الأربعاء، يوليو 15، 2009

ملك .......وكتابه

ازيكم يا بشر

انا جاي اهزر معاكم النهارده

والكلام ده هزار في هزار مش اكتر

اوعي حد يفهمني صح



انتي ياللي نور حيـــــــــاتي


دي الفاتوره بتيجي نــــــــار


قربك اغلي امنياتــــــــــــي


شكلي ناوي الانتحـــــــــــــار


مش بدوق النوم ليلاتـــــــــي


اصل اوضتي فيها فــــــــــار


عمري ما فكرت اسيبـــــــــك


دانتي احلي كيس فيشـــــــــــار


*******

ياللي ساكنه جوه قلبــــــــــــــي


واخده شقة بمطرحيـــــــــــــــــن


اوعي تمشي وتسيبينــــــــــــــي


فين اجار الاسبوعيـــــــــــــــــن


روحي يا روحي في ايديـــــكي


اه وماكلتش من يوميــــــــــــن


يالا ردي روحي ليـــــــــــــــــا


واعزميني في الحسيـــــــــــــــــن


*******


انت يا نجمه في سمايـــــــــــــــــا


والنجوم ولعة وجحيـــــــــــــــــــم


انتي يا قمري وهوايـــــــــــــــــا


والقمر صخر وقديـــــــــــــــــــم


عارفه ليه انتي منايـــــــــــــــــــا


اصل عقلي مش سليـــــــــــــــــم


دانتي كل حاجه عنــــــــــــــــدي


وبتغني عن حوجة اللئيـــــــــــــم


******


كل ليلـه بيكي بحلــــــــــــــــــــم


واصحي م النوم عالكابــــــــوس


ياما بسهرلك ليالـــــــــــــــــــــــي


مش بنام انا م النامـــــــــــــــــوس


ياما قلبي قال بحبـــــــــــــــــــــــك


ما الكلام مش بالفلـــــــــــــــــــــوس


نفسي اجيب الدنيا ليكـــــــــــــــــــي


زي عفريت الفانـــــــــــــــــــــــوس


******


واخيرا الكلام ده مش اهداء لحد

مع اني كنت عايز اهديها لناس كتير قوي

( وش بيلعب حواجبه )

هناك 55 تعليقًا:

ديالا يقول...

يانهار ابيض علي الكلام

تحفه تحفه تحفه

وكمان فيها حس فكاهه رهيب

ده غير ان الكلام موزون حلو اوي

بجد كلها علي بعضها تابلوه رائع

ديالا يقول...

ايه ده هو انا كنت اول تعليق

هيييييييييييييييه

ياحلولي ياحلولي ايه ياجماعه مفيش حد هنا يقعد معايا

mony يقول...

حزروا فزروا.....هى مين؟؟؟؟؟؟؟

mony يقول...

حلوه ياابو العريف

MǿиY El-Shreef يقول...

looooooooooooooooool

جامده جداااااا يامحمد

ههههههههه وربنا انت خطشيييير

تسلم ايدك

وحواجبك بالمره :P

elsha3er يقول...

السلام عليكم

لا بجد جميلة اوى دى المفروض ما كنتش تعدى من غير اهدائات

هههههههههههههه


تحياتى

احمد الشاعر

حاسوباتيه يقول...

ههههههههههههههههههههههههههههه حلوه قوي بجد

( آلاء)daughter of egypt يقول...

ههههههههه


جامده يا راجل بجد دمك يلطش (وش مطلع لسانة)

واطمن محدش فهمك صح


مصر بتسلم عليك

سلام

Me7'o يقول...

هههههه
جميلة قوى
ودمها خفيف

بما إنك وش بيلعب حواجبه

فده بقى

"وش مكسوف"

تحياتى

يوميات شاب منوفى يقول...

هههههههههههههههههه حلوة يازعيم اضحكتنى يافتى

ميرام يقول...

