الجمعة، يوليو 31، 2009

رسايل ............البحر


عدت سنه...سنه من البعد ... سنه من الغربه ...سنه من الوحده

ولكن

كان هناك مايهون كل هذا ... انها رسائل البحر

نعم رسائل البحر .. ليس لانها تأتي عبر البحر الاحمر ولكن لانها

تأتي حاملة بحر من المشاعر والاحاسيس الصادقه التي استشعرها في كل كلمة ولو كانت بسيطه


اليوم اقلب في رسائل تليفوني

واتذكر كل شخص بعث الي ببعض مشاعره

لذلك

*

*

البوست ده هيبقي طويل حبتين

ونفساوي تلت حبات ( نفساوي يعني كاتبه لنفسي مش خنقه يعني )

لاني هقعد اقلب في الرسايل

وطبعا الامر ما يسلمشي من تعليق ولا حاجه علي اي رساله

تستفذني

*

نقلب معاكم

*

1- تمضي بنا الحياه ..في بحر لا نعرف مرساه .. ولكن يبقى طوق النجاه

( طاعة الله) .... محمد صلاح 11/8/2008

دي اول رساله لقيتها علي الموبايل ... اكيد كان فيه رسايل قبلها واتمسحت

*

2- ابتهج بك الصباح يامن غاب عنا ضياه وما اظلمت ضواحينا

اضائتها زكراه .... ياسر وجيه 14/8

*

3-اقترب شهر المحبة .. وجال بخاطري همس الاحبة ونادى لساني داعيا لهم بموده

" اللهم بلغهم شهرك بعظيم غفرانك .. والعتق من نيرانك وادخلهم جناتك.. وسخر لهم الطيبين من خلقك

واشرح صدرهم بذكرك ....... عماد 25/8

*

4- الان


وحصريا


ولاول مره


فقط


علي شاشة تليفونك


قبل لي حد


بقولك

" رمضان كريم "

.....( يويو ) ...27/8

*

5- جميل ان يكون لك قلب انت صاحبه

والاجمل ان يكون لك صاحب انت قلبه

علاء ....6/9

*

6- .......... يارب...........

طاهر .....7/9

*

7- اذا احتجت صاحب اتصل بيا

واذا احتجت حبيب رن عليا

واذا احتجت فلوووس

.

هذا الرقم غير موجود بالخدمه

.... علاء محمود ...21/9

ندل ندل يعني ..............حتي في رسايله ندل


*

8- حبيبي يا باش مهندس

دعواتك جابت نتيجه ... انا نجحت ... نجحت

علي فكره انت اول حد اقوله

نور .... 10 /10 /2008

ايه ياد ده كله ... الف مبروك ... مع انك بعد كده مش عارف تكررها

اول مره واحد يقولي دعواتك جابت نتيجه اصلها دايما تيجي بالعكس


*

9-واحشني ... وبتوحشني ... وهتفضل توحشني .

.....مهدي 27/10


*

10- قولها يا رقيه

.....توته ..14/11

دا كان رد علي رساله بقول لوحبيت انادي لبنت اخويا اقولها ايه

دا لما رقيه شرفت


*

11- بجد انا تعبان قوي من غيرك .. نفسي حد يقولي اني صح بعدك انا بحبك قوي

.... احمد ....19/11


*

12- بمناسبة موسم رمي الجمرات بمني .. مطلوب شياطين جدد

ابعت سي في وصورتين

..... نور ....5/12

ماشي يا عم نور خد عندك الرساله دي

في مسابقه لاختيار اجمل تيس

قلت ابلغك اذا بتحب تشارك


*

13 -يرجي عدم الضغط الي اسفل الا بعد 3 ايام


قلنا بعد 3 ايام


بتكلم عربي بعد 3 ايام


لانك عنيد و دمك عسل عيد كريم قبل كل البشر

كل سنه وانت طيب

.... علاء محمود 5/12


*

14-لو حسيت انك محتاجلي

افتح الشباك واندهلي

هتسمع صوت بيقولك

" نام يا عبيييييييييييييييط "

