تحديييييييييييييييييث
عايز اقول اني ما نسيتش ابارك لحد بحترمه جداااا وبعزه جداااا وبعتبرها اختي بجد
عالخطوبه بس كنت مستني حد من البنات يعملها بوست مخصوص
وكمان هي قافلة التعليقات فمحبيتش اقتحم جو السريه والغموض اللي هي عاملاه ده
ايه يا بنتي مش عايزانا نباركلك لييييييييييييييييييييييييييييه
لكن بما ان محدش من البنات باركلها فانا جاي بقول
الف مليون مبروووووووووووووك للدكتوره
مها زين
بمناسبة الخطوبه
وربنا يتمم بالف خير
قبل ما ابدأ
**
دوس علي جرحــــــك
واوعي تخلي اليأس يدوســــــــــك
روح ورا حلمـــــــــــك
واوعي ف يوم يقلب لكابوســـــــك
واصرف قرشــــــــــك
واوعاك تبقي اسير لفلوســـــــــــك
نور شمعــــــــــــــــــــــة
لو بتطفي الدنيا شموســــــــــــــــك
وافرح واضحـــــــــــــك
ايه هيفيد حزنك وعبوســـــــــــــــك
****
نوووووور
*
*
حد ما ينفعش يعدي كده من غير ما اكتب عنه
حد وجوده في حياتي فرق كتير جدااا معايا
حد اتعلمت منه كتير جدااا ولسه بتعلم منه
حد علمني معني التفاؤل بجملته المشهوره
" فيه خير جاي ان شاء الله "
نوووور
اكتر حد اعرفه ممكن تنطبق عليه غنوة
" وانا ويايا بعيش زي المليونيرات "
نوووور
ممكن تقابله في كافيه شيك في عباس العقاد او وسط البلد
وتشوفه علي قهوه شعبيه في الحي العاشر او اي منطقه شعبيه
نوووور
الوحيد اللي يركبك تاكسي في تقاطع بين عباس العقاد ومكرم عبيد ( مسافه صغيره جدا )
وهو برضه يمشيك علي رجليك من الجيزه للدقي
نوووور
تلاقيه بيتغدي في ابو شقره والشبرواي
وتلاقيه علي عربية كبدة تلوث او عربية ابو اسلام بتاع الفووول
نوووور
يعلمك تجيب اشيك علبة شيكولاته واحلي قرطاس ورد
" اه هو بيقول عليه قرطاس مش بوكيه حد عنده اعتراض "
وانت رايح تزور حد
وبرضه هو تلاقيه يجيب قفص برتقال او حتي لبشة قصب
نوووور
اللي بيسمع عمرو ومنير وسيلين ديون
وبرضه تلاقيه مشغل كعبو كعبو ووانا لسه مش عارفني
نوووور
الوحيد اللي يحولك رصيد ب30 جنيه
وبعدها بخمس دقايق يبعتلك كلمني شكرا
نوووور
وحشتني جدااا يا معلم
وحشتني القعده معاك عالقهوه واننا نشوف الماتشات سوا
وحشني اننا نضرب كشري سوا عند توم اند بصل ولا حتي عند هند
وحشتني سندوتشات الجمبري اللي كان بيجيبهالنا ايهاب
" مش واخد بالك ان همي علي بطني وما وراييش الا الاكل "
نووووور
معرفش انا بكتب ليه
يمكن عشان اقولك " مبرووووووووك"
كان نفسي احضر فرحك بس معلش اكيد هحضره في الاعاده
واخيرااااااااااااااااااااا
احب اهني وابارك لصاحبي وحبيبي وكفاءة
محمد اسماعيل بمناسبة الخطوبه
الف مبروووك يا باشمهندز وربنا يتمم بخير
ويسعدك يا معلم
هناك 82 تعليقًا:
مبرووووك لكل الناس دى وربنا يسعدهم ويرجعك ليهم بالسلامة والدور عليك يا بشمهندس هنفرح بيك امتى ؟؟؟؟؟
دمت بكل الخير والسعادة
الف مبروك لنوووور
تحيه لاسعه
حلوه اوي كلمات التفاؤل دي
مبروك لصديقك .... وان شاء الله ربنا يكتبله كل خير زي ما هو بيبث الخير بين اصدقاؤه
