الثلاثاء، يونيو 02، 2009

ماشربتش من نيلها..............تاني + تحديث يا ستوته

حد فاكر البوست اللي بعنوان ما شربتش من نيلها
( ايه ...محدش فاكر )
المهم
انا النهارده بفتح الميل لقيت ايميل كان جايلي من زمان من واحد صاحبي
بيقول ايه
( اوعي يفوتك البتاع ده اللي هو الميل يعني )
وبصراحه حسيت اني لازم تشوفوه
هو ممكن تكونو شوفتوه قبل كده لانه تقريبا
مصدره أحد المنتديات بس اللي ما شافوش اهوووو
*************

الاميل دة هيبقي جامد اوي لو سمعت معاه اغنية
شرين
مشربتش من نيلها؟؟
طب جربت تغنيلها؟؟
ها؟





حاول تعيش اللحظة
حاول
حاول
بقولك
حاول
انت مبتحولش لية؟؟





يلة عييييييييش

بلدنا آمانة فى إيدينا
نعليها مادام عايشين



نعيش فيها سنين و سنين




و إحنا مطمين

ما شربتش من نيلها؟


طب جربت تغنيلها؟؟

جربت فى عز ما تحزن تمشى فى شوارعها و تشكيلها


ما مشيتش فى ضواحيها؟


طيب ما كبرتش فيها؟؟

ولا ليك صورة ع الرمله كانت ع الشط


بموانيها؟؟


دور جواك تلقاها هى الصحبة و هى الأهل


عشرة بلدى بتبقى نسيانها ع البال مش سهل


يمكن ناسى لإنك فيها


مش واحشاك و لا غيبت عليها


بس اللى مجرب و فارقها قال فى الدنيا ما فيش بعديها


إن غبت بحنلها و أنسى الدنيا و أجيلها

و إن جيت أنسى تفكرنا بمليون ذكرى القلب شايلها





غالية بلدنا علينا... و ها تفضل فى عنينا

**** و مدام بنحب بلدنا... تبقى ها تتغير بإيدنا ****

إحنا اللى نعليها... بإيدينا نخليها


أجمل لينا و لولادنا مهما العمر يعدى عليها
تحديث
( سامحوني مكنش قصدي)
ستوته زعلت يا جودعاااااان
بتقول اني ببص لنص الكبايه المكسوووور بس
ومصر مش كده
مش اطفال الشوارع
وطوابير العيش
وانا
من هذا المزنق احب اقول لستوته
رغم انه الصور دي موجوده بشده في مصر
بس انا مش شايفها كده طبعا
وانا اقر واعترف ان غير مسئول عن ما تم نشره
وان المسئول هو احمد سامي اللي بعت الايميل


هناك 52 تعليقًا:

Ramy Wasel يقول...

بمكا انى اول زياره للمدونه

وكان اول تعليق

وبما اننا مشتركين فى موضوع واحد
مشربتش من نيلها
انا عاوزك تشوف تحليلى للغنيه

وقولى رأيك
لانه نفس تفسيرك
بس انت بالصور
وانا بالتحليل الكلامى

http://7elwablady.blogspot.com/2009/04/blog-post_28.html

الشعب لابد له من حكومه تشكمه يقول...

باااااااظت الاغنيه خلاص فى مخيلتى...طب قولى اسمعها تانى ازاى.؟؟؟؟؟؟حتى الجمله اللى كنت بتعملى تفاؤل بس اللى مجرب وفارقها قال فى الكون مفيش بعديها حطيتها على العباره ومنظر يوجع القلب..
ولاجمله:
و إن جيت أنسى تفكرنا بمليون ذكرى القلب شايلها
والصور اللى تحتيها خلااااااااااااص الاغنيه الوطنيه اللى حيلتنا باااااااااااااااااظت باااااااااااااظت.:((

ايوشة يقول...

هى دى مصر اللى بحق وحقيقى :)
بلا اغانى بلا كلام فارغ بقى
ربنا يصلح الاحوال يااااااااااااااااارب

(Joudy) يقول...