... رقم غريب مريب عجيب


انا عارف هو يا علاء يا نور

ماهما اللي غاويين تهزيق فيا


*

15- في زحام الاعوام .. يمر العام بعد العام

وانا اقول لك كل عام وانت الخير لكل عام

...كرامه ..1/1/2009


*

16- بحبك حب لو طلع السما ينورها .. ولو نزل الارض يدمرها

ولو راح فلسطين يحررها

حمدي ....7/1


طاب ما تبعته فلسطين يا عم الحج مستني ايه








18- كل سنه وانت طيب ابعتلك حصان ولا عروسة مولد

انا هبعتلك عروسه ... علي ما تفرج

...حسين ..9/3


*

19- happy birth day وعقبال مييييييييييييييييت سنه

... كرامه 30/3


*

20- يسعد ربي صباح حبيبي

نور..... 11/4


*

21- احيانا نمتلك اشياء لا نعرف قيمتها الا بعد ان تتركنا

فما بالك ان كنت تعرف قيمتها وتتركنا فجأة فكيف تكون الحياه

... لولو....20/5


*

22- يا فرحتي برسايلك يا خويا دا بدل ما تشيعلي

حته مرود .. ولا اتر.. ترينج..

علي النعمه بحبك اكتر من عمرو دياب

....حسام ... 30/7/2009


ختامها مسك يا حسام عايز حته قماش

وترينج

وعمرودياب

**

كفايه كده بقي
طبعا دي مش كل الرسايل اللي جاتلي
بس دول اللي اختارتهم
لاني محبتش يكون البوست اطول من كده

هناك 58 تعليقًا:

ليس فقيرا من يحب يقول...

هو انا اول تعليق ولا حاجه

ليس فقيرا من يحب يقول...

ايون والله دا انا اول تعليق

ليس فقيرا من يحب يقول...

اول مرة فى حياتى احتل مدونه حد

ليس فقيرا من يحب يقول...

بس فعلا احساس الاحتلال

ده احساس رائع

ليس فقيرا من يحب يقول...

7- اذا احتجت صاحب اتصل بيا


واذا احتجت حبيب رن عليا


واذا احتجت فلوووس




هذا الرقم غير موجود بالخدمه

ههههههههههههههههههههههههههههه روعه

ليس فقيرا من يحب يقول...

تسمحلى اتطفل واغلس واثقل

على حضرتك واسألك نور راجل ولا بنت

ههههههههههههههههههههههههههه

ليس فقيرا من يحب يقول...

خلاص كفايه كده

يابخت من زار وخفف

يلا يا اخويا اقعد بالعافيه

(Joudy) يقول...

ماشاء الله كل الناس دى بتحبك حتى اللى بيغلس ولا بيطلب حاجة مهو من عشمة يالا ربنا يحبب فيك خلقه كمان وكمان بس من غير طلبات ههههههههه

دمت بكل الخير والسعادة

كــركــبــة دمـــاغ ㋡ يقول...

ههههههههههههههههههههههههه

جامده والله الحكايه دي ..

انما نفس السؤال الوجيه ..

نور دي بتاعت مهند هههههههههههههه


بس ياعم انت مالك بجد ؟؟

بدات تتخنق يعني عشان رمضان قرب وانت لوحدك ..

قول يااارب يا عم انت والله انا عارفه الاحساس الرخم والعبيط والمتخلف اللي هتحسه ..

بس معلش .. كله في سبيل لقمة العيش ..

ربنا يحرق الفلوس اللي تخلينا نفقد احلى احسايس بنحسها ...

هو انا بتلكم من دماغي ليه انت ماقولتش انك متضايق اساسا ..

اجي انا واخنقك ههههههههههه

ربنا معاك يا واد .. افتكر كده كويس ..