تحياتي
ازيك يا باشا اخبارك ايه ؟
بيعجبنى اوى وفائك لاصدقائك ربنا يخليكو لبعض
والف الف مبروك لصديقك ربننا يتمم له على خير
بس بلاش حكاية الاعادة دى
شوف السى دى بتاع الفرح وبلاش اعادات
ههههههههههههههههه
تحياتى لك
ايه دا انت لسا مش حطيت اللينك الجديد ؟
مش تنسى تحطه عندك
ههههههههههههههههههههه
انا فعلا قولت هو كل الى وحشك الاكل ولا ايه
^_^
بس اعادة ايييييييييييه بقى هه ؟؟
مش توضح ولا ايه .. انت عايز الموضوع يتفشكل قبل مايبدأ
شرير شرير يعنى
P:
مبروك ليه كتير و ربنا يتمم له بخير
^_^
يعني لو خدت بالك معايا
محمد اسماعيل
محمد علي
الله ايه الوزن والقافية دي
مبروك لهما وعقبالك يا باشمهندس
بالمناسبة لي صاحب زي نور اللي صاحبك
بس اللي عندي اسمه عمرو
سبحان الله
لو قعدت معاه تتخيل انك مع احد خريجي العائلات الأرستقراطية جدا
وايه شوكة وايه سكينة وايه ميرسي وايه باردون
تاني يوم
لما ناكل من عند زيزو تلوث أو بحة بتاع الناصرية تحس انه خريج الجمالية
ربنا يبارك لك في صحابك
يعني تبارك لنور ومتباركليش
يعني تيجي اذاي طيب
عموما هي الدنيا بقت كده
مبروك لنور ومحمد سماعيل ولمها زين و محمد مجدي ويلا بقه ان شا الله ما حد حوش
عقبالك يا ابو العريف انت راخر مهي مجتش عليك يعني
انت شاعر كويس جدا على فكرة
لا بجد اسلوبك بجد اخف اسلوب يحب الواحد يقراه
بس بردو مباركتش ولا الهوا
اولا جميلة الكلمات اللى كلها تفاؤل دى :)
ثانيا ربنا يديم الصداقة اللى بينك وبين اصحابك دايما والف مبروك ليهم هما الاتنين وعقبال ما نبارك ونهنئ على جوازك باذن الله
ألف مبروك والمره اللي جايه نباركلك انت وانت في وسطينا
السلام عليكم
اخبارك واحوالك
والف مليون مبروك
وعقبالك لو كنت لسه
ويابختك بيه ربنا يكرمكم باحلى
صحوبية ويارب دايما مع بعض
انت ونووووووووووووووووور
والف مليون مبرووووووووووووووك
موهبه جميلة ... بارك الله فيك
تحياتي
الف مبروك له
والله انت ميه ميه
ايه ياعم الجمال ده كله
قلمك خطه حلو اوي
ههههههههههههههههههههه
ربنا يكرمك يارب
بس تعرف عجبتني اوي علاقتك بصديقك نور اوي..ربنا يديم الواد والحب بينكم يااخي
الصداقة الحقيقية مش ببتعوض ..
يلا في امان الله
تعيش و تفتكر يا زعيم
باين عليك كل إصحابك جدعان زيك
نور شمعــــــــــــــــــــــة
لو بتطفي الدنيا شموســــــــــــــــك
وافرح واضحـــــــــــــك
ايه هيفيد حزنك وعبوســـــــــــــــك,,
دى حلوه اوىىىىىى..
**واضح ان صاحبك بيشع نور على اللى حواليه..:)
ايه قرطاس دى:( فى حاجه اسمها قرطاس ورد ,
انا اعترض بما انى من عشاق الورد ده يبوظ المعنى خالص,
يانهارى واحد يقولى جايبلك قرطاس ورد!!!
ليه داخل عليا بشوية ترمس..
ربنا يبارك ليهم ويسعدهم ويرزقهم بالذريه الصالحه..
وعقباااااااااااااااااااالك:))
بس مش فاهمه يعنى ايه هتحضر الفرح فى الاعاده,انت بتحرضه على اييييييييييييه؟(وش بيزعق) دى مفيهاش اعاده هو جواز مره واحد وبس.
