******
عارفه
عارفه ؟
والله بقيت مش عارف
من يوم ما قابلت عيونك
وبقيت كده ليه مرتاح
خايفه ؟
انا مطمن مش خايف
قلبي انا عمره ما هيخونك
ولا يتسبب ف جراح
**
طمني قلبك وقوليله
اني ف قلبي انا راح اشيله
واسهر انا ليلي وليله
اغزل لعنيك افراح
**********************************
ع فكره
انا روحي هتفضل فاكره
يوم قابلتك ولقيتك
والقلب ف حبك داب
استني
بإرادتي وغصب عني
حبيت طيبتك وناديتك
مشتاق والشوق غلاب
**
قولي لقلبك ما يخافشي
دا اللي انا احبه ما يندمشي
وده لو قرب يلاقيني
مشتاق والحيره عذاب
************************************
حاسبي
براحه يا روحي علي قلبي
قلبي انا مش حمل عيونك
من حبك فين هيروح
شوفي
انا كان علي قلقي وخوفي
انا اخاف م النسمه عليكي
وافدي عيونك بالروح
**
طمني قلبك وقوليله
اني ف قلبي انا راح اشيله
واسهر انا ليلي وليله
اغزل ف عنيك افراح
هناك 8 تعليقات:
يا سيدي سيدي يعني هي اللي رجعتك لينا ماشي يا عم على العموم اهلا بعودتك الجميله وعلى فكره شكلها عارفه كل اللي قلته والا كانت اعترضت على الكلام ربنا يوفقك ويريح بالك وتنول مرادك
تقبلي تحياتي
السلام عليكم...
ازيك يا ابو العريف
بقالى كتير مجتش هنا ووحشتنى اوى المدونة
وبجد حلو اوى الكلام
دومت بخير
فى رعاية الله.
shemo
طيب ليه قبلها ب6 شهور .... انت خايف تنسى ولا ايه ؟ :)
جميله اوي الكلمات ومعبره عن حاله جميله اتمنى تفضل بينكم يا رب
تحياتي
ربنا يديمها عليك نعمة يا ابو العراريف
لو حب حقيقي اوعى تسيبه مهما كان
دي عمله نادرة اليومين دول
كل سنه وانت طيب
^^
يا سلااااااااااااام
ياسيدي اكيد عارفة طبعا
امال يعني ده كله وماتعرفش؟؟
ليه بتغيب كتير كده؟؟
ومخاصم فتافيت من زمان :((
أول مرة أزور مدونتك القيمة .. تهنئتي لك على المجهود المبذول والرائع..
سامعاها بموسيقاها
(:
جميلة قوي
بانتظار جديدك
انت فييييييييين
وفين جديدك
!!!!!
ان شاء الله تكون بخير
(:
إرسال تعليق