مكنش نصيبها تبقي حكاية ملتوته
وحدوته
ولا أحلام في قلب البحر
مكبوته
ولا شمس في مدارها بدور
ولا سكه وطريق من نور
ولا ضحكة بنات الحور
ولا في عيوني اشوفها
احلي بنوته
***
مكنش نصيبها تبقي اميرة الامرا
ولا غنوة
ودنيا رسمتها لبكره
ولا ف سمايا اجمل طيف
ولا ف كلامي احلي حروف
ولا منها فضل حاجه
غير الزكرى
***
ومنفعشي
اكون لك طيف
وماكملشي
واسمي يكون
صدي مبحوح
لاسمك بس ما وصلشي
لكنه ارتد
وفك طلاسم الاطلال
وشكلها نجوم في سماه
رسم بالنووور
ولون ضحكة بتزوق
خدود الورد
ولملم م الدموع حبات
وشكلها بقت لؤلؤ
علي وتر الجمال مرصوص
كأنه عقد
***
وكان حكم القدر يبقى
سكوت صوتك
نهاية كل حدوته
ورغم انك
هتفضل في القلوب عايش
لكن جوايا
ماتت ألف حدوته
*****
حاجه صغنونه كده قبل ما امشي
******
امتثالا بالمثل اللي بيقول
الضحك من غير سبب قلة ادب
والدنيا ايه غير شويه نكد فوق بعضيهم
وبكره النكد بكره
فغانا من موقعي هذا اؤيد دعوة صديقي
في الوست ده
وهو اعتبار يوم 10 اغسطس هو يوم للبهجه
يعني كل الناس تجهز بوستات خفيفه في اليوم ده
عايزين اليوم ده يبقي يوم كله ضحك
هناك 39 تعليقًا:
اوووووووول تعليييييييييييق
الله يرحمه ويغفرله
هقرا وراجعة
جميلة جداااااااااا
تسلم ايدك
والله يرحمه للاسف مكنتش اعرفه ومع ذلك
لما قرات خبر موت اثر فيي جدا :(
وفكرررررررة خطيررررررررررة
انا بموووت بالضحك والفرفشة ^ـ*
ربنا يجعل ايامنا كلها سعادة وفرح
بالتوفيق يارب
لسه محدش جه
؟
؟
تيب اخد راحتي بقى
هيييييييييييييييييه
العششششششة فاضية
يؤيؤ
اقصد المدونة فااضية
والعشة فل الفل :]
هيييييييييييييييه
انا محتلة من الدرجة الاولى
:))
نواره
لا رحرحي براحتك
المدونه مدونتك
وبعدين هو مين اللي هياجي بدري كده
انت بتبيعي لبن
كويس ان الفكره عجبتك
جهزي البوست يالا
بس هو فيه سؤال
بزمتك فهمتي حاجه من الحدوته اللي فوق دي
ههههههههههه
المهندس الموهوب ..الصديق / ابو العريف
اولا : 9.5/10 ..مشاعر ..وكلمات ... واحساس ...خلي جلد جسمي كله يقشعر ... رحمه الله ... رغم انك لم تعرفنا عليه ..وماهي قصته ... لكن رحمه الله واسكنه فسيح جناته ... وأجركم في مصابكم خيرا
ثانيا : لما هكلمك ...هبقي ابلغك ليه خصمت 0.5 منك ... بس برضه قصيدة ممتازة ... وخصوصا المقطع الاخير
ثالثا : شكرا لانضمامك لدعوة " يوم للبهجة " ...جزاك الله كل خير ... وان كنت قد ذكرتها بعدما ترقرقت عيوننا دمعا من القصيدة ... طبعا انت مدعو دائما لزيارة مدونتي ..وتشريفها لانه يهمني رأيك دائما
رابعا : انت في ادفع غرامة ..صديق .. عشان انت ما في تحط مدونة حقي ..في مدونات انت تتابع هنا ... كده في كتير " جنجار " سوا سوا ... اذا انا في ايجي كمان شوية ..وما الاقي مدونة حقي هنا ... انا في اطلب شرطة ... وبعدين اروح امارة ... سلام صديييييق
شكرا والسلام عليكم
علي فكرة جميلة جداً جداً جداً
تسلم إيدك
فكرة حلو ولازم طبعا قبلها ابدى اعجابى بكلماتك
يارب يسعد الناس كلها يارب ويسعدك ويفرح قلبك
دمت بكل الخير والسعادة
الله ايه الكلام الهايل ده
بجد اقل حاجه تتقال عليها انها تحفه
ماشاء الله عليك
وانا معاكو في حكايه يوم الفرح العالمي ده
خلينا بقي نفرح شويه
مش معقول؟؟؟!!!