وهااااااااااااااااااااانت .. مع اني معرفش هو انت هتنزل امتى اساسا ... بس بردو هانت .. وكله بيعدي ..

رمضان كريم مقدماااااااااا ..هههههههههه مفتكرش حد قالهالك قبل مني ..

خد بالك من نفسك يا ابو العريف ..

سلاموكاااااا

د. ياسر عمر عبد الفتاح يقول...

ربنا يديم عليك الصحبة الصالحة
ويرجعك بالسلامة ,, بعد ما تكون أمنت مستقبلك

ربنا يعينك

المهندس يقول...

ايه.. يا اخوانا ...البوست ليه ساعة بسسسسس ...
قلت هكون اول واحد ..ياجي يعلق ... اجي الاقي
طاااااااااابور طوووووووويل سبقني
يا بختك يا "ابو العريف " ... كل دي ناس بتموووووت فيك " حبة قرررررررر "
وبعد انتوا هتقروووووا علي الواد علشان " نور " ... ما " مهند " ... كان معاه نوووووور ...محدش بصله ليييييييه ...هما كده المهندسين مساااااكين ...كل الناس مركزة معاااااهم

احلي رسالة " دمها خفيف "
"اذا احتجت صاحب اتصل عليا
اذا احتجت حبيب رن عليا
اذا احتجت فلوووووس
هذا الرقمغير موجود بالخدمة "
بيحبك قووووووي " علاء "
صاحب وحبيب ...اه ... فلووووس ...لالالالالا
والله انه جددددددع
***
احلي رسالة " فيها مشاعر "
" جميل ان يكون لك قلب انت صاحبه
والاجمل ان يكون لك صاحب انت قلبه "
والغريبة انه " علالالالالالالالاء " برضه
***
ربنا يديم عليك نعمة حب من حولك ...ويسعدك بهم
ويرجعك لهم بكل سلامة
الايام هتعدي .. وهتلاقي نفسك السنة عدت عليك ...وراجع ان شاء الله
انا طبعا عارف ما خلف هذا " البوست " من المشاعر
لكن ...كله يهون من اجل مستقبلك باذن الله
والسنة اللي جاية مش هتكتب بوست زي ده
عشان هتكون موجود في الكوشة - باذن الله - مع ... ذات الحسن والجمال " اللي خلتك تتغرب "
شكرا والسلام عليكم

maiosha يقول...

هههههههههههه
يا سلام يا أبو العريف على رسايلك الجامدة

المفروض بقى فى اخر البوست كنت تكتب رقم الموبايل علشان تعمر تليفونك برسايلنا

ملحوظة مهمة اخر حاجة

ألف شكر على سؤالك عليا الفترة اللى فاتت دى.. النت كان مستهبل اخر استهبال.. بس ان شاء الله من هنا ورايح هبقى موجودة

يالا سلاااااام

ستيتة يقول...

ربنا يبلغك رؤية أحبابك سريعا سريعا
انا عارفة شعورك ولسه منسيتش
عمري ما أنسى وانا نايمة بليل والموبيل في حضني كل يوم لمدة ستة سنوات كاملة في انتظار رسالة او مكالمة من حبيب او حبيبة يهون مسافات الأراضي والبحور
هانت هانت الأجازة قربت خلاص
الرسايل جميلة وصحابها بيحبوك

منــار فايد يقول...

اسمحلي بقى انا اخدت كام مسج من عندك
مش عارفه انت حسيت السنه عدت
زعلان؟؟؟
متاثر؟؟
مش عارفه احدد انت عامل ازاي دلوقتي
بس اتمنى تكون كويس يارب


منـــــــــــــــــار

أبو العريف يقول...

ليس فقيرا من يحب

ايه الناس اللي بتحتل المدونه دي

انت اول حد يحتلني

وانا كمان شعور اني اكون محتل دي جامد قوي

اي خدمه ادي رسايل موبايل للي عايز يبعت


اما بقي بالنسبه للسؤال الوجيه ده

د فيه كذا نور-
كده وكده

انا بحب الاسم ده قوي-

وناوي اسمي ابني او بنتي نووووووووووووووور

أبو العريف يقول...

