دي حاجه كده كتبتها من زمان قوي من يوم ما جبت أول موبايل وطبعا كلكم متخيلين شكله ( ال يعني الواد جاب غير ما هو هو عنك لغاية دلوقت ولا هنفتح من اولها ) ولما خلصت لا كانت تنفع غنوه ولا قصيده ولا حتي خاطره يعني مش لاقيلها مسمي غير
تخـــــــــــــــــــاريف
ظروفي الضنك خلتني اجيب محمول
ماهوش محمول قوي لكن اهو بيقول
ماكنتش عايز ألجأله
ولا أبقي ف عمري من أهله
لكني لقيتني محتاجله
ولازم اشتريه علي طوول
****
ف رحت بسرعه جري اوام
عالواد نبيل (قول رقمك كام )
ودا احسن واد بيبيع محاميل
في المهنه دي دقرم واصيل
وارثها عن جده ابو خليل
في الاصل كان بياع شخاليل
****
من غير ما ألف عليكو وادور
اهي حاجه كده بتأدي الدور
دي حاجه بسيطه قوي علي القد
دي كده وكده مش عده بجد
****
عده مافيش زيها ف الدنيا
شكلها كده شبه الساكسونيا
ناحيه فيها حاجه شبه الشاشه
وزراير ف الناحيه التانيه
****
أله حاسبه وعامله انها محمول
شكلها كان ينفع برايه
تطلبه تلاقيه دايما مشغول
تليفوني دا حكايته حكايه
معرفش بيعمل ايه علي طول
وعايزني ال اجيبله مرايه
صدقني ظبته ف يوم مسطول
بيشم كلف ف كبايه
****
تليفوني يا ناس هيجبلي الضغط
تليفون ما فيهوش مكان للخط
من النوع اللي ساعات يتمط
وبطاريته لما تحط
لازم تجيبلها شقة فووووول
*****
تليفوني عمره ف مره مارن
لو جاتله رساله دا يبقي اتجن
وكل يوم يعمل عيان
وكل ساعه بيخلص شحن
****
تليفوني دا اللي مقضيها وعايش كده حر
يسهرلنص الليل دايما ويقوم الظهر
تليفون بينفض ويفلسع ويغيب م الشغل
ارميه ف الشمس ولما ارجع بلاقيه ف الضل
****
تليفوني جايبلي الكافيه
وقاعد ويايا بالعافيه
واذا رن بلاقي الرنه
اغنيه خالتك حافيه
****
تليفوني عايزني اعمله رجيم
قال ايه بيغير كده من كيكي
ان خلص شحن املاه بنزين
وان عطل ابعته للميكانيكي
****
تليفوني يا ناس أغرب تليفون
ياما نفسي في يوم ألاقيله زبون
أرميه بالليل ف النيل وأصبح
ألاقيه نايم فوق الكوميدون
****
تليفوني ما حدش قده
ولا لاقي له حد يهده
دا ساعات تجيلي انا مكالمات
ألاقيه يرد كده لوحده
***
حد ياخد تليفوني ويديني بداله ولاعه
هناك 43 تعليقًا:
السلام عليكم
أهلاً وسهلاً بالمدون الجديدة فى عالنا الصغير
أتمنى لحضرتك مستقبل مبهر
فى عالم التدوين
دومت بكل خير .. وفى إنتظار جديدك
متأكد أنه كان في زراير في الجنب
ولا المحمول ده اصلا اساسا بقرص
يا حاج طمني
يا ابا رد عليا
التليفون ده بزراير ولا قرص
عموما احسنلك اعمله حصاله وخلص
او هقولك
ان شاء الله كده ابقه اعمل بوست عندي نلملك فيه حبة فلوس في ظرف كده ونحاول نجيبلك عده لاسلكي اهون
ده انت عجيب انت وتليفونك
تحفة تحفة
ايه الكلام ده والله برافو عليك
بس بقولك ايه انا لو منك ابيعه واجيب بداله سندوتشات افيد
ههههههههههههههههه
بجد البوست ممتاز
سلام عليكم
ازيك يا ابو العريف
واهلا بيك ف عالم التدوين
ومشكريييييين يا عم ع الزيارة الحلوة
وموضوعك دع فكرني باعز تلفون عندي
بس الحمد لله
بقا دلوقت شغال شاحن
هههههههههههه
وليه يا ابني دوخت من المواضيع
انا لا دوخت حد ولا حاجة
دمت ف حفظ الله
اسماء. المدونخانة
هو انا دخلت شارع عبد العزيز ولا حاجه
ههههه
:)
أه صحيح نسيت أقول لحضرتك
السلام عليكم ورحمه الله وبركاته
أزيك يا استاذ أبو العريف
بوست روعه جدا جدا
اما بقي بخصوص التسميه
فأنت ممكن تختار حاجه من الاتنين
ياتسيبها علي الله
يا أما تخليها زي ما هي كده
بس بصراحه جميله قوي
ونورت البلوج يا جميل
ونور مدونتي كمان
مع اني :(
بس مش مهم يلا خليها علي الله
أوعي الزيت
ايه الانقلاب ده من حد مش فاهم حاجة لابو العريف حته واحدة
يابركة سيدى المحمول اللى عمل الانقلاب ده كله
ده انت المفروض تعمله مقام وتخليه كده بركه ومزار سياحى ...
