بدءاً
وارسم وطن
واعشقه
وان يوم تعبت
اكرهه
واموت فداه وقت المحن
وارسم علم
مرفوع
علي جبهتي
واصرخ واقول الله
والكوره بتتركن
*****
انا نسيتك
نسيت اني في يوم شفتك ولا لقيتك
نسيت اني بكل جوارحي حسيتك
نسيت اني يا فرحة عمري حبيتك
نسيت انك في يوم كنتي
نسيت انك في يوم خنتي
نسيت انك جرحتي
وسبتي
ومشيتي
نسيت انك في يوم جيتي
نسيت صوت كان يصحيني
ف عز الصبح من نومي
وكان يحلي معاه يومي
نسيت ضحكة كانت تشرق
وتمسح حزني وهمومي
نسيتك ايوه مش فاكرك
ولا فاكر انا طيفك
ولا فاكر انا كدبك
ولا زيفك
ولا فاكر كلام غنوه
بسحر عنيكي مغزوله
تهز القلب
بحروفك
انا نسيتك
نسيت الضي ف عنيكي
نسيت انا كل شئ فيكي
نسيت حتي اني ناسيكي
هناك 62 تعليقًا:
تعبيرات جميلة جداً
والبداية أجمل
أبو العريف
تحيتى لقلمك
:( نسيتها ليه.
دا انت كنت شغال عاتفى وحب.
هم كده الرجاله خاينين وملهومش امان ال بيحبها امبارح وانهاردا نسيها.
جميلة بجد يا بشمهندس حتى النسيان نعمة لو كان اللى بننساه شئ تاعبنا يبقى النسيان أفضل
كلمات جميلة بجد رغم انها متعبة بس كلمات حلوة وقاسية ربنا يسعدك يارب
دمت بكل الخير والسعادة
إنت قدرت تقنعني بحاجتين
الأولى إنك لا نسيت ولا حاجة ,, وإنك لمؤاخذة بتشتغل نفسك
الثانية إنك عندك طاقة شعرية(مش باللبن) كبيرة جداً
بجد عجبني الكلام أوي أوي أوي
وارسم وطن
واعشقه
بجد رائع و بتفكرني بمقولة
اللي مالوش كبير يشتريله كبير
يا كبير
ايه التخاريف الجامدة دي يا ابو العريف
دمت مبدعا
(نسيت الضي ف عنيكي
نسيت انا كل شئ فيكي
نسيت حتي اني ناسيكي)
واااااااااااااااااضح
انك ناسيها على الاخررررر:)
كل دا نسيان ياابو العريف!
======================
كلامك ونسيانك جميل
ياباشمهندس يـــاريت
كل النسيان حلو كدهـ
الله عليك
تسلم ايديك
كلام رائع
حاسس ان فيه كلام انا اللى قايلة
يااااه البوست جميل اوووي
وحشتنتي بوستاتك :)
انا نسيتك
نسيت اني في يوم شفتك ولا لقيتك
نسيت اني بكل جوارحي حسيتك
نسيت اني يا فرحة عمري حبيتك
جميلة اووووي
هو النسيان سهل دا شبه مستحيل وصعب اوووي
تسلم ايدك جامدة موت
مممممممممممممممممممممتاز..