(Joudy)

منوراني دايما يا جودي
با-لعكس

كل -الناس دي انا اللي بحبهم

بحبهم جدااااا

وبيهونوا كتيررررررررررررررر

ومن غير طلبات ليه
انت تأمري

بس بلاش حكايه الهدوم والترنجات دي

أبو العريف يقول...

شقاوة مراهقة

ايه الناس دي

هو حد قالك اني مخنوق يا ست انتي

انتي هتخنقيني بالعافيه

انا نفسي مش عارف احساسي
انا لما عدت سنه

قعدت اقلب في الرسايل وافتكر كل رساله
جاتلي
ووقتها كان احساسي ايه


لا لسه باقي سنه

ان قدرت اكمل وان ما قدرتش هنزل نهاااااااائي

أبو العريف يقول...

شقاوة مراهقة

نسيت اقولك

الله اكرم

فعلا انت اول حد يقولهالي

أبو العريف يقول...

د. ياسر عمر عبد الفتاح

متشكر اوي يا دكتور

فعلا احلي حاجه في الدنيا الصحبه الصالحه اللي بتقول عليها دي

بتفرق مع الانسان كتيير قوي


منورني دايما يا باشا

أبو العريف يقول...

المهندس

استاذي قر براحتك يا باشا

واحنا فديك الساعه

وبعدين كل الناس دي انا بموت فيهم


نور لا يا باشا
نور بتاعت مهند مين
هي تجي في انواري ايه
اصلهم ييجي خمستاشر نوووور

وكل واحد انور من التاني

فعلا المهندسين مساكين حتي انت اول واحد جاي يقر
هههههههههههههه

اختيارك لافضل رسايل تمام التمام
لانه الاولي ضحكتني جداااا
والتانيه حسيتها قوي

علي فكره علاء غير علااااء


منورني دايما يا هندسه

أبو العريف يقول...

maiosha

حمدالله عالسلامه يا ميوشه

مع انه فيه كام بوست عدووووا من غير تعليقاتك
مش هسيبك

بالنسبه لرقم الموبايل سهله قوي

انا هعمل اعلان في الجريده الرسميه للي عايز يبعت رسايل

تفتكري هو حد هيعبرني لو حطيته في البوست

ولا هتسألو فيا اصلا


متغيبيش تاني

أبو العريف يقول...

ستيته حسب الله الحمش

متشكر يا دكتوره علي احساسك الجميل
فعلا الرسايل جميله واصحابها بيحبوني
وانا كمان بحبهم جداااااااااااا

بتهون كتير جداااا

ناس كتير جدا اتغربوا من المدونين
حاسس انهم يا ما اتغربوا قبل كده
ياما متغربين بالفعل

انا بفكر نعمل مدونه لكل اللي اتغربو ومتغربين

هيبقوا فاهمين بعض جداااا


منوراني دايما

أبو العريف يقول...

شباك موارب

منار

الرسايل والموبايل كله تحت امرك
لو عايزه رسايل تاني احنا اي خدمه يعني

هتدفعي كااااااااام


انا نفسي مش عارف
بس الرسايل دي خلت السنه دي عدت قدامي عنيه من تاني
كل رساله وليها موقف وليها زكري

اول مره احتفظ برسايل علي موبايلي كنت بولع فيهم اول باول

المرادي انا زعلان علي الرسايل اللي ضاعت غصب عني

منوراني يا دكتوره

ديالا يقول...

احب اضم صوتي لصوت شقاواه مراهقه

مين نور دي هه؟

احنا مش حشرين خااااااااااالص

لا بجد بهزر

ربنا يخليك لكل الناس الي بتحبك

mohamed ghalia يقول...

الرسايل حلوة أوى وليك حق تعتز بيها
واضح انى الناس بتحبك أوى
ربنا يكرمك ويسعدك دايما

أبو العريف يقول...

