بدءاً
هي لما تلاقي حد بشوش
بيضحك
في عز ما قلبه م الاحزان بيتقطع
ووقت الفرح بيدمع
هي لمة ناس واحلي وشوش
في فرحك
تلاقي عيونها م الفرحه كده بتلمع
وفي جراحك بتتوجع
هي دي بلدي اللي قلبي حسها
هي دي مصر اللي انا مشتاقلها
******
اولا
احب اوجه الشكر لصاحبة المجهود الجبار
في عمل النيو لوك الجديد للمدونه
هي بصراحه خدتها عالطوب الاحمر
وسلمتهالي متشطبه لوكس وعالمفتاح
وكمان هي اللي منفذه الديكورات والذي منه
اللي عايز يشطب يروح هناك
واسعار مخفضه للمغتربين
بجد متشكر جدااااااا
انها
كيـــــــــــــــــــــارا
هناك 77 تعليقًا:
ازيك يا باشا
الله بوست لذيذ
فكرنى بايام حلوة وصداقات احلى
ربنا يخليكو لبعض
وفعلا الصداقة الحلوة مش بتتعوض
عجبنى اوى بيت صاحبك اللى هو وباباه بيجيبو شلتهم
الله يكون في عون مامته
حبيبى
واحشنى جداً جداً جداً
إيه الشلة دى
دول رجالة زى العسل
هههههههههههههههه
ولا ع ل ااااا ء ده
ده لوحده كفاية
ولا على اللى أبوه بيجيب شلته هو كمان البيت
ده العيشة معاهم تنسى الهم
بس إنت ما حكيتش عن دورك فى الشلة دى
تفتكر لييييييه!!!!!!
تحياتى
تحياتى لك ولجميع افراد الشله
ولكل مجموعه لسه متمسكه ببعض
تحيه لاسعه
reem
ازيك يا ريم
متشكر جدا وربنا يخليلك كل احبابك
منوراني دايما
Me7'o
ميخو حليب هارتي
ازيك يا باشا
واحشني جداااا والله
انت مختفي فين
فعلا شله ربنا ما يوريك
بس وحشوني اولاد اللذينه
منورني يا باشا
لاسع افندى
ازيك يا باشا
هبلغهم تحياتك
بس انا خايف يقروا البوست
منورني
والله شله حثل خالث
والمكان تحفه اوي
اخيرا عدت ببوست
كنت فين كل دا ها قول هه
مش خدت بالي من الشكر الموجود
عيب عليك
كدا زحلت خالث هه بث
كيارا
ربنا يخليك يا باشا
وبكركر شكري للمره الخمساشر
طبعا انا قلت انك اخدتي فلوس عالشغل ده
واكيد الناس صدقوا دلوقت
وهيعتبروكي ماديه
يا ماديه
ما اخديش بالك
تصدقي ولا انا
تحية عطرة وبعد......... لقد اجبتني اسلوب العرض في صفحتكم والمواضيع التي تناقشها واحب اعلق علي المواضيع المنشورة شكرا لك يااخ محمد علي ماكتبتة في صفحة المدونة ولقد سررت جدا عندما قرات البوست الرائع .... واتمني لك النجاح والتوفيق لمواصلة هزا العمل الممتاز
ههههههههههههههههههههه
متت من الضحك يخرب عقلك شوو مهضوم
شكلها شلة عسسسسسسسسل فعلا
يابختك بيهم بجد
جميل انه يكونلك اصحاب جامدين بالشكل دا
ربنا يجمعك فيهم عن قرررريب يارب
والحمد لله انك بخير قلقتني عليك
دمت بحفظ الرحمن
رضوي
متشكر جدااا
وانا سعيد بتواجدك
واتمني ان اكون دائما عند حسن ظنك
منوره
تحياتي
نوااااااره
ازيك
بفرح قوي لما بشوف اسمك هنا
ومتشكر جدااا علي سؤالك الفتره اللي فاتت
دمتي نواره البلوجر
ومنوراني دايما
تحياتي
مبروك ياجميل على النيو لوك
تسلم ايدين اللي عمل
الشله ديه جميله اوي
