الأربعاء، ديسمبر 09، 2009

نووووور ..... + تحديث هاااااااااام جدا

تحديييييييييييييييييث
عايز اقول اني ما نسيتش ابارك لحد بحترمه جداااا وبعزه جداااا وبعتبرها اختي بجد
عالخطوبه بس كنت مستني حد من البنات يعملها بوست مخصوص
وكمان هي قافلة التعليقات فمحبيتش اقتحم جو السريه والغموض اللي هي عاملاه ده
ايه يا بنتي مش عايزانا نباركلك لييييييييييييييييييييييييييييه
لكن بما ان محدش من البنات باركلها فانا جاي بقول
الف مليون مبروووووووووووووك للدكتوره
مها زين
بمناسبة الخطوبه
وربنا يتمم بالف خير
قبل ما ابدأ

**

دوس علي جرحــــــك

واوعي تخلي اليأس يدوســــــــــك

روح ورا حلمـــــــــــك

واوعي ف يوم يقلب لكابوســـــــك

واصرف قرشــــــــــك

واوعاك تبقي اسير لفلوســـــــــــك

نور شمعــــــــــــــــــــــة

لو بتطفي الدنيا شموســــــــــــــــك

وافرح واضحـــــــــــــك

ايه هيفيد حزنك وعبوســـــــــــــــك


****

نوووووور
*
*


حد ما ينفعش يعدي كده من غير ما اكتب عنه

حد وجوده في حياتي فرق كتير جدااا معايا

حد اتعلمت منه كتير جدااا ولسه بتعلم منه

حد علمني معني التفاؤل بجملته المشهوره

" فيه خير جاي ان شاء الله "


نوووور

اكتر حد اعرفه ممكن تنطبق عليه غنوة

" وانا ويايا بعيش زي المليونيرات "


نوووور

ممكن تقابله في كافيه شيك في عباس العقاد او وسط البلد

وتشوفه علي قهوه شعبيه في الحي العاشر او اي منطقه شعبيه


نوووور

الوحيد اللي يركبك تاكسي في تقاطع بين عباس العقاد ومكرم عبيد ( مسافه صغيره جدا )

وهو برضه يمشيك علي رجليك من الجيزه للدقي


نوووور

تلاقيه بيتغدي في ابو شقره والشبرواي

وتلاقيه علي عربية كبدة تلوث او عربية ابو اسلام بتاع الفووول


نوووور

يعلمك تجيب اشيك علبة شيكولاته واحلي قرطاس ورد

" اه هو بيقول عليه قرطاس مش بوكيه حد عنده اعتراض "

وانت رايح تزور حد

وبرضه هو تلاقيه يجيب قفص برتقال او حتي لبشة قصب


نوووور

اللي بيسمع عمرو ومنير وسيلين ديون

وبرضه تلاقيه مشغل كعبو كعبو ووانا لسه مش عارفني


نوووور

الوحيد اللي يحولك رصيد ب30 جنيه

وبعدها بخمس دقايق يبعتلك كلمني شكرا


نوووور

وحشتني جدااا يا معلم

وحشتني القعده معاك عالقهوه واننا نشوف الماتشات سوا

وحشني اننا نضرب كشري سوا عند توم اند بصل ولا حتي عند هند

وحشتني سندوتشات الجمبري اللي كان بيجيبهالنا ايهاب

" مش واخد بالك ان همي علي بطني وما وراييش الا الاكل "


نووووور

معرفش انا بكتب ليه

يمكن عشان اقولك " مبرووووووووك"

كان نفسي احضر فرحك بس معلش اكيد هحضره في الاعاده


واخيرااااااااااااااااااااا


احب اهني وابارك لصاحبي وحبيبي وكفاءة

محمد اسماعيل بمناسبة الخطوبه

الف مبروووك يا باشمهندز وربنا يتمم بخير

ويسعدك يا معلم




هناك 82 تعليقًا:

(Joudy) يقول...

مبرووووك لكل الناس دى وربنا يسعدهم ويرجعك ليهم بالسلامة والدور عليك يا بشمهندس هنفرح بيك امتى ؟؟؟؟؟

دمت بكل الخير والسعادة

لاسع افندى يقول...