تحياتى
الله
مسني قوي الكلام
صادق قوي قوي يا باشمهندس
ده غير ابداع نظمه بس مش مجرد نظم
لأ صدق شديد
وانا مع رأي ياسر
ان الكلام ده لو شعر يبقى تحفة
ولو تجربة فهي متنسيتش خالص
تحياتي ويسلم قلمك
رضا الكومى
ازيك يا باشا منورني دايما
ومتشكر علي اطراءك
دمت بكل خير
الشعب لابد له من حكومه تشكمه
فعلا هما كده الرجاله خاينين
ههههههههههههههههههههه
شكلك ما قريتيش وبتعلقي عالعنوان
Joudy)
متشكر جدا يا جودي
والحمد لله علي نعمة النسيان
مش في الحب بس في كل حاجه في حياتنا
نعمه كبيره جدااا
منوراني دايما
د. ياسر عمر عبد الفتاح
ازيك يا دكتور
طبعا تحليلك منطقي
هي الفكره كده بالظبط
بالنسبه للشعريه
لو باللبن مش كان افيد
تحياتي
رجل تحت الصفر
هههههههههههههه
اللي مالوش وطن يرسمله واحد
بس احنا لينا وطن وكبييييييييييير
وبنموت فيه
بس بستهبل بقي حد شريكي
منورني يا باشا
قلم رصاص
متشكر يا باشا
منورني دايما
دمت بكل خير
norahaty
دكتوره نور
منوراني
متشكر جدا علي كلامك الجميل
بس هو فيه نسيان جميل ؟
نسيت صوت كان يصحيني
ف عز الصبح من نومي
وكان يحلي معاه يومي
نسيت ضحكة كانت تشرق
وتمسح حزني وهمومي
الللاااااااااااااااه جميلة قوي الحتة دي والكلام على اد ما هوه قاسي وموجع الا انه بيلمس القلب بمنتهى الرقة والاحساس ...اتمنى ان الكلام ده ما يتقالش لاى بنت عشان احنا غلابة قوي ومبنستحملش والرجالة اعوذ بالله كلامهم رصاص ..هههههههههههههه
بس مادام خاينةو كدابة يبقى ولع فيها بقى
...
بالنسبة لرد حضرتك اللى فات
انا فعلا حكومة ميخو ..ولى الشرف ههههههه
واى ست بتبقى حكومة جوزها.. دي الحقيقة المرة اللى كل الرجالة مخبياها عن بعضها...أكيد لو صارحوا بعض الموضوع هيختلف شوية بس كلهم بيلعبوا على بعض
هههههههههههههه
يالهوي انا بهزر على فكرة أحسن اروح أنا فيها...
ده هوه الحكومة ورجال الاعمال والشعب والفلاحين والعمال وكل حاجة
ربنا يستر:))
ايووووووة فيه!
اللى انت كتبت عنه دا:)
اللى موش عارف يتغير
ازيك يا باشا منورني
جميل قوي ان الكلام عجبك
وحسيت انك انت اللي قايله
تحياتي
ঔღঔ نـــوارة ঔღঔ
ازيك يا ست الكل
متعرفيش انا ببقي سعيد بتعليقك اد ايه
النسيان فعلا صعب جداا
ودا اللي البوست بيقوله بالظبط
منوراني دايما
well
ويل يا ويل
مشكوووووووووووووور
منور الدنيا
ستيته حسب الله الحمش
ازيك يا احلي دكتوره في الشرق الاوسط
والادني والاقصي
واي شرق تاني
متشكر جدا لرأيك اللي بعتز بيه جدااا
منوراني بجد
رنونة حكومة ميخو
ازيك يا رنونه وللا اقول يا حكومه
متشكر جدا علي رأيك
بس ايه التناقض ده اولع فيها
وللا ابطل الرصاص
عموما هما كل الستات الغلابه دول
احيانا بيبقوا متناقضين
هو ميخووووو راح فين
مبقاش ييجي هنا من ساعة ما حس انه متراقب
سلميلي عليه
norahaty
دكتوره نور
منوراني بجد
بس النسيان اللي كتبت عنه ده
مش جميل دا صعب قوي
منوراني
يا سلااااااااااام
فين ايام ما كنا التعليق الاول بس
واحد ابن حلال كده رزعنا عين ومصلاش
على النبى ههههههههههههههههههههههه
عليه افضل الصلاه والسلام
وبعد الغيبه راجع ببوست ماشاء الله
اهى بدءا دى عايزة بوست لوحده
والتانيه مفيش اروع من كده
انا نسيتك
نسيت الضي ف عنيكي
نسيت انا كل شئ فيكي
نسيت حتي اني ناسيكي
اهو انا كده اتأكدت انك نسيت ههههههه
تسلم ايديك ويسلم احساسك
ماشاء الله تعبيرات رائعه
نسيت حتى اني ناسيكي .... بجد معبره جدا
تحياتي
يااااااااااااااااه واضح انك نسيتها دا كل حاجه فاكرها اهو
***********
الكلام جميل اوي يامحمد بس حسيت انك بتتخانق مع نفسك
********
كلام البداية عجبني اوي وداخل مزاجي جدا
مش تغيب بئا
هههههههههههههههه
ميخو فين؟؟!!!