دايما بتحس بالأصحاب دول
رغم الاختلاف بينهم بتحس دايما ان اللي بيربطهم صدق في المشاعر
صدق بيكون حقيقي مش بتاع مصالح
سؤال بس هى القهوه دى فيييييييييييييين ؟ فى الجبل ولا الصحرا:))
اصحابك بيفكرونى بصحباتى بس احنا مكناش بنشيش كنا بنضرب شيكولاته:))
ان شاء الله ترجع وتجدد معاهم ذكرياتك وميحرمكوش من بعض:)
انت كنت مستنيى اسأل عليك علشان تنزل بوست صح؟ اعترف:)
ماشاء الله كل دى شلة لا ومتنوعة فيها من كل الألوان أحلى حياة تصدق انا بجد مبسوطة من اللى قرأته حسيت إن أخويا اللى بيحكى لى بجد ربنا يسعدك وترجع بسرعة ويكون اللى جاى أحلى
دمت بكل الخير والسعادة
تسلم ايد اللي بيضت المدونة وعملت الكرانيش ونزلت بورق الحائط
واستمتعت جدا بحكاويك عن الشلة الأخر أنس دي
واتضح لهيئة المحكمة انك في حالة وجد وشوق واصلة للأخر ولازمن ولابد تنزل أجازة بدل ما نلاقيك واقف على برج المية عندك وبتقول مشربتش من نيلهاااااااااااااا
تحيا مملكة مصر العربية :)
أولا : ألف مبرووووووووك على النيولوك
و عقبال حاجة تانية كدا ... :)
بجد الشلة لذيذة جدا
ربنا يخليكم لبعض
بس أنا كان ليا سؤال لو سمحت؟؟؟
هى القهوة بتاعتكوا دى فين؟؟
أنا حاسة انكم بتهاجروا عشان تروحوها
هههههههههههههه
لا بجد !!!
المنظر غريب اوى
دمت بخير
تقدر تقول بحاول أعلق لك من بدرى والله ما عارف
الفايرفوكس كان كل شوية يقفل المدونة وصفحة التعليقات
نزلت متصفح جديد هجربه وهظبط اهوه
بسم الله
ربنا يسعدك مع الناس الحلوة دى كلها
الصحاب دول عاملين زى الرزق فى العمر
بمعنى ان واحد رزقه صاحب واحد بس وواحد رزقه تلاتة وواحد رزقه عشرين
وكل رزق بيبقى فيه اللى بيستمر معاك واللى بيطير
عالعموم ربنا يرزقك كمان وكمان ويديم صداقتكم
انا عندى شله بالظبط شبه دى
(( فى الاختلاف والتناقضات وكل واحد بيتميز بحاجه ))
بس بعيد عنى اوى لازم اسافر عشان اشوفهم
يلا يا ابو العريف
سنعود مرة أخرى بعون الله
تحياتى يا أبو العريف
شاب فقرى
ههههههههههه
كنا عايزين عناوينهم علشان نبعتلهم البوست بالبريد المستعجل " وش شرير "
كمان عايزين نعرف لقب حضرتك وسطهم ايه ؟
الصداقه من اجمل العلاقات الانسانيه بين البشر
تحياتي
حمدلله على السلامة
ويارب دايما مع احبابك
ودايما ربنا يكرمك بحبكم فى الله لبعضكم
وياريت مش تطول الغيبة
مبروووك على النيولوك
و ان شاء الله ترجع لاصحابك قريب و تتجمعوا زى زمان
^_^
ابو العريف
اول حاجه مبروك الف مبروك ع اللوك
وكيارا تشكر جدا على اللوك ده
لان الاولاني كان اسود اوي
تاني حاجه بقى افكرك باغنيه سميه
اجدع صحاب صحاب من صغري
دول اللي يمشوا معايا دغري
بعدين صحابك ميكس رهيب
واكبر كولكشن من حجات كتير
انا بقى اصحابي كلهم دكاتره
حاجه تخنق بقى
تالت حاجه الصوره دي منين بالظبط
ازاي قهوه ايه بقى اللي انتو فيها
