرك من هنا اللى لما تشرح
بدل ماقفل المدونة دى انا بقول اهو
و ادى قاعدة
×_×

الحسين محمود يقول...

ههههههههههههههههههههههههه

أنا جاي النهاردة في التوابع

جاي وزعلان لأن مالقيتش نفسي في الأمثال

أمثال زي العسل ع فكرة ...

وكله ولا شوة النكت اللي في الأخر ..

يالهوي يالهوي ع البوست

ههههههههههههههههه

تسلمـ الأيادي و كل سنة وأنت طيب

محمد عتلم يقول...

ايه يا عم الصياح ده ؟؟
هوا فعلا ... رش مايبلش
والله العظيم انا كنت داخل اعلق واقول نكتة الأسد بس انتا سبقتنى يا معلم .. من القلب للقلب رسول يابو العريف .. بس والمصحف بوست جامد موووووووووووز

كيــــــــــــارا يقول...

هههههههههههههههه والله دمك خفيف بس بلاش تريقه علي بيبووووووووووو انا بقول اهو هه بث

محمد سعد القويري يقول...

الأخ الفاضل :: أبو العريف ::
تحية مباركة طيبة
وبعد
موضوع جميل ومتميز كعادتك
فقد طوفت بنا في مختلف الأرجاء

لقد أوصلت لنا رسائل عميقة
بطريقة سريعة
وظريفة

تحياتي لك

رضا الكومى يقول...

أبو العريف

شكراً على الكلام المرح ده
والهادف فى نفس الوقت

وربنا يجعل كل أيامنا مرح

وكل سنة وأنت طيب

mohamed ghalia يقول...

ياباشا ربنا يخليك لينا
يوم بهجة بحالة
ايوه كده ياعم نفكها بقى شوية

maiosha يقول...

هههههههههههههههه
ايه المسخرة اللى انت عاملها دى يا ابو العريف
هههههههههههههههه

بقى انا مبعرفش الالف من كيس الفشار
ده كله الا الفشار .. ده انا بموت فيه

هههههههههههههه

بس بجد الإستظراف ده جامد اخر حاجة

ونكتة العفريت دى ههههههههههههه عسل عسل عسل

ياريت تبقى تستظرف علينا كده كل يومين تلاتة .. مش لازم نستنى يوم 10 اغسطس يعنى

وكل سنة وانت طيب

ملحوظة :
بمناسبة سؤالك .. انا لسه مخستشى .. رغم والله انى كنت مكتئبة جدا .. بس واضح كده ان الاكتئاب بيقلب معايا بأكل.. بس قريب انت شاء الله هرجع واكمل الفشل تانى

وكل سنة وانت طيب

أبو العريف يقول...

Sweet Violet

شكرا يا باشا علي زوقك

بس بجد ساعة احب اكتب بوست خفيف الاقيني بستظرف

وانتو استحملوا بقي واهو كله بثوابه

اما بالنوسبه ليوم البهجةده

فالاستاذ المهندس المحترم صاحب مدونة ذا انج

ههههههههههههههههه

كان عمل دعوه لجعل يوم 10 اغسطس يوما للبهجه

نركن الهموم علي جنب ونفرح في اليوم ده

المهم انت لسه قاعده ولا مشيتي

لو لسه قاعده

انا عايز اقولك حمدالله عالسلامه

منوراني يا عسل

أبو العريف يقول...

الحسين محمود

كل سنه وانت طيب يا باشا

ورمضان كريم

وبعدين ما تزعلش ياباشا
اكيد هتلاقي نفسك في الامثال

يعني لو مش بتحب الاكل هتكون عايز تتجوز

منورني يا باشا

أبو العريف يقول...

محمد عتلم

باشااااااااااااااااااااا

طراااااااااااااااااااااااااخ

بوووووووووووووووووووووووووووووم

دا ضرب نار لزوم تشريفك المدونه بعد غياااااااااااااب

حمدالله عالسلامه يا فنان

ايه الغيبه الطويله دي


علي فكره انت كلمتني وانا بعمل البوست

وطبعا رحت مسيح علي طوووووووووووووووووووووووووووول


منورني يا باشا

أبو العريف يقول...