ياللي ساكنه جوه قلبــــــــــــــي

واخده شقة بمطرحيـــــــــــــــــن

اوعي تمشي وتسيبينــــــــــــــي

فين اجار الاسبوعيـــــــــــــــــن


ههههههههه
بجد حلوة
ده حب قاتل قاتل (:
تحيــــــــاتي

نـــــور يقول...

شوف يااخى الحب؟؟؟!!!!!!!
المفروض الحبيبه يجولك تعلمهم الحب باابو العريف ده انت فزيع فزيع فزيع يعنى

البت هتموت من كتر ياامحمد :))

fnoonh يقول...

هههههههههههههههههههههه
ايه الفن ده لا مش معقول بجد جميل جدا جدا
ياسلام لو حد بعت العبارات الرائعة دي لزوجته او خطيبته هههههههههههه
يتخلع على طول
بس بجد تسلم ايدك
تحياتي
فنتوته

Somaya Kamal El Din يقول...

هههههههههه

حلوة اووووى

لاسع افندى يقول...

جميله ودمها خفيف


تحياتى

ليس فقيرا من يحب يقول...

السلام عليكم


هههههههههههههههههههه
عارفه ليه انتي منايـــــــــــــــــــا

اصل عقلي مش سليـــــــــــــــــم

خففت عنى عناء اليوم ياابو العريف

جميله جدا كلماتك والايقاع رائع

تقبل تحياتى

ستيتة يقول...

هههههههههههههههههههههههههههههههههههه
تحفة
مسكينة اللي اتقال لها الكلام ده
وانت المسكين لو هي قرائته

كيكى عوووووو يقول...

ههههههههههههههههههههههههههههههه
والله دة الحب الواقعى

mohamed ghalia يقول...

ههههههههههههههههههه
لا متقلقش مش هنفهمك صح ههههههههههههه

Dr. Kafy يقول...

جميل جدا الشعر ده من النوع الساخر اللى بينم عن روح مرحة تواجه أزمة. إستمر

(Joudy) يقول...

حلوة تنفع لفك التكشيرة اللى محوطانا بقالها مدة


دمت ودامت ابتسامتك

بـِصَمتـِـ أميرة ــــى يقول...

عثل والله
كانو بيقولو ايه عالشعر ده اللى يديك روح جامدة كدة لكن يبتعد عن موازين الصرف والبيان للغة العربيه
اممممممممم
ماتقووول معايا
اممممممممم
ايووووووووووون
افتكرت
كان اسمه الشعر الحلمنتيشى


بس حلوووووووووووة
:)

جحا المصرى يقول...

حلوة ياباشا
ومش هنفهم صح

Sweet Violet يقول...

هههههههههههههههههههههههههههههههههههههههههههههههه
لالالا بجد تحفة
بس اعترف
لمين الكلام ده هه
قول قول سرك فى التعليقات
^_^

أبو العريف يقول...

ديالا

يا نهار ابيض عليكي
بقالك مرتين اول تعليق
يظهر ان انا حظي حلو بقي

تحياتي



mony


هي مين ؟
مين
هه
وحياتي لتقولي




MǿиY El-Shreef

مالك ومال حواجبي يا موني
هو انت فاكراني تامر حسني ولا ايه

وبعدين يا عم الحج انت محمد مين ده
انتي اتعديتي من روان
مش بتقولي يا عمو خالص



elsha3er

ايوه والله

انا كمان كانت عيني هتطلع واهديها لكام حد كده
بس خفت يفهموني صح

كنت عايز انتقم




حاسوباتيه

ميرسي فري جدا يعني

تحياتي

أبو العريف يقول...