الف مبروك لنوووور

تحيه لاسعه

غير معرف يقول...

حلوه اوي كلمات التفاؤل دي

مبروك لصديقك .... وان شاء الله ربنا يكتبله كل خير زي ما هو بيبث الخير بين اصدقاؤه

تحياتي

Remas يقول...

ازيك يا باشا اخبارك ايه ؟

بيعجبنى اوى وفائك لاصدقائك ربنا يخليكو لبعض

والف الف مبروك لصديقك ربننا يتمم له على خير

بس بلاش حكاية الاعادة دى

شوف السى دى بتاع الفرح وبلاش اعادات

ههههههههههههههههه

تحياتى لك

Remas يقول...

ايه دا انت لسا مش حطيت اللينك الجديد ؟

مش تنسى تحطه عندك

Sweet Violet يقول...

ههههههههههههههههههههه
انا فعلا قولت هو كل الى وحشك الاكل ولا ايه
^_^
بس اعادة ايييييييييييه بقى هه ؟؟
مش توضح ولا ايه .. انت عايز الموضوع يتفشكل قبل مايبدأ
شرير شرير يعنى
P:
مبروك ليه كتير و ربنا يتمم له بخير
^_^

ستيتة يقول...

يعني لو خدت بالك معايا
محمد اسماعيل
محمد علي
الله ايه الوزن والقافية دي
مبروك لهما وعقبالك يا باشمهندس

بالمناسبة لي صاحب زي نور اللي صاحبك
بس اللي عندي اسمه عمرو
سبحان الله
لو قعدت معاه تتخيل انك مع احد خريجي العائلات الأرستقراطية جدا
وايه شوكة وايه سكينة وايه ميرسي وايه باردون

تاني يوم
لما ناكل من عند زيزو تلوث أو بحة بتاع الناصرية تحس انه خريج الجمالية

ربنا يبارك لك في صحابك

maha zein يقول...

يعني تبارك لنور ومتباركليش

يعني تيجي اذاي طيب

عموما هي الدنيا بقت كده

مبروك لنور ومحمد سماعيل ولمها زين و محمد مجدي ويلا بقه ان شا الله ما حد حوش

عقبالك يا ابو العريف انت راخر مهي مجتش عليك يعني

انت شاعر كويس جدا على فكرة
لا بجد اسلوبك بجد اخف اسلوب يحب الواحد يقراه

بس بردو مباركتش ولا الهوا

رحلتنا في الحياة يقول...

اولا جميلة الكلمات اللى كلها تفاؤل دى :)
ثانيا ربنا يديم الصداقة اللى بينك وبين اصحابك دايما والف مبروك ليهم هما الاتنين وعقبال ما نبارك ونهنئ على جوازك باذن الله

Ahmed يقول...

ألف مبروك والمره اللي جايه نباركلك انت وانت في وسطينا

وردشان smilyrose يقول...

السلام عليكم

اخبارك واحوالك


والف مليون مبروك

وعقبالك لو كنت لسه

ويابختك بيه ربنا يكرمكم باحلى

صحوبية ويارب دايما مع بعض

انت ونووووووووووووووووور

والف مليون مبرووووووووووووووك

العازمي يقول...

موهبه جميلة ... بارك الله فيك
تحياتي

Somaya Kamal El Din يقول...

الف مبروك له

قلم رصاص يقول...


والله انت ميه ميه

ايه ياعم الجمال ده كله

قلمك خطه حلو اوي

ههههههههههههههههههههه

ربنا يكرمك يارب

بس تعرف عجبتني اوي علاقتك بصديقك نور اوي..ربنا يديم الواد والحب بينكم يااخي
الصداقة الحقيقية مش ببتعوض ..

يلا في امان الله

مهندس مصري بيحب مصر يقول...

تعيش و تفتكر يا زعيم
باين عليك كل إصحابك جدعان زيك

الشعب لابد له من حكومه تشكمه يقول...

نور شمعــــــــــــــــــــــة

لو بتطفي الدنيا شموســــــــــــــــك

وافرح واضحـــــــــــــك

ايه هيفيد حزنك وعبوســـــــــــــــك,,

دى حلوه اوىىىىىى..