ميخو عازمني على سندوتشات من هيرفي وسايبهم فى العربية ووصلني وليه ساعة بيركن بره
ادعيله بقى
شكله بياكل السسندوتشات
وبعدين مفيش تناقض ولا حاجة انا قلتلك مادام خاينة وكدابة ولع فيها وده ميمنعش ان كلام الرجالة برده رصاص وميمنعش برده انى من الستات الغلابة المتناقضة وده اللى مجنن صاحبك
:))))
يااااااااااااااااااه
ربنا كرمك بنعمة النسيان
يا بختك
فقررررررررى
الأخ الفاضل :: أبو العريف ::
صباح الخيرات
وبعد
كلماتك وأحرفك
مزينة بالسجع
كل هذا صنع من نصك
تحفة فنية
أجمل تحية
بجد كلمات جمييييييله جدااا
دمت بكل خير
وبالتوفيق دائما
بجد كلمات جمييييييله جدااا
دمت بكل خير
وبالتوفيق دائما
بص كده عيني في عينك
و قولي انك نسيتها
يا سيدييييي
ربما النسيان حقا نعمة من الله عز و جل
ولكن ليس في هده الحالة
كلماتك رااائعة جدااا
يفوح من بين ثناياها احساس عظيم يخالج الوجدان
بجد بجد يعني ما شاء الله عليك
ربنا يوفقك
تقبل تحياتي
السلام عليكم....
بجد جامدة جداااااااااا.....احسسها عالى اوى......دومت مبدع ودام قلمك ينبض بالاحساس ....فى رعاية الله.
shemo
حبيب هارتى السكرة
روعة يا أبو العريف بجد
بس اللى شد انتباهى فيها
بداية ونهاية
"أنا نسيتك "
"نسيت حتى إنى ناسيكى"
يعنى إنت كده بالصلاة على النبى بتلف فى دايرة مغلقة ورجعت تحبها تانى يا معلم علشان مش قادر تنساها
بصراحه انت اسعدتني بكلماتك الرائعه
سهله و مباشرة و عميقه
وارسم وطن
واعشقه
وان يوم تعبت
اكرهه
رو عه
و بعدين التانيه معجزة بكل المقاييس
انا نسيتك
نسيت حتي اني ناسيكي
و كانك الاجاب و النفي او تلفظ زفرات الالم و الشجون ثم تبتلعها مرة اخري بشهيق عميق
تحياتي
ملحوظه البوست اللي فات رائع و مش عارف فاتني ازاي ؟؟؟
ليس فقيرا من يحب
ازيك يا اختي في التدووووين
وحشتني ايام احتلالك للمدونه
مش بقولك نحس
ابقي علقي وامشي بسرعه
احسن يحصلك حاجه
وللا اقولك ابقي اقري المعوذتين
منوراني دايما
فتاه من الصعيد
شكرا علي كلامك الجميل
منوراني
كيــــــــــــارا
ازيك يا عم الحج
ايه بخانق مع نفسي دي
لا افهم بقي
مانا اصلي مصاب اليومين دول
بحاله انعدام فهم غير طفيف
منوراني دايماااااااا
رنونة حكومة ميخو
هههههههههههههههههه
بياكل السندوتشات
المفروض كنتي عملتي حسابك
واخدتيها معاكي
كان ركن في خمس دقايق وحصلك
وتتوالي الاعترافات
بتعترفي انك متناقضه
حلي بالك الحيطان لها ودان
ربنا يسعدكم
شاب فقرى
هههههههههههه
ايه القر ده
عايز تنسي اييييييييييه