هاي ابو العريف الواحد والله اشتاق للمدونة
عموما بوست جميل ووالله خلاني افتكر تقريبا من شهرين ونص صحابي في الثانوية مش يتعوضو حقيقي الواحد اشتاقلهم كتير بس هنعمل ايه ضريبة الغربه اللي تخليك تسيب صحاب طفولتك وترجع بلدك هنعمل ايه ماباليد حيله
تقبل خالص تحياتي
السلام عليكم
ازيك يا ابو العريف يا اخويا
يعنى اغيب شويه ارجع الاقيك هديت وبنيت
وشطبت كمان
مشاء الله اللوك جميل تسلم ايديكى يا كيارا
بدءا
ربنا يرجعك بالف سلامه وتتجمعوا من
تانى على خير
بس بجد بوست جميل
وانا اقول النحس ده جالى منين اتاريه
جانى من ساعه ماجيت هنا
هههههههههههههههههههههههههههههههههه
لا باهزر طبعا مفيش احلى من الصحاب
وخصوصا الطئين بدون اسفاف يعنى مع
الفضيان وراحه البال ومفيش مسئؤليات
يا سلااااااااااااااااااام
أحمـــــــــــــد أبو العلا
ازيك يا باشا
منور الدنيا والله
فعلا يا هندزه
اجمل حاجه في الدنيا ان تكون الصداقه
مبنيه علي صدق المشاعر
القهوه دي عندنا في البلد
الفيووووووووووووووووووووم
وانا جبتلك صوره بالالوان عشان تعرفي
انه لاصحرا ولا جبل
طبعا هو مش كلنا بنشيش
فيه ناس برضه اخرها الشيكولاته
طبعا
انا كنت حالف ما انزل بوست الا لما تسألي علي
وخاصه بعد ما نفضتيلي بقالك يجي شهرين
Joudy)
ازيك يا جودي
فعلا هما خليط غريب نادر
اكيد طبعا اخوكي اللي بيحكي
لاني بحس انك اختي فعلا
بالمناسبه اخوكي محمد عامل ايه
سلميلي عليه
منوراني بجد
ستيته حسب الله الحمش
ههههههههههههههههههههههههههه
ازيك يا دكتوره
هو انا فعلا في حالة
الحاجات اللي قلتي عليها
وتحيا مملكة مصر العربيه
طبعا المدونه بعد ما اتشطبت
بقت هواها بحري
Soul.o0o.Whisper
الله يبارك فيكي
طبعا عقبال الحاجه التانيه
هي ايه بقي
القهوه عندنا في بلدنا في الفيوم
وانا جبت صوره بالالوان عشان تبان اكتر
منوراني
شاب فقري
انا سعيد انه اخيرا الفايرفوكس اتظبط
وعرفت تعلق
حلوه بجد حكاية الصحاب اللي عاملين زي الرزق
حاجه جميله جدااااا
والحمد لله ان ربنا رزقني بالصحاب دول وغيرهم
ربنا يجمعك بحبايبك واصحابك بخير
منور الدنيا
فتاه من الصعيد
لا تبعتي ايه
هما اكيد هيعرفوا لوحدهم مع انهم مش متابعين
بس لو حد شم خبر هيعلن للجميع
اني صيحتلهم عالمدونه
انا انا
لا مليش لقب
بس فيه حاجه انا مشهور بيها
بس مش هقولها
smilyrose
الله يسلمك
وربنا يجمعنا جميعا بحبايبنا
شكرا علي سؤالك
منوراني دايما
Sweet Violet
الله يبارك فيكي
وربنا يسمع منك
منوراني
تحياتي
شباك موارب/منار
ازيك يا دكتوره
اول حاجه اللي يبارك فيكي
وبنشكر كيارا عالمجهود
تاني حاجه
احلي حاجه الميكس ده
مش في الدراسه بس
لا في التركيبه نفسها
غير بتوع الجامعه اكيد كلهم مهندسين
اما بقي حكاية اصحابك الدكاتره دي
ربنا يكون في عونك
دانا بروح عند عمي نص ساعه برجع من عنده عيان