**واضح ان صاحبك بيشع نور على اللى حواليه..:)

ايه قرطاس دى:( فى حاجه اسمها قرطاس ورد ,
انا اعترض بما انى من عشاق الورد ده يبوظ المعنى خالص,
يانهارى واحد يقولى جايبلك قرطاس ورد!!!
ليه داخل عليا بشوية ترمس..

ربنا يبارك ليهم ويسعدهم ويرزقهم بالذريه الصالحه..
وعقباااااااااااااااااااالك:))

بس مش فاهمه يعنى ايه هتحضر الفرح فى الاعاده,انت بتحرضه على اييييييييييييه؟(وش بيزعق) دى مفيهاش اعاده هو جواز مره واحد وبس.

** سؤال على هامش البوست:
ايه لبشت قصب دى؟ يعنى ايه؟

well يقول...

عجبتنى جداً كلمات " دوس على جرحك "

وعجبتنى صفات صحبك..كفاءة
واحب اقوله الف مبروك .. وربنا يتمم بخير

أحــوال الهـوي يقول...

واحشني
تعرف في كل كتاباتك تثبت انك شخص مخلص لاصدقائك

بتحبهم و اكيييييييييييييد بيحبوك
لاني كمان باحبك واعزك


مبروك للعروسة

تحياتي

أبو العريف يقول...

(Joudy)

الله يبارك فيكي

وعقبالك لما تنقلي الدبله

ولا انا بهيس

ها قولي

أبو العريف يقول...

لاسع افندى

الله يبارك فيك يا باشا

وربنا يسعدك

أبو العريف يقول...

فتاه من الصعيد

متشكر جداااا

والله يبارك فيكي

منوراني دايما

أبو العريف يقول...

ريم

ازيك انا الحمد لله تومام

وطبعا انا احلي حاجه في هي اصحابي

ربنا يديم المحبه

ومتشكر جدااااا

لا انا لازم احضر فرحه يتصرف

اما يعيد

او يعمل فرح تاني من جديد

مش مشكلتي


خلاص حطيت اللينك الجديد


منوراني دايما

أبو العريف يقول...

Sweet Violet

هههههههههههههههههههههه

انا قلت اقول انا قبل ما حد ياخد باله

اني مركز عالاكل اصلي وحشاني الحاجات دي بتفاصيلها الصغننه


ايه ده كل الناس اخدت بالها من الاعاده

ربنا يستر بقي ومراته متقراش البوست ده

ولا مش هتخليه يعرفني تاني

الله يبارك فيكي وعقبالك

أبو العريف يقول...

ستيته حسب الله الحمش

ازيك يا دكتوره

وزن وقافيه

كويس ربنا يبشرك بالخير

بس اوعي يكون عمرو بيقول عالبوكيه قرطاس زي نوووور


منوراني

أبو العريف يقول...

مها زين

الف مبروووك يا مها

وربنا يتمملك بالف خير

ياريت تفتحي التعليقات عشان الناس تعرف تباركلك

مسدس صغير يقول...

مبرووووك لمها الخطوبة وربنا يتمم بخير

ومبروووك لنور

ايه يا عم جوعتنا؟
هههههه
عقبالك ان شاء الله
بس ارجعلنا بالسلامة عشان مشتاقين نشوفك يا باشا

غير معرف يقول...

كيفك والله ليك وحشة كبيرة اووي

يارب تكون بالف خير

البوست ممتع كالعادة

نور شمعــــــــــــــــــــــة

لو بتطفي الدنيا شموســــــــــــــــك

وافرح واضحـــــــــــــك

ايه هيفيد حزنك وعبوســـــــــــــــك,,

جميل جدا انه ليك ذكريات ممتعة مع اصدقائك وخصوصا بتاع قرطاس الورد هههههههه

الف مليووون مبروووك لنور وبلاش اعادة ياخويا

ان شاء الله بقى تتجوز وهو يجي فرحك ويفرح بيك يارررررررب

قوووول آمين ^ـ*

الف مبرووك لنور و لمها زين :)

وعقباااال العزابية :] هههههههه

دمت بالف خير

رضا الكومى يقول...

