الأربعاء، مايو 13، 2009

............حاله


نافذة


يعلو صراخ زجاجها كلما تحرشت به الرياح


ومكيف


تجبرنا حرارة الجو علي استخدامه رغم صوته الذي يشبه الطواحين


ومروحة


بسقف الصالة لا تعمل الا بالسرعة القصوي


لتحدث صوتا كطائرة مروحية


وسخان


مثقوب بالحمام تتساقط منه قطرات الماء بغزارة في دلو وضع تحته


ليختلط صوته بالأصوات السابقة لتضفي جوا من الاثارة علي ذلك المكان


وليل


مترامي الأطراف يحيط بفيلا قديمة مكونة من طابقيين اسكن الطابق الثاني وحيدا


ويستخدم الأرضي كمكتب للشركة نهارا


لتخلو بي ليلا واخلو بها


وغربة


قادرة دون ادني مساعدة مما ذكرته ان تطرد النوم


بعيدا عن اجفاني فلا اجد ما يذهب هذا الارق الا ان


اشاهد فيلم رعـــــــب علي قناة الجزيرة


و انااااااااااااااااااااااااااااااااااااااااااااااااااااااااااااام




هناك 49 تعليقًا:

maha zein يقول...

ايه ده
انت كتبت جديد اصلا
انا مش بيظهر عنديفي الريدر جديدك ليه
سبحان الله
انا كنت جاية امسك في خناقك واقولك خلاص يعني كده
نفضت لنا
مكنش عيش وسرقة
عموما انا هظل اقول ربنا يرجعك من غربتك
وارف الغربة
تاني حاجة
انا اتخضيت من الصورة صراحة
وشكة انك تكون انت اللى راسمها

ولاني بتوسم فيك قمة الخير
هنقلك فتوي افتي بيها الشيخ محمد حسان
في ان اكثر اهل النار يوم القيامة المصورين
وهما الناس اللى بينحتوا او بيرسموا اشخصا او اشياء فيها الروح مشابههة للى موجود في الدنيا
يعني لو رسموا كارتون واشكال مش موجود لها مثيل عادي لو صنعوا دباديب وحجات يلعب بيها الاطفال وبردو ملهاش مثيل عادي
لكن يرسموا او ينحتوا وجوه او بشر او اشياء بها روح
هيأتى الله يوم القيامة ويقول لهم احييوا ما خلقتم

وطبعا قال ادلته الكتير جدا عن الكلام ده والاحتاديث بس انا مش حافظة
انا كنت برسم ذيك بالظبط وبرسم حلو بس بطلت
ارجو انك مترسمش تاني وجوه
ربنا يبارك فيك ويعزك
نصيحة من اخت في الله
لاني والله اعلم انك شخص ملتزم ومتدين
ربنا يعينك علي الغربة

أبو العريف يقول...

مها
دي فعلا انا اللي راسمها
بس هي من زمان وانا فعلا من فتره ما رسمتش حاجه
ومش ليه نفس ارسم اساسا
بس انا لقيتها ماشيه مع الموضوع
وانا مقتنع بكلام محمد حسان
ومختلف مع محمد رشيد رضا اللي بيقول عكس الكلام ده

بفكر لو حبيت ارسم
ارسم بيووووووووووووووووووووووووووووووووووووت

norahaty يقول...

السلام عليكم ورحمة الله تعالى وبركاته
بعد كل الموسيقى التصويرية اللى حواليك
دى لسه محتاج فيلم رعب لاجل ما تنام ..ازاى؟
متهيأللى محتاج حاجة تهدا الاعصاب مش تتعب الاعصاب
بس اقول ايه ......كل واحد وأعصابه بقى؟:)
الله يعينك على الغربة وعلى الوحدة فيها:)

(Joudy) يقول...

هى حقا حاله ولكنه أشبه بضوضاء الصمت حتى الصمت له ضوضاء فلم نعد ننعم بهدوء الصمت حتى الهدوء حرمنا منه وتركنا لنعانى قسوة الغربة ومرارتها بجد ربنا يرجعك بالسلمة لأهلك يارب ويفرح قلبك

دمت بكل خير وسعادة وراحة بال

م/ الحسيني لزومي يقول...

انا اتولدت مغمض حدفوني في الدنيا و قالولي روح ربنا معاك ولحد دلوقت لسه ما فتحت
لسه ربنا معاك ...مش بتنام علي فيلم رعب يبقي ربنا معاك

well يقول...

ان كانت هذه حالة فأظنها حالة ملل
...تقبل تحياتى ومرورى

fnoonh يقول...