( آلاء)daughter of egypt

ايوه كده انا كنت خايف حد يفهمني صح
هو احسن حاجه ان محدش يفهمني اصلا

بجد دمي يلطش

مش عارف اقولك ايه بس
اخجلتم تواضعنا
بلاش كده احسن هتغر
ايه الكلام الجامد ده
انا اساسا بموت في الشتيمه

وش مكسل يعمل حاجه

سلميلي علي مصر



Me7'o
باشا
نورتني بجد
وانا سعيد لتشريفك ليه بجد

وش مبسووووووووووووووووووط




يوميات شاب منوفى

اضحك الله سنك يا عم الحج

انت احلي يا باشا
زعيم يمن
اوعي تفكرني محمد علي بتاع ثورة 15





ميرام

اشمعني الجزء ده اللي عجبك يا ميرام
ايه عشان ازمة السكن
ولا عشان انت معماريه


قاتل ايه بس
مش بقول محدش يفهمني صح
عشان محدش يقلق مني

أبو العريف يقول...

نـــــــــــــور

ايه بقي فزيع دي
عموما يا قمر
انا هديلهم دروس مجانيه

احنا اي خدمه

اوعي تكوني فهمتي صح

أبو العريف يقول...

fnoonh

ازيك يا فنتوته
عامله ايه
واخبار مصر

هو طبعا انا بهديها لكل واحد متجوز وعايز يتخلع
علي طول يبعتها لمراته

بس بقولك ايه
مش هي دي الحقيقه يعني




Somaya Kamal El Din

نورتيني بجد
ومتشكر لتشريفك

تحياتي




لاسع افندى

انت اجمل يا باشا

تحياتي ليك




ليس فقيرا من يحب

ايه دا بقي
اشمعني البيت ده يعني اللي عجبك
امممممممممممممممممممممممممممممممم
عشان اعتراف رسمي فهمي نظمي
انت بتلمحي لايه بالظبط
ماشي يا باشا

تحياتي




ستيته حسب الله الحمش

ههههههههههههههههههههههه
معقول
هو انا مجنون عشان هي تقراه
انا ممكن ابعتلها اللي مكتب بالازرق بس

ايه رأيك

أبو العريف يقول...

كيكى عوووووو

انا برضه اللي عووووووووووو
والله انا غلطان اني مبعتوش ليكي ياكيكي
عشان كل شويه تخضيني بعووووووووووو دي

نورتيني ياباشا




mohamed ghalia
موكز معايا انت يا باشا وفاهمني

ايوه كده مش عايز حد يفهمني

صح





Dr. Kafy

شكرا يا باشا
وانا مبسوط ان الكلام عجبك

نورتني بجد

أبو العريف يقول...

(Joudy)

ازيك يا جودي
مبسوط اني قدرت افك التكشيره

وربنا يجعل ايا مك كلها سعاده
ويبعد عنك التكشيره

تحياتي لمحمد




ملكة بحجابى

ايون حلمنتيشي
هي دي اللي الكلمه اللي من ساعة ما كتبتها
بدور عليها

بس ايه الناس اللي منفضه دي ومش بتسأل


تحياتي




جحا المصرى

نورتني يا باشا
يا ابو الضحك

افهم غلط ياريس

تحياتي




Sweet Violet

ههههههههههههههههه
انت عايزه توقعيني
وتقولي سرك

لا انا مشش هقولك
انه الكلام ده
لنص البشر اللي موجودين هنا

وخاصة ...........................................................

جارة القمر يقول...

بجد حلوة


تسلم ايدك

Ramy Wasel يقول...

روحي يا روحي في ايديـــــكي

اوعى تقفلى ايدك او تصقفى
اروح فيها

هاههههههه

شعر رومانسى بصحيح
ايه الشاعريه دى كلها

الشعب لابد له من حكومه تشكمه يقول...

ههههههههههههه حلوه بجد عجبتنى جدااا طب متقول انك عاوز حد يعزمك فى الحسن وخلاص...:)

ميرام يقول...