أبو العريف سلاماااات يا باشا

صاحب زى ده ربنا يباركلك فيه

على الحلوة والمرة تلاقيه

أبو العريف يقول...

ايوشه

متشكر جداااا

وربنا يصلح حالنا جميعا

وعقبالك يارب لما افرح فيكي كده

واشردك عالمدونه

منوراني

أبو العريف يقول...

احمد ابو العلا

ازيك يا هندسه

الله يبارك فيك يا باشا

معرفش انت متجوز وللا لا عشان اقول عقبالك

بس عموما عقبالك في الحالتين

منور يا باشا

أبو العريف يقول...

وردشان smilyrose

ازيك

الله يبارك في حضرتك

ويسعد اوقاتك

وعودا حميدا

منوراني مجددا

أبو العريف يقول...

العازمي

شرفني زيارتك الاولي

ومتشكر لحضرتك

تحياتي

أبو العريف يقول...

سميه

الله يبارك فيكي

متشكر جدا

وعقبال كل اللي ما اتجوزوش لما نفرح فيهم

أبو العريف يقول...

قلم رصاص

باشا ازيك

فعلا الصداقه الحقيقيه حاجه جميله جداا

وما تتعوضش

منورني دايما يا صديقي

أبو العريف يقول...

مهندس مصري

ازيك يا هندسه

منورني بجد

والله انت اللي جدع يا هندسه وانا مش جدع معاك خالص ومقصر في حقك

ربنا يديم الصحبه الحلوه

أبو العريف يقول...

الشعب لابد له من حكومه تشكمه


ازيك يا شيماء

حلوه قوي صاحبك بيشع نور عاللي حواليه

انا بحس انه بيملي الدنيا تفاؤل فعلا

لا القرطاس ده بيقولي انا مش بيقول للي بيديله الورد

مهي انا مش اشكال ورد

انا اخري لبشت قصب

اللي هي تساوي ربطه او حزمه او لبسه

فاكره محمد فوزي لما مكنش عايز يتجوز مني زكي في الفيلم فعمل نفسه فلاح ودخل عليها بلبشة قصب


الاعاده

هي مش كل حاجه فيها اعاده

يارب مراته متكونش قرت البوست

ياما مش هتخليه يعرفني تاني

أبو العريف يقول...

well

ازيك ياباشا

متشكر جدااا

وربنا يبارك فيك

منورني

أبو العريف يقول...

أحــوال الهـوي

ازيك يا دكتور

وانا والله بحبك في الله يا دكتور

وبتمني اني افضل اخوك الصغير

بفرح قوي بكلامك ده

ربنا يبارك فيه

أبو العريف يقول...

مسدس صغير

ابو صلاح ابن الناظر بووووء بووووء

حبيبي

ازيك يا باشا

ربنا يبارك فيك وعقبالك يا باشا

بس ان شاء الله فرحك احضره لايف مش في الاعاده

وان شاء الله نتقابل يا باشا في فرحك

منورني

أبو العريف يقول...

نوووووووااااارره

ازيك

ااااااامين

حلوه قرطاس الورد ده

كل البنات معترضه عالاعاده مش عارف ليه

امال احضر فرحه ازاي انا دلوقت


منوراني بجد

أبو العريف يقول...

رضا الكومي

ازيك يا باشا

ربنا يبارك فيك

منورني دايما

محمد سعد القويري يقول...

الأخ الفاضل :: أبوالعريف ::
مبروك
وألف مبروك لحبايبك ..

ونووووور

سخرية لاذعة هادفة


تحياتي

تايه في وسط البلد يقول...

الف مبروك وعقبالك زيهم

اوعي تكون ازهري زيي!!ه

غير معرف يقول...

انا مش عارف ارد عليك ازاي بجد وحشتني جدااااااالخ وياريت اشوفك حتى لو تيجي اشوفك وترجع تاني اكون شاكر مش نووووووور وان شاء الله العودة ليك ياصحبي وترجع لينا بالسلامة وعقبالك وبشكر كل الناس الي علقت كل التعليقات ظريفة وخفيفة ونفسي والف مبروك لصاحبي وحبيبي محمد اسماعيل وعقبالك يامحمد ياعلي
انا الشخص الذي كتب عنه ابو العريف
نوووووووووور

أبو العريف يقول...

