السبت، نوفمبر 07، 2009

انا نسيتك

بدءاً


وارسم وطن

واعشقه

وان يوم تعبت

اكرهه

واموت فداه وقت المحن


وارسم علم

مرفوع

علي جبهتي

واصرخ واقول الله

والكوره بتتركن




*****


انا نسيتك

نسيت اني في يوم شفتك ولا لقيتك

نسيت اني بكل جوارحي حسيتك

نسيت اني يا فرحة عمري حبيتك


نسيت انك في يوم كنتي

نسيت انك في يوم خنتي

نسيت انك جرحتي

وسبتي

ومشيتي

نسيت انك في يوم جيتي


نسيت صوت كان يصحيني

ف عز الصبح من نومي

وكان يحلي معاه يومي


نسيت ضحكة كانت تشرق

وتمسح حزني وهمومي


نسيتك ايوه مش فاكرك

ولا فاكر انا طيفك

ولا فاكر انا كدبك

ولا زيفك

ولا فاكر كلام غنوه

بسحر عنيكي مغزوله

تهز القلب

بحروفك


انا نسيتك

نسيت الضي ف عنيكي

نسيت انا كل شئ فيكي

نسيت حتي اني ناسيكي

هناك 62 تعليقًا:

رضا الكومى يقول...

تعبيرات جميلة جداً
والبداية أجمل
أبو العريف
تحيتى لقلمك

الشعب لابد له من حكومه تشكمه يقول...

:( نسيتها ليه.
دا انت كنت شغال عاتفى وحب.
هم كده الرجاله خاينين وملهومش امان ال بيحبها امبارح وانهاردا نسيها.

(Joudy) يقول...

جميلة بجد يا بشمهندس حتى النسيان نعمة لو كان اللى بننساه شئ تاعبنا يبقى النسيان أفضل

كلمات جميلة بجد رغم انها متعبة بس كلمات حلوة وقاسية ربنا يسعدك يارب

دمت بكل الخير والسعادة

د. ياسر عمر عبد الفتاح يقول...

إنت قدرت تقنعني بحاجتين
الأولى إنك لا نسيت ولا حاجة ,, وإنك لمؤاخذة بتشتغل نفسك

الثانية إنك عندك طاقة شعرية(مش باللبن) كبيرة جداً

بجد عجبني الكلام أوي أوي أوي

ولد تحت الصفر يقول...

وارسم وطن

واعشقه




بجد رائع و بتفكرني بمقولة

اللي مالوش كبير يشتريله كبير

يا كبير

قلم رصاص يقول...
أزال المؤلف هذا التعليق.
قلم رصاص يقول...



ايه التخاريف الجامدة دي يا ابو العريف

دمت مبدعا

Unknown يقول...

(نسيت الضي ف عنيكي
نسيت انا كل شئ فيكي
نسيت حتي اني ناسيكي)
واااااااااااااااااضح
انك ناسيها على الاخررررر:)
كل دا نسيان ياابو العريف!
======================
كلامك ونسيانك جميل
ياباشمهندس يـــاريت
كل النسيان حلو كدهـ

اللى موش عارف يتغير يقول...

الله عليك
تسلم ايديك
كلام رائع
حاسس ان فيه كلام انا اللى قايلة

غير معرف يقول...

يااااه البوست جميل اوووي

وحشتنتي بوستاتك :)

انا نسيتك

نسيت اني في يوم شفتك ولا لقيتك

نسيت اني بكل جوارحي حسيتك

نسيت اني يا فرحة عمري حبيتك

جميلة اووووي

هو النسيان سهل دا شبه مستحيل وصعب اوووي

تسلم ايدك جامدة موت

well يقول...

مممممممممممممممممممممتاز..
تحياتى

ستيتة يقول...

الله
مسني قوي الكلام
صادق قوي قوي يا باشمهندس
ده غير ابداع نظمه بس مش مجرد نظم
لأ صدق شديد
وانا مع رأي ياسر
ان الكلام ده لو شعر يبقى تحفة
ولو تجربة فهي متنسيتش خالص
تحياتي ويسلم قلمك

أبو العريف يقول...

رضا الكومى

ازيك يا باشا منورني دايما

ومتشكر علي اطراءك

دمت بكل خير

أبو العريف يقول...

الشعب لابد له من حكومه تشكمه

فعلا هما كده الرجاله خاينين

ههههههههههههههههههههه

شكلك ما قريتيش وبتعلقي عالعنوان

أبو العريف يقول...

