حاجات ملهاش علاقه ببعضيها ....................خالص

.

كان الانجليز يقولون لو خيرنا بين مستعمراتنا في الشرق

.

(وكانت مستعمراتهم لا تغيب عنها الشمس )

.

وبين شكسبير لأخترنا شكسبير

.

. اما المصريون فلو خيرتهم بين

.

نجيب محفوظ واحمد زويل وعمر الشريف مجتمعين

.

وبين رغيف العيش

.

لأختاروا رغيف العيش

.

.

.

*******

.

الغربة هي غيبوبة لا يفيق الانسان منها لحظة رجوعه

.

.

.

*******

.

ليه الحاجات الصح بتحصل دايما في الوقت الغلط

.

.

.

******

.

لكي تعمل بالسياسة في مصر لابد ان تكون احد اثنين

.

اما رجل يجيد الكذب

.

اورجل لا يفهم بالسياسه

.

او الاثنين معا

.

.

.

***

.

الغربة ان تري عظمة ما كنت تظنه تافها

.

.

.

****

.

في استثمار الوقت الضائع فرصة للتغيير
                                                    " لبيدو "

.

.

.

*****

.

بلدي ..................

هي لمه وناس بترسم احلي فرحه

هي صوت أمي اسمعه من قبل ما اصحي

هي ضحكة بنت اخويا

هي حنية ابويا

هي شاله فوق كتافه

وبين صوابعه هي سبحه

هي نظره في عين حبيبتي

اللي قلبي حبها

هي دي بلدي اللي قلبي حسها

هي دي مصر اللي انا مشتاقلها

ماشربتش من نيلها......... اهداء الي ستوته

اولا

انا بهدي البوست دا للدكتوره ستيته حسب الله الحمش

( اديني برد الهديه اهو يا ستوته )

ونفس ذات الاغنيه.... اغنية العياط واخده بالك

**************
مين فينا ما بيحبش الغنوه دي

انا شخصيا بحبها جداااا وبحس بحاجات غريبه ساعة بسمعها

( وطنيه بقي وحاجات من دي )

بس حد يعرف ان الست شرين اللي شاربه نيلها كله

اول ما جات تولد راحت ولدت في امريكا عشان الواد يطلع معاه الجنسيه

الامريكاويه وبلا نيلها بلا نيلتها

شفتو اد ايه احنا متناقضين بنحب البلد وبنكرهها في نفس ذات اللحظه

انا شخصيا بمووووووووت فيها وادي الدليل

انا عامل دوتو مع شرين برد علي اغنيتها

ياله عيشووووو

******

بلدنا أمانه في ادينا

.

نعليها مدام عايشين

.

نعيش فيها سنين وسنين

.

واحنا مطمنين

**

بلدنا امانه في ايديهم

.

يبيعوا فيها مدام عايشين

.

ينهبوا فيها سنين وسنين

.

طول ما احنا كده ساكتين

****

ماشربتش من نيلها

.

لا دانا شارب من كيعاني

***

جربت تغنيلها

.

دانا بيغني عليا زماني

***

جربت في عز ما تحزن تمشي في شوارعها وتحكيلها

.

جربت لكني لقيتها بجزمه قديمه وجات رزعاني

***

ما مشيتش في ضواحيها

.

م المشي انا ورموا كعابي

***

طاب ماكبرتش فيها

.

دانا عجزت في عز شبابي

***

ولا ليك صوره عالرمله كانت عالشط في موانيها

.

لأ دانا ليه صور وانا واقف في طابور عيش والناس دهساني

***

دور جواك تلقاها

.

هي الصحبه وهي الاهل

.

عشرة بلدي بتبقي

.

نسيانها عالبال مش سهل

.

انا دورت لكني لقيتها

.

بلد الزحمه وعدم الشغل

.

لقمة عيشنا ولا بنلقاها

.

وبق الميه ماهوش بالسهل

***

يمكن ناسي لأنك فيها

.

مش وحشاك ولا غبت عليها

.

بس اللي مجرب وفارقها

.

قال في الدنيا مفيش بعديها

.

لأ مش ناسي انا دايما فاكر

.

في كل حاجه ترتيبها الاخر

.

نفسي في مره تكون كده سابقه

.

والاقي حد ييجي بعديها

***

ان غبت بحنلها

.

و انسي الدنيا واجيلها

.

وان جيت انسي تفكرني

.

بمليون زكري القلب شايلها

.

ان غبت انا متبهدل

.

وسفارتي ولا بتسأل

.

وان جيت ارجع عبارة الموت

.

بلاقيها واقفه تحمل

.

( مانا لو ليه كرامه في بلدي

.

كانت كرامتنا في عيرها هتفضل )

***

غاليه بلدنا علينا

.

وهتفضل في عنينا

.

ومدام بنحب بلدنا

.

يبقي هتتغير بادينا

.

اسعار غاليه علينا

.

وماهيش اد ادينا

.

ومدام الحزب حاكمنا

.

يبقي الفقر هيقضي علينا

.

***

احنا اللي نعليها

.

بادينا نخليها

.

اجمل لينا ولولادنا

.

مهما العمر يعدي علينا

.

طول ما الظلم ماليها

.

وطوارئ كد فيها

.

هنفضل خايفين من ايها

.

ظابط فاهم انه شاريها

********