أحب أقولك ميرسيييي على سؤالك وبالنسبة لمحمد فهو بخير الحمد لله وزيى بيمتحن المهم انت يارب تكون بخير
*************

نيجى للبوست بصراحة حاجة بقت من كتر ما بتوجع قلوبنا اتعودنا عليها بس والله بقت حاجة متعبة الواحد مش عارف يعمل ايه يروح فين ولا يعمل ايه بس يارب يرجع لبلدنا خيرها أصل بصراحة هى مش حاجة تفرح اننا نشوفها كده والله عندى احساس اننا اللى بايدينا عملنا كده باستسهالنا ربنا يرجع لبلدنا ضحكتها

**************

لو غبت اعرف انه من زحمة الامتحانات ربنا يعديها على خير للجميع يارب

دمت بكل خير وسعادة وراحة بال

أبو العريف يقول...

Ramy Wasel

باشا
نورتني
اول زياره ويارب ماتكونش الاخيره
مدونتك لذيذه
والموضوع بتاع مشربتش من نيلها كمان
روعه
واحنا مشتركين فعلا
علي فكره انا كنت عامله قبل كده كلام
بس كلام اغنيه

تحياتي

أبو العريف يقول...

الشعب لابد له من حكومه تشكمه

لا احنا منقدرش نبوظ الغنوه
في مخيلتك
تسلم لنا مخيلتك
وعموما لو عايزها تبوظ اكتر شوفي الموضوع ده
http://maknaiel.blogspot.com/2009/04/blog-post.html

أبو العريف يقول...

ايوشة

نورتيني يا ايوشه
وربنا يصلح حالنا جميعا
تحياتي

أبو العريف يقول...

(Joudy)
حمدالله عالسلامه
وربنا يوفقك يارب
وانا من هذا المزنق بدعيلك ان ربنا يكرمك وتجيبي اعلي نمر
بس ياريت ما تغبيش كتير
خلصي امتحانات بسرعه

وسلميلي علي محمد


اما بخصوص البوست
هو بس عجبني فنشرته
بس ياريت نبقي متفائلين اكتر من كده

فيها ايه يعني ان ميزانيه الحكومه السنادي
فيها 22 مليار تحت بند مصاريف اخري
يعني سرقه من الاتخر
وفيها ايه انهم ميزانية المرافق الاساسيه من مياه وصرف صحي من 14 مليار الي 4 مليار علما باننا بنعاني
من شبكه صرف صحي اقل ما يقال عنها
انها فاسده
يعني انفجار 97 الف ماسوره في شوارع القاهره
وكمان قللوها عشاالاغنيا يرووا ملاعب الجولف


نورتيني واسف اني بخنقكم

well يقول...

مشربتش من نيلها
شربت من نيلها لغاية ما تعبت
على فكرة مصر زى ما فيها صور وحشة كدة فيها برضوا صور جميلة ولو احنا عرضنا نص الكباية الفاضى تجاهلنا النص المليان بجد يبقى حرام علينا
وتقبل تحياتى

ستيته حسب الله الحمش يقول...

هي دي مصر؟
هم 30 سنة ها ينسونا احنا مين خلاص؟
طيب شوفها بقى بعيني أنا في البوست تبعي اللي جاي

تحياتي

سمكه واحده يقول...

ليه بس كده يا ابو العريف
بجد والله وجعت قلبنا احنا عارفين وزي متقول كده بقينا مطنشين او عاملين مش واخدين بالنا
او يمكن من كتر المشاهد دي والموقف دي خدنا عليها
نفسي بجد بلدنا تبقي جميله
ومهما كان مصر عندي وعندك وعند كل المصرين احلي واجمل وأأمن وانضف بلاد في الدنيا ودي مش شعارات بس هي فيها شويه ناس عاوزين الولعه وشويه شباب عاوزين الحرق وشويه بنات عاوزين الدبح
بس وبعد كده هتبقي زي الفل
ربنا يحميها وربنا يرفع الغمه عنا
قول امين
ربنا يصلح حال بلدنا ويحفظها اللهم امين
تحياتي

سمكه واحده يقول...

اه علي فكره انا عاوزه اسافر بره مصر عشان بس استمتع بالاغاني دي (وش بيستهبل)
واخد بالك عشان اغني واعيييييط واعيييييط بس اسافر
ههههههههههههههه
وانا اغني لنيلها للصبح

يوميات شاب منوفى يقول...