محمد سعد القويري

بارك الله فيك

متشكر علي تواجدك الدائم

منورني يا صاحبي

أبو العريف يقول...

تايه في وسط البلد

ايه اللي خلاك تقول ازهري

هو باين علي ولا ايه


للاسف يا باشا مش ازهري بس كان نفسي

منورني

أبو العريف يقول...

نووووووور

اخويا وصاحبي وحبيبي وكفاءة

ايه المفأجاه دي

منور طبعا مانت نوووور

تكون شاكر ياعم خليك نور احسن

واحشني والله ياريس

طبعا انا مرضيتش اقول علي الرشوه اللي انت اديتهاني عشان ما اصيحلكش في المدونه

وكمان عشان الحكومه ما تحددش اقامتك


مبروووووك يا باشا

بس مقلتش رأيك في موضوع الاعاده

انت خايف تكون متراقب ولا ايه

غير معرف يقول...

جميييييل اوي ان يكون للواحد صديق شايفه بعيونه جميل كده ..

حافظ عليه .. وربنا يخليكوا لبعض ياااارب :)


ومبرووووووك لمها :)

منــار فايد يقول...

محمد انت واحشهم ع فكره
اكتر ماهما واحشينك
صدقني زي ماانت مشتاق لكل التفاصيل الللي كتبتها

هما والتفاصيل برضو مشتاقين ليك
الف مبرووك لنور
ولمحمد اسماعيل ولدكتوره مها
ويارب عقبالك يامحمد

ويرزقك باجمل واحده تستاهل قلبك الطيب

غير معرف يقول...

نفسي اجبلك لبشتين قصب بيقولو على القصب في الصعيد جلواح نفسي اجيبلك كبايتين جلواح ولا خليهم شوية كبايات علشان تسقي حبايبك في المدونة يلا خلي بالك من نفسك ظهر منذ ايام وباء جديد يسمي انلونزا الماعز واحنا اصلا لس مخلصناش الخنازير الي عندنا ياترا بعد كدة بواسير السمك ولا ايه؟؟؟؟وحشتني ياابو العريف
نوووووووووو

اللى موش عارف يتغير يقول...

مبروك
مبروك
مبروك
....
شعور طيب وجميل

ليس فقيرا من يحب يقول...

السلام عليكم

الف مبروك لصاحبك نور وللدكتورة مها

وعقبالك يا محمد لما نفرح بيك ان شاء الله

طبعا

وبعدين كلماتك اكثر من رائعه

تسلم ايديك يارب

سماح بقى على التأخير

ليس فقيرا من يحب يقول...

كل سنه وانت طيب يارب

بمناسبه العام الهجرى الجديد وان شاء الله

السنه دى تكون اجمل من اللى فاتت

غير معرف يقول...

حبيبى محمد ابو العريف
بارك الله فيه وليس "باراك" يحرقه الله
وادام عليك الصحه وروقان البال

ايمن عبدالعزيز (ابوزياد)
صديق نووووووووووووور
وصديقك.....

Ayman Ahmed AbdelAziz يقول...

سبب تسمية مدونتى وفكرتها
"أنا هناك اوعى متجيش"
جائتنى فكرة التسمية عندما سمعت هذه القصة
يحكى أن رجلا ائتمن رجلا على مال فاخذه الرجل المؤتمن فتاجر به حتى صارت ثروة وبعد عدة سنوات عاد صاحب المال ليسترد ماله فانكر الرجل المؤتمن الأمانة وخان مؤتمنه فذهب الرجل المؤتمن محتسبا ماله عند الله سبحانه وتعالى وماهى الا ايام قليلة ومات الرجل المؤتمن فجاء للخائن فى منامه قائلا "انا هناك اوعى متجيش هناك هقوللك هات اياك تقول مديش" فما كان من الخائن الا أن فزع من نومه متذكرا الموت والسؤال ورد المال بعوائده كاملة الى الورثة.
فتذكروا اخوانى دوما الموت وردو الحقوق الى اصحابها.....