حلو التجديد ياهندسه لك كل التحيات واتمنى لك كل جديد من الموبيلات
ههههههههههههههه بجد جميل جميل جميل
ما شاء الله عليك
اسمع
من فضلك الغي تأكيد الأرقام والحروف عند اضافة تعليق
هاتروح للوحة تحكم المدونة
إعدادات settings
وبعدين
comments تعليقات
وبعدين
Show word verification for comments?
تقوله نو no
علشان التعليق يبقى سهل ما نحتاجش نحط كل مرة الأراقم والحروف
تحياتي
مش مقتنعه
يعني انا اول مرة شيلت عدة كانت 3310
واخر مرة بره كانت 3310
مريت خلال الفترة ديه بـ N73
و 6600 والنجم الشديد
وسامسونج
بس برده شايف ان اهم حاجه في الموبيل ان بيستقبل المكالمات
وبيبعتها
يعني الفايده مش المنظره
بس هي في الاخر كلمات حلوة ولذيذه
هههههههههههههه
تحفه تليفونك ده بجد
ده اما يبوظ ملوش بيعه تحطه فى النيش على طول
بس جميله
شرفتنى بزيارتك واهلا بيك فى عالم التدوين
لو مش عارف تخلص منه هات شوية بلطجيه يضربوه علقه جامده او شوف حد يقتله واخلص
الف مبروك يامعلم علي المدونة
ومستنين الشغل الجامد
والف شكر علي زيارتك لمدونتي المتواضعة
ربنا يصبرك على ما بلاك يا عم....بتفكرنى بموبايلى القديم كان عنده شلل نصفى الله يرحمه بقى مات خالص من يومين
تليفونات بقي
موبيلات بئي
مسدات بئي
رنات بئي هه
ماشي ياخويا؟
ايوه ياعم ماشيه معاك يابختك يابختك
ياتليفوناتك بس بلاش تبدله بالولاعه خساره ده عشره عمر بردو
مبروك علي المدونه الجديده
ازيك يا ابو العريف .. زرتنى لاول مره .. ارجوا دوام الزياره وجيت اخرف معاك و اشوفك لقيت التليفون بتاعك اللى زى انت ما بتقول بترميه فى البحر يرجع لك .. زى القرش المصدى اللى الواحد كلم ما يصرفه يرجع له تانى .. انا عندى اله حاسبه قديمه .. تبادل:؟
تحياتى
ههههههههههههههههه
كل ده للتليفون ده حاله
طب لما تجيب العربيه هتكتبلها ايه
تحياتى
بجد كلماتك سهله وحلوه وتدخل القلب بسرعه
ومدونتك حلوه
تحياتى لك سندريلا
khaled
مشكوور يا باشا
وربنا يوفقك
maha zein
حلوه قوي فكرة لم الفاوس دي
المره الجايه هعمل بوست عن الكومبيوتر
عشان ربنا يكرمكو كده وتجيبولي واحد جديد
وبعدين اشوف ايه اللي ناقصني تاني
شفقة هانم واحسان بك
حاولت اتخلص منه مش عارف
بس حلوه السنوتشات
احنا شعب بيموت في الاكل
اسماء
شرفتيني يا باشا
ياريت تديني الشاحن اللي معاكي علي تليفوني
يمكن حد يرضي ياخدهم ويدينا بدالهم
علبه سالمون
مش أنا
امال مين يا عم الحج
شرفتني
ومتشكر علي زيارتك
مع اني خايف من الزيت اللي ملى المكان
بس خلاص ...