مافيش حدوته بتعيش ولا بتكمل يامحمد
كل الحواديت بتموت للاسف
رقيق اوى منك التفكير ده يامحمد
دايما طيبه قلبك يتذهلنى
ويارب تعيش انت حدوتة غير كل الحواديت
تخاريفك المرة دى فيها احساس عالى قوى قوى يا صاحبى
ربنا يرحمه ويرحم أموات المسلمين أجمعين
تحياتى
الصديق " ابو العريف "
انا متهيألي النت بيشتغل ...
والزهايمر بيهييس
ايون كده ..اضفت مدونتي ... كنت ناوي اسوي " جنجااااار " سوا سوا معاك صديق
0.5 دول نقصتهم لاختلال القافية في المقطع التالت ... لولا كده ..كنت اخدت 10/10 ... ممتاز ونجمة ... وحاجة ساقعة من المقصف كمان
شكرا لموافقتك علي اني " اعارضك " في طريقة التدوين ... بس هنأجلها للجزء التاني ... عشان البوست بقي طويل ... وانت عارف المرور بيشترط طول معين في البوستات ..خصوصا اللي بتتكتب بالليل
المشكلة انك " موهوب " ...وتدويناتك معظمها شعر ... بس هحاول ... وارجو الا تغضب مني اذا اسأت في المحاولة .
انت علقت صحيح ... بس في البوست السابق ... صديق انت ما في كتير وقوف في شمس ... كده في كتير تكليف بالليل عند نفر حق مدونة .
شكرا ... وتصبح علي خير
الأخ الفاضل :: أبو العريف ::
السلام عليكم ورحمة الله
وبركاته
أسأل الله أن يرحمه ويغفر له
ويجعله في عليين
وحلوة الحدوتة
الله يرحمه ويغفر له ويسكنه فسيح جناته ويجعله قبره روضة من رياض الجنة اللهم امين
مبادرة جميلة منك ربنا يكرمك يارب
الكلمات جميلة جدااااا وحلوة المبادرة دى لو تبقى حتى كل شهر مرة علشان الناس تفرح لو ثوانى
السلام عليكم ورحمة الله تعالى وبركاته
المرة دى والمرات السابقة مش تخاريف ابدا
بالعكس كلام موزون وعال العال واخر تمام.
بس بصراحة برضه
انا جاية اليوم
اسجل ردى على ردك عندى
(المعاملة بالمثل يافندم:)
واسمعووو وأعوووووووو:)
(قلم رصاص
السلام عليكم ورحمة
الله تعالى وبركاته
صح لا يفسد صينية
بط ولا وز ولا فراخ كمـــان:)
لم اقصد انك لاتحترمهم او لاتقدرهم
بل كنت اسجل شىء عايشته بنفسى
عامين كاملين :فيهم كويسين وفيهم
طبعاً مش كويسين.متفقيييييين ؟ولا
اجيب البراياتـــــــــــــــــ:)
أما قناة الجزيرة فهى قناة أعلامية
مين يديرها؟بشر طبعاً مهما تحروا الصدق
او العدل فلابد للاهواء ان تتدخل
فى الامر اليس كذلك؟
فقط العدل المطلق بيد الله
فهو العدل.سبحانه وتعالى.
أبو العريف
اسمح لى فى أول زيارة لمدونتك
أن أبدى إعجابى بـحروفك تلك .
وبهذه الأحاسيس الصادقة .
تقبل مودتى
هتفضل في القلوب عايش
لكن جوايا
ماتت ألف حدوته
الله
سلمت يمناك يا أبو العريف
صحيح
حلوة فكرة الاضراب اللى هيحصل يوم 10 اغسطس
ايون
اضراب عن الحزن
هنحاول نضحك من جوه قلوبنا وبس
تقبل مرورى
أميرة
(ملكة بحجابى )
سلام عليكم ورحمة الله وبركاته
وايه منكدكم يعني
انتوا هتمثلوا
وانتوا بتبطلوا ضحك
ده الا الشعب المصري
عايش عشان يضحك
يمكن انت عشان في غربة مش حاسس
ربنا يا ابني يرجعك يا منكد
القصيدة حلوة اوي
اوي
وبجد فكرتني بمحمد الفارس
ربنا يرحم جميع موتي المسلمين
انا جيت اسلم
واقول شكرا لزياراتك ليا
واعذرني لغيابي
و بسرعة يلا ابعت بقه اللاب توب بقه انا زهقت
المهندس
استاذي
متشكر جدا علي تقييمك الجميل ده
وانا نفسي لو حبيت اقيم مش هدي نفسي الدرجه دي
وربنا يرحم محمد الفارس ويدخله فسيح جناته
انا حقيقي معرفتوش
بس حسيت اني لازم اكتب ده
والغرامه اكيد ادفعت
تحياتي
د. ياسر عمر عبد الفتاح
متشكر اوي يا دكتور
نورتني
بس ياريت اللي يقراها يترحم علي محمد
(Joudy)
منوراني دايما
يالا لو عجبتك الفكره