Joudy)

متشكر جدا يا جودي

والحمد لله علي نعمة النسيان

مش في الحب بس في كل حاجه في حياتنا

نعمه كبيره جدااا

منوراني دايما

أبو العريف يقول...

د. ياسر عمر عبد الفتاح

ازيك يا دكتور

طبعا تحليلك منطقي

هي الفكره كده بالظبط

بالنسبه للشعريه

لو باللبن مش كان افيد

تحياتي

أبو العريف يقول...

رجل تحت الصفر

هههههههههههههه

اللي مالوش وطن يرسمله واحد

بس احنا لينا وطن وكبييييييييييير

وبنموت فيه

بس بستهبل بقي حد شريكي


منورني يا باشا

أبو العريف يقول...

قلم رصاص

متشكر يا باشا

منورني دايما

دمت بكل خير

أبو العريف يقول...

norahaty

دكتوره نور

منوراني

متشكر جدا علي كلامك الجميل

بس هو فيه نسيان جميل ؟

رنونة حكومة ميخو يقول...

نسيت صوت كان يصحيني
ف عز الصبح من نومي
وكان يحلي معاه يومي

نسيت ضحكة كانت تشرق
وتمسح حزني وهمومي


الللاااااااااااااااه جميلة قوي الحتة دي والكلام على اد ما هوه قاسي وموجع الا انه بيلمس القلب بمنتهى الرقة والاحساس ...اتمنى ان الكلام ده ما يتقالش لاى بنت عشان احنا غلابة قوي ومبنستحملش والرجالة اعوذ بالله كلامهم رصاص ..هههههههههههههه

بس مادام خاينةو كدابة يبقى ولع فيها بقى
...
بالنسبة لرد حضرتك اللى فات
انا فعلا حكومة ميخو ..ولى الشرف ههههههه
واى ست بتبقى حكومة جوزها.. دي الحقيقة المرة اللى كل الرجالة مخبياها عن بعضها...أكيد لو صارحوا بعض الموضوع هيختلف شوية بس كلهم بيلعبوا على بعض
هههههههههههههه

يالهوي انا بهزر على فكرة أحسن اروح أنا فيها...
ده هوه الحكومة ورجال الاعمال والشعب والفلاحين والعمال وكل حاجة
ربنا يستر:))

Unknown يقول...

ايووووووة فيه!
اللى انت كتبت عنه دا:)

أبو العريف يقول...

اللى موش عارف يتغير

ازيك يا باشا منورني

جميل قوي ان الكلام عجبك

وحسيت انك انت اللي قايله

تحياتي

أبو العريف يقول...

ঔღঔ نـــوارة ঔღঔ

ازيك يا ست الكل

متعرفيش انا ببقي سعيد بتعليقك اد ايه

النسيان فعلا صعب جداا

ودا اللي البوست بيقوله بالظبط


منوراني دايما

أبو العريف يقول...

well

ويل يا ويل

مشكوووووووووووووور

منور الدنيا

أبو العريف يقول...

ستيته حسب الله الحمش

ازيك يا احلي دكتوره في الشرق الاوسط
والادني والاقصي

واي شرق تاني

متشكر جدا لرأيك اللي بعتز بيه جدااا

منوراني بجد

أبو العريف يقول...

رنونة حكومة ميخو

ازيك يا رنونه وللا اقول يا حكومه

متشكر جدا علي رأيك

بس ايه التناقض ده اولع فيها

وللا ابطل الرصاص

عموما هما كل الستات الغلابه دول

احيانا بيبقوا متناقضين

هو ميخووووو راح فين

مبقاش ييجي هنا من ساعة ما حس انه متراقب

سلميلي عليه

أبو العريف يقول...

norahaty

دكتوره نور

منوراني بجد

بس النسيان اللي كتبت عنه ده

مش جميل دا صعب قوي

منوراني

ليس فقيرا من يحب يقول...

يا سلااااااااااام

فين ايام ما كنا التعليق الاول بس

واحد ابن حلال كده رزعنا عين ومصلاش

على النبى ههههههههههههههههههههههه

عليه افضل الصلاه والسلام

وبعد الغيبه راجع ببوست ماشاء الله

اهى بدءا دى عايزة بوست لوحده

والتانيه مفيش اروع من كده

انا نسيتك
نسيت الضي ف عنيكي
نسيت انا كل شئ فيكي
نسيت حتي اني ناسيكي

اهو انا كده اتأكدت انك نسيت ههههههه

تسلم ايديك ويسلم احساسك

غير معرف يقول...