ديالا

لا مش حشريين خالص

مانا واخد بالي

نور دي كذا حد

مش نور واحده او واحد

انا في حياتي كذا نور

وبحبهم كلهم

انتو مش شايفين المدونه منوره قوي النهارده

منوراني دايما يا ديالا

أبو العريف يقول...

mohamed ghalia

متشكر جدا يا محمد

فعلا الناس دي انا بعتز بيهم
وبرسايلهم
لاني بحبهم انا كمان جداااا

منورني دايما

المهندس يقول...

نور ... غير نوررر

وعلاء ... غير علالالالالاء

فكرتني بالراجل اللي سالوه عندك ايه اولاد ...قلهم كلهم اسمهم محمد ... مفيش غير الواد مصطفي الصغير ... اسمه احمد ... وبناديه ... محمد

يا سيدي ... قليل من القررررر مفييييييد

ربنا يسعدك دائما ... وهابي " غربة " داي

علي اساس انه ده عيد ميلاد الغربة الاول بالنسبة ليك

أبو العريف يقول...

المهندس

حلوه قوي هابي غربه داي دي
ههههههههههه

والاحلي الراجل اللي اولاده كلهم اسمهم محمد


ماشي يا باشا انت تقر براحتك
حتي لو مش مفيد هو انا اقدر افتح بقي

كائن الإبداع .... محمد يقول...

-لو حسيت انك محتاجلي

افتح الشباك واندهلي

هتسمع صوت بيقولك

" نام يا عبيييييييييييييييط "



مما عبيط إلا الشيطان


يا ريت حضرتك تسأله كده

هو يعرف الشيطان

لو طلع يعرفه يعمل تمويل لنور اللي كانت طالبة شياطين علشان رمي الجمرات



أما بقى علاء
"اذا احتجت صاحب اتصل بيا

واذا احتجت حبيب رن عليا

واذا احتجت فلوووس

.

هذا الرقم غير موجود بالخدمه"



و حسام ...
"يا فرحتي برسايلك يا خويا دا بدل ما تشيعلي

حته مرود .. ولا اتر.. ترينج..

علي النعمه بحبك اكتر من عمرو دياب"



فكر شوية كده و قوللي ايه الرابط بتاعهم



أما بقى لأخينا بتاع
"كل سنه وانت طيب ابعتلك حصان ولا عروسة مولد

انا هبعتلك عروسه ... علي ما تفرج "


يا ريت تقوله يبعتهالي أنا ....

أبو العريف يقول...

كائن الإبداع .... محمد

ههههههههههههه

حلو قوي الربط بين الرسايل ده

بس علي فكره نور اللي بعتلي الرساله دي

دا نور زميلي في الدراسه طبعا واعز اصدقائي المهندسسسسسسسسسسسين الي قلبي

يعني راجل مش بنوته

والرابط بين حسام وعلاء

انا شايف ان دمهم خفيف زي بعض
هههههههههههه

مش ماديين ولا حاجه

بيهزرواااابس


نورتني يا محمد

المهندس يقول...

يا باشا

بسم الله ما شاء الله

احسن بعدين المليون ميكملش السنة اللي جاية

تقوم تتهمني اني انا السبب

ربنا يرجعك بالف سلامة ...لاء مليون سلامة

رحلتنا في الحياة يقول...

ههههههههه اهو التليفون دا يمكن ملهوش فايدة كتير بس الواحد مجرد ما يسمع صوت رسالة تيجيله قلبه يفرح جدا اعتقد انه قرب ناس كتير بعيدة عن بعض
انا بقى لو حبيت انزل الرسايل اللى عندى خلاص الاسبوع دا مش هلاقى ولا تلات اربع بلوجرات يكفوا هههه ماشاء الله عرض ال1000 رسالة هدية جننوا الناس

shoshta_ joker يقول...
أزال المؤلف هذا التعليق.
shoshta_ joker يقول...

