بدءا
وببني الحلم
وف لحظه بيتكسر
وألملم في بقايا الحلم
وارسم بيها حلم اكبر
واعيش الحلم
بس بخاف
في يوم اخطائي تتكرر
**
وبسأل نفسي الف سؤال
وبستفسر
ليه كل ما اروح في سكه
واقول خلاص هقدر
اكمل رحلتي واوصل
الاقي السكه تتغير
****
اولا كل عام وكل الناس بخير
ويارب سنه سعيده علي الجميع
وربنا يحقق كل احلامكم
***
تنويعات علي بحر الهبل
( للمرح والنكد فقط)
مع الاعتذار للشعراء الكبار
فاروق جويده
نزار قباني
نازك الملائكه
ابو القاسم الشابي
***
(1)
لماذا اراك علي كل شئ
كأنك في الارض كل البشر
كأنك عدوى وملت المكان
كانك مرض عضال انتشر
كأنك بلوى بعتها الزمان
كأنك مصيبه وبعتها القدر
اروح عمان الاقيكي ف عمان
وانزل قطر الاقيكي ف قطر
***
(2)
الحب في الارض بعض من تخيلنا
وهتعمل ايه بقى في اللي خياله عالي
عشرين سنه بنحب لما خللنا
والشقه مش موجوده والمهر ف العالي
والشغل بقي مستحيل يلاقيه شباب جيلنا
قطر الحياه داسنا واهو ماشي طوالي
***
(3)
قالو الحياه
هي لون عيني ميت
غرقان ف عباره وللا لوحده ماااات
وللا اندهس بحديد القطر ف العياااط
وللا انتهي م الجوع هناك ف الصعيد
وللا اتنسي ف مستشفيات بور سعيد
وللا اتردم تحت التراب في الدويقه
وللا اتحرق ف قصر الثقافه ف حريقه
***
(4)
اذا الشعب يوما اراد الحياه
فلابد ان يستجيب القدر
وللابد للكوسه ان تنتهي
ونضرب بدالها مربي جزر
ولابد للباشا ان يختفي
وكلمة بطاقتك دي تبقي اثر
ولابد لقفايا ان يحترم
محدش يهوب ناحيته م البشر
**
هناك 32 تعليقًا:
ونقوووووووول اووول تعليييييق ؟؟؟؟
بخ بخ
كل سنة وانت طيب وسنة سعيدة عليك ياررررررب
عجبتني دي اكتر حاجة
وبسأل نفسي الف سؤال
وبستفسر
ليه كل ما اروح في سكه
واقول خلاص هقدر
اكمل رحلتي واوصل
الاقي السكه تتغير
ودي خطيررررررررة
لماذا اراك علي كل شئ
كأنك في الارض كل البشر
كأنك عدوى وملت المكان
كانك مرض عضال انتشر
كأنك بلوى بعتها الزمان
كأنك مصيبه وبعتها القدر
اروح عمان الاقيكي ف عمان
وانزل قطر الاقيكي ف قطر
ههههههههههه
ربنا يفرجها علينا
كلامك في الصميم
ربنا يوفقك ويسعدك
نواره
هلا
يا مراحب
كل سنه وانت طيبه
ويارب ايامك كلها سعاده
طبعا لازم تعجبك لماذا اراك
لانها كلها رومانزيه
منوراني دايما
هههههههههههههههههههههه كل سنة وانت طيب وربنا يحقق كل أحلامك وتبقى سنة غير كل السنين تعم بالفرح والسعادة وكل حاجة حلوة ممكن تكون
دمت بكل الخير والسعادة
كل سنة وانت طيب وسنة جديدة عليك وعلى كل أحبابك
وجميل معارضتك للأبيات
ربنا يسعدك دايما
ولابد لقفايا ان يحترم
ساعات بسأل نفسي ليه القفا رمز الكرامة
و قعدت اتفلسف مع نفسي شوية كده ووجدت الحل
انه أجي أسألك
و لا بد ان يستجيب القدر
موهوووووووووووووووووووب يا صديقى :)
والله موهوب
كل سنة وانته طيب
شاب فقرى :)
كله حلو والجرائم غللى حصلت دى فى أشعار الناس الكبار حلوة جداااا
حلو الاصرار على الحلم
وجميله جدا تنويعاتك خصوصا الاولى والاخيره
تحيه لاسعه
ابو العريف
يعني ابو العريف
يعني كل سنه وانت طيب
ويارب السنه الجايه انت اعلى واجمل وانجح...
تاني حاجه بقى
انت خبطت جامد في فاروق جويده
وده حبيبي...
بس فنان بجد
وكلمة بطقاتك دي تبقي اثر..بحلم باليوم ده
موهوب بالثلث
تحياتى
هههههههههههههههههههههههه
بدءا
كل جزئيه من دول عايزة تعليق لوحدها
وربنا زى العسل
وخصوصا المقطوعه الرومانزيه اللى تجنن دى
وابدعت اكتر فى اذا الشعب يوما اراد الحياه
كله الا القفا
كله الا القفا
ههههههههههههههههههههههه
البوست ده عاجبنى:)
والعنوان عاجبنى اوى تصدق فعلا الملل باه بحر وعلى وشك اننا نغرق فيه دا اذا مكناش غرقنا اصلا..