** سؤال على هامش البوست:
ايه لبشت قصب دى؟ يعنى ايه؟
عجبتنى جداً كلمات " دوس على جرحك "
وعجبتنى صفات صحبك..كفاءة
واحب اقوله الف مبروك .. وربنا يتمم بخير
واحشني
تعرف في كل كتاباتك تثبت انك شخص مخلص لاصدقائك
بتحبهم و اكيييييييييييييد بيحبوك
لاني كمان باحبك واعزك
مبروك للعروسة
تحياتي
(Joudy)
الله يبارك فيكي
وعقبالك لما تنقلي الدبله
ولا انا بهيس
ها قولي
لاسع افندى
الله يبارك فيك يا باشا
وربنا يسعدك
فتاه من الصعيد
متشكر جداااا
والله يبارك فيكي
منوراني دايما
ريم
ازيك انا الحمد لله تومام
وطبعا انا احلي حاجه في هي اصحابي
ربنا يديم المحبه
ومتشكر جدااااا
لا انا لازم احضر فرحه يتصرف
اما يعيد
او يعمل فرح تاني من جديد
مش مشكلتي
خلاص حطيت اللينك الجديد
منوراني دايما
Sweet Violet
هههههههههههههههههههههه
انا قلت اقول انا قبل ما حد ياخد باله
اني مركز عالاكل اصلي وحشاني الحاجات دي بتفاصيلها الصغننه
ايه ده كل الناس اخدت بالها من الاعاده
ربنا يستر بقي ومراته متقراش البوست ده
ولا مش هتخليه يعرفني تاني
الله يبارك فيكي وعقبالك
ستيته حسب الله الحمش
ازيك يا دكتوره
وزن وقافيه
كويس ربنا يبشرك بالخير
بس اوعي يكون عمرو بيقول عالبوكيه قرطاس زي نوووور
منوراني
مها زين
الف مبروووك يا مها
وربنا يتمملك بالف خير
ياريت تفتحي التعليقات عشان الناس تعرف تباركلك
مبرووووك لمها الخطوبة وربنا يتمم بخير
ومبروووك لنور
ايه يا عم جوعتنا؟
هههههه
عقبالك ان شاء الله
بس ارجعلنا بالسلامة عشان مشتاقين نشوفك يا باشا
كيفك والله ليك وحشة كبيرة اووي
يارب تكون بالف خير
البوست ممتع كالعادة
نور شمعــــــــــــــــــــــة
لو بتطفي الدنيا شموســــــــــــــــك
وافرح واضحـــــــــــــك
ايه هيفيد حزنك وعبوســـــــــــــــك,,
جميل جدا انه ليك ذكريات ممتعة مع اصدقائك وخصوصا بتاع قرطاس الورد هههههههه
الف مليووون مبروووك لنور وبلاش اعادة ياخويا
ان شاء الله بقى تتجوز وهو يجي فرحك ويفرح بيك يارررررررب
قوووول آمين ^ـ*
الف مبرووك لنور و لمها زين :)
وعقباااال العزابية :] هههههههه
دمت بالف خير
أبو العريف سلاماااات يا باشا
صاحب زى ده ربنا يباركلك فيه
على الحلوة والمرة تلاقيه
ايوشه
متشكر جداااا
وربنا يصلح حالنا جميعا
وعقبالك يارب لما افرح فيكي كده
واشردك عالمدونه
منوراني
احمد ابو العلا
ازيك يا هندسه
الله يبارك فيك يا باشا
معرفش انت متجوز وللا لا عشان اقول عقبالك
بس عموما عقبالك في الحالتين
منور يا باشا
وردشان smilyrose
ازيك
الله يبارك في حضرتك
ويسعد اوقاتك
وعودا حميدا
منوراني مجددا
العازمي
شرفني زيارتك الاولي
ومتشكر لحضرتك
تحياتي
سميه
الله يبارك فيكي
متشكر جدا
وعقبال كل اللي ما اتجوزوش لما نفرح فيهم
قلم رصاص
باشا ازيك
فعلا الصداقه الحقيقيه حاجه جميله جداا
وما تتعوضش
منورني دايما يا صديقي
مهندس مصري
ازيك يا هندسه
منورني بجد
والله انت اللي جدع يا هندسه وانا مش جدع معاك خالص ومقصر في حقك
ربنا يديم الصحبه الحلوه
الشعب لابد له من حكومه تشكمه
ازيك يا شيماء