fnoonh
ازيك يا فنتوته
عامله ايه
اخبار الجامعه ايه
ربنا يوفقك ويخليلك اصحابك
منوراني
ليس فقيرا من يحب
ازيك يا رانيا
انا قلتلك النحس جالك فعلا من هنا
خلي بالك بقي
وابقي بخري ولا اي حاجه قبل ما تيجي
ياااااااااااه
ده انت محظوظ بقى
عندك شلة متكاملة
ربنا يخليكم لبعض يارب
المنظر جاااامد مووووووووت
عجبني اوي
يا بختكم بيه
هههههههه
ضحكتني جامد صاحبك اللي بتاكلوا عنده الكحك و اللي مامته هي اللي بتزعل
هههههه
تقبل تحياتي
'' حطام (ك) بقايا ''
فعلا انا محظوظ
بس مش قوي يعني احسن يتغروا
ومعرفش اكلمهم بعد كده
دا هما اللي محظوظين بيا
متشكر جدااا وربنا يخليلك حبايبك
المنظر ده فعلا عند القهوه اللي بنقعد عليها
ولو جيتي مصر معزومه علي كباية شاي عالقهوه دي
يالا انشاله ماحد حوش
عجبني اوي الكلام اللي بدأت بيه .. وكمية المشاعر الله فيه ..:)
بالنسبه للنيو لوك .. تسلم ايد كيارا شكله جميل اوي ..
شلة المقاطيع .. ربنا يخليكم لبعض طوووول العمر ..:)
صحيح
كنت هنسي
عماله اقرا في كتاب تخاريفك وعاجبني اوي .. تسلم ايديك بجد يا محمد :)
تحياتي
الأخ الفاضل :: أبوالعريف ::
تحية طيبة ..
وبعد
أهنئك وأبارك لك على اللوك الجديد .. الألوان هادئة ورائعة ..
وبالنسبة للموضع فأسأل الله أن لا يفرقكم .. وما شاء الله وصفك دقيق .. تصلح تكون هالشخصيات أبطال عمل روائي ..
أجمل تحية ..
Hager Za3bal
اول حد ياخد باله من الكلام ده
انا سعيد جدا انه عجبك
وسعيد كمان ان تخاريفي عجبتك
بس كتاب ايه اللي بتقريه يا شيخه
دانا نفسي مش قريته
منوراني بجد
الاستاذ محمد سعد القويري
يسعدني حضورك الدائم وكلماتك مهما كانت بسيطه ولكنها دائما تري الموضوع ايا كان بعين اخري
سعدت برؤيتك لشخصيات اصدقائي
كشخصيات ثرية تصلح لعمل روائي
تحياتي
أبو العريف
سلامات يا باشا
الصادقة شيء نادر هذه الأيام
حافظ على أصدقاءك
أدام الله الود
تدوووووووينة
طووووووووووويلة
لكنها جمييييييييلة
أولاً:ربنا يخلى مصر بلدنا
الغالية علينا مهما تعمل فينا
ثانياً:مبروك النيو لوك بتاع المدونة
ومستشششششكرين لكيارا دليل الحيارى
وثالثاً:شلة الثانوى بتاعتك دى ربنا
يخليهم وتفضلوا اصحاب وأحباب على طول وما يدخل بينكم عدو ولا حسود ابداً
رابعاً:اعرف واحد يضرب صاحبك بتاع
الشاى لانه كان بيشرب الشاى فى
شفشق العصيررررر:)تتصور:)
البوست جميل جدا مفيش اجمل من الصداقه والاصدقاء الجامدين دول اللى بيخلوا الحياه جميله ولونها بمبى خالص ربنا يخليكم لبعض ويديم الحب بينكم تقبل مرورى
ايييييييييييييه ده؟؟؟؟؟؟ هو انا مدخلتش سيبت الكومنت بعد مجبتلى الصوره اللى بالالوان؟؟؟؟؟؟؟؟
لا بجد اخص عليا لا حقيقى اخص دا انت اول مقولتلى انك غيرتها جيت شوفتها وفاكره انى سيبت كومنت؟؟؟؟
واضح ان الزهايمر عامل شغل جامد اوىىىىىىىىىى.
