الثلاثاء، يونيو 23، 2009

قصة ........مش قصة قوي يعني

محاوله مالقيتلهاش عنوان ياريت اللي يلاقي عنوان
يقولي عليه





( كانت خلفه , وضعت يدها اليمنى علي كتفه الأيسر ؛ فاستدار إليها ببطء كالذي ينسحب من عينيها ).

لم يربكه كعادته استجداء عينيها له ولم يأسره ذلك النور الذي تشعه ابتسامتها الحزينة فقد خلع عنه نظارات الوهم الذي
اسماه يوما حبا .

حمل حقيبة أحلامه ورحل ضاربا بتوسلات صمتها عرض الحاجز النفسي الذي صنعته بيديها.

جلست بمحاذاة زكراه تتأمل قصتها معه

هل اخطأت؟

هل كان هو المخطئ ؟

ام انه القدر ؟

لا انه هو , فهو لايعرف كيف يجعلها تحبه

ولا يعرف ايضا معها كلمة لا

وهي التي تعشق التمرد

هو الذي قال لها ذات لهفة

" لو الحب رجلا لقتلته , ولكنه امرأة تعبث بقلبي دون ادنى مقاومة مني "

وهي التي قالت له ذات مطر

" الحب رجوع بين وداعين , واغماءة بين إفاقتين , ولمحة جنون بين عاشقين "

هو الذي طالما أراد اخفاء مشاعره ولكن يشي به الصمت دائما امامها

وهي التي تجيد فن البوح

هو الذي تشغله دوما زوايا تفكيرها

ولم تشعله يوما استدارات انوثتها

وهي التي تقع اسيرة لمرآتها



جلست علي سرير دهشتها واتكأت علي وسادة شرودها

تفكر

لقد فعلها حقا

لقد قاوم نظرتها وذهب .. لقد تمرد عليها

ولكن رغم كل هذا فقد كان يستحق المحاوله

فهي

 ""حاولت أن تحبه .... لم تنجح

حاولت أن تفهمه .... لم تنجح

حاولت ان تغيره.....لم تنجح

حاولت ان تتغير ... لم تنجح

فكررت محاولاتها ...ولكن

مع شخص اخر"
***************************************
الجمله في البدايه والنهاية بين القوسين من شعر صديقي محمودعبد الغفار

هناك 36 تعليقًا:

ديالا يقول...

مش عارفه بجد اسمها ايه؟

اذا كانت قصه قصيره

ولا خاطره

ولا ايه بالظبط

بس الي انا متاكده منه انها جميله بجد

فيه احساس حلو اوي

بس ايه حاولت محاولاتها مع شخص اخر

دي بتحب كل الناس ولا ايه

تقبل مروري

ديالا يقول...

ايه ده ايه الهنا الي انا فيه ده؟

طلعت اول تعليق

والله حاجه زي لفل

تقبل مروري مره تانيه

Ramy Wasel يقول...

ممكن تسميها تمرد على الحب
او الحب البضعيف ينكسر

او زى ما تحب
بس قصه حزينه ومعبره

منتظرين باقى محاولاتك القصصيه

الشعب لابد له من حكومه تشكمه يقول...

ممكن تسميها:اخطات عندما حاولت...
لان ببساطه الحب مش محتاج كل المحاولات دى,اللى بيحب مش بيغير ولا بيقنع نفسه بحبيه,ولا بيحاول يحبه. هى اصلا محبتش من الاول.

ستيتة يقول...

جميلة جدا
واقعية جدا
كررت محاولتها .. ولكن مع شخص آخر
هي الباحثة عن حبيب حقيقي بين دروب التوهه
كلماتك جميلة جدا

هو الذي قال لها ذات لهفة

" لو الحب رجلا لقتلته , ولكنه امرأة تعبث بقلبي دون ادنى مقاومة مني "

وهي التي قالت له ذات مطر

" الحب رجوع بين وداعين , واغماءة بين إفاقتين , ولمحة جنون بين عاشقين "

well يقول...

ابو العريف..
ممكن تسميها اعادة محاولة او كلاكيت تانى مرة
المهم هى جميلة وخلينى اتخيل هو اى سبب الفراق
يمكن لانه مبيحبش نفسه فمحسش بحبها
يمكن لانها كانت بتحبه بالمظاهر لكن هو كان عاوز الجوهر من جوه عاوز حب القلب
يمكن لانها كانت ديما بتشك فيه
يمكن لانه مكنش بيحاول يقرب منها
لكن السبب الحقيقى ان الاتنين مكنوش مؤمنين بالحب
تحياتى لقصتك ودائما مبدع

لاسع افندى يقول...