اوه على حالات الملل البتحصل للواحد في الغربة المتعبه دي
اينعم بكتب عنها كتير في مذكراتي بس مش برضى انشرها عشان مش احسس الناس بالاكتئاب
ربنا يعينك على الانت فيه
تقبل خالص تحياتي

ستيته حسب الله الحمش يقول...

مش الأجازة خلاص كلها شهر
وترتاح من مكيفات المتعاقدين
ومراوح المتعاقدين
وسخانات بتتخرم من مية تدوب الحديد كل سنتين مرة
والحر اللي بيسيح كوتش العربيات
والوحدة اللي كده كده ها تحس بيها حتى لو جابوا لك فرقة حسب الله

هانت هانت تيجي أجازتك بالسلامة وتفرح ان شاء الله

MǿиY El-Shreef يقول...

اولا ,, حمدلله ع سلامتك

بجد وحشتنا والله

ثانيا الرسمه تحفففففه

ثالثا البوست عجبني اوي بس ف الاخر حسيت انه قلب بهزار

جميل اوي تصويرك للمؤثرات ياعمو

سلام بقى

واوعى تعملها وتغيييب كده تاني

واحـده وخـلاص يقول...

ونسيت تقول
وواحدة سابت حبيبها وبعدت وهى تعبانه
وهو استسلم وسابها كأنه كان مستنيها تبعد
وحدته زادت بعدها ووحدتها وغربتها فى وسط اهلها هى كمان زادت

ليه نسيت تقول ؟!
او جايز مابقاش ليها مكان
او جايز حبيبها اللى مابقاش عايز لها مكان فى وسط غربته ووحدته

ليه نسيت تقول؟!! ...ليه؟!!

د. ياسر عمر عبد الفتاح يقول...

شوف
نا حاجة واحدة بس من كل الفيلم ده
ممكن متنيمنيش أسبوع

بس حلو جو السسبنس ده
وياريت فعلاً مترسمش وجوه تاني

وياريت كمان متغبش عننا يا عمنا

حسام غانم يقول...

حمد الله عالسلامة يا أبو العريف


بوست جميل

ميرام يقول...

(:
حالة جميلة ..
وقدرت تعيشنا فيها ...
ومع فيلم الرعب مفيش أجمل ولا أروع من كده
بانتظار جديدك
تحيـــــــــاتي

القدر و انا يقول...

ابو العريف
اجمد يا بطل
ياما فى الدنيا من منغصات
انشاء الله تنتهى غربتك وتستعيد ابتسامتك
تحياتى

مسدس صغير يقول...

جميييييييييييييييييل اوى البوست ده
بصراحة اسلوب فى الكتابة يجعل القارئ يشعر وكأنه يرى هذه الاشياء رأى عين.
احييك عليه
وربنا يرجعك بالسلامة

ঔღঔ نـــوارة ঔღঔ يقول...

جيييت اسلم عليك لقيتك منزل بوست جديد

غريبة انه مظهرش عندي في الريدر

ربنا يعينك على كل المأثرات المزعجة دي

ربنا يهون عليك غربتك

ويرجعك لاهلك وناسك بالف خير

بالتوفيق يارب

amany يقول...

الله .. بجد جميله
تسلم ايدك
بس احساسها صعب اوى

أبو العريف يقول...

norahaty
لا يا شيخه انا بس بهزر
اصلي في اليوم دا بتفرج علي فيلم
طلع رعب
قلت ياله خليها تكمل

تحياتي

أبو العريف يقول...

(Joudy)
جودي متشكر جدا علي سؤالك بس هي حاله حقيقيه فعلا
بس الواحد اتعود عليها
وهانت كلها3264368 ونرجع بقي
5

أبو العريف يقول...

م/ الحسيني لزومي
يا هندسه
اول مره حد ياخد باله من البروفايل
بس حقيقي هي كده فعلا

نورتني

أبو العريف يقول...

well
هي حالة ملل
ووحده
وغربه

نورتني

أبو العريف يقول...

fnoonh
انت اكتر حد حاسس بموضوع الغربه
ده بس انا زياده علي الغربه
الوحده
والملل

أبو العريف يقول...

ستيته حسب الله الحمش
مين اللي قالك علي حكاية الاجازه
لا لسه 3 شهوووور بالتمام والكمال
بس مش اجازه انا رااااجع

أبو العريف يقول...

MǿиY El-Shreef
هعمل ايه يا موني
ماهو لو ماقلبش بهزار هتنقط
احسن حاجه اننا نهزر
وبعدين انا بقالي فتره بقي دمي تقيل كده عموما انشاء الله المره الجايه هتبقي هزار زي زمان

تحياتي لبنت اخويا توته
عموووووو

أبو العريف يقول...