هههههههه
تصدق والله عمارة دي مشكلة
):
واحنا بنصيف
طول منا ماشية عماله أقول بيتشد رووف
والمبنى ده غلط
والمبنى ده معرفش ايه
(:
لا أحلى حاجة ان في مادة عندنا الدكتور أقنعنا ان أي مشكلة في الحياة سببها العمارة
يعني لو في مرض نفسي يبقى المعماري هو السبب عشان الالوان والديزاين
لو في أزمة مرورية يبقى المعماري هو السبب
لو في جريمة والله والله قالنا لو في جريمة يبقى المعماري هواللي هيأ الجز للجريمة (:
وانا بصراحة اقتنعت جداااا

متع الحياة كلها بتضيع منننني (:
ههههههههههه

ميرام يقول...

2
ويارب أروح 3 على خير (:

أبو العريف يقول...

جارة القمر

شكراااااااااااااا
تسلمي
نورتيني



Ramy Wasel

ايه الناس اللي فهمت صح دي
هي صحيح لو صقفت اروح في داهيه





الشعب لابد له من حكومه تشكمه

اخيرا لقيت حد يفهمني
هي كده انا عامل البالو دا كله عشان الاكل
محدش هيعزمني بقي
وفي اي حته مش مهم الحسين
بس ناكل





ميرام
قوليلي اسم الدكتور ده
العماره سبب الجرايم
طاب يقول الهام وابداع واقناع وصداع حتي
بس بلاش الجرايم دي
هو احنا ناقصين تهم

آفشنا حرامي يقول...

نحن فى انتظارك دوما

البداية بدات اليوم

ونتمنا نشر لينك هذه المدونة بين كل اصدقائك

وتقوم بوضع لينك المدونة على قائمة المدونات بمدونتك للتواصل الدائم

مع تحياتنا

آفشنا حرامى

جارة القمر يقول...

البوست تحفة


يسلمو الأيادي ياباشا


مودتي

محمد سعد القويري يقول...

الأخ الفاضل :: أبو العريف ::

هزار جاااامد ^_^

هههه

تحياتي

كــركــبــة دمـــاغ ㋡ يقول...

ههههههههههههههههههههههههههههههههه

فظيييييييييييييعه بجد ..

دمك خفيييف جدا جدا جدا ..

يالهوي بجد حكاااااااااااايه ..

يا بختها اللي مكتوبالها ..

هههههههههههههههههههه

حلوة اوي ..

تسلم دماغك بجد ..
تحياتي ..

واحد يعرفك يقول...

ده مش اسمه هزار


ده اسمه زجل


تقبل مرورى


نص موفق


ياريت تستمر على كدة

غير معرف يقول...

هههههههههههههههههه
هههههههههههههههههههههه

انت هااااااااااايل وخطيرررررررررر

ايه دا كله ايه دا كله

والله تجنن وهمووت على روحي من الضحك

وزنت الكلمات الخطيرررة دي ازاي !

وربي ابدااااااع

متتاخرش علينا تاني بتوحشنا بوستاتك

^ـ^

ربنا يوفقك يارب

رحلتنا في الحياة يقول...

ههههههه هو دا الحب ولا بلاش دايما اقول ان اجمل شئ الحب الواقعى بعيد عن اى خيال :))
بس بجد حب مستوفى كل الشروط يعنى كلماتها حلوة قوى ودمها خفيف تسلم ايديك بس موضوع الفار دا بيخلينى اقشعر من سيرته عاااااااااا

MaNoOoSh يقول...

طب قول بس كنت عاوز تهديه لمين وانا مش هقول لحد
ههههههههههههههه

لا الكلام جميل وموزون صراحة

shoshta_ joker يقول...

السلام عليكم...........
بجد الكلام حلو اووووى القفية بتاعته جامدة.........حلو الحالات المدونين بجد الايام دى فى حالة عامة من التهييس عجبانى اووووووووى....... التهييس بيطلع حجات حلوة وجامدة مووووت ..دومت بخير.......فى رعاية الله.
shemo

صفــــاء يقول...