أبو العريف يقول...

هاجر زعبل

ازيك يا هاجر منوراني

طبعا اجمل حاجه في الدنيا الصداقه

واللي تكون مبنيه علي الثقه والحب والاحترام

واجمل حاجه انك تكوني شايفه اصحابك صح

وعارفه قيمتهم كويس

ودا اللي بيخليكي تحافظي عليهم

نورتيني بجد

أبو العريف يقول...

شباك موارب/منار

ازيك يا دكتوره

متشكر جدا علي كلامك الجميل

ومتشكر اكتر علي دعوتك الاجمل

منوراني

أبو العريف يقول...

نووووووور

انت تاني

ايه اللي جابك هنا ياد


منور المدونه والمدونات المجاوره

وبلوجر كله

والله انا من ساعة ما جيت ما شربتش الجلواح ده غير مرتين

وانت عارف بقي في مصر طول الصيف مقضيينها قصب

ابقي اشرب لي وليك

بس انا بشرب كوكتيل يااااد

من عند الراجل اللي جمب توم اند بصل

هو بقي بكام دلوقت


وللا اقولك اشربلي من عند السواقي عشان الراجل بيحط عليه ايس كريم

اظن ده الوحيد ف مصر اللي بيعملهتا

أبو العريف يقول...

اللي موش عارف يتغير

الله يبارك فيك

الله يبارك فيك


الله يبارك فيك

منور يا باشا

أبو العريف يقول...

ليس فقيرا من يحب

ازيك يارانيا

كل سنه وانت طيبه

وربنا يبارك فيكي

ومتشكر جداااا علي دعوتك الجميله

وعقبالك

أبو العريف يقول...

ابو زيااااااد


ازيك يا باشا

منورني طبعا

وانت كمان واحشني جدااا

والف مبروك المدونه الجديده

انا ضفتها في المفضله وهتابعك ان شاء الله

Unknown يقول...

مبروك للدكتورة مها
الف مليووون مبروك
وكمان لكل المتهنين
فى التدوينة دى لكن
ياابو العريف
ايه الاعادة
دى اللى
حتهنى فيها نووووووور
هو الفرح له أعادة
دا مستمر يااستاذ
إن شاء الله:)

Unknown يقول...

ايه دا؟
انت عملت
كومنت مودريشن
ليه ياابو العريف
هو فيه حد يستجرأ
يزعلك ؟اللى يعمل
كده اكيد بايع
روحه:)اللى
يزعلك
اهبده
قصيدة من
قصايدك اللى هم
تجيبه الأرض بالقاضية:)

Unknown يقول...

ابو العريف
هو انت رجعت
بالسلامة مصر؟

أبو العريف يقول...

norahaty

ازيك يا دكتوره

شفتي بقي البوست طلع باسمك وانا مش واخد بالي

الله يبارك فيكي

انت طبعا عارفه ان في الاعاده افاده

بس محدش مصدقني




عملت مودريشن وفتحت الغير معرف

عشان كان فيه شويه اصحابي عايزين يهزقوني قلت اديهم فرصه بدون ما حد يعرف
هههههههههههههههههههههههههههه



لا لسه ما رجعتش

انا كنت اقصد من ساعة ما جيت هنا
السعوديه

هو انا اقدر اجي من غير ما ابلغكم
وتنتظروني بقي والم الهدايا

واخده بالك انا اللي هلم الهدايا

Ayman Ahmed AbdelAziz يقول...

مساء الفل يا بش مهندس وحشتنى كتير
ووحشت كل مصر
الله يبارك فيك.
...........

Ayman Ahmed AbdelAziz يقول...

عرف انك عملت المدونة
وبعدها قلت اعمل انا كمان مدونة
وقلت اسميها هتلاقينى هناك اوعى متجيش عشان تيجى
ووعدتنى وقلت هاتيجى وبرده
مابتجيش........
ابقى تعالى قبل ماامشى وتيجى متلاقينيش
هتسأل علي يقولولك
ده خلص ومنه مفيش..

miroooo يقول...