حلوه قوي صاحبك بيشع نور عاللي حواليه
انا بحس انه بيملي الدنيا تفاؤل فعلا
لا القرطاس ده بيقولي انا مش بيقول للي بيديله الورد
مهي انا مش اشكال ورد
انا اخري لبشت قصب
اللي هي تساوي ربطه او حزمه او لبسه
فاكره محمد فوزي لما مكنش عايز يتجوز مني زكي في الفيلم فعمل نفسه فلاح ودخل عليها بلبشة قصب
الاعاده
هي مش كل حاجه فيها اعاده
يارب مراته متكونش قرت البوست
ياما مش هتخليه يعرفني تاني
well
ازيك ياباشا
متشكر جدااا
وربنا يبارك فيك
منورني
أحــوال الهـوي
ازيك يا دكتور
وانا والله بحبك في الله يا دكتور
وبتمني اني افضل اخوك الصغير
بفرح قوي بكلامك ده
ربنا يبارك فيه
مسدس صغير
ابو صلاح ابن الناظر بووووء بووووء
حبيبي
ازيك يا باشا
ربنا يبارك فيك وعقبالك يا باشا
بس ان شاء الله فرحك احضره لايف مش في الاعاده
وان شاء الله نتقابل يا باشا في فرحك
منورني
نوووووووااااارره
ازيك
ااااااامين
حلوه قرطاس الورد ده
كل البنات معترضه عالاعاده مش عارف ليه
امال احضر فرحه ازاي انا دلوقت
منوراني بجد
رضا الكومي
ازيك يا باشا
ربنا يبارك فيك
منورني دايما
الأخ الفاضل :: أبوالعريف ::
مبروك
وألف مبروك لحبايبك ..
ونووووور
سخرية لاذعة هادفة
تحياتي
الف مبروك وعقبالك زيهم
اوعي تكون ازهري زيي!!ه
انا مش عارف ارد عليك ازاي بجد وحشتني جدااااااالخ وياريت اشوفك حتى لو تيجي اشوفك وترجع تاني اكون شاكر مش نووووووور وان شاء الله العودة ليك ياصحبي وترجع لينا بالسلامة وعقبالك وبشكر كل الناس الي علقت كل التعليقات ظريفة وخفيفة ونفسي والف مبروك لصاحبي وحبيبي محمد اسماعيل وعقبالك يامحمد ياعلي
انا الشخص الذي كتب عنه ابو العريف
نوووووووووور
محمد سعد القويري
بارك الله فيك
متشكر علي تواجدك الدائم
منورني يا صاحبي
تايه في وسط البلد
ايه اللي خلاك تقول ازهري
هو باين علي ولا ايه
للاسف يا باشا مش ازهري بس كان نفسي
منورني
نووووووور
اخويا وصاحبي وحبيبي وكفاءة
ايه المفأجاه دي
منور طبعا مانت نوووور
تكون شاكر ياعم خليك نور احسن
واحشني والله ياريس
طبعا انا مرضيتش اقول علي الرشوه اللي انت اديتهاني عشان ما اصيحلكش في المدونه
وكمان عشان الحكومه ما تحددش اقامتك
مبروووووك يا باشا
بس مقلتش رأيك في موضوع الاعاده
انت خايف تكون متراقب ولا ايه
جميييييل اوي ان يكون للواحد صديق شايفه بعيونه جميل كده ..
حافظ عليه .. وربنا يخليكوا لبعض ياااارب :)
ومبرووووووك لمها :)
محمد انت واحشهم ع فكره
اكتر ماهما واحشينك
صدقني زي ماانت مشتاق لكل التفاصيل الللي كتبتها
هما والتفاصيل برضو مشتاقين ليك
الف مبرووك لنور
ولمحمد اسماعيل ولدكتوره مها
ويارب عقبالك يامحمد
ويرزقك باجمل واحده تستاهل قلبك الطيب
نفسي اجبلك لبشتين قصب بيقولو على القصب في الصعيد جلواح نفسي اجيبلك كبايتين جلواح ولا خليهم شوية كبايات علشان تسقي حبايبك في المدونة يلا خلي بالك من نفسك ظهر منذ ايام وباء جديد يسمي انلونزا الماعز واحنا اصلا لس مخلصناش الخنازير الي عندنا ياترا بعد كدة بواسير السمك ولا ايه؟؟؟؟وحشتني ياابو العريف
نوووووووووو
مبروك
مبروك
مبروك
....