اشتريلك علبة نسيان من الصيدليه
وانت تفقد الزاكره
منورني يا باشا
محمد سعد القويري
مساء الانوار
كلماتك وتعليقك
اجمل بكثير مما كتبت
ويسعدي تعليقك دائما
دمت بكل خير
صمت المشاعر
متشكر جدااا
يسعدي تواجدك
تحياتي
حطام (ك) بقايا ''
يسعدي حضورك الدائم
وتسعدني تعليقاتك
طبعا النسيان نعمه كبيره
وفي كل الحالات
منوراني دايما
shemo
وعليكم السلام ورحمة الله وبركاته
انت اللي احساسك بيها عالي
دمت بكل ود
تحياتي
Me7'o
ميخوووووو
حبيبي قلبي
ازيك يا باشا
فييييييييييينك
تحليلك للموضوع اكبر مما كنت اتخيل
يعني الدايره دي مكنتش في بالي
كلام الناس عن البوست يا ميخو احلي من البوست بكتير
منورني دايما يا باشا
بس خلي بالك
انت متراقب
أحــوال الهـوي
دكتور عصام
وانا سعدت جداااا برأيك ده
وبعتز بيه جداااا
وبعدين ان ما استحقش كل الكلام الجامد ده
بالنوسبه للبوست اللي فات
مش عارف ازاي فاتك
انا مستعد بعد كده ابعتهولك لحد البيت
انا بقدم خدمة توصيل البوستات الي المنازل
منورني يا استاااااذي
جميلة أوى بجد كلماتك
ربنا يسعدك دايما ياصاحبى
وارسم وطن
واعشقه
وان يوم تعبت
اكرهه
واموت فداه وقت المحن
وارسم علم
مرفوع
علي جبهتي
واصرخ واقول الله
والكوره بتتركن
**والله انا بحب مصررررررر اوى لمة يكون فى متش للمنتخب**!!!!
اما فى حالات تانية بحس ب.......
***مش عارفة انا مش مصدقاه انه نسيها***
سلام يابو موته
مش ناسيها .. ولا هيقدر ينساها ،، ببساطه لو كان ناسيها مكنش قلمك ةخط حرف من الحرووف دي ..
بس انا بشكر القلم الجميل ده عشان ورانا الابداع ده ..:)
بجد بجد تسلم ايديك :)
هي فكرتني باغنيه
متهيالي للواد عمرو مصطفى اللي شايف نفسه ده
بس احساسك حلو اوي وانت كاتبها
مصريه مصريه
وهاجر زعبل ع حق
تحياتي ليك يابو العريف
كلمات جميلة جدا يابشمهندس تسلم ايديك ومبروك النيولوك الجديد :))
mohamed ghalia
ازيك يا محمد
متشكر جدا
ودايما منورني
تحياتي
كيكي عوووووووووو
ايه يا بنتي
يعني مش بتحبي مصر الا في الماتشات
حرام عليكي
دي مصرررررررررررررر
انا عن نفسي بحبها في الماتشات
ولو فيه فيلم الطريق الي ايلات
يعني بحبها اكتر منك
منورني يا ابو موته
Hager Za3bal
ازيك يا هاجر
هو ممكن الانسان ينسى الاشخاص
لكن لا يمكن ينسي الحاله
منوراني
شباك موارب/منار
اممممممممم اغنيه ولعمرو مصطفي
هو انا معرفلوش اغاني
بس جايز توارد شياطين الهلس
قصدي الشعر
منوراني دايما يا دكتوره
ايوشه
متشكر جدااا يا ايوشه
منوراني
جميله جدا :)
إرسال تعليق