واحـده وخـلاص

اصل الفيلم كان رعب مالوش علاقه بالرومانسي خالص
وبعدين الكلام اللي قلتيه دا مش عارف اوصفه
لان مالوش صوت

أبو العريف يقول...

د. ياسر عمر عبد الفتاح
مشكوووووووووور يامان
انا فعلا بطلت ارسم وجوه
وان شاء الله ربنا يهدينا جميعا

أبو العريف يقول...

حسام غانم

مشكووور يا مان
نورتني
انت اجمل ياباشا

تحياتي

أبو العريف يقول...

ميرام
لازم القفله تكون بفيلم
رعب عشان الجو اللي فات يكمل

نورتيني بجد
ورأيك بيفرق معايا
شكراااااااااااااااااا

أبو العريف يقول...

القدر و انا
شكرا ياباشا
نورتيني
انا جامد قوي
بس اهو بفضفض معاكم

أبو العريف يقول...

مسدس صغير

شكرا علي كلامك الجميل
وبعدين تري ايه انا كنت عايزك تسمعها

تحياتي ليك ايها المسدس الكبير جداااااااااااااااااا

أبو العريف يقول...

ঔღঔ نـــوارة ঔღঔ

نورتيني يا نواره
بجد انا مبسوط انك بتسألي
ومتشكر علي السؤال

تحياتي

أبو العريف يقول...

amany
شكرا يا اماني
نورتيني
ياريت ماتكونش اخر زياره

wesoooooooooo يقول...

الصوره رووووعه
واسلوبك بيوصل للقلب ودى أهم حاجه
ربنا يهون عليك الغربه وترجع بالسلامه ان شاء الله

MaNoOoSh يقول...

يعنى لازم القفلة المرعبة دى يعنى
ههههههههههههههههه
ربنا يريح بالك فى الغربة ويقدم لك الخير ان شاء الله.. وعلى رأي ستوتة اهى هاااااااااااانت

hamada يقول...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية “رواية سنوية سنقوم بنشرها في الجريدة”
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
أرجوا إرسال مواضيعكم لأختيار الأفضل لنشره العدد القادم
أرجوا ارفاق الاعمال في ملف ورود
لمزيد من المعلومات بادروا بالاشتراك في الجروب الرسمي للجريدة
http://www.facebook.com/inbox/readmessage.php?t=1069922064069&f=1&e=-12#/group.php?gid=78080770039

كيــــــــــــارا يقول...

ايه جو الرعب دا انا من شده التخيل اترعبت

محمد عتلم يقول...

ازيك يابو العريف

ghorBty يقول...

كان الله في العون

هون الله عليكم كل صعب

استعن بالله ستأنس وتسعد

عالم حبيب يقول...

كلمات جميلة .. واحساس استشعره لأنني أعاني مما منه تعاني .. ردنا الله إلى بلادنا بسلام

ملكة بحجابى يقول...

سعيدة باستنشاى لحرفك
الهمتنىىىىىىىى

تقبل مرورى
ملكة بحجابى

أبو العريف يقول...

ملكة بحجابى

ولا كأني سمعت حاجه

انت بتقولي ايه

مش فاااااااااااهم

أبو العريف يقول...

wesoooooooooo

شكرا جداااااااااا

وربنا يكرمك

تحياتي

أبو العريف يقول...

MaNoOoSh
طبعا امال انام ازاي بعد ده كله
مش لازم حاجه مرعبه كده
عشان اضمن
نوما مرعبا

نورتيني

أبو العريف يقول...

كيــــــــــــارا
ايه الناس اللي بتترعب من التخيل دي
امال لو قعدتي يومين
تعملي ايه

نورتيني

أبو العريف يقول...

محمد عتلم

ازيك يا باشا
منور

أبو العريف يقول...

ghorBty

متشكر جدا
نورتني

أبو العريف يقول...

عالم حبيب
يارب
ترجع بالسلامه
تحياتي

ايوشة يقول...

بعد كل الرعب ده يابشمهندس ولسه هتشوف فيلم رعب تانى كمان ههههههه
ربنا يهون عليك الغربة يارب وترجع لارض الوطن سالم باذن الله وتفتكر ايام الغربة وتشتاق لها تانى

ايوشة يقول...

بس تعرف ان صوت السخان دا الازمة بجد صوت المية وهى بتنقط كده تعذيب للنفس بشكل وحش ربنا يكون فى عونك
اصلى بجربها لما الحنفية تبوظ فى المطبخ ومش بعرف انام من صوتها لغاية الصبح ههههههه