الجمعة، أبريل 10، 2009

بلدي ..................


هي لمه وناس بترسم احلي فرحه


هي صوت أمي اسمعه من قبل ما اصحي


هي ضحكة بنت اخويا

هي حنية ابويا


هي شاله فوق كتافه


وبين صوابعه هي سبحه


هي نظره في عين حبيبتي


اللي قلبي حبها


هي دي بلدي اللي قلبي حسها


هي دي مصر اللي انا مشتاقلها

هناك 57 تعليقًا:

سفروتة يقول...

مصر
بالرغم من المساوئ اللي بنشوفها قدام عنينا كل يوم

الا انها كبلد وكلمة في حد ذاتها بنعشقها كلنا

ومهما لفينا مش هنلاقي احسن منها

ترجعلها بألف سلامة

تحياتي
:)

د. ياسر عمر عبد الفتاح يقول...

ايه يا عم الجمدان ده
والله جسمي قشعر من كلامك
تسلم إيدك يا عمنا

شاب كــ طخين ـــــا يقول...

الله عليك وعلى كلماتك

وبين صوابعه هي سبحه
الجمله دى تحفةةةةة وصف جميل اوى

بوست جميل تسلم ايدك

(Joudy) يقول...

ايه الجمال ده كلماتك جميلة جدا جدا وباين فيها أد ايه انت مشتاق للرجوع يارب ترجع لها سالم غانم ان شاء الله ويجمعك بكل اللى بتحبهم وتفضل معاهم وما تبعد عنهم

بـِصَمتـِـ أميرة ــــى يقول...

هى كمان مشتقالك
مصر البلد الوحيدة اللى مهما عملت فينا نشتاقلها
يمكن عشان ارضها شايله اثار اقدامنا مهما احنا كمان غضبنا منها او غضبنا عليها

تقبل مرورى
ملكة بحجابى

MaNoOoSh يقول...

كلمات جميلة جدا
بس على فكرة مصر اللى انت مشتاقلها دى وانت عايش فيها اكيد مكنتش بتحس بيها قوى بالشكل دة
رغم كل البلاوى اللى فيها بس احنا بنحبها ويمكن مبيحسش باحساسك دة غير اللى بعد عنها شوية

MǿиY El-Shreef يقول...

الله عليك

بجد مصر بحبها كبلد ك وطن مش ك حجات تاني

وبموت فيها وف ترابها مش ف حجات تاني

كلامك جميل اوي ياعمو

من القلب للقلب كده

تسلم ايدك وربنا يرجعك بألف سلامه

انا ع فكره بعملك ف مفاجأة كده

قريب ^-*

ستيتة يقول...

عارفة احساسك اكتر من اي حد
وتقدر تقول ان حتى ريحة هواها اللي كله ملوثات جميلة
وتقدر تقول ان تمشية على كوبري قصر النيل الساعة 12 بليل ما يعادلهاش حاجة
ومنه لله اللي غرب الناس جواها قبل ما يغربها بره

ربنا يرجعك بالسلامة لأحضان الحبايب يا محمد

منــار فايد يقول...

ربنا يرجعك بالسلامه
بس ان شاء الله معانا مش هتحس انك بعيد عن مصر خالص

كمان ممكن تسمع محطه مصر..زهتعيش جو مصر
ههههههههههههههه



شباك موارب اه موارب والله
اوعى تقفله

Kiara يقول...

الله عليكي يامصر

حسام غانم يقول...

ويبقى انت أكيييييييييد

أكيد في مصر

:)

mohamed ghalia يقول...

ايوه كده عايزين تعبيرات عن حب البلد دى
بجد كلمات روعة ربنا يكرمك

موجة يقول...

ربنا يرجعك مصر بالسلامة
لمامتك وباباك وبنت اختك وحبيبتك
كلماتك جميلة اوى ومعبرة يابو العريف

مسدس صغير يقول...

كلمات ولا اروع ولا احلى ولا اجمل على رأى احمد شوبير
بجد كلمات جميلة جدا ومعبرة جدا جدا..
بالسلامة تروح وترجع بالسلامة..
احييك على الكلمات

غير معرف يقول...

بجد كلماتك جميلة أوي يا أبو العريف

ياريتها كانت اطول من كده شوية

استمر يا باشمهندس انت بتكتب كويس اوي

KEBLAWYAT يقول...

كلام جميل فعلا
كلمات زى الوطن و الأنتماء مش كلام بيتقال
دى حقيقه بتتعاش

ليك تاج عندى على فكره

shoshta_ joker يقول...

السلام عليكم.......
الاول ازيك يا ابو العريف معلش دخلت اعلق متاخر شويتين .......هى بجد دى مصر بس لما بتوحشنى ونحنيلها بغض النظر عن الى فيها فهى فيها الناس الى بنحبهم والاهلينا وصحبنا ........ربنا يرجعك لكل الناس الى بتحبهم وبيحبوك بالسلامة .........دومت بخير .

فتــافيت (رحاب الخضري) يقول...