اعلني عنها عندك
ونفذها يوم 10 اغسطس
جهزي البوست بسرعه
ديالا
حلو قوي
اننا نفرح كلنا
وانا شخصيا بجد
محتاج اي حاجه تخرجني من اللي انا فيه
ياريت يكون يوم من البهجه
نقدر ننسي فيه كل اللي بينغص حياتنا
منوراني دايما
نـــــــــــــور
منوره طبعا
بس بمناسبه كلامك
فيه حته جات في بالي
وضاعت زي موج البحر احلامي
وسابت زكريات من ماضي ايامي
وعدت
بالعذاب والفرح
وعدت
بس سابت جرح
تحياتي
يا حبيبه
Me7'o
شكرا يا صاحبي
ربنا يرحم اموات المسلمين جميعا
نورتني
المهندس
ياباشا هو انا اقدر
انا طبعا خفت ادفع الغرامه
بس عموما عارض يا باشا ولا يهمك
قطعني يا عم الساكس
تحياتي يا هندزه
محمد سعد القويري
استاذي
شرفني مرورك
وربنا يرحم موتي المسلمين
تحياتي
آيوشة
ربنا يرحمه ويرحم اموات المسلمين
لو عجباك الفكره يالا نفذيها
ونشوف بوست جامد في اليوم ده
نورتيني
norahaty
دكتوره نور
دايما منوراني
ومتشكر جدا علي رأيك في تخاريفي
اما بالنسبه لتسجيل ردك
الكلام جميل وميه ميه وزي الفل
بس هو فيه حاجه واحده
انت بتكلمي قلم رصاص
ليه
هو الراجل اعترض ولا اتكلم
دانا اللي كنت بوضح وجهة نظري
رضا الكومى
استاذي
متشكر جدا علي رأيك
ويارب ما تكون اخر زياره
نورتني بجد
تحياتي
ملكة بحجابى
ايه الناس اللي ماجاتش من زمان دي
نورتني يا اميره
يالا جهزي بوست جامد في اليوم ده
عايز نضحك بجد
تحياتي
maha zein
لالالالالالالالالالالالالالالا
مش معقول
مها بنت زين عندنا
يا مرحبا يا مرحبا
متعت مها بالحياة
وبلغت الاربا
معرفش هو ايه الاربا ده
انا اعرف دوار القربه
ههههههههههههههههههههههه
واخير تعليق
دا مكنش عيش وسرقه
يا خالتي مها
والله انا مش عارف اعمل ايه من الفرحه
اضرب نار
انا هضرب نار
لا انا لازم اضرب نار
ايه يا داكتوره الغيبه دي
دانت كنت خلاص هبعت منادي يدور عليكي
ويقول دكتوره تايهه يا اولاد الحلال
بس ايه اللي منكدنا
؟
؟
ولا حاجه
انا بس عايز البشر ينبسطواااا شويه
ويضربولهم حجرين شيشه
والقعده تبقي اخر تمام
المهم جهزي بوست بقي من اللي هما
عايزين نضحك يا شيخه
وانا اراهن انك هتضحكينا من قلوبنا
وانا هجهز اللاب اهو
السلام عليكم
كلماتك رقيقه جدا يابو العريف
وربنا يرحمه ويرحم جميع موتى المسلمين
وايه حكايه يوم الفرفشه والبهجه ده
هيا فكرة جميله بجد بس البوستات هتبقى نكت مثلا
ولا صور ولا ايه
تقبل تحياتى
ليس فقيرا من يحب
لو النكت هي اللي هتضحكنا مفيش مانع
ولا الصور
هدخل البهجه
برضه مفيش مانع
المهم اننا في اليوم ده
نبقي قاصدين اننا نضحك
نورتيني
السلام عليكم
موضوع رااااااااااااااااااااااااائع
على فكرة انا الكلام الحلو حتى لوحزن بيفرحنى وبجد مشكوور جدا ياابو العريف وفكرة الاضراب حلوة جدا زهقنا من الحزن وعاوزين نشوف اللى اسمه ايه ده
ومنى سلام مصرى دائما
لنحيا فى اجواء الحب
متشكر جدا يا باشا
نورتنيس
ويارب ما تكون اخر زياره
تحياتي
يوم الضحك؟
مش ما شي معايا
ابقوا بيوم النكد العالمي بلغوني
عشان اجهزلكم تدوينه انما ايه
تنزل دموعكم من وراها
لوووووووووووووووووول
اقصوصه
ليه كده يا اقصوصه
ان شاء الله ربنا يزيح عنك الحزن
ونلاقيكي اول واحده عامله بوست
في يوم البهجه ده
رغم انها ويارتى الأولى والأخيرة
إلا أننى أضع نفسى مكانها دائماً
فمن يا ترى سيزور مدونتى بعد مماتى
من سيتذكرنى؟
من سيدعو الله لى بالرحمة والمغفرة؟
اللهم شفع فيها كل هؤلاء الأحبة
وتقبل منهم خالص الدعاء
يا أكرم الأكرمين
اللهم استجب بحق اسمك العظيم الأعظم
so amazing...
its meanings are great...
إرسال تعليق