كيــــــــــــارا

هههههههههههههههههه

ماشي يا باشا

هو انا اقدر اتريق عليها

انا بهزر معاها

دي حتي مجتش هنا

متعرفيش راحت فين

قوليلها تقفل الورشه وتعدي

وبعدين حمدالله عالسلامه

أبو العريف يقول...

محمد سعد القويري

شكرا يا احلي قويري في الدنيا

اسعدتني زيارتك

وشرفني تعليقك

دمت لنا ودام الود بيننا

أبو العريف يقول...

رضا الكومى

باشا

انا معاك في حكاية مرح دي

بس هادف

انا

و هادف

لا انا وهو منتفقش خالص

أبو العريف يقول...

mohamed ghalia

يا باشا والله المفروض كان يبقي اسبوع البهجه

بس ما لحقناش

الحكومه راحت راميالنا قرارين جابو اوز اليوم

منور يا قمر

أبو العريف يقول...

maiosha

لا مش معقول

ميوشه ابن عمي عندنا

يا مرحبا يا مرحبا

متعت يا اختي بالحياة وبلغتي الاربا

الا هي ايه الاربا دي

ايه يا مي الغيبه الطويله دي

والله انت بتهزري

اوعي تغيب تاني يا عم الحج

زيارتك تسرنا

وتعليقك لا يضرنا

norahaty يقول...

دمك مش تقيل ولا عمره كان تقيل
بس هو (مركز شوية زيادة):):)
فهمتوووا حاجة يا ابو العريف؟

norahaty يقول...

عجبتنى اوى الاغنية
اللى على وزن اغنية
ميال لعمـــرو ديـــاب
تصدق احلى من الاغنية نفسها:)
لو كان خد رأيك كان راح هوليود
من زمــــــــــــــــــــــان

أبو العريف يقول...

norahaty

دكتووووووووووووووره

ايه دا بقي

هو انت هتقري كل حته لوحدها ولا ايه

طبعا مبدأيا انا مفهمتش حاجه

بس هعتبرها

محلول مركز من السكر في كبايه

وف قلبه خيط يتلضم حباية حبايه


ميال

انا عن نفسي عجبتني رسمتك
عشان فيها اكل

fnoonh يقول...

اسطمئن انا فهمت اصلي مقيمة في السعودية بس الحمدلله اني في بلدي دلوقتي اغيظك شوية بقى هههههههههههههههه
يلا ربنا يرجعك بالسلامة وتنور بلدك
المهم استظرافيات جميلة جدا جدا
خليتنا نضحك والله
تقبل خالص تحياتي

مهندس مصري يقول...

هههههههههههههه
حلوة النكت دي
حتى العفريت طلع مصري
كنت عايز أعرف نظام لقاء المدونين اللي في السعودية إيه بالضبط
علشان أحضره إن شاء الله

نـــــــــــــور يقول...

صاموله ايه وورده ايه ياجدع انت؟
وبعدين انت لسه فاكر تسأل على حبيبه والصبى بتاعها؟
ياساتر عليكوا صنف قليل الاصل كلكوا كده يارجاله

عامل ايه يااسطى؟
والله وحشتنى مدونتك بس ايه الرغى الكتير اللى فوق ده يامعلمى؟

هو النهارده المولد ولا ايه؟

كل سنه وانت طيب
الا صحيح انت ناوى تصوم رمضان ده ولا هتعمل زى رمضان اللى فات وتقول انا لسه صغير وهصوم لحد الضهر وافطر يوم؟ p:

باى بقى

بسبوسة يقول...

ضحكتنى وانا مضايقة
كيكى

ঔღঔ نـــوارة ঔღঔ يقول...

جييت اسلم واطمن عليك

كيفك وشو اخبار يارب تكون بالف خير

وكوول سنة وانت طيب

كنت هنا

:)

adel يقول...

ههههههههههه

حلو المثل ده :):)
اسمي مكتوب اهون
ههههههههه

بس انا فهمت النكت كلها علي فكرة
هههههههههههههه

والله بوست تمام

م/ الحسيني لزومي يقول...

تقبل الله منا ومنكم وكل عام وانتم بخير