ماشاء الله تعبيرات رائعه

نسيت حتى اني ناسيكي .... بجد معبره جدا

تحياتي

Kiara يقول...

يااااااااااااااااه واضح انك نسيتها دا كل حاجه فاكرها اهو

***********
الكلام جميل اوي يامحمد بس حسيت انك بتتخانق مع نفسك

********

كلام البداية عجبني اوي وداخل مزاجي جدا

مش تغيب بئا

رنونة حكومة ميخو يقول...

هههههههههههههههه
ميخو فين؟؟!!!

ميخو عازمني على سندوتشات من هيرفي وسايبهم فى العربية ووصلني وليه ساعة بيركن بره
ادعيله بقى
شكله بياكل السسندوتشات

رنونة حكومة ميخو يقول...

وبعدين مفيش تناقض ولا حاجة انا قلتلك مادام خاينة وكدابة ولع فيها وده ميمنعش ان كلام الرجالة برده رصاص وميمنعش برده انى من الستات الغلابة المتناقضة وده اللى مجنن صاحبك
:))))

شاب فقرى يقول...

يااااااااااااااااااه


ربنا كرمك بنعمة النسيان

يا بختك


فقررررررررى

محمد سعد القويري يقول...

الأخ الفاضل :: أبو العريف ::
صباح الخيرات
وبعد

كلماتك وأحرفك

مزينة بالسجع

كل هذا صنع من نصك

تحفة فنية

أجمل تحية

صمت المشاعر يقول...

بجد كلمات جمييييييله جدااا

دمت بكل خير

وبالتوفيق دائما

صمت المشاعر يقول...

بجد كلمات جمييييييله جدااا

دمت بكل خير

وبالتوفيق دائما

'' حطام (ك) بقايا '' يقول...

بص كده عيني في عينك
و قولي انك نسيتها
يا سيدييييي

ربما النسيان حقا نعمة من الله عز و جل
ولكن ليس في هده الحالة

كلماتك رااائعة جدااا
يفوح من بين ثناياها احساس عظيم يخالج الوجدان

بجد بجد يعني ما شاء الله عليك
ربنا يوفقك

تقبل تحياتي

shoshta_ joker يقول...

السلام عليكم....
بجد جامدة جداااااااااا.....احسسها عالى اوى......دومت مبدع ودام قلمك ينبض بالاحساس ....فى رعاية الله.
shemo

Me7'o يقول...

حبيب هارتى السكرة

روعة يا أبو العريف بجد

بس اللى شد انتباهى فيها

بداية ونهاية

"أنا نسيتك "

"نسيت حتى إنى ناسيكى"

يعنى إنت كده بالصلاة على النبى بتلف فى دايرة مغلقة ورجعت تحبها تانى يا معلم علشان مش قادر تنساها

أحــوال الهـوي يقول...

بصراحه انت اسعدتني بكلماتك الرائعه
سهله و مباشرة و عميقه
وارسم وطن
واعشقه
وان يوم تعبت
اكرهه
رو عه

و بعدين التانيه معجزة بكل المقاييس
انا نسيتك
نسيت حتي اني ناسيكي

و كانك الاجاب و النفي او تلفظ زفرات الالم و الشجون ثم تبتلعها مرة اخري بشهيق عميق

تحياتي

ملحوظه البوست اللي فات رائع و مش عارف فاتني ازاي ؟؟؟

أبو العريف يقول...

ليس فقيرا من يحب

ازيك يا اختي في التدووووين

وحشتني ايام احتلالك للمدونه

مش بقولك نحس

ابقي علقي وامشي بسرعه

احسن يحصلك حاجه

وللا اقولك ابقي اقري المعوذتين

منوراني دايما

أبو العريف يقول...

فتاه من الصعيد


شكرا علي كلامك الجميل

منوراني

أبو العريف يقول...

كيــــــــــــارا

ازيك يا عم الحج

ايه بخانق مع نفسي دي

لا افهم بقي

مانا اصلي مصاب اليومين دول

بحاله انعدام فهم غير طفيف

منوراني دايماااااااا

أبو العريف يقول...