السلام عليكم.....
حلو اووووى الرسايل ويا بختك ياعم ان فى ناس بتحبك كده .....وانا باه اعيط علشان الانبوكس بتاعى اتمسح من يومين وووووووووااااااااء بس ان شاء الله حيتملى اكيد قريب ههههه........دومت بخير .....فى رعاية الله.
shemo

نـــــور يقول...

يابختك ياسيدى محبوب واصحابك مظبطينك
ده انا مفيش حد الحمد لله بيعبرنى ولا بيسال وده لانى انا كمان بنفض بصراحه

ربنا يهون عليك غربتك ويكتر من انوارك :)

محمد المصرى يقول...

سلام عليكم



دى رسالتى ليك يابو العريف



سألت بحر الشعر عن قصيدة توصف "غلاك"



اعتذر مالقيتشى قصيدة توصف "ملاك"



ربنا يزيد من صحبتك



ولك منى سلام


مصرى دائما

fnoonh يقول...

ربنا يعينك على غربتك فعلا الغربة صعبه جدا
ربنا معاك ويرجعك بلدك لاهلك واحبابك

فعلا بتكون عزيزة جدا علينا مسجات الموبايل دي لانها بتوصل لينا احساس قد نكون بنحسة اكتر من البيرسلوه

تقبل خالص تحياتي

الشعب لابد له من حكومه تشكمه يقول...

ربنا يهونها عليك:) وتصدق انا كمان كنت ماسكه موبايلى بقلب فيه انهاردا بس لقيت رسايل من 5 سنين,,عشريه باه:)
الاسؤال صغنن لو سمحت؟؟
هو صاحبك عادى يقولك كده:

_بجد انا تعبان قوي من غيرك .. نفسي حد يقولي اني صح بعدك انا بحبك قوي

انا بستفسر بس:)))

Me7'o يقول...

أبو العريف

أنا جيت أكتبلك فى اول التعليق حبيبى أبو العريف على اساس إننا فى الهم سوا لقيت تعليق الشعب بيزغلل عينيا قلت يا واد بلاش خليها أبو العريف بس
هههههههههههه

إلا صحيح هى إيه الرسالة دى؟؟؟

محمد سعد القويري يقول...

الأخ الفاضل :: أبو العريف ::

السلام عليكم ورحمة الله
وبركاته

أنا رأيي إن الرسايل كويسه

لأن في ناس أعرفهم

ما تجيهومش رسايل بالمررررة

تحياتي

أبو العريف يقول...

المهندس

لا يا هندسه هانت باقي خمسمية ريال
ان شاء الله في خلال السنه دي هقدر اكملهم


بس بلاش ار يا عم الحج

احسن الخمسمية ريال مش راضيين ييجوووو خالص

أبو العريف يقول...

آيوشة

الرسايل حاجه جميله قوي
وطبعا عندي رسايل كتييييييييييير
اخترت منها دول بس

بس لو كانو ألف كان الموضوع هيبقي صعب قوي

أبو العريف يقول...

shemo

ولا يهمك اكيد هيتملي قريب

وبعدين يعني ابعتلك شويه من اللي عندي
احنا في الخدمه



تحياتي

أبو العريف يقول...

نـــــــــــــور

طبعا الرسايل بتفرق معايا عشانالناس دي بعيده عني
اعتقد لو قريبين كان الوضع اختلف

كنت هنفضضضضضضضضضضضضضضضضضضضض

أبو العريف يقول...

لنحيا فى اجواء الحب

حلو قوي رسالتك

وربنا يديم المحبه

تحياتي

أبو العريف يقول...

fnoonh

طبعا يا فنتوته
وانت اكيد مجربه
بس الوضع يختلف لو كنت لسه مسافره متعودتيش عالبعد

بتبقي الامور اصعب

وبتبقي فرحتك بالرساله اكبر

أبو العريف يقول...