ابو العريف بس هتلاقيه مش عارف حاجه
شوية تغيير
بس ربنا يستر وما اولعش في المدونه دي هي كمااان
ياريت بقي تردي كعاتك علي الغنوه دي
عالم حبيب
متشكر ياباشا علي الزياره
وكمان متشكر علي النصيحه
انا دايما بنسي البتاعه دي
Teawater
ولا انا مقتنع
بس ايه التوتر اللي انت عيشتيني فيه ده
انا بهزر بس مع تليفوني
يعني مش بتكلم جد
ثم انا معنديش تليفوووووون
roody hanem
اتا حطيته في النيش
قام معجبوش الكلام
عايز اوضه لوحده
محمد عتلم
انا خايف اعمل كده يرجع يضربني بعد كده
انت ما تعرفوش دا شرااااني
شادي أصلان
الف شكر ياباشا
وانا سعيد انك زورتني
طبعا انا اعرفك من زمان
من الدستووووووووور
enjy
الله يرحمه بقي عقبال اليفوني
سمكه واحده
مسدات ايه و رنات ايه
دا لا بيرن ولا بيبعت رسايل
ولا اي حاجه قطعي
fashkool
انا موافق
بس هي الاله الحاسبه شغاله
ولا هحطها في النيش
gana magde
اجيب العربيه الشر بره وبعيد
انا عموما عملت كده فعلا لما اخويا جاب عربيه
وهي ما تتخيرش عن الموبايل
قلت اكتب حاجه ابعتهاله
فقلت
عربية اخويا وحيد عربيه غريبه ونوعها فريد
نصها مصنوع م القش ونصها عامل انه حديـــد
بس مبعتهاش وقلت ابعت اغنية ( يا عزه ) لحماده هلال
سندريلا
متشكر جداا
انت اللي كلامك جميل جداااا
اول زيارة
بس ايه دا يابنى
دا تليفون ولا جر شكل
ربنا يكون فى عونك
ويعفى عنك ويرحمك منه
ويرزقك كدا بتليفون ابن ناس
فيه كدا بلتوس وكاميرا زى الناس
هههههههههههههههههه
اسلوبك جميل وبسيط واجمل ما فيه
بساطة كلماته
smilyrose
روح الحب الصادق
smilyrose
انا سعيد جدااا بأول زياره
ويارب ما تكونش الاخيره
وبالمناسبه انا لسه مشتري تليفون النهارده
بس مش هرمي التاني
فكرتنى بالشريط اللى فى فيلم ظرف طارق
بس على فكرة انت متاكد ان ده تليفون
ولا حاجة تانية ومتخفية
كل اللى فات كان هزار
لكن الجد كلامك جميل نابع من قلبك
ومن حبك للتليفون
احمد
ههههههههههههه
حلوه وايد
طيب اي موديل هالتليفون؟
هههههههههههههههههه
والله حرام عليك .. الكلام ده جامد جدا على فكرة
أنا مش قادرة أبطل ضحك
بس مهما كان التليفون مستقل بنفسه يعنى بيمشى لوحدة ويرد على المكالمات ويغير النغمات
هههههههههههههه
بالمناسبة حلوة اوى نغمة خالتك حافية دى
بجد بوست جمييييييييييل
بالتوفيق إن شاء الله
اسماء واحلام فى وجدانى
متشكر جدااا يا بو حميد
وهو مش موضوع حب
هي لحظة تريقه على الناس اللي لازم يكون تليفونها
معرفش عامل ازاااااي
اقصوصه
موديل
انت بتشتميه
انا تليفوني يتقاله موديل
شكرااااا
ميوشه
انا سعيد جدااااا بتشريفك ليه
يا زيعمة الفاشلين في مصر
مدونتك نحفه
هع هع هع
أول تعلييق
::::::::::
السلام عليكم.....
ازيك يا ابوالعريف....
بجد البلوج عندك ليه وحشة
والبوست جاى فى مناسبة فونى المسروق وقولتلى عندى تليفون جامد مواصفاته فى اللينك واتارى دا تليفونك هههههههه مااااااااشى ماشى بس لو جيبت تليفون زى دا يبقى حاعد اعيط كتير ع الضاع ههههههه
بوست لذيذ
دومت بخير
فى رعاية الله .
shemo
إرسال تعليق