اول زيارة بس كدة حرام ان كرهتنى فى الاغنية دى كانت مرتبطة معايا بغانا 2008 كدة بقى هبطل اسمعها علشان مفتكرش البلاوى دى كلها ربنا يسمحك بقى

maha zein يقول...

جسمي اشعر يخرب بيت كده

ايه الميل الفظيع ده

يا الهي
بقولك ايه
انا عوزة انشره انا كمان
هاخده من عندك انشره عندي
ده غلب يا جده

بس علي فكرة انا فاكرة مشربتش من نيلها الاولي

انت مالك غلاوي كده ليه

ده ايه ده يا خواتشي

محمد عتلم يقول...

تصدق انك عايز تنضرب ؟؟؟

كيــــــــــــارا يقول...

الاغنيه دي موش معموله لدول

ربنا يعافينا

بس برده بحبها

MaNoOoSh يقول...

المشكلة اننا شاربين من كيعاننا الحمد لله ومعدناش عطشانين


وان كان ع الغنا.. بردو غنينا كتشيييييييير كتشيييييير بس انا الحكيكة بغني أغنية يا حلاوة يا حلاوة

MǿиY El-Shreef يقول...

هيهيهيهيهي

انا لسه فكراه

والميل ده جالي وشفته

بجد انا كرهت الاغنيه دي من يومها هي وشرين

حرام بجد احنا البؤسااااااااء

:S

نـــــــــــــور يقول...

تعرف فكرتنى بالاغنيه اللى سمعتها مره من اخويا بعد ماشرين طلعت الاغنيه دى ولقيته بيقول"ماشربتش من نيلها
طب اشرب يامنيل ..هتحس انك عيل " :))

اتحسرت من الصور
تصدق احنا غلبانين والنعمه

صحيح نسييييييييت
ازيك ياعسل

د. ياسر عمر عبد الفتاح يقول...

ومهما كان .. دي مصر
بلدنا يا جدعان

والبلد دي أحسن من غيرها

Rooma Qandil يقول...

الله...حببتني في مصر اكتر
:D
مع الاغنية حللوة وايقاعها وسرين واضح انها تعبتلها وراها اسبوع من الاغنية دي
بس فعلا اغنية سطحية ولا تمثل اي حااجة خالص من مصر غير ضحك عالدقون

كيكى عوووووو يقول...

عاجبنى البوست فى بدايته
ومعجبتنيش نهايته!!!
فكك انت عامل اية؟

ملكة بحجابى يقول...

جااااااااااااالى الايميل ده
شكله واحد اللى يعرفنا
هههههههههه
صور بجد تأكد أن (شهد شاهد من أهلها )

تقبل مرورى
:)

أميرة
(ملكة بحجابى )

أبو العريف يقول...

well

لا طبعا مش بنتجاهل النص المليان
لاننا بنحبها بنصها الفاضي قبل المليان

وبنحب كل حاجه فيها

بس اللي مجرب وفارقها قال في الدنيا مفيش
بعديها

مفيش بعديها
مفيش بعديها

أبو العريف يقول...

ستيته حسب الله الحمش

لا يا ستوته
مانسيناش
احنا اكتوبر مش يونيه

بس مش اكتوبر قوي يعني



علي فكره
اكتوبر ده احنا اديناه اكتر من حقه

فاكره الثغره معرفش ميه وكام
عارفه احنا استشهدلنا كام في اكتوبر
عارمه موتنا كام اسرائيلي


تحياتي

أبو العريف يقول...

سمكه واحده

نورتيني يا سمكه واحده
بس فعلا
احنا وكل المصريين بيموتو في مصر
بكل ما فيها


اوعي تسافري
هتندمي
( وش بيتخانق )

أبو العريف يقول...

يوميات شاب منوفى

هههههههههههههههههه

اكيد دلوقتي بقت مرتبطه معاك بالجزائر 2009

نورتني

أبو العريف يقول...

maha zein

غلاوي

بقي كده
طيب يا شيخه
انشري الميل عشان تبقي غلاويه انت كمان

تحياتي

أبو العريف يقول...