رغم انك معبرتش تعليقي في البوست اللي فات (وش بيطلع نار من ودانه)

الا ان البوست ده بجد حلو اوي

ربنا يجمعك بيهم على خير

fnoonh يقول...

اهئ اهئ اهئ اهئ اهئ

والله رغم كلمات بسيطة وصغنونة الا انها خلت عيوني تدمع

بجد انا فعلا اشتقت لكل حاجة في مصر لكل ركن في بيتنا انا مشتاقة لكل شارع مشيت فيه انا مشتاقه

بجد انا مشتقالك يامصر

تسلم ايدك قلبت علينا المواجع والاحزان

وربنا يوديك لمصر بالسلامة بسرعة وغربتك ماتطولش

تقبل خالص تحياتي وتقديري

maha zein يقول...

يا الهي
ايه يا ابني الاحساس ده
ربنا يرجعك بالسلامة
بجد منها لله الغربة
ومنهم لله اللى ماسكين البلد ومخليين اولادها مضطرين يسبوها ويسافروا

انت فكرتني بأحساس اخويا وهو مسافر

اكيد انت مصر وحشاك
بس المؤكد انك كان واحش مصر وواحش امك وابوك وبنت اخوك و واحش اللى بالي بالك بردو (وش بيغمز)
ربنا يرجعك بالسلامة

عاشقة القمر يقول...

كلمات وتشبيهات جميلة ..
ربنا يرجعك ليها بالسلامة ان شاء الله ..

Ahmed يقول...

الله الله
ايه الحب ده كله

على فكره سبحان الله
حب البلد ديه شئ فطري جوانا
رغم كل شئ بيحصل لكن لما بنسمع بس حد بيشتم فيها بنزعل ونتحمأ ونرد عليه

بلدنا هنعمل ايه يعني؟ بنحبها

Unknown يقول...

هي أملي
وهي حضني
هي همسة
في عز الليل
هي نسمة
في يوم حر طويل
هي هي
كل حاجة .. وأي حاجة
بس ياريت ترجع حاجة زي ماكنت

الله ينور ويخليك لمصر ويخليها لنا كلنا
ويبقى التواصل

طوبه فضه وطوبه دهب يقول...

حلوه اوى تسلم ايديك

القدر و انا يقول...

محمد
رائع فى كلماتك
رائع فى احساسك
تسلم لبلدك وناسك
وتسلم بلدك من اى معتدى
تحياتى لك يا شاعر

غير معرف يقول...

بوست جميل جدا

وصفت اشتياقك للرجوع باجمل الوصف

الغربة صعبة

ربنا يرجعك لاهلك بالف سلامة

دمت بحفظ الرحمن

aidy يقول...

كلمات جميلة بجد

كعادة حضرتك

والمعنى كمان حلو اوى

تحياتى ليك ,,

نـــــور يقول...

ايه العسل ده؟
ردك فى الجون
ليا تعليقا تانى
بس انت راجع بسرعه علشان كلامك بيوحشنا
امممممممممم

رحلتنا في الحياة يقول...

ساعات لحظات الحب مش بنفتكر الا الجميل فى البلد دى وننسى اى اساءة كلمات جميلة تسلم ايديك وترجع لمصر بالسلامة ان شاء الله

محمد عتلم يقول...

يا اخى مصر دى حنينه اوى ... بتفكرنى بحنان مرات الاب

maiosha يقول...

ربنا يرجعك لمصر بالسلامة يا ابو العريف وتشوف مامتك وباباك وروان وكل اللى وحشوك يا رب

ســـهــــر يقول...

الله عليك بجد

مفيش أحلى ولا اجمل من بلدنا
ولا فى احلى من كلامك الجميل دة
ربنا يرجعك سالم غانم يارب

نظره عين يقول...

تحيا جمهوريه مصر العربيه
احل حته بقى لما انت قولت" نظره في عين "
للدرجاتى بتحب مدونتى يابو العريف
ههههههههههههههههه
سلامى ليك

maha zein يقول...

يا عم روح كده
ده انت خلاص
بقيت منفض بقه
وقال تيجي بعد ما البوست يتنشر بمية سنة
فين الهمة والحماسة بتاعت زمان
ولا انت بغل ولا ايه واول ما لقيتني مش بجاوب علي التاج قلت تعاقبني
روح كده
وعلي فكرة انا مقاسمة فعلا بتاع السدق
وبتاع الجمبري بيديني شندوشتين ببلاش لما بجيبله ناس

وردشان smilyrose يقول...

هى دى حبيبتها المتغربة

دورت عليها بشوق ولهفة قلب

جريت وراها هنا وهناك بدون حد


قلب عشق ترابها ومية نيلها

قلب داب فحبك يابلدى

حبك فقلبى مهما طال غربتى عنك

برده فقلبى يا بلدى

smilyrose

وردشان

روح الحب الصادق

maha zein يقول...