جميله جدا
ممكن تسميها ...وداع واجب
او...فراق لابد منه
تحياتى

رحلتنا في الحياة يقول...

مش عارفة ممكن تسميها ايه بس انت ليه خلتها محور الحب الحب مش واحد يتحوذ عليه يدور عجلته زى ما هو عايز الحب مينفعش فيها غير التفاهم وبين الاتنين
يمكن هى كانت انانية مش يمكن ده اكيد يمكن افتكرت انها امتلكته علشان كده كل احلامها بقيت اوهام فى الاخر
تسلم ايديك على القصة

KEBLAWYAT يقول...

جميل

(Joudy) يقول...

أحب أقول الأول ميرسيييييييي على سؤالك

ثانيا ممكن تسمى حب فى سماء الفراق ده مجرد اسم خطر على بالى

هى حلو ة وجميل بجد

دمت بكل الخير والسعادة

وردشان smilyrose يقول...

اتعلم ان كلا منا قد يخرج من داخله حوار

حوار بين نفس قلبين لم يقدرا على الاستمرار

قد يكون حبا او سيطرة او او

قد نسمية تسميات كثيرة


ولن صدقنى لم يكن حبا

فالحب قادر على تغير من يعيشون فيه

قد يكون احببها ولكنها لم تعى مقدار حبه

وقد يكون العكس

ولكن المحزن فى النهاية الفراق

شئ مرير حقا على من احب

وردشان

روح الحب الصادق

ghorBty يقول...

السلام عليكم

احب ان اسميها

( بحث ذائف )

هل الحب الحقيقي محاولة نحاول فيه ان نحب ونتغير ام انه شئ تنكسر امامه كل الصعاب ؟؟

حاولت بكل الطرق ان تتغير وحاولت ان تحبه ولما فشلت كررت المحاولات مع شخص اخر لتجد الحب فهذا بحث ذائف لان الحب لا يبحث عليه بل ياتي دون سابق انذار ولا محاولات ..

Sweet Violet يقول...

هو فعلا كان وهم ..لان الحب مش محتاج محاولات ..لان كلها بتحصل تحصل تلقائياً

و اعتقد انها لو فضلت تحاول بردو هتفشل لان حبها عمره ماكان حب

منــار فايد يقول...

انا مش فاهمه هي عايزه ايه بالظبط
الحب عمره ماكان صعب اوي كدا
لاصعب الحدود اللي انت صورتها
انهم حتى سابو بعض بدون مايقدروا يعملوا حاجه صح تشهدلهم...
مش عارفه دي وجهه نظري
اللي بيحب حد هيتغير عشانه بالنسبه للاتنين طبعا
الحب يصنع المعجزات
بس القدر برضو اولا واخيرا
وماهي الا اجتهادات لمحاوله معرفه مايخبئه لنا القدر....

MaNoOoSh يقول...

محاولات للبحث عن الحب

اولا المحاولة حقيقى جميلة
ثانيا الحب ابسط من الحوارات دي كلها
اللي بيحب مش هيتنازل عن حبه
اللي بيحب مش هيخذل حبيبه
اللي بيحب حد مش هيتمرد عليه لان محدش بيتمرد على جزء من ذاته وان كره شيئا منها

نـــــور يقول...

امممممم
انا كنت فاكراه ليها عنوان بس نسيته
لما افتكره هبقى اجى اقولك
بس هى جميله
وواقعيه
تسلم

غير معرف يقول...

جمييييلة جدا

عجبني اسلوبك اووووي

بداية مميزة

تحياتي ليك ولقلمك :)

MǿиY El-Shreef يقول...

الله عليك يا محمد

بجد انا كل يوم بشوف حاجه حلوه هنا

احساسك جميل اوي وقدر يوصلي بسهوله

ربنا يحفظك :)

سلام

NEW Teawater يقول...

والله عندها حق

NEW Teawater يقول...

عشان سابته لانه م حاسس بيها هتفضل مع واحد مبيقدرهاش

shoshta_ joker يقول...

السلام عليكم.......
ازيك يا ابو العريف معلش بقالى كتير مش باجى عندك بس عذرا.......حلوة اوى الفكرة الى بتتكلم عنها القصة التمرد فى الحب الذى تحتاج اليها بعض النساء الذى يرون فى شريك حياتهم الامر الناهى.....ممكن يكون عنوان القصة القصيرة دى.........(محاولاتها)....دومت بخير ....فى رعاية الله.
shemo

aidy يقول...