شعور طيب وجميل
السلام عليكم
الف مبروك لصاحبك نور وللدكتورة مها
وعقبالك يا محمد لما نفرح بيك ان شاء الله
طبعا
وبعدين كلماتك اكثر من رائعه
تسلم ايديك يارب
سماح بقى على التأخير
كل سنه وانت طيب يارب
بمناسبه العام الهجرى الجديد وان شاء الله
السنه دى تكون اجمل من اللى فاتت
حبيبى محمد ابو العريف
بارك الله فيه وليس "باراك" يحرقه الله
وادام عليك الصحه وروقان البال
ايمن عبدالعزيز (ابوزياد)
صديق نووووووووووووور
وصديقك.....
سبب تسمية مدونتى وفكرتها
"أنا هناك اوعى متجيش"
جائتنى فكرة التسمية عندما سمعت هذه القصة
يحكى أن رجلا ائتمن رجلا على مال فاخذه الرجل المؤتمن فتاجر به حتى صارت ثروة وبعد عدة سنوات عاد صاحب المال ليسترد ماله فانكر الرجل المؤتمن الأمانة وخان مؤتمنه فذهب الرجل المؤتمن محتسبا ماله عند الله سبحانه وتعالى وماهى الا ايام قليلة ومات الرجل المؤتمن فجاء للخائن فى منامه قائلا "انا هناك اوعى متجيش هناك هقوللك هات اياك تقول مديش" فما كان من الخائن الا أن فزع من نومه متذكرا الموت والسؤال ورد المال بعوائده كاملة الى الورثة.
فتذكروا اخوانى دوما الموت وردو الحقوق الى اصحابها.....
هاجر زعبل
ازيك يا هاجر منوراني
طبعا اجمل حاجه في الدنيا الصداقه
واللي تكون مبنيه علي الثقه والحب والاحترام
واجمل حاجه انك تكوني شايفه اصحابك صح
وعارفه قيمتهم كويس
ودا اللي بيخليكي تحافظي عليهم
نورتيني بجد
شباك موارب/منار
ازيك يا دكتوره
متشكر جدا علي كلامك الجميل
ومتشكر اكتر علي دعوتك الاجمل
منوراني
نووووووور
انت تاني
ايه اللي جابك هنا ياد
منور المدونه والمدونات المجاوره
وبلوجر كله
والله انا من ساعة ما جيت ما شربتش الجلواح ده غير مرتين
وانت عارف بقي في مصر طول الصيف مقضيينها قصب
ابقي اشرب لي وليك
بس انا بشرب كوكتيل يااااد
من عند الراجل اللي جمب توم اند بصل
هو بقي بكام دلوقت
وللا اقولك اشربلي من عند السواقي عشان الراجل بيحط عليه ايس كريم
اظن ده الوحيد ف مصر اللي بيعملهتا
اللي موش عارف يتغير
الله يبارك فيك
الله يبارك فيك
الله يبارك فيك
منور يا باشا
ليس فقيرا من يحب
ازيك يارانيا
كل سنه وانت طيبه
وربنا يبارك فيكي
ومتشكر جداااا علي دعوتك الجميله
وعقبالك
ابو زيااااااد
ازيك يا باشا
منورني طبعا
وانت كمان واحشني جدااا
والف مبروك المدونه الجديده
انا ضفتها في المفضله وهتابعك ان شاء الله
مبروك للدكتورة مها
الف مليووون مبروك
وكمان لكل المتهنين
فى التدوينة دى لكن
ياابو العريف
ايه الاعادة
دى اللى
حتهنى فيها نووووووور
هو الفرح له أعادة
دا مستمر يااستاذ
إن شاء الله:)
ايه دا؟
انت عملت
كومنت مودريشن
ليه ياابو العريف
هو فيه حد يستجرأ
يزعلك ؟اللى يعمل
كده اكيد بايع
روحه:)اللى
يزعلك
اهبده
قصيدة من
قصايدك اللى هم
تجيبه الأرض بالقاضية:)
ابو العريف
هو انت رجعت
بالسلامة مصر؟
norahaty
ازيك يا دكتوره
شفتي بقي البوست طلع باسمك وانا مش واخد بالي
الله يبارك فيكي
انت طبعا عارفه ان في الاعاده افاده
بس محدش مصدقني
عملت مودريشن وفتحت الغير معرف
عشان كان فيه شويه اصحابي عايزين يهزقوني قلت اديهم فرصه بدون ما حد يعرف
هههههههههههههههههههههههههههه
لا لسه ما رجعتش
انا كنت اقصد من ساعة ما جيت هنا
السعوديه
هو انا اقدر اجي من غير ما ابلغكم
وتنتظروني بقي والم الهدايا
واخده بالك انا اللي هلم الهدايا
مساء الفل يا بش مهندس وحشتنى كتير
ووحشت كل مصر
الله يبارك فيك.