محمد عتلم

ماشي يا باشا
اضرب براحتك
بس بشويش والله
اصلي ما استحملش عصاتين

أبو العريف يقول...

كيــــــــــــارا

وانا كمان بحبها

نورتيني

أبو العريف يقول...

MaNoOoSh

شاربين من كيعانا
ايه يا شيخه
حرام عليكي
دي بلدنا حلووووووووووووووووه
ومقمعه

أبو العريف يقول...

MǿиY El-Shreef

انت فين من زمان يا بنتي
ماكنتش امتحانات اللي هتعمل فيكي كده
ياله ربنا يوفقك
وتنجحي يا امينه يا بنت ام امينه
وترجعي تناكفينا

عموووووو

أبو العريف يقول...

نـــــــــــــور

ههههههههههههههههههه
طاب اشرب يا منيل
هتحس انك عيل
والله بتستهبل

حلوه قوي يا نور

أبو العريف يقول...

د. ياسر عمر عبد الفتاح

طبعا يا دكتور بلدنا
وطبعا احسن من غيرها
عشان بلدنا اللي بنحبها
واللي عايزينها تبقي احسن بلد في الدنيا

بس هي كده فعلا

أبو العريف يقول...

Rooma Qandil

والله مصر حلوه قوي
وولغنوه شغاله يعني مش سكه قوي
بس حب مصر مش مجرد غنوه
لا دا سعي نحو رفع اسمها عاليا


يعني هات ورقه واكتب عليها مصر
والزقها علي عصايه وارفعها
لفوق علي اد ما تقدر

أبو العريف يقول...

كيكى عوووووو

ياباشا قولي ايه اللي ما عجبكيش وانا
اولع فيه


انا كويس يا عسل
نورتيني

أبو العريف يقول...

ملكة بحجابى

والله يا اميره
الواد اللي عمل الصور ده واد ابن لذينه

اصل الصور فعلا بتعبر قوي عن الكلمات
ياتري مين اللي بعتلك الميل

فتاه حالمه يقول...

حلو الكلام
علي قد مرارة وقسوت وقوعه في القلوب
بس امتي هيتغير ده الله اعلم
بجد بوست باحساس متناقض
مودتي

aidy يقول...

ياااااااااااه

بقالى فترة مجتش هنا

عذرا بقي كان عندى امتحانات

بس الموضوع ده انا فاكراه من زمان

بس التحديث والصور جداد

هو الحقيقة ان مصر مش دايما كده

بس كل واحد بيبصلها بزواية مختلفة على حسب احلامه وطموحاته وحياته وكمان يأسه وقلة حيلته

بس للأسف حتى لو هى كده على طول

الواحد بردوا بيحبها

جايز عشان ميعرفش بلد غيرها

تحياتى ,,

كراكيب يقول...

ايوة انا عارفة الميل ده ايووووون

اااااااه امممممممممم تؤ... ححححححح
يالهوي مش لاقية كومنت
انا حرااااااانة اوووووووووي
انتوا عندكوا حر كدة برده
المهم بقى
ازيك يا ابو العريييييف

miro el niro kwaniro

لاسع افندى يقول...

وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب

بس خلاص

تحياتى

norahaty يقول...

حاقولك ياأبو العريف
يمكن تلات اربع الصور الووووووحشة
اللى فى البوست ده احنا السبب فيه
ايوة مش الحكومة وبس !مين اللى بيرمى
الزبالة مين اللى مسربع على طول ومش عايز يستنى اشارة وواخد المرور فهلوة حاجات كتير ياابو العريف
لازمن ولابدن نحاول نغيرها فينا الاول قبل ما نلوم
على بلدنا ومسئولين بلدنا!

محمد التميمى عبدالحق يقول...

لا ياخويا شاربين
تقبل مرورى

maha zein يقول...