ايه الفن الراقى ده

بجد القصة دى كلماتها أخذتنى

حلوة جداااا

بداية ومحتوى ونهاية

تعبيرات عميقة جداااا الى حد البساطة

بجد بحييك عليها

maiosha يقول...

أبو العريييييييف
واحشنى مووووووت والله ووحشانى بوستاتك
بس إيه الجمال ده الواحد يغيب يغيب ويرجع يلاقيك متألق كالعادة

القصة حلوة أوى .. أنا اصلا بعشق القصص القصيرة دى .. لإنها بتعبر عن فكرة واحدة وبتوصلها من غير لا لف ولا دوران

وإنت قدرت توصل الإحساس اللى انت عايزة بإسلوب أكتر من رااائع
تسلم ايديك

لأ.. تسلم دماغك

منــار فايد يقول...

هو انا كتبت تعليق عندك ولا لا
على العموم انا كنت ماره جنب مدونتك قلت اسلم

Unknown يقول...

(جلست علي سرير دهشتها واتكأت علي وسادة شرودها)
ايه الكلام الجـــــــــامد اوى ده ياابو العريف!
بس حلو سيبك انت!

م/ الحسيني لزومي يقول...

ابو العريف
المهم ان يتم تغيير الشعب بشعب افضل لكن اي حكومه تحكم الشعب المصري لن تجد افضل منه شعب مطيع مغلوب علي امره .
وطبعا هناك ماهو افضل وهوما تحدث عنه الراحل جمال حمدان واخريين هو تغيير الشخصية المصرية.

عايش... ولكن !!!! يقول...

جميله بجد
وطريقتها عجبتنى جدا مع كثرة المحاولات
ممكن تسميها
المكتوب ع الجبين لازم تشوفه العين :) طبعا بهزر
على فكره اللى بيكتب حاجه اول اسم بيخطر فى باله بيبقى اكتر اسم لايق ليها
تحياتى

شغبوط فى زمن مش مظبوط يقول...

والله انتا لاسع يابو العريف ابقى عدى اشرب شاى فى قهوتى عمممممممممممك

محمد سعد القويري يقول...

الأخ الفاضل :: أبوالعريف ::

سعدت كثيرًا بتواجدي في هذا العالم المبدع

والموضوع جميل

يحاكي مشاهد من حياتنا .


أسعد بالتواصل معك .
ــــــــــــــــــــــــ

هاني مهران يقول...

هايلة جدا

احييك عليها

اتمنى نبقى اصدقاء


منتظرك دايما تنورنى



تقبل مرورى

جارة القمر يقول...

لماذا الحب يقتل ويصلب

وينتهي الاحساس به

دع قلبك يتنفس

فهو يئن ألماً

أنجني احتراما لقلما لامسني من الداخل

احترامي

كراكيب يقول...

لا
انت اتغيرت
ايه اللي غيرك كدة
ده مش انت

ايييييييه يا عم مش عوايدك يعني تتأخر كدة بين كل بوست والتاني
لالالالا شد حيلك كدة معانا
ومستنية بوستك الجديد
اوك.. ماشي.. تمام

ألا صحيح انا حاسة اني رديت على البوست ده زمان لما قريته وملاقيتش كومنتي؟؟ تفتكر راح فين؟؟ يللا آدي كومنتات اخر زمن...

miro el niro kwaniroo

Lyssandra يقول...

صباح الخير

اسمحلي أنا أخدت جوله سريعه
عجبني البوست ده جدا
وكمان اللي قبله

هاجي تاني أعلق وآخد جولة واسعه شوية
:)

تحيات طيّبة
دمت بخير

Lyssa

جارة القمر يقول...

انا فاكرة اني علقت هنا

بس مش لاقياة

يمكن ضاع

مش مشكلة اعلق تاني

**********

لم يكن الفراق ذنبها ولم ييكن أبدا ذنبه

ولكنه أبدا لم يحتويها

وهي أبدا لم تشعر به

مفترق طرق_____
لذلك ليس ذنب أحد

مودتي

صفــــاء يقول...

هى فضفضه عاطفيه لها معنى جميل
هو حب وهى حبت
بس ولا حبه كان لها ولا حبها كان له
سهل نحب
صعب نحب الشخص الصح
بس بنجرب
لحد ما نلاقى الحب الصح مع الشخص الصح

سمسم/سما يقول...

السلام عليكم
ممكن تكون واقعية اوي اوي
اسلوب جميل في الطرح
بس يفضل السؤال ليه
الي يحب ممكن ميعرفش يتعامل صح
؟