...........
عرف انك عملت المدونة
وبعدها قلت اعمل انا كمان مدونة
وقلت اسميها هتلاقينى هناك اوعى متجيش عشان تيجى
ووعدتنى وقلت هاتيجى وبرده
مابتجيش........
ابقى تعالى قبل ماامشى وتيجى متلاقينيش
هتسأل علي يقولولك
ده خلص ومنه مفيش..
السلام عليكم
مبرووووووووك لاصدقائك اللى انت بتحبهم الدور عليك عقبالك وربنا يسعدهم ويسعدك الصداقه اجمل شىء فى الدنيا
سلام على الدنيا ان لم يكن بها صديق صدوق صادق الوعد مخلصا
اتمنى لك السعاده
دمت بالخير
ايه نور الجميل ده
ده صاحب عسول اوي
"شوفتني وانا بعاكسه"
:)
لالالا بجد مبروك ليه الف الف مبروك كمان
سيبني بقى اسلم عليك واقولك ازيك وعامل ايه وايه وايه؟؟؟؟
وانت مش هتيجي هنا بقى
واللا انت هناك بتعمل ايه اصلا اساسا يعني
miro el niro kwanirooooo
جميله جداً كلماتك يا ابو العريف
بس مجبتش سيرة الخن بتاعنا ايام الجامعة
والف مبروك يا نووووووووووووور
ممممممممممممم
دا بوست فرايحى الحمد لله
الف مبروك لكل الناس دى وربنا يفرح قلبك و يسعدك
ياأبو العريف
كفاية أجازات كده
وتعالى بقى :ارجع ياولدى
بلوجر وأهالى بلوجر الكرام
عاااااااااااااااااااااايزينك:)
هتلاقيني هناك اوعي ما تجيش
والله جيت
بس اليومين اللي فاتو دول مكنتش بدخل المدونات
ربنا يوفقك يا باشا
ميروووو
ازيك يا ميرو كل سنه وانت طيبه
ربنا يبارك فيكي
منوراني دايما
كراكيب
يا قهلا يا قهلا
ميرو ابن عمي عندنا
يا مرحبا يا مرحبا
ازيك يا ميرووووو
عامله ايه
عاكسي براحتك يا ستي
هو حد يطوووووول
انا جااااي
وخلاوتك لاجي
بس هو مين بيبقي موجود
المعماري الحزين
احمد باشا
الله يبارك فيك
وعقبالك يا ريس
الجامعه والخن بتاع الجامعه
وايام الجامعه
وكل حاجه ايام الجامعه عايزه مدونه يا ابو حميد
واحشني جدااااا
جارة القمر
الله يبارك في حضرتك
وكل عام وانت بالف خير
منوراني
دكتوره نوووور
ازي حضرتك
وكل عام وحضرتك بالف خير
ومتشكر جدا علي سؤالك
وانا اهل بلوجر كلهم حبايبي واحسن ناس
ربنا يخليكم ليا
عشرين سنه بنحب لما خللنا
هههههههههههه
اهنيك على جمال وتنوع كلماتك
هاااااااااااااااااايل
.
مبروك النصر لمصر
دائما هي فوق القمة
مبروك يا نوووووووووور
و في افراح دايما ياااااااا رب
شرفني و زورني
http://ra7alaat.blogspot.com/
متشكر
فى البدايه بقول الف مبروك لصديقك
مش عارفه ليه حصل انسجام غريب بينى وبين كلاماتك
لقد قمت بقرأة معظم مواضيك لكى افهمك
وذلك طبع يغلبنى وسمه اعشقها
عندما تجزبنى كلامات معينه
حقا سعيدة لتواجدى هنا
واتمنى لك التوفيق
تحياتى
إرسال تعليق