رنونة حكومة ميخو

هههههههههههههههههه

بياكل السندوتشات

المفروض كنتي عملتي حسابك

واخدتيها معاكي

كان ركن في خمس دقايق وحصلك




وتتوالي الاعترافات

بتعترفي انك متناقضه

حلي بالك الحيطان لها ودان

ربنا يسعدكم

أبو العريف يقول...

شاب فقرى


هههههههههههه

ايه القر ده

عايز تنسي اييييييييييه

اشتريلك علبة نسيان من الصيدليه

وانت تفقد الزاكره

منورني يا باشا

أبو العريف يقول...

محمد سعد القويري

مساء الانوار

كلماتك وتعليقك

اجمل بكثير مما كتبت


ويسعدي تعليقك دائما

دمت بكل خير

أبو العريف يقول...

صمت المشاعر

متشكر جدااا

يسعدي تواجدك

تحياتي

أبو العريف يقول...

حطام (ك) بقايا ''

يسعدي حضورك الدائم

وتسعدني تعليقاتك

طبعا النسيان نعمه كبيره

وفي كل الحالات

منوراني دايما

أبو العريف يقول...

shemo

وعليكم السلام ورحمة الله وبركاته

انت اللي احساسك بيها عالي

دمت بكل ود

تحياتي

أبو العريف يقول...

Me7'o

ميخوووووو

حبيبي قلبي

ازيك يا باشا
فييييييييييينك

تحليلك للموضوع اكبر مما كنت اتخيل

يعني الدايره دي مكنتش في بالي

كلام الناس عن البوست يا ميخو احلي من البوست بكتير

منورني دايما يا باشا

بس خلي بالك

انت متراقب

أبو العريف يقول...

أحــوال الهـوي

دكتور عصام

وانا سعدت جداااا برأيك ده

وبعتز بيه جداااا

وبعدين ان ما استحقش كل الكلام الجامد ده

بالنوسبه للبوست اللي فات

مش عارف ازاي فاتك

انا مستعد بعد كده ابعتهولك لحد البيت

انا بقدم خدمة توصيل البوستات الي المنازل

منورني يا استاااااذي

mohamed ghalia يقول...

جميلة أوى بجد كلماتك
ربنا يسعدك دايما ياصاحبى

كيكى عوووووو يقول...

وارسم وطن


واعشقه


وان يوم تعبت


اكرهه


واموت فداه وقت المحن




وارسم علم


مرفوع


علي جبهتي


واصرخ واقول الله


والكوره بتتركن
**والله انا بحب مصررررررر اوى لمة يكون فى متش للمنتخب**!!!!
اما فى حالات تانية بحس ب.......
***مش عارفة انا مش مصدقاه انه نسيها***
سلام يابو موته

غير معرف يقول...

مش ناسيها .. ولا هيقدر ينساها ،، ببساطه لو كان ناسيها مكنش قلمك ةخط حرف من الحرووف دي ..
بس انا بشكر القلم الجميل ده عشان ورانا الابداع ده ..:)

بجد بجد تسلم ايديك :)

منــار فايد يقول...

هي فكرتني باغنيه
متهيالي للواد عمرو مصطفى اللي شايف نفسه ده

بس احساسك حلو اوي وانت كاتبها
مصريه مصريه

وهاجر زعبل ع حق

تحياتي ليك يابو العريف

رحلتنا في الحياة يقول...

كلمات جميلة جدا يابشمهندس تسلم ايديك ومبروك النيولوك الجديد :))

أبو العريف يقول...

mohamed ghalia

ازيك يا محمد

متشكر جدا

ودايما منورني

تحياتي

أبو العريف يقول...

كيكي عوووووووووو

ايه يا بنتي

يعني مش بتحبي مصر الا في الماتشات

حرام عليكي

دي مصرررررررررررررر


انا عن نفسي بحبها في الماتشات

ولو فيه فيلم الطريق الي ايلات

يعني بحبها اكتر منك

منورني يا ابو موته

أبو العريف يقول...

Hager Za3bal

ازيك يا هاجر

هو ممكن الانسان ينسى الاشخاص

لكن لا يمكن ينسي الحاله

منوراني

أبو العريف يقول...

شباك موارب/منار

اممممممممم اغنيه ولعمرو مصطفي

هو انا معرفلوش اغاني

بس جايز توارد شياطين الهلس

قصدي الشعر

منوراني دايما يا دكتوره

أبو العريف يقول...

ايوشه

متشكر جدااا يا ايوشه

منوراني

اقصوصه يقول...

جميله جدا :)