السلام عليكم
مبرووووووووك لاصدقائك اللى انت بتحبهم الدور عليك عقبالك وربنا يسعدهم ويسعدك الصداقه اجمل شىء فى الدنيا
سلام على الدنيا ان لم يكن بها صديق صدوق صادق الوعد مخلصا
اتمنى لك السعاده
دمت بالخير

كراكيب يقول...

ايه نور الجميل ده
ده صاحب عسول اوي
"شوفتني وانا بعاكسه"
:)

لالالا بجد مبروك ليه الف الف مبروك كمان

سيبني بقى اسلم عليك واقولك ازيك وعامل ايه وايه وايه؟؟؟؟
وانت مش هتيجي هنا بقى
واللا انت هناك بتعمل ايه اصلا اساسا يعني

miro el niro kwanirooooo

SAD Architect .*̡͌l̡*̡̡ ̴̡ı̴̴̡ ̡̡͡|̲̲̲͡͡͡ ̲▫̲͡ ̲̲̲͡͡π̲̲͡͡ ̲̲͡▫̲̲͡͡ ̲|̡̡̡ ̡*̡͌l̡*̡̡.. يقول...

جميله جداً كلماتك يا ابو العريف
بس مجبتش سيرة الخن بتاعنا ايام الجامعة




والف مبروك يا نووووووووووووور

جارة القمر يقول...

ممممممممممممم

دا بوست فرايحى الحمد لله

الف مبروك لكل الناس دى وربنا يفرح قلبك و يسعدك

Unknown يقول...

ياأبو العريف
كفاية أجازات كده
وتعالى بقى :ارجع ياولدى
بلوجر وأهالى بلوجر الكرام
عاااااااااااااااااااااايزينك:)

أبو العريف يقول...

هتلاقيني هناك اوعي ما تجيش

والله جيت

بس اليومين اللي فاتو دول مكنتش بدخل المدونات

ربنا يوفقك يا باشا

أبو العريف يقول...

ميروووو

ازيك يا ميرو كل سنه وانت طيبه

ربنا يبارك فيكي

منوراني دايما

أبو العريف يقول...

كراكيب

يا قهلا يا قهلا

ميرو ابن عمي عندنا

يا مرحبا يا مرحبا

ازيك يا ميرووووو

عامله ايه

عاكسي براحتك يا ستي

هو حد يطوووووول

انا جااااي

وخلاوتك لاجي

بس هو مين بيبقي موجود

أبو العريف يقول...

المعماري الحزين

احمد باشا

الله يبارك فيك

وعقبالك يا ريس

الجامعه والخن بتاع الجامعه

وايام الجامعه

وكل حاجه ايام الجامعه عايزه مدونه يا ابو حميد

واحشني جدااااا

أبو العريف يقول...

جارة القمر

الله يبارك في حضرتك

وكل عام وانت بالف خير

منوراني

أبو العريف يقول...

دكتوره نوووور

ازي حضرتك

وكل عام وحضرتك بالف خير

ومتشكر جدا علي سؤالك

وانا اهل بلوجر كلهم حبايبي واحسن ناس

ربنا يخليكم ليا

اللى موش عارف يتغير يقول...

عشرين سنه بنحب لما خللنا
هههههههههههه
اهنيك على جمال وتنوع كلماتك
هاااااااااااااااااايل
.

محمد عبدالرحمن شحاته يقول...

مبروك النصر لمصر
دائما هي فوق القمة

غير معرف يقول...

مبروك يا نوووووووووور

و في افراح دايما ياااااااا رب

شرفني و زورني

http://ra7alaat.blogspot.com/

متشكر

جايدا العزيزي يقول...

فى البدايه بقول الف مبروك لصديقك


مش عارفه ليه حصل انسجام غريب بينى وبين كلاماتك


لقد قمت بقرأة معظم مواضيك لكى افهمك


وذلك طبع يغلبنى وسمه اعشقها


عندما تجزبنى كلامات معينه


حقا سعيدة لتواجدى هنا


واتمنى لك التوفيق


تحياتى