لو دة تخريف يبقى احلى تخريف

نقعد نحب ونقول القمر والنجوم

طب ما هو فعلا النجوم نار والعه والقمر حجارة
وجه نظر برضه

فكرة من الزمن ده يقول...

تحففففففففة والله تحفة بجد؟
تسلم ايديك
جميلو جدااااااااااا والله

بزنس تعيش يقول...

اولا زجل جميل جدا

وروح الفكاهة فيه عاليه

جدا زى ضحكتى ساعة لما قرأته

ثانيا:
روحي يا روحي في ايديـــــكي




اه وماكلتش من يوميــــــــــــن




يالا ردي روحي ليـــــــــــــــــا




واعزميني في الحسيـــــــــــــــــن


العبارات دى متوافقه جدا مع سياسة مدوناتنا

والبوست الجديد اللى فيها

لذا انت معزوم على البوست الجديد
بس فى مدونة اصحاب وبزنس مش فى سيدنا الحسين

-------------------------------------------
مع تحياتى / حازم ربيع

أبو العريف يقول...

جارة القمر
نورتيني مره تانيه


شكرا يا قمر




محمد سعد القويري

يا اهلا باهل السعوديه
نورتني بجد
علي فكره انت مش ضيفي
انا اللي ضيف عالسعوديه
تحياتي




شقاوة مراهقة

اولا حمد الله علي سلامتك
نورتي مصر
وعقبالنا يارب


متشكر قوي
بس حكاية يا بختها دي اللي غريبه
من قلبك يعني ولا ايه


نورتيني




واحد يعرفك

مين دا اللي يعرفني
متشكر





ঔღঔ نـــوارة ঔღঔ


يا مرحب بالتلافزيون
نواره عندنا يا مرحبا يا مرحبا
متشكر يا باشا


تحياتي

أبو العريف يقول...

ايوشة

واقعي واقعي يعني
واحنا هنكدب ليه
مش هي دي الحقيقه
دايما كده خاربه بيته
وبيسهر اساسا عشان الناموس
ولا قمر ولا كلام فاضي

لا يا ايوشه دانا بهزر بس
مش بقول محدش يفهمني صح



MaNoOoSh

اقول ايه
انت عايزاني ابات في المستشفي
دول مفتريين يا ستي
هو انا اقدر اهديه لحد
نورتيني




shemo
سيبك انت احلي حاجه التهييس
وهو الواحد لولا التهييس ده كان هيقدر يستمر
نورتيني



صفــــــاء

هههههههههههههه
ايه ده انت صدقتي ولا ايه
لا ياشيخه انا بهزر
نجوم ايه اللي ولعه
دي نااااار يا ستي

ولا القمر
ايه اللي حلو فيه بقي




فكرة من الزمن ده

متشكر جدا يا فكره
نورتيني






بزنس تعيش

عجبك موضوع الاكل
امممممممممممممم

اه يا مادي
بزنس مين يا عم الحج
ماليش فيه

Unknown يقول...

امممممممممممممم
اتاريك بتحبها لمصلحتك
عايزها تعزمك فى الحسين
وتدفع ايجار الاسبوعين
عشنا وشفنا العجب:):)

Lyssandra يقول...

ينتظرك تاج يافندم
ع الهامش

لا تتأخر في الوصول
وأول ما تجاوب عرفني :))

لي عودة :)

Lyssa

منــار فايد يقول...

الله الله ياابو العريف
ضحكتني جدا
تجنن بجد
ماهو الكلام مش بالفلوس
جميــــــــــــــــــــــله اوي ودمها خفيف
بس كدا كفايه


منار فايد

عالم حبيب يقول...

هههههههههههه ايه يابني الشعر الجامد ده

كراكيب يقول...

معلم ابو العريييييييف
ازيك يا كابتن
عامل ايه وايه وايه
ان شا الله تكون تمام واخر روقان

ايه الكلام الكبير ده
ياساااااااالام انا من زمان وانا بقول عليك فنان
:)

miro el niro kwaniroooooo