على فكره الصوره دى فى الفيوم؟؟؟؟؟؟؟؟؟؟
بجد شكل المكان تحففففففففففففه جدا شبه لبنان":)
بصراحه الله اكبر
كويس ان فى حاجه ف مصر حلوه عاجباك
باتلنسبالى
مصر واللى فيها مرات ابويا
ابو العريف بذات نفسة كتب
يانهااااااااااااااار
مش مصدق
طبعا انا اكتر واحدة بتتوجة بالشكر لكياارا
صاحبة القالب الجميل ده
مع ان كان القالب القديم مميز اكتر من ده
بس اهو
تجديد
اما بالنسبة لشلة المقاطيع
ربنا يرجعك ليهم بالسلامة
يلا بقى
هانت كلها ......... شهور وترجع
سلام بقى يا تخاريف
من غير شتومة لو سمحت1!!
انت فى بالى والله من فترة كبيرة وكل شوية اقول اروح اطل واشوفه غايب ليه كلا دة من ساعه البوست بعيييييييييد عنك النت يقطع
هو اظاهر فى حد فينا فقرى!!!!
دة تأثير البو ست عليك ولا ايه وحشوك اصحابك اوى روحت انتحرت ولا ايه؟؟
طب ابعتلنا جوابات ياكبيررررر قلنا انت فين؟؟
ياعم فينك؟
كل يوم اجى اسأل عليك؟؟
ربنا يستر
***يارب ما تاخد بالك من تاريخ الكومناتات كع كع كع كع
norahaty
ازيك يا دكتوره
طبعا مصر جميله جدااا وكل مكان فيها اجمل من التاني
اما بالنسبه لصحابي بتاع الشاي ده
فانا اعرف واحد يضرب الاتنين
بس قهوه بقي
بيشرب القهوه في مج كبيييييييييييير
رضا الكومى
ازيك يا باشا
الصداقه شئ جميل
ربنا يديم المحبه
منورني دايما
miroooo
االاصدقاء الحقيقيين ما يتعوضوش
ربنا يديم الصداقه الجميله
منوراني
الشعب لابد له من حكومه تشكمه
لا طبعا مش اخص ولا حاجه
انت براحتك خالص تعلقي ما تعلقيش ان شاله تولعي في المدونه
المدونه مدونتك
الصوره دي في الفيوم فعلا
مصر حلوه قوي يا شيما
واحده من الناس
مصر كلها حلوه
مش مصر الحكومه
مصر المكان
مصر الاهل والصحاب
مصر البشر
منوراني
موووووووووجه
ازيك يا عم الحج
فينك من زمااااااان
مش انا اللي بغيب لوحدي
انت كمان بتختفي
عموما ربنا يوفقك
ويكرمك
منورااااااااااااااني
كيكى عوووووو
ازيك يا بت يا فقر انت
طبعا دي مش شتومه
هو انا اقدر يا ابو موته
اخاف علي مستقبلي
عندي عيال عايز اربيهم
اما بقي لو حد فقري
اكيد انت
لكن لو حد نحس يبقي انتي ما قريتيش البوست
بقول شله اللي يعدي من جمبهم يتنحس
فما بالك باللي يقرا البوست وعايز يعلق كمان
لا مش بفكر في الانتحار السنادي
كيكى عوووووو
اديني برد لتاني مره
علي تاني تعليق
وتاني يوم اهو
برضه ما تاخديش بالك من التاريخ
السلام عليكم.......