اه يا جدع
بقه دبستني في التدبيسة دي وبتخلع
ماشي يا عم
طبعا كلنا بنحب مصر جدا
وده اللى مخلينا عايشين لحد الان وبناكل ونشرب
لكن يعني بنحب نغلش علي مصر شوية


عاتشي
الاهم بقه انى جيت مدونتك قبل ما جهازي يبوظ لقيتها مش بتفتح غير للزوار او انت كنت قافلها
معرفش بقه
ثانيا استغربت جدا لعدم وجودك في البوستات اللى فاتت
بقه كده يا بشر تسيبوا الجدعان ينزلوا فيا بهدلة وشتيمة وانتوا ساكتين
مفيش غير سمكة واحدة بس اللى ردت غيبتي
عموما كنت متوقعة ناس كتير ههتواجد
لكن يا جدع ده البوست الوحدية اللى محدش علق فيه
وكله خاف علي مستقبله وخاف يعلق
وكل واحد عمل نفسه مش عارفني
هههههههههههههههههه
بهزر طبعا
سيبك سيبك خلي اللى يجادل يجادل
وكله بحسابه عند ربنا
بس بردو مش هنسا لك هذا الموقف

بقه كل سنين الكفاح تروح هدر

روح كده

maha zein يقول...

اه يا جدع
بقه دبستني في التدبيسة دي وبتخلع
ماشي يا عم
طبعا كلنا بنحب مصر جدا
وده اللى مخلينا عايشين لحد الان وبناكل ونشرب
لكن يعني بنحب نغلس علي مصر شوية


عاتشي
الاهم بقه انى جيت مدونتك قبل ما جهازي يبوظ لقيتها مش بتفتح غير للزوار او انت كنت قافلها
معرفش بقه
ثانيا استغربت جدا لعدم وجودك في البوستات اللى فاتت
بقه كده يا بشر تسيبوا الجدعان ينزلوا فيا بهدلة وشتيمة وانتوا ساكتين
مفيش غير سمكة واحدة بس اللى ردت غيبتي
عموما كنت متوقعة ناس كتير ههتواجد
لكن يا جدع ده البوست الوحدية اللى محدش علق فيه
وكله خاف علي مستقبله وخاف يعلق
وكل واحد عمل نفسه مش عارفني
هههههههههههههههههه
بهزر طبعا
سيبك سيبك خلي اللى يجادل يجادل
وكله بحسابه عند ربنا
بس بردو مش هنسا لك هذا الموقف

بقه كل سنين الكفاح تروح هدر

روح كده

أبو العريف يقول...

فتاه حالمه

شكرا

علي فكره احنا متناقضين فعلا

وبلدنا كمان متناقضه مليانه حاجات جميله وفي نفس الوقت سلبيات
بس ربنا يصلح حالها وتبقي اجمل بلد في الدنيا
علي طووووووووول

أبو العريف يقول...

aidy
طبعا بنحبها
ومنعرفش بلد غيرها
ومش عايزين نعرف بلد غيرها

رغم السلبيات اللي احنا السبب فيها


نورتيني بجد

أبو العريف يقول...

كراكيب

ايه دا بقي
ايه الناس اللي جايه
حرانه عندي دي
يا ستي ايه اللي مقعدك في الشمس
اركني في حته ضل

وعموما
انا هقوم اشغلك التكييف
بس بيعملي صداع

هتحمل وامري لله


نورتيني يا باشا

أبو العريف يقول...

لاسع افندى

طبعا يا باشا
مصر السما الفزدقي وعصافير معديه
والقله ممليه علي الشباك منديه
والجد قاعد مربع يقرا في الجرنال

ومصر اكتر كلمه قدامه مقريه

أبو العريف يقول...

norahaty
طبعا انا معاك
ولا اتنصل
حلوه اتنصل دي
من المسئوليه
احنا فعلا مسئولين عن احوال البلد
وربنا يصلح حالنا وحالها

تحياتي

أبو العريف يقول...

محمد التميمى عبدالحق

ماشي ياعم بس ما تزقش

نورتني

أبو العريف يقول...

maha zein

ايه دا بقي
دبستك في ايه
انت اللي دبستي نفسك


انا طبعا باجي اقرا
بس المدونه عندك بتولع في الجهاز

وساعات مش بترضي بوتاتا
تفتح التعليقات
دانا ببقي ناقص اعلقلك عندي يا شيخه


نورتيني