الشعب لابد له من حكومه تشكمه


طبعا عادي انه يقولي كده

لانه مش صاحبي

دا احمد اخويا الاصغر مني

وانا قريب منه قوي

وتقريبا صاحبه قوي

و اكيد عادي انه يبقي محتاج

اخوه الاكبر منه وصاحبه

الاقرب ليه

بتحصل في احسن العائلااااااااااااااات

أبو العريف يقول...

حبيبي Me7'o

هههههههههههههههه

انت كمان خفت الناس يفهموك غلط

علي فكره عادي قوي

انه الواحد يبقي محتاج لاصحابه

وبعدين عادي برضه جدااا انه يكون حد بيعتمد عليك في حل مشاكله

ولما تبعد يتعب من غيرك

سواء كان صاحبك او اخوووووك

أبو العريف يقول...

محمد سعد القويري

هي طبعا بتهون كتيييييييير
لو الواحد مغترب زيي

واكيد لو مش مغترب بتنقل احساس ولو لحظي


تحياتي

Unknown يقول...

الله ياأبو العريف
عليك وعلى اصحابك
بجد ربنا يخليكم لبــعض
وترجع لبلــدك بالسلامة
وتتجمعوا تانى وتالت ورابع
وما تتحرموا من بعض ابداًوتفضل
روح الحب اللى بينكم دى موووووجودة
عجبتنى اوى دى بالذات)
- اذا احتجت صاحب اتصل بيا
واذا احتجت حبيب رن عليا
واذا احتجت فلوووس
هذا الرقم
غير موجود
بالخدمه!!!

المهندس يقول...

اخي العزيز " ابو العريف " .... الصديق المهندس / ميخو

هذا ليس تطفلا ... ولكن شئ ليس مريحا بالمرة ان تفكر الناس خلف كل لفظ ... وحرف ... وتقيم محاكم تفتيش في ادمغتها للحكم علي البشر

وانااعلنها صراحة ... محدش قاعد وسط اهله واصحابه ...وجيرانه ... وبعدين ياجي يحاسب واحد متغرب ... وعايش لوحده ... علي لفظ ممكن يكون ليه 1000 تفسير

حفظ الله عليك محبة اخيك الاصغر " احمد " ... وترجعله بالف سلامة ... ويخليكم لبعض

ونكاية في محاكمي النيات ... والكلمات ... سلام يا اخي ... وصديقي ... وحبيبي ... ابو العريف

زهرة الحب يقول...

بجد رسايل حلوة وربنا يخليهم لك

بس ليه قولت على صاحبك ندل اكيد كان بيهزر معاك


تقبل مرورى

زهرة الحب يقول...

انا عجبتنى جداً البوست بتاع ولد غلبان جمييييييييييييل


تسلم ايديك

أبو العريف يقول...

norahaty

متشكر جدا يا دكتوره
علي احساسك الجميل

فعلا الرسايل بتعمل
عمايل

واشمعني دي اللي عجبتك

فكرتني

امي بتقولك هاتي الفلوس اللي عليكي

منوراني دايما

أبو العريف يقول...

المهندس

متشكر جدا يا هندسه
علي اهتمامك يا باشا

دايما كده ياباشا
بتشد ازري

بس عادي ياباشا الناس متعشمه برضه

منورني دايما يا حبيبي

ضايع يقول...

صباع الفل والجمال
عامل ايه يا داميل
اولا ربنا ميحرمكش من احبابك ويردك اليهم في خير حال لك ولهم

ثانيا وده الاهم

بعد شويه " الي هو اكتر من سنه " هتتعود على الغربه او هتبقى بتعبير مراتي طويله العمر يطول عمرها ويزهزه عصرها " جتتك هتنحس :) "

تحياتي ........

أبو العريف يقول...

زهرة الحب

متشكر جدا علي تشريفك ليه

ويارب دايما تنوريني

وكمان قريتي البوست القديم

دا شرف ليا طبعا انه عجبك

منوراني