المهم ندخل على البوست:
##وبسأل نفسي الف سؤال
وبستفسر
ليه كل ما اروح في سكه
واقول خلاص هقدر
اكمل رحلتي واوصل
الاقي السكه تتغير##
لما تلاقى اجابه اباه قولى.بس حلوه بجد.
ندخل باه على التنويعات اللى المفروض تتحبس بسبب اللى عملته ده:)) بس عجبنى جداااا بصراحه,
بس دى عجبتنى اوىىىى.
لماذا اراك علي كل شئ
كأنك في الارض كل البشر
كأنك عدوى وملت المكان
كانك مرض عضال انتشر
كأنك بلوى بعتها الزمان
كأنك مصيبه وبعتها القدر
اروح عمان الاقيكي ف عمان
وانزل قطر الاقيكي ف قطر
** كل سنه وانت طيب وسنه سعيده عليك يارب وتحقق فيها كل اللى بتتمناه..
فينك مختفى ليه كده؟
بصراحة
موهوب يا ابو العريف فى فن معرضة الأبيات
بوست جميل جداً
ويسلم الملل إللى خلاك تكتب
سنتك سعيدة إن شاء الله
حمد الله على السلامه يا هندسه
تعتذر ايه للشعراء؟
د انت لازم تهاجر القطب
الشمالى:لان كلامك احلى بصراحة
وكفاية :اضرب مربى جزر دى
ولا :وكلمة بطاقتك دي
تبقي اثر ..ياريت
ياابو العريف
ياريت
بلادنا يُحترم
فيها الانسان لأنه
أنساااااااااااااان.
كلامك تمام وجه ع الوجيعه
وحالك ملام ... كأنه فجيعة
وبيوت الشعر فى مدرستك ضليعة
ياريتك تنام وتنسى همومك فظيعة...
شريك الهموم
ابوووووزياد
Nice to hear from you again
nice words
nice jokes
nice facts
U R Nice friend
A Y M A N
مبدأيا (:
عايزة أقول ان بقالي فترة مابكتبش تعليقات عند حد
(:
بس بتابع ... كللل حاجة (:
المهم اني بجد المرة دي مكنش ينفع أمشي من غير تعليق
أولا لأني عايزة أقول اني حاسة بتطووور رهيييييييييب في شعرك
وده مش معناه ان الاول كان مش حلو
لا كان حلووو بس ده حلووو جدااااااااا
وأعتقد اني خلاص اتشهرت في المدونات اني مش بجامل (: (:
(:
ثانيا ..
الشعر الحلمنتيشي ده مش طببببيييعي (:
بجد سعيدة انا بوجودي هنا
(:
تحيـــاتي
الأخ الفاضل :: أبو العريف ::
كل سنة وإنت طيب
أضحك الله سنك
تنويعات جميلة حتمًا .. ستعبث بركود البحر المللي ..
أحلى الأماني
مبروك فوز مصر وعقبال النهائي
ayman579@yahoo.com
ayman579@gmail.com
كل سنة وانت طيب ياراجل ياطيب
جميلة تلك الحروف
كن بفرح دوما
صباحك فل
كل سنه وانت طيب
وسنه سعيده عليك يا ابو العريق
بس جميله كلماتك
حلوه ولذيذه
تحياتي
الحب في الارض بعض من تخيلنا
وهتعمل ايه بقى في اللي خياله عالي
عشرين سنه بنحب لما خللنا
والشقه مش موجوده والمهر ف العالي
والشغل بقي مستحيل يلاقيه شباب جيلنا
قطر الحياه داسنا واهو ماشي طوالي
هههههههههههههههه
20 سنه حب ربنا يستر وميبقاش كله حب بس
تحياتي
كل عام وانته بخير
شعر طريف جدا
استمتعت بالقراءه :)
أنــا بسلم
أرجو أن تكون
بخير وعـــــافية
مجاملة جميلة من شخصية جميلة
بارك الله فيكم وعمّر صحيفة حسناتكم يوم القيامة
اشكركم على حسن تعليقكم
واتمنى دوام التواصل والمشاركة
أبو العريف
واحشنى يا راجل والله
وفى انتظار إشراقة صفحاتك من جديد
ومتشكر جداً على سؤالك
بجد جميل اوي
اول زيارة ليا بس بجد جميل اول كتابتك
مع انها محزنة لكن تقريبا هو ده الحال فعلا
الووووووووووووووووو
فينك ياعم
انت فيييييين :(
ليك وحشة والله
يارب يكون المانع خير
ابقى طمنا عنك عالاقل
ربنا يحميك ويحفظك يارب
اول زيارة و اكيد باذن الله مش الاخيرة انا ضفتك في الفيفوريت خلاص
كلماتك دس جات ع الجرح و داست جامد
ليه كل ما اروح في سكه
واقول خلاص هقدر
اكمل رحلتي واوصل
الاقي السكه تتغير
اما بقي باقي التدوينة عجبتني جدا اسلوبك جميل و دمك خفيف
تحياتي لابو العريف
إرسال تعليق