ربنا يرفع نفسيتك
ويردك لبلدك واهلك سالم غانم
ربنا يعينك علي مر الغربة والامها
اعمل ذي اخويا وارجع والغي العقد وقول بلا ارف
ملعون ابو الفلوس اللى تغربني

بقولك ايه
عشان ارفعلك نفسويتك
انا هجاوب التاج اهه
وهلفلك شاندوشتين سدق وكبدة وبمبار وهبعتهملك في الدي اتش اع
حاول تقرب من ربنا اكتر
وبطل سماع اغاني لان الاغاني حرام
وحرام بشدة كمان وهي سبب البلاء وسبب تحجر القلب

هو انت في السعودية؟
عشان لو انت هناك هقولك اعمل عمرة ترفعلك نفسيتك

♥♥♥♥♥ Jennifer™® ♥♥♥♥♥ يقول...

أحب بلوق الخاص بك

كيكى عوووووو يقول...

سامع صوت تصفيق**
مش سامع طب ركب بقى سماعات
عوووووو

كراكيب يقول...

قمر البلد دي عيون ليلها
سهران لوحدي بغنيلها
لو روحت فين دايماً قلبي
بيحن ويلف يجيلها

ايه الاغنية القديمة اللي انا افتكرتها اول ما قريت بوستك دي

عن اذنك بقى اول ما اعملها داون لود
:)

تشيجي بالسلامة يا ابو العريف

ألا ابو العريف لما بيحبوا ينادوه في البيت بيقولولوا يا إيه؟؟ ألا؟؟
هه هه.. واللا انا هفضل كل ما اناديلك اقولك يا ابو العريف كدة؟؟... الله

miro el niro kwaniro

أحمد الصعيدي يقول...

السلام عليكم
ما أجمل وطنيتك
وما أعذب اسلوبك

maha zein يقول...

انت يا ابني انت
فيه ايه بجد
انت شكلك مش مظبوط الايام دي
ربنا يخفف عليك غربتك
انا والله حسة بيك
لان اخويا كان كده بردو سعات بيجيله حالات خنقة رهيبة
والله اعلم يا اخويا
يمكن الخنقة من حاجة تانية

(وش بيغمز)
ارجعوا بلادكم بقه منكم لله
اعمل ي اخويا واهرب
افسخ العقد وسيبك
يلا ربنا يخفف عنك

Asmaa Fathi يقول...

اللى يشوف البست ده ميتخيلش ان هوه صاحب البوست اللى فات

عموما ده افضل كتير

تحياتى

(Joudy) يقول...

ليك تاج عندى فى كلمات من ذهب معلش غلاسة هنعمل ايه ربنا معاك

(Joudy) يقول...

اه نسيت أوصلك سلام محمد بصراحة هو مشغول جدا وبيعتذر

MǿиY El-Shreef يقول...

محمد انت فين

بجد قلقانه عليك انا

ياريت تطمنا عليك مش معقول نفسيتك تعبانه ده كله

بجد وحشتنا

وحاول تطمنا الله يخليك

koketa يقول...

أحساس حضرتك جميل
وكلماتك جميلة

ميرام يقول...

(:
وطني وطني ...
ربنا يرجعك بالسلامه
مع ان تلات ارباع اللي بيسافرو مش بيرجعو (:
هههههههه
لا بارادتهم يعني بلاش النيه الوحشه
(:

(Joudy) يقول...

فينك يا بشمهندس ايه الغياب ده كله يارب تكون بخير اوعى تكون تعبان ربنا يقويك ويارب تكون فى أحسن حال خد بالك من نفسك مصر عايزاك يارب ترجع لها بالف سلامة

maiosha يقول...

ابو العريف

انت فيييييييين؟؟ ومختفى فين كل ده؟؟

يا ريت تظهر وتبان عليك الأمان

MaNoOoSh يقول...

ياترى انت مختفى فيييييييييييييين يا ابو العريف؟
على العموم ربنا يرزقك بكل خير

(Joudy) يقول...

ايه يا بشمهندس بتشوف غلوتك عندنا ولا ايه يارب تكون بخير وترجع لمدونتك بألف سلامة

(Joudy) يقول...

بجد حاجة تقلق ايه الغياب ده كله عل المانع خير يارب تكون فى أحسن حال ياريت تطمنا على أخبارك

اسماء واحلام فى وجدانى يقول...

تحيا مصر

فى كل مكان

تحيا مصر

مع كل اذان

تحيا مصر

على كل البلدان

تحيا مصر

اسماء واحلام فى الوجدان

مش عارف اقولك ايه

عالم حبيب يقول...

ما شاء الله ... كلمات جميلة

يارب مصر ترجع تاني جميلة كده

( آلاء)daughter of egypt يقول...

جامد جدا كلامك يا ابو العريف

ترجعلها بالسلامة يا ريس


daughter of egypt

(Joudy) يقول...

يا بشمهندس طمنا عليك ايه الغيبة الطويلة دى

koketa يقول...

انا جاية وقاطعة المشوار الصعب ده من مدونتى لمدونة حضرتك واستحملت زحمة الموصلات علشان جايبة لحضرتك تاج هدية