ايه يا سيدى الجمال دااااااا اللوك حلو اوووووى ....معنى غيبت عن التدوين شوية ومش متبعه بس بجد الدخلة على السريع دى فرحتنى اوى كله عنده جديد ومجدد فى مدونته ........بجد بوست جميل اوووووى واحلى حاجة انك تلاقى صحاب جدعان تفضل معاهم وبتحبهم حتى لو كنت بعيد عنه اكتر حاجة مش ممكن تعوض الصحاب..جامد اوى المنظر الى بيطل على القهوة عشان كده اكيد مكنتش بتقوموا من هناك ههههههههه.......دومت بخير .....فى رعاية الله.
shemo
بخ بخ
اززززززيك يا ابو العريف
وحشتني وينك مش بشوفك
انا قلت يمكن مختفي ولا حاجة اجي اطمن عليك
بس ضبطتك متلبس اهو والحمد لله بخير وبتابع مدونتك
يارب تفضل بخير دايما
سي يو :)
البت علىّ المواجع وذكريات الايام الحلوة
كويس والله الوفاء ده
كويس والله الوفاء ده
ازيك يا باشا
انت فين مش بتكتب ليه من فتره
كل يوم اجى ابص اول يمكن في حاجة ومش ظهرت عندى
ودلوقتى قلت لازم اسأل واسلم
المهم نطمن عليك ويارب دايما بخير وصحة وسعادة
هههههههههههه
حلوة قوي الشلة دي
كل شلة فعلا تلاقى كل واحد فيهم ليه لازمة كده ولازم بجد حد فى الشلة يبقى بطئ...انا عندي واحدة فى الشلة بطيئة جدا لابعد حد...
على فكرة
انا عايزة اشكر حضرتك على اتصالاتك الجميلة بجوزي...وهوه بيشكر فيك دايما وبيعزك قوي...بتتصل بيه دايما كانك أخوه فعلا
ربنا يبارك فى علاقتكم يارب
shemo
ازيك يا شيمو
ايه الغيبه الطويله دي
مش عارف ايه حالة البيات الشتوي اللي حصلت للمدونين اليومين دول
كل الناس بتغيب كده
حمد الله علي سلامتك
وماتغيبيش تاني
منوراني
نواره
يا مرحبا يا مرحبا
نواره بحالها عندنا
ازيك يا نواره
انا بس النت عندي بيستهبل فساعات بروح سيبر
ومققضيها
متشكر علي سؤالك
منوراني
حلم بيعافر
مش عارف هو ده وفاء ليهم
ولا هما وحشوني بجد
بس الوفاء في حد ذاته حاجه جميله
منورني
reem
ازيك يا ريم
انا الحمد لله بخير
وكله تمام بس النت اللي بايظ
ومتشكرا جداااااا علي سؤالك
منوراني دايما
رنونة حكومة ميخو
لا ممكن
لا معقول
حكومة ميخو بذات نفسيها هنا
ايوه كده
عايز احس انه متراقب
انا شخصيا بفرح في الناس اللي متجوزين قوي
لما يتراقبوا
ههههههههههههه
واول واحده تعترف وتقر انها حكومه
بجد محمد لما قابلته حسيت اني اعرف من زمان جدااااا
ومش متخيل اننا بس اصحاب من قريب
وهو حد جميل قوي ربنا يسعدكم يارب
اول زيارة:)
الشعر قريب للاذن.. حسيت اني بسمع اغنية نفسها تتلحن
تحياتي
اول زيارة:)
الشعر قريب للاذن.. حسيت اني بسمع اغنية نفسها تتلحن
تحياتي
الرجاء الدخول علينا
...
و اتمنى تحديد موقفك من القضيه
البحيــرى
بحبك يا محمد وشكرا على الكلام الجميل واكيد مهما تقول بتحبنا اكثر من ذلك وأنا افخر بصبتك .
إرسال تعليق